ممبئی : مہاراشٹر مہایوتی سرکار کے کابینہ میں تبدیلی کا امکان اب روشن ہوگیا ہے۔ سنجے گائیکواڑ کا ایم اے ایل ہوسٹل میں ملازم پر تشدد، گوپی چندر پڈلکر اور جتندر آہواڑ کے کارکنان میں تصادم، وزیر زراعت کوکاٹے کا ایوان اسمبلی میں جنگلی رمی کھیلتے ہوے ویڈیو وائرل ہونے کے بعد کئی وزراء سے آرام دینے کا منصوبہ بھی زیر غور ہے۔ ایسے میں کئی متنازع وزراء سے وزارت کا قلمدان چھیننے کی قیاس آرائیاں شروع ہوگئی ہے۔ مہایوتی میں اجیت پوار این سی پی، شندے سینا اور بی جے پی کے وزراء شامل ہیں۔ ایسے میں کئی وزراء کے خلاف انکوائری کے ساتھ ان کے متنازع بیانات کے سبب عوام میں سرکار کی شبیہ خراب ہوئی ہے۔ اسی کے پیش نظر اب مہایوتی کابینہ میں ردوبدل اور تبدیلی کا امکان روشن ہوگیا ہے۔ وزراء کے 100 دنوں کے کام کاج کا معائنہ اور آڈیٹ کے بعد کئی وزراء کو آرام دینے کا منصوبہ ہے۔ کوکاٹے پر الزامات کے بعد اب این سی پی اجیت پوار گروپ کے دھرم راؤ اترام کو وزرات فراہم کرنے کی بھی چرچا اور چہ میگوئیاں ہیں۔ کئی نئے چہروں کو وزراتوں میں شامل کرنے کی بھی امکان ہے۔

کوکاٹے نے اترام پر تنقید کی ہے اور کہا ہے کہ میرے پاس 30 سے 35 برسوں کا تجربہ ہے, میں نے کئی وزارت سنبھالی ہے, عوام کے ساتھ بہتر حسن سلوک کیسے رواں رکھنا ہے مجھے معلوم ہے۔ انہوں نے کہا کہ وزارت ملنے کے بعد پابندی عائد ہوتی ہے اور اسی کی مناسبت سے گفتگو کرنا ہوتا ہے, اور اس بندشوں کا خیال رکھنا بھی لازمی ہے۔ انہوں نے کہا کہ اترام سے متعلق فیصلہ این سی پی لیڈر اجیت پوار کریں گے۔ بلدیاتی انتخابات پیش نظر مہایوتی سرکار نے تیاریاں بھی شروع کر دی ہے۔ اور اجیت پوار ودربھ کے دورہ کے دوران اترام سے متعلق کوئی فیصلہ کر سکتے ہیں۔ متنازع وزراء اور مانک راؤ کوکاٹے کی کرسی خطرہ میں ہے, بلدیاتی انتخابات سے قبل تبدیلیاں یقینی ہے۔

نئی دہلی، 24 جولائی 2025 — بھارت کی سپریم کورٹ نے بمبئی ہائی کورٹ کے اُس حالیہ فیصلے پر روک لگا دی ہے جس کے تحت 2006 کے ممبئی لوکل ٹرین بم دھماکوں کے مقدمے میں سزا یافتہ 12 افراد کو بری کر دیا گیا تھا۔ تاہم، عدالتِ عظمیٰ نے یہ بھی واضح کیا کہ مقدمہ جاری رہنے کے دوران ان ملزمان کو دوبارہ جیل نہیں جانا پڑے گا۔

یہ اقدام مہاراشٹرا حکومت کی جانب سے ہائی کورٹ کے فیصلے کو چیلنج کیے جانے کے چند روز بعد سامنے آیا ہے۔ حکومت نے تمام 12 افراد کی بریت پر شدید تشویش ظاہر کی تھی، جنہیں تقریباً ایک دہائی قبل قصوروار قرار دیا گیا تھا۔ سپریم کورٹ نے اپیل پر غور کرنے کی منظوری دیتے ہوئے بریت کے فیصلے کو عارضی طور پر معطل کر دیا ہے۔

مقدمے کا پس منظر

11 جولائی 2006 کو ممبئی کی ویسٹرن ریلوے لائن پر شام کے رش کے وقت مقامی ٹرینوں میں سلسلہ وار بم دھماکے ہوئے تھے۔ ان حملوں میں تقریباً 190 افراد جاں بحق اور 800 سے زائد زخمی ہوئے تھے۔ یہ حملے بھارت کی تاریخ کے بدترین دہشت گرد حملوں میں شمار کیے جاتے ہیں۔

2015 میں ایک خصوصی عدالت نے انسدادِ دہشت گردی قوانین کے تحت 12 افراد کو مجرم قرار دیا تھا، جن میں سے 5 کو سزائے موت اور باقی کو عمر قید کی سزا سنائی گئی تھی۔ تاہم، جولائی 2025 میں بمبئی ہائی کورٹ نے ان تمام افراد کو بری کر دیا، یہ کہتے ہوئے کہ مقدمے میں پیش کردہ شواہد کمزور، ناقابلِ اعتبار تھے، گواہوں کے بیانات میں تضاد تھا، اور تفتیش میں کئی قانونی خامیاں پائی گئیں۔

سپریم کورٹ کی مداخلت

ریاستی حکومت کی درخواست پر سماعت کرتے ہوئے سپریم کورٹ نے معاملے کی سنجیدگی کو مدنظر رکھتے ہوئے ہائی کورٹ کے فیصلے کو وقتی طور پر معطل کر دیا۔ عدالت نے کہا کہ اگرچہ بریت کے فیصلے پر روک لگا دی گئی ہے، لیکن جن ملزمان کو پہلے ہی رہا کیا جا چکا ہے، اُنہیں فی الحال دوبارہ گرفتار نہیں کیا جائے گا۔

حکومت کا مؤقف

مہاراشٹرا حکومت نے ہائی کورٹ کے فیصلے کو انتہائی تشویشناک قرار دیا۔ حکومت کا کہنا ہے کہ ابتدائی مقدمے میں مکمل قانونی تقاضے پورے کیے گئے تھے اور اہم شواہد—جیسے اعترافات اور برآمد شدہ مواد—کو غلط طور پر مسترد کر دیا گیا۔ حکومت نے سپریم کورٹ سے اپیل کی کہ وہ اصل فیصلے کو بحال کرے تاکہ متاثرین اور اُن کے خاندانوں کو انصاف مل سکے۔

آئندہ کا راستہ

سپریم کورٹ اب ہائی کورٹ کے فیصلے اور استغاثہ کے شواہد کا تفصیلی جائزہ لے گی۔ عدالت کا حتمی فیصلہ مستقبل میں دہشت گردی سے متعلق مقدمات کی تفتیش اور قانونی کارروائیوں پر گہرا اثر ڈال سکتا ہے—خصوصاً اعترافی بیانات، فرانزک شواہد اور قانونی عمل کی پاسداری کے حوالے سے۔

یہ مقدمہ اپنی تاریخی اہمیت اور انصاف کے نظام پر پڑنے والے اثرات کے باعث قومی سطح پر زیرِ بحث ہے۔ متاثرین کے اہلِ خانہ، قانونی ماہرین اور انسانی حقوق کے کارکنان سبھی اس معاملے پر سپریم کورٹ کے فیصلے کا بے صبری سے انتظار کر رہے ہیں۔

‎ممبئی میونسپل کارپوریشن حدود کو پانی فراہم کرنے والی 7 جھیلوں میں سے تانسا جھیل آج (23 جولائی 2025) کو لبریز ہو گئی۔ ممبئی میونسپل کارپوریشن کے واٹر انجینئرنگ ڈپارٹمنٹ کے مطابق، یہ جھیل آج شام 5:40 بجے سے بہنے لگی ہے۔ میونسپل کارپوریشن بی ایم سی علاقے کو پانی فراہم کرنے والی 7 جھیلوں میں سے ‘ہندو ہردئے سمراٹ شیو سینا پرمکھ بالاصاحب ٹھاکرے مدھیہ ویترنا ریزروائر’ کے 3 دروازے 7 جولائی 2025 کو کھول دیے گئے ہیں۔ وہیں مودک ساگر جھیل 9 جولائی کو چھلک گئی تھی، جس کے بعد 9 جولائی کو 2025 تک پانی کا بہاؤ شروع ہو گیا تھا۔ گزشتہ چند دنوں سے مسلسل موسلادھار بارش کی وجہ سے آبی ذخائر میں پانی کی سطح میں تیزی سے اضافہ ہوا ہے۔ آج صبح 6 بجے کیے گئے حساب کے مطابق، تمام سات جھیلوں کی کل گنجائش کا 86.88 فیصد ہے۔

تانسا ڈیم تھانے ضلع کے شاہ پور تعلقہ میں واقع ہے اور اسے پتھر کے قدیم ترین ڈیموں میں سے ایک سمجھا جاتا ہے۔ ‎تانسا جھیل کی زیادہ سے زیادہ پانی ذخیرہ کی گنجائش،، 14,508 کروڑ لیٹر (145,080 ملین لیٹر) ہے۔ ‎تانسا جھیل گزشتہ سال 24 جولائی 2024 کو صبح 4.16 بجے، 26 جولائی 2023 کو صبح 4.35 بجے، جب کہ سال 2022 میں 14 جولائی کو شام 8.50 بجے اور سال 2021 میں 22 جولائی کو صبح 05.48 منٹ پر بہنا شروع ہوئی۔ پچھلے سال، یعنی 20 اگست 2020 کو، یہ مکمل طور پر چھلک گئی اور شام 7.05 بجے بہنا شروع ہوا۔