بھیونڈی: (نامہ نگار ) بھیونڈی میونسپل کارپوریشن کے تحت انڈر گراؤنڈ گٹروں کی تعمیر کا ٹھیکہ میسرز ایگل کنسٹرکشن کمپنی کو میونسپل انتظامیہ کے ذریعے دیا گیا ہے۔ بھیونڈی میونسپل انتظامیہ کے ذریعے انڈر گراؤنڈ گٹر اسکیم فیس 1 جنرل بورڈ کی تجویز نمبر 27 مورخہ 24.7.2009 اور اسٹینڈنگ کمیٹی تجویز نمبر 42 ، بتاریخ 17.5.2010 کے مطابق ، مذکورہ تعمیراتی کام کا ٹھیکہ میسرز ایگل کنسٹرکشن کمپنی کو دیا گیا ہے۔ لیکن مذکورہ تعمیراتی کام کمپنی نے ٹھیک طرح سے نہ کرتے ہوئے ناقص درجہ کے مٹیریل کا استعمال کرتے ہوئے گھٹیا درجے کا تعمیراتی کام کیا ہے۔ اسی طرح انڈر گراؤنڈ گٹر اسکیم فیس 1 میں بھیونڈی کٹائی گاؤں واقع پرانا ایس ٹی پی پلان اور ای ٹی پی پلان ، 17 ایم ایل ڈی کی رپورٹنگ ہوئی ہے (Rehabilitation of Existing STP and ETP) ۔ 4،26،48،159 روپیہ کا اسٹیمیٹ بنایا گیا تھا لیکن مذکورہ تعمیراتی کام نہیں کیا گیا تھا اور مذکورہ کام ابتداء سے اب تک بند ہے اس کے باوجود کمپنی کے ذریعے بوگس طریقے سے باہمی ساز باز کرکے بل کی رقم نکال لی گئی ہے۔ جس کی تصویر بھی شکایتی مکتوب کے ساتھ جوڑی گئی ہے۔ اسی طرح انڈر گراؤنڈ گٹر اسکیم فیس 1 میں اجے نگر بھیونڈی واقع پمپنگ اسٹیشن کی مرمت کے لئے 1،71،53،743 روپے کی رقم کی منظوری دی گئی تھی لیکن یہ تعمیراتی کام بھی صرف 30 فیصد ہی پورا ہوا ہے جبکہ باقی بل کی رقم بوگس طریقے سے نکالی گئی ہے۔ اسی طرح انڈر گراؤنڈ گٹر اسکیم فیس 1 میں نیو ایس ٹی پی پلان اور ای ٹی پی پلان 13 ایم ایل ڈی ، کٹائی گاؤں بھیونڈی واقع وال کمپاؤنڈ کے لئے اور روڈ ریسٹوریشن کے لئے تقریباً 5 کروڑ روپے کا بل نکالا گیا ہے۔ اسی طرح انڈر گراؤنڈ گٹر اسکیم فیس 1 میں مدعا نمبر 1 اور 4 کے مطابق اسی طرح کئی دیگر کام ایسے ہیں جس میں تھوڑا سا کام کرکے پورا بل بوگس طریقے سے نکال لیا گیا ہے۔ مذکورہ معاملے میں اگر تھرڈ پارٹی ٹیکنیکل کوالٹی آف آڈٹ کیا گیا تو اسی وقت یہ سارے معاملات واضح ہوجائیں گے کہ اس معاملے میں کتنا کام ہوا ہے اور کتنا بل بوگس طریقے سے نکالا گیا ہے۔ اسی طرح انڈر گراؤنڈ گٹر اسکیم فیس 1 اور 2 میں جو روڈ ریسٹوریشن کا کام ہوا ہے اس میں انتہائی ناقص درجہ کا مٹیریل استعمال کیا گیا ہے جس کی وجہ سے صرف 5 سے 6 مہینے میں ہی وہ ٹوٹ پھوٹ گئی ہے جس سے یہ ثابت ہوتا ہے کہ اسٹیمیٹ کے مطابق روڈ ریسٹوریشن کا کام نہیں ہوا ہے اور سب سے بڑا گھوٹالہ اور ناقص درجہ کا کام روڈ ریسٹوریشن میں ہوا ہے۔ اسی طرح انڈر گراؤنڈ گٹر اسکیم نمبر 7 میں میونسپل کمشنر نے انڈر گراؤنڈ گٹر اسکیم فیس 2 ، جنرل بورڈ تجویز نمبر 132 مورخہ 10.6.2010 ، اسٹینڈنگ کمیٹی تجویز نمبر 74 مورخہ 30.5.2011 کے تعمیراتی کام کا تھرڈ پارٹی ٹیکنیکل آڈٹ رپورٹ کے حوالے سے ، آئی آئی ٹی پوئی ، ممبئی مورخہ 4.9.2020 کو ایک مکتوب دیا گیا ہے ، جس کا انڈیکس نمبر / ڈبلیو ایس ڈی / 869/2020 ہے۔ اس کے بعد میونسپل کمشنر سے درخواست کی گئی ہے کہ فیس 1 اور 2 کا بھی تھرڈ پارٹی ٹیکنیکل کوالٹی آف آڈٹ آئی آئی ٹی پوئی ممبئی کے ذریعے کرائے جانے کا مطالبہ کیا ہے۔ اسی طرح ، انڈر گراؤنڈ گٹر اسکیم مدعا نمبر 8 میسرز ایگل کنسٹرکشن کمپنی جو پہلے اسی نام سے مشہور تھی لیکن اب یہ کمپنی میسرز ایگل انفرا انڈیا لمیٹڈ میں ضم ہوگئی ہے۔ میسرز ایگل انفرا انڈیا لمیٹڈ کمپنی نے انجورفاٹا سے باغ فردوس مسجد بھیونڈی تک روڈ کو ڈامر کا کام کرنے کے لئے ، تقریباً 8،42،00،000 روپے کا ٹھیکہ لیا تھا جس کا جنرل بورڈ تجویز نمبر 6 مورخہ 1.6.2015 اور اسٹینڈنگ کمیٹی تجویز نمبر 53 ، مورخہ 14.01.2016 کو کمپنی کے ذریعے انتہائی ناقص درجہ کا کام کیا گیا تھا اس کے بعد مذکورہ کام کا تھرڈ پارٹی ٹیکنیکل کوالٹی آف آڈٹ کیا گیا تھا اس وقت مذکورہ کمپنی پر تقریباً 3 کروڑ 17 لاکھ کا جرمانہ لگایا گیا تھا اور کمپنی کے خلاف نظامپورہ پولیس اسٹیشن میں سی آر نمبر T146 / 2018 کی دفعہ IPC 420،197،34 کے مطابق معاملہ درج کرایا گیا تھا۔ مذکورہ ضمن میں کارپوریٹر ساجد اشفاق خان نے میونسپل کمشنر کو میمورنڈم پیش کر کے درخواست کی ہے کہ مذکورہ سبھی کاموں کا تھرڈ پارٹی ٹیکنیکل کوالٹی آف آڈٹ ہونے تک مذکورہ کمپنی کی انڈر گراؤنڈ گٹر اسکیم فیس 2 کے کسی بھی بل کی ادائیگی نہ کی جائے بصورت دیگر میونسپل کمشنر اور متعلقہ محکمہ اس کا ذمہ دار ہوگا ۔ اس طرح کا مطالبہ کارپوریٹر ساجد اشفاق خان نے میونسپل انتظامیہ سے کرتے ہوئے متنبہ کیا ہے کہ اگر ہمارا مطالبہ پورا نہیں ہوا تو مجبوراً ہمیں ہائیکورٹ سے رجوع ہونا پڑے گا۔