ممبئی ممبئی کالا پانی مومن پورہ میں ری ڈیولپمنٹ پروجیکٹ کو لے کر بلڈر کے خلاف آج آگری پاڑہ پولیس اسٹیشن میں بے گھر مکینوں نے احتجاجی مظاہرہ کرتے ہوئے بلڈر پر غنڈہ گردی اور عورتیں بھیج کر سائٹ کا تالا توڑ کر غیر قانونی طریقے سے غیر قانونی سر گرمی انجام دینے کا سنگین الزام عائد کیا۔ آگری پاڑہ پولیس اسٹیشن میں اس وقت ہنگامہ آرائی شروع ہوگئی جب سماجوادی پارٹی کی کارپوریٹر عنبرین ابراہانی نے پولیس اسٹیشن پہنچ کر اس معاملہ میں مداخلت کر نے کے ساتھ پولیس سے کارروائی کی درخواست کی تو سنیئر پولیس افسر نے ان کی بات سننے کے بجائے انہیں ہی باہر بیٹھنے کی ہدایت دی اور کہا کہ یہ کوئی مہا نگر پالیکا کا دفتر نہیں ہے اس کے بعد عنبرین مکینوں کو ہمراہ پولیس اسٹیشن میں ہی دھرنے پر بیٹھ گئی۔ مکینوں کا کہنا ہے کہ مومن پورہ کالا پانی پروجیکٹ کا ٹھیکہ بلڈر بھپیش کو فراہم کیا گیا تھا لیکن بھپیش نے مقررہ شرائط کی پابندی نہیں کی اور ایک سال سے مکینوں کو کرایہ اور بقایاجات کی ادائیگی نہیں کی جس کے بعد پہلے مکینوں نے اس کا ٹھیکہ معطل کر دیا اس کے بعد بی ایم سی نے بھی اس کا ٹھیکہ معطل کردیا اس کے باوجود آج بلڈر کی جانب سے باؤنسر عورتوں و مردوں نے سائٹ پر گھس کر ہنگامہ آرائی کی۔

اس معاملہ میں مقامی مکینوں اور متاثرین نے پولیس کو طلب کیا اور پولیس نے حالات کو قابو میں کر لیا جبکہ اس مسئلہ پر بلڈر کے خلاف مکینوں کی ناراضگی ہے ایک مکین نسیم بانو نے الزام عائد کیا کہ بلڈر بھپیش اور عبید نے ان خواتین کو بھیجا تھا اور یہاں سائٹ پر غلط کام ہوتے ہیں انہوں نے کہا کہ کوئی بھی اگر سائٹ کا تالا توڑتا ہے تو اس پر کارروائی ہوگی نسیم بانو نے الزام عائد کیا کہ مکینوں کو بھی ان پچاس سے چالیس عورتوں نے نشانہ بنایا اور ہاتھا پائی کے ساتھ مارپیٹ کا واقعہ بھی پیش آیا آگری پاڑہ پولیس میں مقامی کارپوریٹر 212 ء عنبرین نے بلڈر اور پولیس کے رویہ پر ناراضگی کا اظہار کیا ہے انہوں نے کہا کہ تین سال سے بلڈر کو ری ڈیولپمنٹ کا ٹھیکہ دیا گیا تھا لیکن اس نے کسی کو بھی کرایہ نہیں دیا جس کے بعد اس کا ٹھیکہ معطل ہوگیا اور بی ایم سی کمشنر نے بھی چار ماہ قبل ہی ٹھیکہ معطل کر دیا تھا اسی لئے آج بلڈر نے مرد اور خواتین باؤنسر سائٹ پر بھیجے تھے اس لئے مجھے مکینوں نے فون کیا اور میں نے سائٹ کا معائنہ کیا اور پھر پولیس اسٹیشن پہنچی پولیس اسٹیشن میں بلڈر کے خلاف ایف آئی آر درج کر نے کیلئے ہم نے دھرنا دیا پولیس نے یقین دلایا ہے کہ اس مسئلہ پر ضروری کارروائی ہوگی جس کے بعد دھرنا ختم کر لیا گیا ہے۔ انہوں نے مزید بتایا کہ مکین اپنے گھروں سے بے گھر ہوچکے ہیں انہیں کرایہ بھی فراہم نہیں کیا جارہا ہے اس لئے بلڈر کے خلاف ایف آئی آر درج کی جائے۔

بلڈر نے تمام الزامات کو بے بنیاد قرار دیا آگری پاڑہ بی ایم سی پلاٹ پر بازآبادکاری پروجیکٹ کے معرفت بھپیش بلڈر نے پروجیکٹ حاصل کیا اور اس میں تمام مکینوں سے باقاعدہ طور پر معاہدہ مکمل ہوا اور کام بھی جاری ہے ایسے میں کچھ مکین ہی کام میں رخنہ اندازی کر رہے ہیں اس کے ساتھ ہی سیاستداں بھی اس پروجیکٹ میں رکاؤٹ حائل کررہے ہیں۔ بھپیش بلڈر نے بتایا کہ پروجیکٹ سے متعلق ان کے پاس تمام منظوری و اجازت نامے موجود ہے اس کے ساتھ ہی مکین بھی اس کیلئے تیار ہے لیکن کچھ مکین ایک پرائیوٹ بلڈر اور سیاستداں کے بہکاؤے میں آکر اس کی مخالفت کر رہے ہیں انہوں نے اس کی تردید کی ہے کہ ان کا پروجیکٹ منسوخ کر دیا گیا ہے یہ بی ایم سی کمشنر نے اسے معطل کر دیا ہے انہوں نے سارے الزامات کو بے بنیاد قرار دیتے ہوئے کہا کہ ہم نے مارچ تک تمام مکینوں کو کرایہ بھی فراہم کیا ہے اور اس کی رسیدیں بھی ہمارے پاس موجود ہے اس کے باوجود کچھ مکین الزامات عائد کرتے ہیں یہ پوچھنے پر کہ آپ کے لوگوں نے سائٹ پر پہنچ کر غنڈہ گردی کی ہے تو انہوں نے اسے غلط اور گمراہ کن الزام قرار دیا اور کہا کہ ہمارے پاس سی سی ٹی وی فوٹیج ہے ایسا کوئی واقعہ پیش نہیں آیا۔ آگری پاڑہ پولیس کے مطابق اس معاملہ میں اب تک کوئی بھی کیس درج نہیں کیا گیا ہے البتہ پولیس نے دھرنے کے بعد لوگوں کو یقین دلایا ہے کہ اس مسئلہ پر ضروری کارروائی و تفتیش ہوگی۔

اس تعلق سے سنی جمیعت العلماء کے دفتر میں ایک اہم میٹنگ ہوئی جس کی صدارت تحفظ ناموس رسالت و نائب صدر سنی جمعیت علماء الحاج محمد سعید نوری صاحب نے کی رضا اکیڈمی کے سربراہ الحاج محمد سعید نوری نے سعودی عرب کے۲۶۔۲۰۲۵ کے تعلیمی نصاب میں بعض احادیثِ مبارکہ، اسلامی عبارات اور مذہبی اقتباسات کے حذف و ترمیم سے متعلق سامنے آنے والی اطلاعات پر شدید تشویش اور سخت ردِعمل کا اظہار کرتے ہوئے کہا ہے کہ احادیثِ رسولِ اکرم کو سیاسی، سفارتی یا وقتی مصلحتوں کے تحت نصاب سے نکالنا کسی بھی صورت قابلِ قبول نہیں ہوسکتا۔انہوں نے دوٹوک انداز میں کہا کہ احادیثِ نبویہ کسی حکومت، سلطنت یا وزارتِ تعلیم کی جاگیر نہیں بلکہ پوری امتِ مسلمہ کا مقدس علمی و دینی سرمایہ ہیں۔ اگر کسی مستند حدیث کے کسی حصے کی تشریح مشکل یا حساس محسوس ہوتی ہے تو اس کی وضاحت مستند علماء و محدثین کے ذریعے کی جائے، نہ کہ حدیث کو خاموشی سے نصاب سے خارج کردیا جائے۔الحاج محمد سعید نوری نے کہا کہ حالیہ بین الاقوامی رپورٹوں میں سعودی اسکولی نصاب میں متعدد تبدیلیوں کی نشاندہی کی گئی ہے، جن میں شامل بعض احادیث اور مذہبی اقتباسات کا حذف بھی بتایا گیا ہے۔

انہوں نے کہا : اگر یہ اطلاعات درست ہیں تو یہ محض نصاب میں معمولی ترمیم کا معاملہ نہیں بلکہ نئی نسل کے دینی شعور اور اسلامی تاریخ کی تعبیر کا انتہائی حساس مسئلہ ہے۔ احادیثِ رسول کو موجودہ سیاسی یا سفارتی ماحول کے مطابق نصاب سے نکالنا علم و دیانت کے تقاضوں کے منافی ہے۔ دین کو حکومتی پالیسیوں کا تابع نہیں بنایا جاسکتا۔‘‘احادیثِ رسول کو سیاسی مصلحتوں کا تابع بنانا خطرناک رجحان رضا اکیڈمی کے سربراہ نے کہا کہ اسلام نے اہلِ کتاب اور دیگر اقوام کے ساتھ عدل، حسنِ سلوک، معاہدات، انسانی وقار اور بقائے باہمی کے واضح اصول دیے ہیں۔ رسولِ اکرم کی حیاتِ طیبہ اس کی روشن ترین مثال ہے۔انہوں نے سوال کیا کہ اگر مذہبی رواداری مقصود ہے تو سیرتِ مصطفیٰ کا مکمل اور مستند تعارف نئی نسل کو کیوں نہیں دیا جاتا؟ کیا رواداری کے نام پر تاریخ کے بعض حصوں کو حذف کرنا اور احادیث کے نصابی وجود کو ختم کرنا ہی واحد راستہ رہ گیا ہے؟الحاج محمد سعید نوری نے سعودی نصاب سے’’ مسلمان بیت المقدس سے کبھی دستبردار نہیں ہوں گے‘‘جیسے جملے کے حذف اور اسرائیل سے متعلق بعض سابقہ اصطلاحات میں تبدیلی کی اطلاعات پر بھی سخت تشویش ظاہر کی۔اس میٹنگ میں شریک علماء کرام مولانا فرید الزماں صاحب خطیب و امام کھتری مسجد مولانا امان اللہ رضا صاحب خطیب و امام رنگ والا کمپاؤنڈ مولانا عثمان صاحب برکت بھائی فرید محمد فرید و دیگر شامل تھے۔

خواتین کے قومی کمیشن (این سی ڈبلیو) کی چیئرپرسن وجئے کشور رہاتکر نے بدھ کے روز ایک چلتی بس میں ایک نابالغ کے ساتھ جنسی زیادتی میں ملوث ملزمین کے خلاف سخت ترین سزا دینے پر زور دیا تاکہ دوسرے ممکنہ مجرموں کے لیے رکاوٹ بن سکے۔ اس مہینے کے شروع میں گریٹر نوئیڈا میں ایک خالی سلیپر بس کے اندر ایک 16 سالہ لڑکی کے ساتھ اس کے ڈرائیور اور کنڈکٹر نے اجتماعی عصمت دری کی تھی، پولیس نے پیر کو کہا کہ دونوں ملزمان کو اس معاملے کے سلسلے میں گرفتار کیا گیا ہے۔ میڈیا سے بات کرتے ہوئے راہتکر نے اس واقعے کی مذمت کی۔ “پولیس واقعے کی تحقیقات کر رہی ہے۔ ہمیں انہیں کچھ وقت دینے کی ضرورت ہے۔ ملزمان کو جلد از جلد سخت سے سخت سزا دی جانی چاہیے، جو مستقبل کے لیے عبرت کا باعث بن سکتی ہے، تاکہ کوئی اس طرح کے جرم کا ارتکاب کرنے کا سوچ بھی نہ سکے۔”

اس بات پر زور دیتے ہوئے کہ خواتین کی حفاظت کے حوالے سے معاشرے کی بھی ذمہ داری ہے، انہوں نے کہا: “ریاست کے مناسب کام کے لیے امن و امان ہے، اور ایک حکومتی نظام بھی ہے، لیکن، یہ کہتے ہوئے، معاشرے کی ذہنیت میں بھی زبردست تبدیلی لانے کی ضرورت ہے۔” این سی ڈبلیو کی چیئرپرسن نے کہا کہ معاشرے کو ہر چیز پر قانون اور انتظامیہ کے ساتھ ہم آہنگی کے ساتھ کام کرنے کی ضرورت ہے۔ اس طرح کے جرائم کا ارتکاب کرنے والے ملزمان کو معاشرے سے خارج ہونے کے دباؤ کا سامنا کرنا چاہیے، تب ہی وہ ایسی حرکتوں میں ملوث ہونے سے باز آسکتے ہیں۔” انہوں نے مزید کہا۔ نیشنل ہیومن رائٹس کمیشن (این ایچ آر سی) نے ان رپورٹوں کا از خود نوٹس لیا ہے کہ 4 اگست کو چلتی سلیپر بس میں نابالغ لڑکی کے ساتھ اجتماعی عصمت دری کی گئی۔

یہ دیکھتے ہوئے کہ خبر کے مندرجات، اگر سچے ہیں، انسانی حقوق کی خلاف ورزیوں کے سنگین مسائل کو اٹھاتے ہیں، انسانی حقوق کے اعلیٰ ادارے نے دہلی اور گوتم بدھ نگر کے پولس کمشنروں اور پولیس سپرنٹنڈنٹ، مین پوری کو نوٹس جاری کرتے ہوئے دو ہفتوں کے اندر تفصیلی رپورٹ طلب کی ہے۔ این ایچ آر سی نے کہا کہ رپورٹ میں تحقیقات کی حیثیت، میڈیا رپورٹ میں متاثرہ کو معاوضے کی ادائیگی، میڈیا رپورٹس کے حوالے سے تفصیلات شامل ہونی چاہئیں۔ 31 اگست کو، مین پوری کی رہنے والی لڑکی، نوئیڈا کے سیکٹر 63 میں اپنے کزن سے ملنے گھر سے نکلی تھی۔ مبینہ طور پر وہ اپنا اسٹاپ بھول گئی اور شدید بارش اور اندھیرے کے درمیان پاری چوک پر اتر گئی۔ اس کے بعد وہ ایک سلیپر بس میں سوار ہوئی، جہاں یہ جرم ہوا، جب کنڈکٹر نے اسے مبینہ طور پر بتایا کہ یہ سیکٹر 63 کی طرف جارہی ہے۔