ہندوستان کی سب سے بڑی مسجد یعنی بابری مسجد جسکا نام اب مبینہ طور پر محمد بن عبداللہ رکھا گیا ہے اس مسجد کے چیئرمین کے عہدے پر مہاراشٹر مائناریٹی کمیشن کے سابق چیئرمین حاجی عرفات شیخ کو نامزد کیا گیا ہے۔اُتر پردیش سنی وقف بورڈ کے چیئرمین ظفر فاروقی نے اس عہدے پر حاجی عرفات کومنتخب کرتے ہوئے اس مسجد انتظامیہ کی زمہ داری کے ساتھ ساتھ اُسکی تعمیر اور تزئین کی باگ ڈور بھی اُنکے ہاتھوں میں سونپ دی ہے ۔اس موقع پر سبھی حکومتی حکام اعلیٰ عہدیداران کے ساتھ ساتھ مسجد انتظامیہ کے ٹرسٹی عبدااللہ ابن القمر،ڈاکٹر عابد سید ،مولانا محمد مدنی عبد الرب
کی موجودگی رہی ۔

اتر پردیش سنی وقف بورڈ کے چیئرمین ظفر فاروقی کے مطابق مسجد محمد بن عبداللہ ڈیولپمنٹ کمیٹی کا چیئرمین حاجی عرفات شیخ کو نامزد کرنے کا اصل مقصد یہی ہے کہ مسجد کی تعمیر کو سنجیدگی سے پائی تکمیل تک پہنچا یا جائے۔
حاجی عرفات شیخ کومسجد محمد بن عبداللہ ڈیولپمنٹ کمیٹی اور انڈو اسلامک کلچر کا ٹرسٹی اور ایڈوائزر کے عہدے پر منتخب کرتے ہوئے ہمیں بہت خوشی ہو رہی ہے کہ اسلامک شعبوں میں سرگرم رہنے والا ایک باشعور نوجوان کو ہم نے یہ ذمہ داری سونپی ہے ہمیں امید۔ ہی نہیں کامل یقین ہے کہ حاجی عرفات شیخ اس ذمےداری کو بخوبی نبھائیں گے اور مسلمانوں کے اہم مذہبی معاملہ کو عملی جامہ پہنانے میں اہم رول ادا کرینگے ۔

حاجی عرفات شیخ نے اس معاملہ میں میڈیا سے بات کرتے ہوئے کہا کہ یہ میرے لیے باعث فخر ہے کہ جو مسئلہ جو ایک طویل مدت سے تعطل کا شکار تھا وہ نہ صرف حل ہوا بلکہ اس مقام پر جو مسجد تعمیر کی جائیگی اُسکی ذمےداری کے اہل سمجھتے ہوئے مجھ پر ایک ذمہ دار محکمہ کے اعلیٰ افسر نے اعتماد کا اظہار کرتے ہوئے یہ نیک کام میرے سپرد کیا ہے۔انشاء اللہ میں ضرور اس مسجد کو پایہ تکمیل تک پہنچا وں گا۔ انہوں نے بتایا کہ اس کار نیک میں ہندستان کے سارے عالم دین ،مذہبی رہنما،اسلامک اسکالر سمیت ہر مسلک اور ہر شعبے سے وابستہ افراد سے گفتگو ہوئی اور ان کی دعاؤں کے ساتھ ساتھ مجھے ان کا عملی تعاون بھی حاصل رہے گا۔
میں میڈیا کے ذریعے یہ کہنا چاہونگا کہ تمام شرعی پہلوؤں پر غور و خوص کے بعد ہی مسجد تعمیر کی جائیگی۔
میرا دعوی ہیںکہ یہ مسجد اور ادارہ ہندستان میں دعا اور دوا کا اہم مرکز رہیگا۔اسبکی تعمیر و تزئین اللہ کے حکم سے اتنی دلکش ودیدہ زیب ہوگی کہ۔اسکے بعد کوئی تاج محل دیکھنے نہیں جائے گا مگرہماری مسجد محمد بن عبداللہ کی ایک جھلک دیکھنے ضرور آئیگا۔۔

اس مسجد کی خاص بات یہ ہے کہ یہ ہندستان کی پہلی مسجد ہوگی جو اسلام کی پانچ فرائض کی تعمیر پر مبنی ہوگی پانچ مینار تعمیرہوں گے۔مینار اول کلمہ سے موسوم ہوگا جبکہ مینار دوم نماز مینار سوم روزہ۔مینار چہارم زکوٰۃ۔مینار پنجم کا نام حج ہوگا یہ تمام مینار ۱۱،کیلومیٹر کی دوری سے ہی نظر آئیں گے۔

اس مسجد میں دنیا کا سب بڑا قرآن شریف موجود رہیگا جسکی لمبائی ۲۱ فٹ اور قران مقدس کھولنے پر ۱۸ .۱۸ فٹ ہوگی۔ قرآن کریم کو رمضان میں پڑھا جائیگا۔۔ ختم قرآن کی دعا الوداع جامعہ میں ہوگی۔ دوسری اہم بات یہ کہ مغرب کی اذان کے وقت جب اذان ہوگی تو پانی کا فوارہ اس طریقے سے بنایا جا رہا ہے کہ وہ فوارہ اذان دیگا ۔۔۔۔جو قابل دید ہوگا۔ اذان کے وقت آٹو میٹک انداز میں لائٹ شروع ہوگی اور فجر کی نماز کے بعد بند ہوگی یہ ہائی ٹیک اور ماڈرن ٹیکنالوجی سے لیس اور سولار سسٹم پر منحصر ہوگی جو کبھی بھی بند نہیں ہوگی۔
وضو خانے کے اندر دبئی سے بھی بڑا فش ایکویریم بنایا جارہا ہے جو بچوں اور سیاحوں کی توجہ کا مرکز ہوگا جو لوگ وضو خانے جائینگے وضو کر کےدو رکعت نماز اُن لوگوں کے لیے ادا کریں گے جو فسادات میں بےگناہ مارے گئے۔وضو خانے میں مرد اور خواتین کے لیے علحدہ انتظام کیا گیا ہے۔۔۔

اس مسجد میں خاص کینسر کے مریضوں کے پانچ سو بیس کا سپتال بھی تعمیر کیا جارہا جہاں علاج بالکل مفت ہوگا۔ اسکے چیئرمین واکہارڈ ہسپتال کے انچارج ہابل خوراکی والا ہوں گے اس ہسپتال میں بلا لحاظ مذہب وملت مریضوں کا مفت علاج کیا جائے گا۔

اسکے علاوہ تعلیمی میدان میں انجینئرنگ کالج، لاء کالج ،ڈینٹل ،آرکیٹیکچر ،ایم بی اے کالج اور انٹرنیشنل اسکول کی تعمیر بھی عمل میں لائی جائیگی۔بالخصوص مسجد کے اس بابرکت نام کے ساتھ ایک ویج کمیونیٹی کچن بنایا جائیگا تاکہ ہر مذہب کے لوگ وہاں آکر پیٹ بھر سکیں، منصوبہ کے مطابق مسجد کا جس دن سے تعمیراتی کام شروع کیا جائیگا اسی دن سے روزآنہ تین سے پانچ ہزار افراد تا قیامت یہاں کھانا کھاینگے۔

حاجی عرفات شیخ نےکہا کہ میں ہنداستان کے تمام مسلمان ،عالم دین اور دنیا کے کسی بھی خطے میں مختلف شعبے میں کام کرنے والے افراد سے یہی کہونگا کہ آپ اس کار خیر سے وابستہ ہو کر مسجد محمد بن عبداللہ کے تعمیر میں ہمارا بھرپور ساتھ دیں۔ ہم نے یہ سوچا ہے کہ اس مسجد کا چند ہ رسید سے نہیں بلکہ انتہائی صاف شفاف طریقے سے آن لائن حاصل کیا جائیگا، مسجد کی ذاتی ویبسائٹ تیار ہوگی، مسجدکا کیو آر کوڈ بن رہا ہے جسکے ذریعے آپ اپنی حیثیت کے مطابق مسجد کے تعمیراتی کام میں اپنی رقم جمع کرا سکتے ہیں جیسے ہی ادائیگی ہوگی آپ کے موبائل پر اسی وقت مسجد کی جانب سے شکریہ کا میسیج آئیگا۔یعنی آپکے پیسے سیدھے مسجد میں ہی استعمال کئےجائیں گے ۔ ہم ایودھیا کی مسجد محمد بن عبداللہ جسکا نام پہلے بابری مسجد تھا ۔اس کے تمام امور شرعی نقطہ نظر کو دیکھتے ہوئے ہی انجام دیں گے جو زندہ ہیں وہ بھی اور جو دنیا سے چلے گئے وہ بھی دعا دیں گے۔