میرا روڈ (ایسٹ)، 2٩ ستمبر 2025 : ودربھ ویلفیئر ایسوسی ایشن، میرا-بھایندر یونٹ کے زیر اہتمام منعقدہ “اسٹوڈنٹس ایوارڈ ڈسٹری بیوشن پروگرام 2024-25” میں اکولہ مغرب اسمبلی حلقہ کے مقبول رکنِ اسمبلی جناب ساجد خان پٹھان نے اپنے خطاب میں کہا کہ تعلیم ہی ترقی کی اصل کنجی ہے۔ انہوں نے طلبہ کو محنت اور لگن کے ساتھ آگے بڑھنے کی تلقین کرتے ہوئے کہا کہ انسانیت اور بھائی چارے کی بنیاد درگزر اور محبت پر قائم ہے۔ جذباتی انداز میں انہوں نے کہا: ’’ودربھی بھائیوں کا یہ اعزاز میرے لیے رکنِ اسمبلی بننے کی خوشی سے بھی بڑھ کر ہے۔‘‘صدارت و مہمانانِ خصوصی پروگرام کی صدارت یونٹ صدر فیض اللہ شیخ نے کی۔ مہمانِ خصوصی مہاراشٹر پردیش کانگریس کمیٹی کے سینئر نائب صدر اور سابق ایم ایل سی جناب سید مظفر حسین کی نمائندگی ان کی صاحبزادی محترمہ آفرین مظفر حسین نے کی۔ اس موقع پر ڈاکٹر اسد اللہ خان غازی، ممتاز انڈسٹریلسٹ جناب سیف اللہ خان، اے ڈی جی پی آئی انڈین آرمی کے جناب مدھو سودن سوریے، گجانن ناگے سمیت کئی سماجی شخصیات موجود رہیں۔ ہونہار طلبہ کی پذیرائی تقریب میں ودربھ سے تعلق رکھنے والے ایس ایس سی، ایچ ایس سی، ڈپلومہ، گریجویٹ اور پوسٹ گریجویٹ سطح کے ہونہار طلبہ کو شیلڈ اور اسناد پیش کر کے تعلیمی یگانگت کا پیغام عام کیا گیا۔ شریک معززین و عہدیداران اس موقع پر ودربھ ویلفیئر ایسوسی ایشن ممبئی کے صدر ڈاکٹر ناظم الدین قاضی، جنرل سکریٹری سید ناصر علی، میرا-بھایندر یونٹ کے جنرل سکریٹری نعمت خان پٹیل، پروگرام انچارج کبیر شیخ، سابق صدر ایس۔ اے۔ خان، عبد الرحمن شیخ، خالد اختر خان، ڈاکٹر رفیق شیخ، پرمود سانگوڈے، زبیر قریشی، شریف الدین شیخ، پرویز ساحل، سید طارق غفار، مرزا اسماعیل بیگ، ڈاکٹر عبدالجلیل شیخ، محمد فیروز شیخ، عبدالشکیل جمادار، اقبال احمد خان، انصار صوفی، نجم الدین شیخ، سہیل احمد، محمد رفیع، حسن رادھنا پارہ، سید شفاقت علی، میڈیا انچارج و ایڈیٹر ظفر صدیقی، عارف شیخ، تجمل خان، شکیل خان، غالب جمادار سمیت بڑی تعداد میں عہدے دار اور سماجی کارکن شریک رہے۔ نتیجہ ریڈ الرٹ کی وارننگ کے باوجود یہ پروگرام جوش و خروش اور شاندار کامیابی کے ساتھ اختتام پذیر ہوا۔ اس تقریب نے یہ ثابت کر دیا کہ تعلیم اور قابل طلبہ کا اعزاز ہی معاشرے کی سب سے بڑی طاقت ہے۔

ممبئی : ممبئی پولیس نے دسہرہ پر دیوی وسرجن کی تصاویر اور ویڈیو وائرل کرنے پر پابندی عائد کر دی ہے, اگر کوئی 2 اکتوبر سے 4 اکتوبر کے درمیان ساحل سمندر پر دیوی کی مورتی کی تصاویر اور تصویر کشی کرتا ہے تو اس پر کارروائی ہوگی, کیونکہ اس سے مذہبی جذبات مجروح ہونے کے ساتھ نظم و نسق کا مسئلہ بھی لاحق ہے, ایسی صورتحال میں پولیس نے اپیل کی ہے کہ ساحل سمندر پر صاف صفائی اور مورتی کی تصاویر اور منظر کشی کرنا ممنوعہ ہے, اگر کوئی اس کی خلاف ورزی کرتا ہے تو اس کے خلاف 163 کے تحت کارروائی ہوگی. ڈی سی پی آپریشن اکبر پٹھان نے ممبئی پولیس کمشنر دیوین بھارتی کے حکم پر ایک حکمنامہ جاری کرتے ہوئے یہ واضح کیا ہے کہ سمندر اور دیگر مقامات پر وسرجن کی عکس بندی اور تصاویر کشی ممنوعہ ہے۔ اس کے ساتھ ہی اسے سوشل میڈیا پر نشر کرنے پر بھی پابندی عائد کی گئی ہے. کیونکہ ایسے میں امن وسلامتی مکدر ہونے کا خطرہ لاحق ہے اور مذہبی جذبات مجروح ہونے کا اندیشہ ہے, ایسے میں اگر کوئی ساحل سمندر پر مورتی کی عکس بندی کرنے کے ساتھ کھنڈٹ مورتی کی تصاویر اور ویڈیو وائرل کرتا ہے تو اس پر کارروائی ہوگی. یہ حکمنامہ 2 اکتوبر سے 4 اکتوبر تک نافذ العمل رہے گا۔ شہر میں نظم و نسق کی برقراری کیلئے وسرجن کے دوران مورتیوں کی تصاویر وائرل کرنے پر مکمل پابندی عائد کر دی گئی ہے. اکثر وسرجن کے بعد مورتیاں ساحل پر آجاتی ہیں. ایسے میں کھنڈٹ مورتیوں یعنی ٹوٹی ہوئی مورتیوں کی تصاویر اور ویڈیو وائرل ہونے سے کشیدگی پیدا ہونے کے ساتھ مذہبی جذبات بھی مجروح ہوتے ہیں. اس لئے پولیس نے یہ حکمنامہ جاری کر کے وسرجن کے دوران ساحل سمندر کی صاف صفائی اور مورتیوں کی تصاویر اور منظر کشی پر پابندی عائد کردی ہے

ممبئی : گوونڈی پولیس نے 58 سالہ چارٹرڈ اکاؤنٹنٹ (سی اے) تیج پرتاپ ڈنگی کے ڈرائیور نتیش مہتو اور اس کے بھائی راہل مہتو کو گرفتار کیا ہے، جو 45 لاکھ روپے لے کر فرار ہو گئے تھے۔ دونوں ملزمین 19 ستمبر کو رقم لے کر فرار ہو گئے تھے۔ شکایت درج ہونے کے بعد ڈی سی پی سمیر شیخ کی ہدایت پر پولس نے تین خصوصی ٹیمیں تشکیل دیں اور انہیں اتر پردیش، مدھیہ پردیش اور بہار روانہ کیا۔ پولیس نے ملزمان کے جاننے والوں کی سرگرمیوں پر نظر رکھی اور ان کی لوکیشن ٹریس کی اور آخر کار ان دونوں کو مدھیہ پردیش سے گرفتار کر لیا۔ ان سے 45 لاکھ روپے میں سے 36 لاکھ روپے برآمد ہوئے ہیں۔

تیج پرتاپ ڈنگی کو 12 ستمبر کو اسٹامپ ڈیوٹی ادا کرنے کے لیے ₹4.5 ملین درکار تھے۔ تاہم، 15 دن کی توسیع ملنے کے بعد، اس نے رقم اندھیری میں ایک دوست کے پاس جمع کرادی۔ 19 ستمبر کو، جب وہ رقم واپس لے کر اپنے ڈرائیور، نتیش کے ساتھ سوریا اسپتال (آر کے اسٹوڈیو کے قریب) پہنچا، تو وہ اپنے ایک رشتہ دار سے ملنے اسپتال کے اندر گیا جو وہاں داخل تھا۔ اس دوران اس نے نتیش کو رقم اسپتال کے کمرے میں لانے کے لیے بھیجا۔ تاہم نتیش کا فون اچانک بند ہو گیا۔ جب ڈنگی نے راہل سے رابطہ کرنے کی کوشش کی تو اس کا موبائل بھی بند تھا۔ تبھی اسے معلوم ہوا کہ دونوں بھائی رقم لے کر فرار ہو گئے ہیں۔ اس نے فوراً گوونڈی پولیس اسٹیشن میں شکایت درج کرائی۔

تیج پرتاپ ڈنگی اپنی کار کے لیے ڈرائیور کی تلاش میں تھے۔ اس نے ایک دوست کو بتایا، جس نے اسے دیپک کمار سے رابطہ کیا۔ دیپک نے سمستی پور، بہار کے رہنے والے نتیش مہاتو کو تجویز کیا، جسے ڈنگی نے آٹھ ماہ قبل ڈرائیور کے طور پر رکھا تھا۔ تین ماہ بعد نتیش نے اپنے بھائی راہول کی بھی نوکری کے لیے سفارش کی۔ راہل کو بعد میں ایک آفس بوائے کے طور پر رکھا گیا۔ لیکن صرف آٹھ ماہ کے اندر ہی دونوں بھائی اس کی امانت میں خیانت کرتے ہوئے لاکھوں روپے لے کر فرار ہو گئے۔