پونے : ہائی سیکیورٹی نمبر پلیٹس (ایچ ایس آر پی) حاصل کرنے کی آخری تاریخ جیسے جیسے قریب آرہی ہے، ان نمبر پلیٹس کے حصول کے لیے درخواستوں کی رفتار ایک بار پھر سست پڑ گئی ہے۔ شہر میں اب تک 7 لاکھ 37 ہزار 219 گاڑیوں نے ہائی سیکیورٹی نمبر پلیٹس کے لیے درخواستیں دی ہیں۔ ان میں سے 5 لاکھ 19 ہزار گاڑیوں میں یہ نمبر پلیٹس لگائی گئی ہیں۔ پونے میں 20 لاکھ گاڑیوں میں یہ نمبر پلیٹیں لگنا باقی ہیں۔ اس لیے نمبر پلیٹس کی آخری تاریخ میں توسیع کا امکان ہے۔

عدالتی حکم کے مطابق محکمہ ٹرانسپورٹ نے اپریل 2019 سے پہلے تیار ہونے والی تمام گاڑیوں میں ہائی سیکیورٹی نمبر پلیٹس لگانا لازمی قرار دے دیا ہے۔ ہائی سیکیورٹی نمبر پلیٹس لگانے کا کام گزشتہ چھ ماہ سے جاری ہے۔ پونے میں کل 26 لاکھ 33 ہزار گاڑیوں میں یہ نمبر پلیٹس لگائی جانی ہیں۔ اب تک صرف 7 لاکھ 37 ہزار 219 گاڑیوں کے مالکان نے ہی رجسٹریشن کرائی ہے۔ شروع میں فٹنگ سینٹرز کی تعداد کم تھی۔ بعد ازاں تعداد میں کسی حد تک اضافہ کیا گیا لیکن پھر بھی گاڑیوں کے مالکان کی جانب سے سیکیورٹی پلیٹ لگانے میں غفلت برتی جارہی ہے۔ ریجنل ٹرانسپورٹ ڈپارٹمنٹ کو حکم دیا گیا ہے کہ وہ کسی بھی قسم کی سرگرمیاں نہ کرے جیسے ہائی سیکیورٹی پلیٹس کے بغیر گاڑیوں کی خرید و فروخت، گاڑیوں کی منتقلی، پتہ کی تبدیلی، بینک قرض کی منسوخی، گاڑیوں کے فٹنس سرٹیفکیٹ وغیرہ۔

آر ٹی او نے روماٹو کمپنی کے عہدیداروں کو ہدایت دی ہے کہ وہ فٹمنٹ مراکز کی تعداد میں اضافہ کریں۔ اس وقت شہر میں فٹمنٹ سینٹرز کی تعداد 206 ہے, لیکن شہر میں گاڑیوں کی بڑھتی ہوئی تعداد کو دیکھتے ہوئے فٹمنٹ سینٹرز کی تعداد میں مزید اضافہ کرنے کی ضرورت ہے۔ نمبر پلیٹ لگانے والی کمپنی اس طرف توجہ نہیں دے رہی۔ جس کی وجہ سے لوگوں کو نمبر پلیٹ لگوانے میں کافی وقت لگ رہا ہے اور گاڑیوں کے مالکان بھی کسی حد تک نظر انداز ہو رہے ہیں۔

اہم نکات
26 لاکھ 33 ہزار گاڑیوں میں نمبر پلیٹس لگائی جائیں گی۔
7 لاکھ 37 ہزار 219 نمبر پلیٹس کے لیے درخواستیں
5 لاکھ 19 ہزار 760 نمبر پلیٹس لگائی گئی ہیں۔

ہائی سیکورٹی پلیٹس لگانے کا کام شروع ہونے کے بعد پہلے 30 اپریل تک کی ڈیڈ لائن دی گئی تھی۔ اب آخری تاریخ 15 اگست تک بڑھا دی گئی ہے۔ پونے میں قدرے اچھا ردعمل آیا ہے۔ لیکن ریاست میں بہت کم رسپانس کی وجہ سے نمبر پلیٹس لگانے کی آخری تاریخ میں دوبارہ توسیع کا امکان ہے۔

ممبئی : مہاراشٹر مہایوتی سرکار کے خلاف اب اپوزیشن نے محاذ کھول دیا ہے۔ ممبئی کے شیواجی پارک میں شیوسینا سر براہ ادھو ٹھاکرے بدعنوانی، داغدار اور بدعنوان وزراء کو بے دخل کرنے کا مطالبہ کیا ہے۔ ریاست گیر احتجاج کے دوران ادھو ٹھاکرے نے برسر اقتدار حکمراں محاذ کو آڑے ہاتھوں لیتے ہوئے سرکار پر سخت تنقید کی ہے۔ انہوں نے کہا کہ حکمراں پارٹی سے لڑنے کیلئے مرد کی ضرورت ہوتی ہے اور وہ مرد شیوسینا ہے۔ انہوں نے کہا کہ ریاست میں وزیر کھیل نہیں بلکہ رمی وزیر ہے۔ ادھو نے کہا کہ آج مہاراشٹر بیدار ہے شیوسینا مہاراشٹر کے ہر شہر اور ضلع میں سڑکوں پر نکل کر احتجاجی مظاہرہ کے ساتھ میدان عمل میں ہے۔ انہوں نے کہا کہ مہاراشٹر بدعنوانی اور کرپشن میں نمبر ون ہے, لیکن اگر ہم ترقی اور اخلاقیات کا احاطہ کرے تو مہاراشٹر صف آخر میں ہے یہ شرمناک ہے پہلے کبھی کسی وزیر پر بدعنوانی کا الزام عائد ہوتا تھا تو اس وزیر کو مستعفی کر دیا جاتا تھا اور اسے تحقیقات کا سامنا کرنا پڑتا تھا انہوں نے کہا کہ جب میں وزیر تھا تو ایک وزیر پر الزام عائد کیا گیا تھا اسے وزارت سے مستعفی کر دیا گیا تھا جب منوہر جوشی وزیر اعلی تھے تو انہوں نے پانچ وزراء سے استعفی لئے تھے۔ ادھو ٹھاکرے نے کہا کہ اسی شیواجی پارک سے بدعنوانی اور کرپشن کے خلاف مشتعل جلائی گئی ہے اور یہ تحریک جاری رہے گی۔

ممبئی : ممبئی میں ایک شرمناک حادثہ میں ایک نابالغ لڑکی کے ساتھ جنسی زیادتی کی ہے. پہلے لڑکی کی برہنہ اور قابل اعتراض ویڈیو تیار کی, اس کے بعد اسے بلیک میل کر کے اس کا جنسی استحصال کیا ہے. اس معاملہ میں لڑکی کی والدہ نے پولیس اسٹیشن میں شکایت درج کی ہے. کالا چوکی پولیس نے معاملہ درج کر کے پانچ نابالغ ملزمین کو گرفتار کرنے کا دعوی کیا ہے. ان پانچوں ملزمین کو یہ معلوم تھا کہ لڑکی نابالغ ہے, پہلے ملزمین نے لڑکی کا قابل اعتراض ویڈیو بتایا اور پھر اس کے ساتھ جنسی زیادتی کی, یہ تمام ملزمین نابالغ ہے پولیس نے پانچوں نابالغ ملزمین زیر حراست لے کر باز پرس شروع کر دی ہے. اس واقعہ کے بعد کالا چوکی علاقہ میں سنسنی پھیل ہے.