مہاراشٹر
دھولیہ:طالبہ کو ٹرک نے روند ڈالا

دھولیہ کے ساکری روڈ، سنچن بھون کے قریب دل دہلانے والاحادثہ پیش آیا ہے۔ اس حادثہ میں ایک ہونہار طالبہ کی جان چلی گئی ہے۔ جمعرات کو صبح تقریبا ساڑے چھ بجے نہم جماعت کی گنجن پاٹل اسکالر شپ کی کلاس کے لیے گھر سے روانہ ہوئی ، ساکری روڈ پر سینٹرل بینک کے پیچھے رہنے والی طالبہ سائیکل سے چند سیکنڈ کا فاصلہ طے کرکے ساکری روڈ تک پہنچی تھی اُسے کملا بائی اسکول جانا تھا لیکن راستہ سے اپنی سہیلی کو ساتھ لینا تھا اس لیے ساکری روڈ پار کرنے لگی تھی کہ اچانک سورت سے آنے والی تیز رفتار لوڈیڈ ٹرک(GJ 01 CY 0267) آگئی ڈرائیور نے بچانے کی کوشش کی لیکن فاصلہ کم اور تیز رفتارٹرک میں لوڈ زیادہ ہونے کی وجہ سے فوری بریک نہیں لگ سکا گنجن پاٹل ٹرک کے پچھلے پہیہ میں آگئی ،یہ حادثہ اتنا خوفناک تھا کہ گنجن کے جسم کے درمیان سے دو ٹکڑے ہوگئے۔ڈرائیور خود اس حادثہ سے خوفزدہ ہوگیا تھا ، دکاندار ، رکشہ ڈرائیور ، راستے پرموجود لوگوں نے ڈرائیور کو پکڑ کر شہر پولس اسٹیشن میں لے جاکر پولس کے حوالے کردیا۔ کملا بائی اسکول کا اسٹاف بھی جائے واردات پر پہنچ گیا،کچھ ہی دیر میں مو قع واردات پر عوام کا اژدہام ہوگیا ، کسی نے گنجن کے والدین کو فون کرکے اطلاع دی ماں باپ بچی کے جسم کے دو ٹکڑے اور خو ن میں لت پت لاش دیکھ پھوٹ پھوٹ کر رونے لگے۔لڑکی کے جسم کو سول اسپتا ل میں پوسٹ مارٹم کے لیے بھیجا گیا ، دوپہر میں لڑکی کی آخری رسومات پوری کی گئی ۔ ڈرائیور راجیندر پنڈت پاٹل دھولیہ تعلقہ کے سنجوری کا رہائشی ہے، پولس نےڈرائیور پر مجرمانہ قتل کے تحت کیس درج کیا ہے۔ گنجن نہم جماعت کی طالبہ تھی، ہشتم جماعت میں اسکالر شپ کے امتحان میں کملابائی اسکول میں اول نمبر سے کامیاب ہوئی تھی ، اس لیے کلاس ٹیچر، اسکول ہیڈ ماسٹرکی چاہت تھی کہ نہم جماعت میں بھی گنجن محنت کرکے امتیازی نمبرات حاصل کرے گی۔ گنجن پاٹل کے والد ایک ہارڈ وئیر دکان میں مزدور ی کرتے ہیں، ان کی خواہش تھی کہ ان کی لختِ جگر پڑھ لکھ کر اعلیٰ عہدہ پر فائز ہوں گی۔لیکن دالخراش حادثہ کے بعد والد کا خواب چکناچور ہوگیا، والدہ کے آنسومسلسل بہہ رہے تھے۔اب کچھ لوگوں کا کہنا ہے کہ اگر ساکری روڈ پر بریکر ہوتا تو یہ حادثہ پیش نہیں آیا۔ایک ساکن نے کہا کہ راستہ چوڑا ہے اتی کرمن نہیں ہے لیکن سوڈا کی لاری، آٹو رکشا، سبزی والے کی وجہ سے روڈ تنگ ہوگیا ہے ان کو ہٹانا ہی ہوگا ورنہ مزید حادثات رونما ہوسکتے ہیں۔ ایک ڈرائیور نے حادثہ ہونے کی اصل وجہ بتائی ہے کہ ساکری روڈ پر لوڈیڈ اور بڑی گاڑیوں کی آمد و رفت کا وقت متعین کیا گیا ہے۔ رات میں دس بجے کے بعد سے صبح آٹھ بجے تک ہی بڑی اور لوڈیڈ گاڑیاں ساکری روڈ سے گزر سکتی ہے ورنہ گاڑی مال سمیت پولس اسٹیشن میں جمع ہوجاتی ہے۔ ڈرائیور جب دھولیہ میں داخل ہوتے ہیں تو سب سے پہلے گھڑی کی طرف نظر جاتی ہے کہ کتنے وقت لگے گا ہمیں ساکری روڈ سے گزرنے میں ،اس لیے ڈرائیور کی گاڑیوںکی رفتار تیز ہوجاتی ہے۔ اس سنگین مسئلہ پر ٹریفک پولس، ضلع انتظامیہ، پولس انتطامیہ کو بیٹھ کر کوئی نہ کوئی حل نکالنا چاہیے ورنہ سنچن بھون کا علاقہ ایکسیڈنٹل علاقہ کہلانے لگا ہے یہ کوئی پہلا حادثہ نہیں ہے۔اس پہلے بھی سنچن بھون کے پاس کئی حادثات رونما ہوئے ہیں۔
(جنرل (عام
ممبئی کے پولیس کمشنر وویک فلانکر کی مدت ختم ہونے والی ہے، کون بنے گا ممبئی کا نیا پولیس کمشنر؟ پانچ سے چھ آئی پی ایس افسران کے نام زیر بحث۔

ممبئی : ملک کی مالیاتی راجدھانی ممبئی کا اگلا پولیس کمشنر کون ہوگا؟ مہاراشٹر کی بیوروکریسی میں اس پر بحث شروع ہوگئی ہے۔ اس کی وجہ یہ ہے کہ ممبئی کے موجودہ پولیس کمشنر وویک پھنسالکر کی میعاد 30 اپریل کو ختم ہو رہی ہے۔ اگر ریاستی حکومت وویک پھانسالکر کو توسیع نہیں دیتی ہے تو ممبئی کو یکم مئی کو نیا پولیس کمشنر مل جائے گا۔ وویک پھنسالکر یکم جولائی 2022 کو ممبئی پولیس کمشنر بنے تھے۔ پھنسالکر سے پہلے سنجے پانڈے ممبئی کے سی پی تھے۔ مہاراشٹر کی ڈی جی پی رشمی شکلا ہیں۔ کئی سینئر افسران کے ساتھ متحرک آئی پی ایس ارچنا تیاگی بھی ممبئی پولیس کمشنر کی دوڑ میں شامل ہیں۔ ارچنا تیاگی مہاراشٹر کیڈر کی آئی پی ایس ہیں۔ وہ 1993 بیچ کی افسر ہیں۔
ارچنا تیاگی کو ‘لیڈی سپر کاپ’ کے نام سے بھی جانا جاتا ہے۔ بالی ووڈ فلم ‘مردانی’ اسی پر مبنی تھی۔ اس فلم میں اداکارہ رانی مکھرجی نے پولیس افسر کا کردار ادا کیا تھا۔ نئے سی پی کے انتخاب میں سنیارٹی کے ساتھ ساتھ چیف منسٹر دیویندر فڑنویس کی رائے بھی اہم ہوگی۔ اس کے پاس مہایوتی 2.0 میں ہوم پورٹ فولیو بھی ہے۔ اگر ارچنا تیاگی اداکارہ بنتی ہیں تو یقیناً یہ ایک بڑا سرپرائز ہوگا۔ ارچنا تیاگی کے علاوہ 1990 بیچ کے آئی پی ایس افسران سنجے کمار ورما، سدانند ڈیٹ اور بپن کمار سنگھ بھی کمشنر بننے کی دوڑ میں شامل ہیں۔ فی الحال یہ تمام آئی پی ایس افسران ڈی جی رینک کے ہیں۔ ان کے علاوہ دیون بھارتی کا نام بھی زیر بحث ہے۔ انہیں وزیر اعلی دیویندر فڑنویس کا قریبی سمجھا جاتا ہے۔ بھارتی اس وقت ممبئی کے اسپیشل پولیس کمشنر کے عہدے پر فائز ہیں۔ ممبئی پولیس کی تاریخ میں پہلی بار یہ عہدہ بنایا گیا ہے۔
اس دوڑ میں سب سے سینئر افسر 1990 بیچ کے آئی پی ایس افسر سنجے کمار ورما ہیں، جو اپریل 2028 میں ریٹائر ہو جائیں گے۔ سنجے کمار ورما 5 نومبر سے 26 نومبر تک ریاست کے ڈائریکٹر جنرل آف پولیس کے طور پر کام کر چکے ہیں۔ انہیں الیکشن کمیشن کے حکم پر ڈی جی بنایا گیا تھا۔ کانگریس کے اعتراض کے بعد رشمی شکلا کو ہٹا دیا گیا۔ انتخابات کے بعد وہ اپنی پوزیشن پر واپس آگئیں۔ ورما کے بعد مہاراشٹر کیڈر کے سینئر آئی پی ایس افسر سدانند دتے کا نام سرفہرست ہے۔ وہ دسمبر 2026 میں ریٹائر ہو جائیں گے۔ تاریخ فی الحال مرکزی ڈیپوٹیشن پر ہے۔ وہ اس وقت نیشنل انویسٹی گیشن ایجنسی (این آئی اے) کے سربراہ ہیں۔
جرم
چھاؤا فلم غیر قانونی طریقے سے اپ لوڈ کرنے والے دو ملزمین گرفتار

ممبئی : ممبئی سائبر ساؤتھ پولیس اسٹیشن نے چھاؤا فلم پائرٹیڈ لنکس کو غیر قانونی طور پر واٹس آیپ، انسٹا گرام ٹیلی گرام یوٹیوپ اور گوگل جیسے پلیٹ فارمز پر تقسیم کرنے کے معاملہ میں انٹرٹینمنپٹ کمپنی کو کافی مالی نقصان پہنچا ہے. اور کاپی رائٹ قانون کے تحت اس نے معاملہ درج کروایا ہے۔ اس فلم کی 1818 جعلی فرضی لنکس بنائے گئے اور یہ سوشل میڈیا پر عام کی گئی تھی۔ تکنیکی تحقیقات کے دوران پتہ چلاکہ اس معاملہ میں رندھاون نامی شخص ملوث ہے۔ اس 26 سال کے نوجوان کو پونے سے گرفتار کیا گیا ہے۔ اس نے غیر قانونی طریقے سے چھاؤا فلم اپ لوڈ کیا تھا, اس کے ساتھ ہی ڈومین بھی خریدا تھا۔ اس فلم کے لئے ایک اپلیکیشن بھی تیار کیا تھا, اسے پونہ سے گرفتار کر کے ممبئی لایا گیا۔ اسی تناظر میں ممبئی کرائم برانچ مزید ایک ملزم کو گرفتار کیا گیا ہے۔ ممبئی پولیس نے رجت راہل ہکسار نے شکایت درج کروائی تھی۔ اسی بنیاد پر پولیس نے کارروائی کرتے ہوئے ناسک میں ایک ملزم کو گرفتار کیا ہے۔ اس سے قبل پونہ سے ایک کو گرفتار کیا گیا تھا۔ ناسک سے گرفتار ملزم کی شناخت اسنہیل دھومل 26 سال کے طور پر ہوئی ہے۔ تفتیش میں معلوم ہوا کہ اس نے چھاؤا فلم کو غیر قانونی طریقے سے سوشل میڈیا پلیٹ فارمز پر اپ لوڈ کیا تھا اسے بھی کرائم برانچ نے ممبئی لایا ہے۔
جرم
رام نومی پر مسلمانوں کے خلاف گالی والا متنازع نغمہ سوشل میڈیا پر وائرل، تین افراد کے خلاف کاروائی، مسلمانوں کی ناراضگی کے بعد کیس کا اندراج

ممبئی : رام نومی پر ڈی جے پر مسلمانوں کیخلاف زہر افشانی کرنے اور گالی گلوج والا نغمہ بجانے والوں کے خلاف کیس درج کر کے پولیس نے تین افراد کے خلاف کارروائی کی ہے۔ اس کی اطلاع آج یہاں ڈی سی پی منیش کلوانیہ نے دی ہے, انہوں نے کہا کہ 6 اپریل کو رام نومی کے دوران اندھیری میٹرو بریج کے نیچے ڈی جے بجایا گیا تھا, جس میں ایک مخصوص طبقہ کو گالی دی گئی تھی۔ یہ نغمہ وائرل ہونے کے بعد سہار پولیس اسٹیشن میں 296 کے تحت کیس درج کیا گیا تھا۔ تین ملزمین کیخلاف پولیس نے کارروائی کرتے ہوئے انہیں نوٹس بھی ارسال کیا ہے, اتنا ہی نہیں ان سے باز پرس بھی کی گئی ہے۔ ڈی سی پی نے بتایا کہ چونکہ جن دفعات کے تحت کیس درج کیا گیا ہے, اس میں گرفتاری ضروری نہیں ہے, اس میں سات سال سے کم کی سزا ہے ایسے میں پولیس نے ان تینوں ملزمین کو نوٹس دی ہے, اور قانونی چارہ جوئی کی گئی ہے۔ اس نفرت انگیز اور تضحیک آمیز گانے پر مسلمانوں نے ناراضگی کا اظہار کیا ہے۔ اس کے بعد پولیس نے کارروائی کرتے ہوئے مقدمہ درج کیا تھا۔ یہ مقدمہ 8 اپریل کو درج کیا گیا تھا۔ یہ معاملہ سوشل میڈیا پر بھی وائرل ہوگیا تھا اور چوطرفہ تنقید کے بعد پولیس نے کارروائی کی ہے۔
-
سیاست6 months ago
اجیت پوار کو بڑا جھٹکا دے سکتے ہیں شرد پوار، انتخابی نشان گھڑی کے استعمال پر پابندی کا مطالبہ، سپریم کورٹ میں 24 اکتوبر کو سماعت
-
ممبئی پریس خصوصی خبر5 years ago
محمدیہ ینگ بوائزہائی اسکول وجونیئرکالج آف سائنس دھولیہ کے پرنسپل پر5000 روپئے کا جرمانہ عائد
-
سیاست5 years ago
ابوعاصم اعظمی کے بیٹے فرحان بھی ادھو ٹھاکرے کے ساتھ جائیں گے ایودھیا، کہا وہ بنائیں گے مندر اور ہم بابری مسجد
-
جرم5 years ago
مالیگاؤں میں زہریلے سدرشن نیوز چینل کے خلاف ایف آئی آر درج
-
جرم5 years ago
شرجیل امام کی حمایت میں نعرے بازی، اُروشی چوڑاوالا پر بغاوت کا مقدمہ درج
-
خصوصی5 years ago
ریاست میں اسکولیں دیوالی کے بعد شروع ہوں گے:وزیر تعلیم ورشا گائیکواڑ
-
جرم4 years ago
بھیونڈی کے مسلم نوجوان کے ناجائز تعلقات کی بھینٹ چڑھنے سے بچ گئی کلمب گاؤں کی بیٹی
-
قومی خبریں6 years ago
عبدالسمیع کوان کی اعلی قومی وبین الاقوامی صحافتی خدمات کے پیش نظر پی ایچ ڈی کی ڈگری سے نوازا