‎ممبئی : ممبئی پولیس کے ڈیجیٹل رکشک (ڈیجیٹل محافظ ) کے معرفت سوشل میڈیا پر ڈیجیٹل اریسٹ گرفتاری کے نام پر دھوکہ دہی کا شکار پانچ شکایت کنندہ کو ڈیجیٹل رکشک نے محفوظ کیا ہے۔ ممبئی میں ڈیجیٹل اریسٹ کے نام پر سی بی آئی، ای ڈی اور پولیس افسران کے معرفت سوشل میڈیا اور وہاٹس اپ پر نوٹس ارسال کر کے تفتیش کے نام پر ویڈیو کالنگ اور تفتیش کے نام پر کیس سے محفوظ کرنے پر خطیر رقم کا مطالبہ کیا جاتا ہے۔ اسی مناسبت سے ممبئی پولیس نے ڈیجیٹل رکشک ایپ تیار کیا ہے, اس ہیلپ لائن پر پانچ متاثرہ شکایت کنندہ کی شکایت پر کارروائی کی گئی۔ ممبئی کے چمبور علاقہ میں سوشل میڈیا پر ایک بزرگ کو ڈیجیٹل ارسٹ کہہ کر ویڈیو کال کی گئی اور کہا گیا کہ ان کے بینک اکاؤنٹ میں خطیر رقم ہے, اور ان کے دستاویزات، آدھار کارڈ اور پین کارڈ کا استعمال غیر قانونی سر گرمی میں ہوئے ہیں۔ بزرگ کو کال پر مخاطب نے سی بی آئی افسر بتایا تھا اور ویڈیو کال منقطع نہ کرتے ہوئے پیسوں کا مطالبہ کیا تھا, اسی دوران متاثرہ کی صاحبزادی جب گھر میں داخل ہوئی تو اس نے اپنے والد کو خوفزدہ پایا اور پھر اس نے والد سے معلوم کیا کہ وہ خوفزدہ کیوں ہے, اس پر والد نے بتایا کہ سی بی آئی افسر کا کال تھا اور انہوں نے اس معاملہ میں رقم کی منتقل کی ہے۔ جس کے بعد ممبئی پولیس کی ڈیجیٹل رکشک ہیلپ لائن پر متاثرہ نے رابطہ کیا اور پھر یہ نوٹس پولیس کو بتایا اس کے بعد یہ تصدیق ہوئی کہ یہ نوٹس سی بی آئی اور ای ڈی کی فرضی نوٹس تیار کر کے وہاٹس اپ پر ارسال کی گئی ہے۔ پولیس نے ڈیجیٹل اریسٹ کے پانچ معاملات کو حل کئے ہیں اور شہریوں سے اپیل کی ہے کہ ڈیجیٹل اریسٹ کوئی بھی سیکورٹی ادارہ نہیں کرتا ہے اور نہ ہی وہاٹس اپ پر تفتیش کی جاتی ہے اس لئے ایسے عناصر سے ہوشیار رہے۔

‎ممبئی : ممبئی مسجدوں کے لاؤڈ اسپیکر کے معاملہ میں اب ممبئی پولیس بھی حرکت میں آگئی ہے اور ممبئی پولیس نے صوتی آلودگی کے اصول کی خلاف ورزی پر مسجدوں پر کارروائی بھی شروع کر دی ہے۔ اسی مناسبت سے ممبئی پولیس مسجدوں کی صوتی آلودگی کی پیمائش بھی کر رہی ہے, جس میں صوتی آلودگی کے اصولوں کی خلاف ورزی پر مسجد پر کارروائی بھی کی جارہی ہے۔ بی جے پی لیڈر کریٹ سومیا کی شر انگیزی کے بعد اب ممبئی پولیس نے بھی لاؤڈ اسپیکر کے خلاف کارروائی شروع کر دی ہے۔ ممبئی کی مشہور جامع مسجد میں ظہر کی نماز کی اذان کے دوران پولیس نے صوتی آلودگی اور لاؤڈ اسپیکر کے ڈسیپل کی پیمائش کی اور آلہ کے معرفت یہ معلوم کیا گیا کہ ہائیکورٹ اور سپریم کورٹ کی رہنمایانہ اصول کے مطابق مقررہ ڈسیبل میں ہی اذان دی جارہی ہے یا نہیں۔

‎جامع مسجد کے ٹرسٹی شعیب خطیب نے کہا کہ ممبئی پولیس ایل ٹی مارگ کا عملہ ظہر کے دوران مسجد کی اذان اور صوتی آلودگی کے اصول کے مطابق اس کی پیمائش کرنے آئے تھے۔ اس کے ساتھ ہی ممبئی کی تمام مسجد میں صوتی آلودگی اور لاؤڈ اسپیکر سے متعلق پولیس نے پیمائش کرنے کا عمل شروع کر دیا ہے, اور آلہ پیمائش سے پولیس ڈسیبل کی جانچ کرتی جارہی ہے۔ اگر ڈسیبل مقرر حد سے زیادہ ہے تو مسجد کو نوٹس بھی ارسال کیا جاتا ہے۔ ممبئی میں کریٹ سومیا کی لاؤڈ اسپیکر مکت یعنی لاؤڈ اسپیکر سے پاک ممبئی شہر مہم کے بعد اب ممبئی میں پولیس بھی حرکت میں آگئی ہے اور پولیس نے باضابطہ طور پر لاؤڈ اسپیکر کے خلاف کارروائی بھی شروع کر دی ہے۔ ٹرسٹیان کو بھی صوتی آلودگی کے اصولوں سے متعلق آگاہ کر دیا گیا ہے۔ ممبئی پولیس لاؤڈ اسپیکر کا جو اجازت نامہ فراہم کرتی ہے اس میں اب باکس ٹائپ لاؤڈ اسپیکر کے استعمال پر زور دیا گیا ہے۔

ممبئی : سیوڑی آر اے قدوائی مارگ پولیس اسٹیشن کی حدود میں جین مندر میں نقب زنی کرنے والے تین نقاب پوش لٹیروں کو پولیس نے گرفتار کرنے کا دعوی کیا ہے۔ 22 اپریل کی نصف شب 2 بجے تین نامعلوم لٹیرے جین مندر کا قفل توڑ کر داخل ہوئے, مندر میں موجود مورتی کے زیورات سونے کا ٹیکا، سونے کی کاپٹی، چاندی کا مکوٹ عطیات بکس کی رقم کل 7 لاکھ سے زائد کے زیورات اور نقدی چوری کر کے فرار ہوگئے تھے۔ چوری کے دوران نامعلوم نقب زنوں نے سی سی ٹی وی کیمرے اور ویڈیو فوٹیج کو نقصان پہنچایا تھا اور اس کے وائر بھی منقطع کر دئیے تھے, اس لئے ان کی تلاش مشکل تھی لیکن پولیس ٹیم نے یہاں علاقہ میں 29 مقامات پر تقریبا 70 سے زائد سی سی ٹی وی فوٹیج کا معائنہ کیا جس میں ان ملزمین کی شناخت ہوگئی ملزمین نے منہ پر ہاتھ رومال سے اپنا چہرہ ڈھانپ لیا تھا تاکہ اس کی شناخت نہ ہو سکے, لیکن پولیس نے ٹکنالوجی کا استعمال کرتے ہوئے تینوں چور سنیل سنگھ سورج سنگھ، راہل سنگھ پروین سنگھ،جگر دنیش سنگھ واگھیلا کو گرفتار کر لیا ملزمین کے قبضے سے مسروقہ مال اور ساز وسامان کی برآمد ہوگئی ہے۔ یہ کارروائی ممبئی پولیس کمشنر دیوین بھارتی کی سر براہی میں جوائنٹ پولیس کمشنر ستیہ نارائن چودھری اورڈی سی پی راگسودھا کی ایماء پر کی گئی ہے۔