Connect with us
Thursday,10-July-2025
تازہ خبریں

(جنرل (عام

مہاراشٹر کے دھولیہ میں بجلی محکمہ کے دو افسران کو اینٹی کرپشن بیورو نے رشوت لیتے ہوئے رنگ ہاتھوں گرفتار کیا

Published

on

arrested

(عطاؤالرحمٰن)
شہر دھولیہ میں محکمہ توانائی مہاوترن کے ایک 47 سالہ ٹھیکیدار سے نئے کاموں کے اسٹیمیٹ کو منظوری دینے اور پرانے کاموں میں منافع خوری کرنے کے عوض میں مہاوترن کے چیف انجینئر کلاس ون افسر سدرشن گلاب راؤ سالونکھے، 52 سال ساکن پلاٹ نمبر 61 شردھا نگر کالونی ناکہ روڈ دیو پور دھولیہ نے 1 لاکھ رویے کی رشوت طلب کی تھی وہیں دوسرا ملزم 29 سالہ سیکنڈ کلاس افسراسسٹنٹ انجینئر سوپنیل اشوک مالی ، ساکن شیرپور ضلع دھولیہ نے 30 ہزار روپے کی رشوت طلب کی تھی جس کے بعد شکایت کنندہ نے اس کی شکایت ناسک اینٹی کرپشن بیورو کو دی . شکایت ملتے ہی ناسک گرامین ضلع ایس پی سنیل کڑاسنے ، ایڈیشنل ایس پی نیلیش سونونے کی رہنمائی میں ڈی واے ایس پی سنیل کراڑے ، پی آئی پرکاش جھوڑگے نے اپنی ٹیم کے ساتھ جال بچھا کر ملزم سدرشن گلاب راؤ سالونکھے کو 50 ہزار روپے اور ملزم سوپنیل مالی کو 21 ہزار روپے کی رشوت طلب کرتے ہوئے رنگے ہاتھوں گرفتار کیا۔ واضح رہے کہ اس ضمن میں مالیگاؤں میں بجلی محکمہ کی دھاندلی اور رشوت خوری عام ہوتی جارہی ہے. پاور لوم کارخانے دار نوید اختر کے پاور لوم کارخانے میں کٹ ہوا بجلی کا میٹر لگانے کے لئے رشوت طلب کی تھی. اس بات کی خبر نوید اختر نے ناسک اینٹی کرپشن کو دی. ناسک اینٹی کرپشن ٹیم نے 22 نومبر 2019 کو (1) وکاس سبھاش گائیکواڑ اسسٹنٹ انجینئر ، (2) محمّد اسماعیل محمّد یوسف 62 سال ساکن مہاڈا پلاٹ نمبر 429 ٹیپو سلطان چوک کے پاس کو 40 ہزار روپئے کی رقم طلب کرتے ہوئے رنگے ہاتھوں گرفتار کیا تھا.

ممبئی پریس خصوصی خبر

سنجے سرشاٹ کو انکم ٹیکس محکمہ کا نوٹس، الیکشن میں حلف نامہ میں مندرجہ جائیداد کی تفصیلات پیش کرنے کا حکم

Published

on

Sanjay-Shirsat

ممبئی رکن پارلیمان اور وزیر اعلیٰ ایکناتھ شندے کے فرزند سریکانت شندے کو انکم ٹیکس کی نوٹس سے متعلق شندے سینا کے وریر سنجے سرشاٹ نے یہ واضح کیا ہے کہ میرے حوالہ سے جو خبر نیوز چینل میں نشر کی جارہی ہے کہ سریکانت شندے کو انکم ٹیکس محکمہ کی نوٹس موصول ہوئی ہے, میں اس سے لاعلم ہوں, لیکن مجھے نوٹس موصول ہوئی ہے اور یہ نوٹس مجھے اپنے ۲۰۲۴ کے الیکشن میں حلف نامہ میں جائیداد سے متعلق تفصیلات پیش کرنے پر دی گئی ہے, اور اس میں جائیداد کی تفصیلات بھی طلب کی گئی ہے۔ انہوں نے بتایا کہ میں نے ایسا نہیں کہا ہے کہ سریکانت شندے کو نوٹس ملی ہے یا نہیں مجھ سے یہ دریافت کیا گیا کہ سریکانت شندے اور سنجے سرشاٹ کو انکم ٹیکس کی نوٹس سیاسی دباؤ کا نتیجہ تو نہیں ہے اس پر میں نے اپنا موقف واضح کیا تھا, البتہ میرے نام سے گمراہ کن خبر نشر کی جارہی ہے کہ میں یہ بتایا ہے کہ سریکانت شندے کو نوٹس موصول ہوئی ہے یہ سراسر غلط ہے, مجھے جو نوٹس موصول ہوئی ہے اس کا جواب میں کچھ دنوں میں ارسال کروں گا۔ انکم ٹیکس محکمہ کا کام وہ کر رہا ہے اور میں اپنا کام کروں گا۔

Continue Reading

سیاست

ممبئی عوامی تحفظ بل پولس اسٹیٹ بنانے کی کوشش، مہاراشٹر سماج وادی پارٹی لیڈر ابوعاصم اعظمی کا دعوی

Published

on

asim

ممبئی مہاراشٹر سماجوادی پارٹی لیڈر اور رکن اسمبلی ابوعاصم اعظمی نے عوامی تحفظ بل کی مخالفت کی ہے اور اس بل کو ماؤنوازوں کی آڑ میں عوام کی آواز دبانے کی کوشش قرار دی ہے۔ اعظمی نے یہاں ودھان بھون میں صحافیوں سے خطاب کرتے ہوئے کہا کہ اس بل کی کوئی ضرورت نہیں تھی, لیکن اس کے باوجود سرکار نے بل سازی سے پولس کو زائد اختیارات دئیے ہیں, یہ بل پولس اسٹیٹ بنانے کی کوشش ہے۔ انہوں نے کہا کہ ٹاڈا پوٹا مکوکا جیسے قانون موجود ہے, اس کی کوئی ضرورت نہیں تھی, سرکار عام عوام کی آواز دبانے کے لئے مسلسل اس قسم کے قانون سازی کر رہی ہے, یہ عوامی مفاد کے لئے بھی خطرہ ہے۔ اعظمی نے کہا کہ انڈیا الائنس کو متحد ہونا چاہیے۔ یوپی میں سماج وادی پارٹی سے انڈیا کانگریس کا اتحاد ہوا تو اسے زائد نشست حاصل ہوئی ہے, اس لئے تمام سیکولر پارٹیوں کو متحد ہونا چاہئے۔ انہوں نے کہا کہ ایوان اسمبلی میں یہ بل پیش ہوگا, ہم اس کی مخالفت کرتے ہیں یہ بل عوام مخالف بل ہے, اس میں پولس کو زیادہ اختیارات دئیے گئے ہیں اور کوئی سرکار کے خلاف تنقید کرتا ہے تو اس پر کارروائی کا بھی اختیار دیا گیا ہے ایسے میں سرکار کے خلاف لب کشائی بھی جرم ہو تو اس لئے یہ بل عوام مخالف ہے۔

Continue Reading

(جنرل (عام

سپریم کورٹ نے کہا کہ بہار میں ووٹر لسٹ پر نظرثانی کا عمل جاری رہے گا۔ عدالت نے ووٹر لسٹ میں آدھار کارڈ، ووٹر کارڈ اور راشن کارڈ کو شامل کرنے کو کہا ہے۔

Published

on

supreme-court

نئی دہلی : بہار میں ووٹر لسٹ کی نظر ثانی کو لے کر بڑی خبر سامنے آئی ہے۔ سپریم کورٹ نے کہا ہے کہ ریاست میں ووٹر لسٹ پر نظر ثانی کا کام جاری ہے۔ اس کے ساتھ ہی سپریم کورٹ نے کہا کہ ووٹر لسٹ کی نظرثانی میں آدھار کارڈ، ووٹر کارڈ اور راشن کارڈ کو شامل کیا جائے۔ سپریم کورٹ نے کہا کہ آئینی ادارے کا کام نہیں روکا جا سکتا۔ سپریم کورٹ نے جمعرات کو بہار میں ووٹر لسٹ کی خصوصی مکمل نظر ثانی (ایس آئی آر) کرنے کے الیکشن کمیشن کے فیصلے کے خلاف دائر درخواستوں پر سماعت شروع کی۔ جسٹس سدھانشو دھولیا اور جسٹس جویمالیہ باغچی کی بنچ نے کیس کی سماعت کرتے ہوئے الیکشن کمیشن کو راحت دی۔ عدالت نے کہا کہ ووٹر لسٹ چیک کرنا جمہوری کام ہے۔ ہم اسے نہیں روک سکتے۔ سپریم کورٹ نے الیکشن کمیشن سے اس معاملے میں اپنا جواب داخل کرنے کو کہا ہے۔ سپریم کورٹ اب کیس کی اگلی سماعت 28 جولائی کو کرے گی۔

سپریم کورٹ کی سماعت کے اہم نکات
سپریم کورٹ نے الیکشن کمیشن سے کہا کہ وہ بہار میں ووٹر لسٹ کے لیے لوگوں کے آدھار کارڈ، ووٹر شناختی کارڈ اور راشن کارڈ پر غور کرے۔
سپریم کورٹ نے کہا کہ خصوصی گہری نظرثانی ایک اہم مسئلہ ہے جو ’’جمہوریت کی جڑ اور ووٹ کی طاقت‘‘ تک جاتا ہے۔
عدالت عظمیٰ نے الیکشن کمیشن سے تین مسائل پر جواب طلب کیا ہے – ووٹر لسٹ پر نظرثانی کا حق، اس کے لیے اپنایا گیا طریقہ کار اور عمل کا وقت۔
سپریم کورٹ نے ریاست میں شہریت ثابت کرنے کے لیے ضروری 11 درج دستاویزات میں آدھار کو شامل نہ کرنے پر تشویش کا اظہار کیا۔

اس معاملے کو لے کر سپریم کورٹ میں 10 سے زیادہ درخواستیں دائر کی گئی ہیں۔ ان میں اہم درخواست گزار غیر سرکاری تنظیم ‘ایسوسی ایشن فار ڈیموکریٹک ریفارمز’ ہے۔ آر جے ڈی کے رکن پارلیمنٹ منوج جھا اور ترنمول کانگریس کے رکن اسمبلی مہوا موئترا کے علاوہ کانگریس کے کے سی وینوگوپال، شرد پوار کی زیرقیادت این سی پی گروپ کی سپریا سولے، سی پی آئی کے ڈی راجہ، سماج وادی پارٹی کے ہریندر سنگھ ملک، شیو سینا (اُبتھا) کے اروند ساونت، جھارکھنڈ مکتی مورچہ کے سرفراز احمد اور سی پی آئی (سی پی آئی) بھاچاریہ کے مشترکہ طور پر رابطہ کر چکے ہیں۔ سپریم کورٹ سبھی لیڈروں نے بہار میں ووٹر لسٹ پر خصوصی نظر ثانی کے الیکشن کمیشن کے حکم کو چیلنج کیا ہے اور اسے منسوخ کرنے کی ہدایت دینے کی درخواست کی ہے۔

Continue Reading
Advertisement

رجحان

WP2Social Auto Publish Powered By : XYZScripts.com