Connect with us
Saturday,21-November-2026

ممبئی پریس خصوصی خبر

گوونڈی : آیان شیخ کی گرفتاری پر ابوعاصم اعظمی کی اے ٹی ایس سربراہ نول بجاج سے ملاقات

Published

on

ممبئی: مہاراشٹر انسداد دہشت گردی دستہ اے ٹی ایس نے آیان شیخ کو دہشت گردانہ تنظیموں کے رابطہ اور سوشل میڈیا پر شدت پسندانہ پروپیگنڈہ کو فروغ دینے کے الزام میں گرفتار کرنے کا دعویٰ کیا ہے اس پر آج مہاراشٹر سماجوادی پارٹی لیڈر اور رکن اسمبلی ابوعاصم اعظمی نے اے ٹی ایس سربراہ نول بجاج سے آیان کے والدین کے ہمراہ ملاقات کر کے تفصیلات جاننے کی کوشش کی جس میں اے ٹی ایس سربراہ کے ابوعاصم اعظمی کو یقین دلایا کہ کسی کے ساتھ زیادتی نہیں ہو گی اور جو سوشل میڈیا پروپیگنڈہ ویڈیو کا تعلق ہے اس میں آیان کے ملوث ہونے کے ثبوت ملے ہیں جس کے بعد یہ کارروائی کی گئی ہے اعظمی نے بتایا کہ آیان کو پولس حراست میں اقبالیہ بیان کےلیے مجبور کیا جارہا ہے اور اس نے اس کی شکایت عدالت سے بھی کی ہے جس پر نول بجاج نے اعظمی کو یقین دلایا کہ اس متعلق وہ ازخود تفصیلات طلب کرکے کارروائی کریں گے۔ ابوعاصم اعظمی کے ہمراہ آیان کے والدین نے بھی اپنے بیٹے کو بے قصور قرار دیا اور کہا کہ وہ اس قسم کی غیر قانونی سرگرمی میں ملوث نہیں ہے جبکہ اس متعلق اے ٹی ایس سربراہ سے بھی والدین نے درخواست کی ہے کہ وہ ان کے بیٹے کے تئیں نرم رویہ و گوشہ رکھیں کیونکہ وہ بے قصور ہے اور سوشل میڈیا پر اس نے کوئی ایسی حرکت نہیں کی ہے اور نہ ہی وہ کوئی غیر قانونی سرگرمیوں میں ملوث ہے۔ مسلم نوجوان جذبات میں کوئی غلط قدم نہ اٹھائیں
ایس پی لیڈر ابوعاصم اعظمی نے اے ٹی ایس سربراہ نول بجاج سے ملاقات کے بعد مسلم نوجوانوں سے اپیل کی ہے وہ غلط اور گمراہ کن پروپیگنڈوں کا شکار ہرگز نہ ہو البتہ یہ ضرور ہے کہ مسلمانوں کے ساتھ زیادتی ہوتی ہے اس سے نوجوان جذبات میں آتے ہیں لیکن ان زیادتیوں کے خلاف عدالت کا راستہ اختیار کرے سڑکوں پر احتجاج کرے ایسی ممنوعہ اور متنازع دہشت گرد تنظیموں کے رابطہ میں نہ رہے اور نہ ہی اس کے پروپیگنڈوں کو سوشل میڈیا پر شئیر یا لائک کرے انہوں نے بتایا کہ جس طرح سے ہندوستانی سرکار نے چین کے سافٹ وئیر اور پروگرامز پر پابندی عائد کی ہے اسی طرز پر دہشت گردانہ سرگرمیوں میں دہشت گردتنظیموں کے گروپ ان کے دیگر سوشل میڈیا ذرائع پر فوری طور پر پابندی عائد کرے اس پر نول بجاج نے کہا کہ چونکہ یہ معاملہ مرکزی سرکار کے زیر اثر ہے اس لئے وہ اس کی سفارش مرکزی سرکار سے کریں گے۔ اعظمی نے بتایا کہ سوشل میڈیا پر مسلمانوں پر مظالم اور دیگر داستان دیکھ کر نوجوان جذباتی ہو جاتے ہیں اس لیے میری نوجوانوں سے گزارش ہے کہ وہ جذبات میں کسی بھی قسم کا کوئی غلط راستہ اختیار نہ کرے اور اگر کوئی اس قسم کی شدت پسدانہ گرمیوں میں ملوث ہے اور اس کا پروپیگنڈہ کرتا ہے تو اس پر پولس اور اے ٹی ایس کارروائی کرے گی ۔ ابوعاصم اعظمی کو نول بجاج نے بتایا کہ جو نوجوان کو گرفتار کیا گیا ہے وہ دہشت گردانہ تنظیموں کے مشتبہ سوشل میڈیا اکاؤنٹ پر اس کے رابطہ میں تھا اور وہ اس کے نظریات کو فروغ دیا کرتا ہے جس کے بعد ہی اس کی گرفتاری عمل میں لائی گئی ہے انہوں نے یہ یقین دلایا کہ کسی کے خلاف بھی اے ٹی ایس کوئی غلط کارروائی نہیں کرے گی اس کی ہدایت بھی اے ٹی ایس سربراہ نے جاری کر دی ہے۔ ابوعاصم اعظمی نے کہا کہ سوشل میڈیا پر دہشت گرد تنظیموں کے جھوٹے اور گمراہ کن پروپیگنڈوں سے مسلم نوجوان دو رہیں اور مسلمانوں پر ہونے والی ناانصافی کا جواب قانونی راستہ سے دے۔

ممبئی پریس خصوصی خبر

ممبئی ہائیکورٹ کا بڑا فیصلہ حاجی اسماعیل مسافر خانہ مسجد کے انہدامی کارروائی پر روک

Published

on

high-crout

ممبئی : ممبئی ہائیکورٹ نے ایک بڑا فیصلہ صادر کیا ہے مسافر خانہ حاجی اسماعیل حاجی حبیب مسجد کی انہدامی کارروائی پر عارضی پابندی اور روک لگائی ہے بی ایم سی اور متعلقہ سے جواب طلب کیا ہے مسافر خانہ مسجد پر انہدامی کارروائی کا تنازع شدت اختیار کرگیا تھا اس معاملہ میں آج بی ایم سی انتظامیہ نے کارروائی بھی شروع کی تھی بی ایم سی مسجد انہدام کی نوٹس جاری کی تھی مدعی عبدالرزاق کی عرضی پر فوری سماعت کرتے ہوئے ہائیکورٹ نے دریافت کیا کہ اس معاملہ میں اتنی عجلت کیوں ہے تو ان کے وکلا نے بتایا کہ چونکہ یہ معاملہ مسجد سے وابستہ ہے اور ہائیکورٹ نے اس معاملہ میں اسٹے اور کسی بھی کاروائی پر روک لگایا تھا لیکن کے باوجود بی ایم سی نے نوٹس جاری کی ہے یہ ملکیت فی الوقت وقف کی ملکیت نہیں اس معاملہ میں وقف ٹرینونل میں معاملہ زیر سماعت ہے سپریم کورٹ نے مسجد سے متعلق جو بھی احکامات دئیے ہیں اسے برقرار رکھنےکا حکم ممبئی ہائیکورٹ نے دیا ہے اس کے ساتھ ہی فریقین و متعلقین و بی ایم سی انتظامیہ ۲۵ نومبر تک جواب داخل کرنے کا حکم دیا ہے فی الوقت مسجد پر کاروائی موخر کردی گئی ہے اس کےاطرا ف داؤد ابراہیم کا یادگار پشتینی گھر کو منہدم کر کے ملبہ میں تبدیل کردیا گیا ہے اس سے قبل مسجد پر کارروائی کی مخالفت میں احتجاج بھی کیا گیا تھا نظم و نسق کے مسئلہ کے سبب ایک ہزار پولس فورس کو تعینات کیا گیا تھا۔

Continue Reading

ممبئی پریس خصوصی خبر

بالی ووڈ اداکار سیف علی خان کو بابا صدیقی قتل کیس کے مفرور ملزم ذیشان اختر کی دھمکی

Published

on

ممبئی : بالی ووڈ اداکار سیف علی خان کو بابا صدیقی قتل کیس میں مطلوب ملزم ذیشان اختر کے نام ایک آڈیو پیغام کے ذریعے جان سے مارنے کی دھمکی ملی ہے۔ ممبئی پولیس اس آڈیو کی صداقت کی تحقیقات کر رہی ہے اور آیا کوئی گینگ یا کوئی جعلی شناخت/اے آئی ملوث ہے موصولہ رپورٹ کے مطابق کرینہ کپور خان کی دیوالی پارٹی میں گلے کا زیورات تنازع کا باعث ہے۔ آڈیو میں ذیشان اختر اور روہت گودارا گینگ کا ذکر کیا گیا ہے، جو بابا صدیقی جیسے انجام کی وارننگ دے رہا ہے۔ پولس تفتیش میں ممبئی پولیس اس بات کی تحقیقات کر رہی ہے کہ آیا یہ پیغام واقعی ذیشان اختر نے بھیجا تھا یا لوگوں کو گمراہ کرنے کے لیے اس کا نام یا اے آئی استعمال کر کے کسی نے بھیجا تھا۔ اس سے قبل تشار کپور اور آیوشمان کھرانہ کو پہلے بھی ایسی ہی دھمکیاں مل چکی ہیں، اور پولیس نے دھمکیاں بھیجنے کے لیے اے آئی استعمال کرنے کے الزام میں بنگلور کے ایک شخص کو گرفتار کیا۔ اس معاملے پر پولس مزید تفتیش کررہی ہے اس تازہ دھمکی کے حوالے سے سیف علی خان کی جانب سے کوئی باضابطہ بیان سامنے نہیں آیا ہے۔

Continue Reading

ممبئی پریس خصوصی خبر

اندھیری کرلا روٹ پر ٹریفک کے رش کو کم کرنے کے لیے 13.40 میٹر توسیع سڑک سے رکاوٹیں ہٹانے کا عمل شروع

Published

on

ممبئی ٹریفک کی روانی کو بہتر بنانے اور رکاوٹوں کو دور کرنے کے لیے، ممبئی میونسپل کارپوریشن (بی ایم سی) مختلف مقامات پر انہدام کی کارروائیاں (انہدام کی ڈرائیوز) کر رہی ہے۔ اسی سلسلے میں، کل (18 نومبر 2026) ’کے-ساؤتھ‘ (کے-جنوب) وارڈ میں 13.40 میٹر چوڑی ’ڈیولپمنٹ پلان‘ (ڈی پی) سڑک سے رکاوٹیں ہٹانے کا آپریشن شروع کیا گیا۔ یہ سڑک حسنات اسکول (قدم واڑی روڈ) سے لے کر اتم ڈھابہ (مارول-ماروشی روڈ) تک جاتی ہے۔ سڑک کی توسیع کی زد میں کل 138 تعمیرات آ رہی ہیں؛ توقع ہے کہ اس اقدام سے اندھیری-کرلا روٹ پر ٹریفک کے رش کو کم کرنے میں مدد ملے گی۔ یہ آپریشن مسلسل تین دنوں تک جاری رہے گا۔ ڈپٹی کمشنر (زون 3) وشواس موٹے اور اسسٹنٹ کمشنرونیتا کوکاٹے کی رہنمائی میں، ’کے ساؤتھ‘ وارڈ آفس اندھیری کرلا روٹ پر ٹریفک کے مسائل حل کرنے کے لیے یہ مہم چلا رہا ہے۔ تین روزہ آپریشن کے پہلے ہی دن، تمام ضروری قانونی کارروائیاں مکمل کرنے کے بعد 74 تعمیرات کو منہدم کر دیا گیا۔ باقی ماندہ تعمیرات کو اگلے دو دنوں میں ہٹا دیا جائے گا۔ اس آپریشن کے لیے، بی ایم سی (بی ایم سی) نے 30 افسران و عملے کے ارکان، 20 میونسپل مزدوروں، 50 نجی مزدوروں اور 50 پولیس اہلکاروں کو تعینات کیا ہے۔ اس کے علاوہ، آپریشن میں مختلف مشینری اور آلات جن میں 4 جے سی بی (جے سی بی ایس)، 5 ڈمپر، گیس کٹرز اور بریکرز شامل ہیں کا استعمال کیا جا رہا ہے، اور ساتھ ہی 2 الیکٹریشنز کی خدمات بھی حاصل کی گئی ہیں۔ اس سڑک کی توسیع سے مقامی ٹریفک کے لیے مزید جگہ میسر آئے گی، جس سے اندھیری کرلا روڈ پر رش کم ہوگا اور گاڑی چلانے والوں کے لیے سفر مزید آسان اور رواں ہو جائے گا۔

Continue Reading
Advertisement

رجحان