‎ممبئی : ممبئی کے ولے پارلے اسٹیشن کی سیڑھیوں پر پاکستان کا قومی پرچم ہٹانے والی ایک برقعہ پوش مسلم خاتون سمیت پانچ افراد کے خلاف ممبئی پولیس نے مقدمہ درج کر لیا ہے۔ پاکستانی پرچم ہٹانے کی پاداش میں پولیس نے ازخود ایف آئی آر درج کی ہے۔ یہ ایف آئی آر اس وقت درج کی گئی جب برقعہ پوش خاتون اور اس کی حمایت کرنے والے نوجوانوں کا ویڈیو سوشل میڈیا پر وائرل ہوگیا۔ پہلگام حملہ کے خلاف بطور احتجاج سیڑھیوں پر پاکستان کا پرچم چسپاں کیا گیا تھا, لیکن خاتون نے اسے یہاں سے ہٹایا تو یہاں تنازع پیدا ہوگیا اور حالات کشیدہ ہوگئے۔ پولیس نے اس معاملہ میں پاکستانی پرچم کی حمایت کرنے والی خاتون اور 4 سے 5 نوجوانوں کے خلاف بی این ایس کی دفعات 189(9),190,352 کے تحت کیس درج کر لیا ہے۔ خاتون نے جب پرچم ہٹانا شروع کر دیا تو یہاں اس کی مخالفت شروع ہوگئی اسوقت خاتون اور اس کے ساتھیوں نے مجمع کے ساتھ بدسلوکی کرتے ہوئے گالی گلوج شروع کردی اس دوران حالات کشیدہ ہوگئے ولے پارلے مغرب میں اس واقعہ کے بعد پولیس نے نوٹس لیتے ہوئے مقدمہ درج کرلیا ہے۔ اس معاملہ میں بی جے پی لیڈر کریٹ سومیا نے بھی ایف آئی آر درج کرنے کا مطالبہ کیا تھا, بالآخر خاتون اور اس کے حامیوں کو پاکستان کی حمایت کرنے کے ساتھ پاکستانی پرچم کی حفاظت کرنا مہنگا پڑا ہے۔ دشمن ملک کی ہندوستان میں حمایت قانون شکنی ہے, یہ جرم کے مترادف ہے اس لئے ایسی حرکت کرنے سے گریز کرنا چاہئے۔

‎ممبئی : ممبئی پولیس کے ڈیجیٹل رکشک (ڈیجیٹل محافظ ) کے معرفت سوشل میڈیا پر ڈیجیٹل اریسٹ گرفتاری کے نام پر دھوکہ دہی کا شکار پانچ شکایت کنندہ کو ڈیجیٹل رکشک نے محفوظ کیا ہے۔ ممبئی میں ڈیجیٹل اریسٹ کے نام پر سی بی آئی، ای ڈی اور پولیس افسران کے معرفت سوشل میڈیا اور وہاٹس اپ پر نوٹس ارسال کر کے تفتیش کے نام پر ویڈیو کالنگ اور تفتیش کے نام پر کیس سے محفوظ کرنے پر خطیر رقم کا مطالبہ کیا جاتا ہے۔ اسی مناسبت سے ممبئی پولیس نے ڈیجیٹل رکشک ایپ تیار کیا ہے, اس ہیلپ لائن پر پانچ متاثرہ شکایت کنندہ کی شکایت پر کارروائی کی گئی۔ ممبئی کے چمبور علاقہ میں سوشل میڈیا پر ایک بزرگ کو ڈیجیٹل ارسٹ کہہ کر ویڈیو کال کی گئی اور کہا گیا کہ ان کے بینک اکاؤنٹ میں خطیر رقم ہے, اور ان کے دستاویزات، آدھار کارڈ اور پین کارڈ کا استعمال غیر قانونی سر گرمی میں ہوئے ہیں۔ بزرگ کو کال پر مخاطب نے سی بی آئی افسر بتایا تھا اور ویڈیو کال منقطع نہ کرتے ہوئے پیسوں کا مطالبہ کیا تھا, اسی دوران متاثرہ کی صاحبزادی جب گھر میں داخل ہوئی تو اس نے اپنے والد کو خوفزدہ پایا اور پھر اس نے والد سے معلوم کیا کہ وہ خوفزدہ کیوں ہے, اس پر والد نے بتایا کہ سی بی آئی افسر کا کال تھا اور انہوں نے اس معاملہ میں رقم کی منتقل کی ہے۔ جس کے بعد ممبئی پولیس کی ڈیجیٹل رکشک ہیلپ لائن پر متاثرہ نے رابطہ کیا اور پھر یہ نوٹس پولیس کو بتایا اس کے بعد یہ تصدیق ہوئی کہ یہ نوٹس سی بی آئی اور ای ڈی کی فرضی نوٹس تیار کر کے وہاٹس اپ پر ارسال کی گئی ہے۔ پولیس نے ڈیجیٹل اریسٹ کے پانچ معاملات کو حل کئے ہیں اور شہریوں سے اپیل کی ہے کہ ڈیجیٹل اریسٹ کوئی بھی سیکورٹی ادارہ نہیں کرتا ہے اور نہ ہی وہاٹس اپ پر تفتیش کی جاتی ہے اس لئے ایسے عناصر سے ہوشیار رہے۔

اسلام آباد : پاکستان کے صوبہ بلوچستان میں فوجی قافلے پر حملے میں چھ فوجی ہلاک ہو گئے۔ ہلاک ہونے والوں میں ایک فوجی اہلکار بھی شامل ہے۔ یہ حملہ بولان کے علاقے میں ہوا جہاں چند ماہ قبل باغیوں نے جعفر ایکسپریس ٹرین کو ہائی جیک کر لیا تھا۔ پاکستانی فوج کا کہنا ہے کہ حملہ اس وقت ہوا جب فوجی قافلہ علاقے میں گشت کر رہا تھا۔ اس دوران گاڑی کو نشانہ بنا کر حملہ کیا گیا۔ حملہ اتنا زور دار تھا کہ گاڑی کے ٹکڑے ٹکڑے ہو گئے اور اس میں سوار چھ فوجی موقع پر ہی ہلاک ہو گئے۔ اسلام آباد: پاکستان کے صوبہ بلوچستان میں فوجی قافلے پر حملے میں چھ فوجی ہلاک ہو گئے۔ ہلاک ہونے والوں میں ایک فوجی اہلکار بھی شامل ہے۔ یہ حملہ بولان کے علاقے میں ہوا جہاں چند ماہ قبل باغیوں نے جعفر ایکسپریس ٹرین کو ہائی جیک کر لیا تھا۔ پاکستانی فوج کا کہنا ہے کہ حملہ اس وقت ہوا جب فوجی قافلہ علاقے میں گشت کر رہا تھا۔ اس دوران گاڑی کو نشانہ بنا کر حملہ کیا گیا۔ حملہ اتنا زور دار تھا کہ گاڑی کے ٹکڑے ٹکڑے ہو گئے اور اس میں سوار چھ فوجی موقع پر ہی ہلاک ہو گئے۔

بولان کی پہاڑیاں بلوچستان کے باغی گروپوں کا گڑھ ہیں۔ بلوچستان لبریشن آرمی کی یہاں مضبوط موجودگی ہے۔ پہاڑی علاقے اور کئی مقامات پر قدرتی غاروں کی کثرت کی وجہ سے پاکستانی فوج کے لیے باغیوں کو تلاش کرنا آسان نہیں ہے۔ یہی وجہ ہے کہ 11 مارچ 2025 کو جعفر ایکسپریس ٹرین ہائی جیکنگ کے دوران پاکستانی فوج کو مشکل وقت کا سامنا کرنا پڑا، اس ہائی جیکنگ کی ذمہ داری بلوچستان لبریشن آرمی نے قبول کی۔