ممبئی : شہر اور مضافاتی علاقوں میں گزشتہ چند گھنٹوں سے موسلادھار بارش جاری ہے، کئی علاقوں میں 300 ملی میٹر سے زیادہ بارش ریکارڈ کی گئی ہے۔ اس پس منظر میں ممبئی میونسپل کارپوریشن کا ایمرجنسی سسٹم پوری صلاحیت کے ساتھ کام کر رہا ہے اور 7 ہزار سے زیادہ افسران اور ملازمین کو مختلف مقامات پر تعینات کیا گیا ہے۔ اگرچہ مسلسل بارش نے نشیبی علاقوں میں پانی جمع ہونے کی صورت حال پیدا کردی ہے، لیکن میونسپل کارپوریشن کی جانب سے لگائے گئے پانی نکالنے والے پمپ، بارش کے پانی کو ذخیرہ کرنے والے اسٹیشن اور فلڈ کنٹرول سسٹم کو فعال کردیا گیا ہے۔ جس کی وجہ سے جمع پانی تیزی سے نکاسی کی جارہی ہے، ٹریفک بھی رواں دواں ہے۔ میونسپل کارپوریشن کا ڈیزاسٹر مینجمنٹ ڈیپارٹمنٹ نشیبی علاقوں، ریلوے اسٹیشنوں، اہم سڑکوں، پلوں اور ساحلی علاقوں کی مسلسل نگرانی کر رہا ہے۔ متعلقہ محکموں کے انجینئرز، عملہ اور کنٹرول روم 24 گھنٹے کام کر رہے ہیں اور شہریوں کی جانب سے موصول ہونے والی شکایات پر فوری ایکشن لیا جا رہا ہے۔

ڈرین کی صفائی، برساتی نالوں اور پانی کی نکاسی کے نظام کا باقاعدہ معائنہ کیا جا رہا ہے اور ضرورت کے مطابق اضافی افرادی قوت اور مشینری کو موقع پر بھیجا جا رہا ہے۔ اس کے علاوہ فائر بریگیڈ، ڈیزاسٹر مینجمنٹ ٹیموں اور دیگر متعلقہ نظاموں کو درخت گرنے، شارٹ سرکٹ، پانی جمع ہونے یا دیگر ہنگامی صورتحال سے نمٹنے کے لیے تیار رکھا گیا ہے۔ میونسپل کمشنر اشونی بھیڈے نے شہریوں سے اپیل کی ہے کہ وہ محکمہ موسمیات کی ہدایات پر عمل کریں اور کسی بھی ہنگامی صورتحال میں میونسپل کارپوریشن کے کنٹرول روم سے رابطہ کریں۔ دریں اثناء بارش کی شدت جاری رہنے کے امکان کو مدنظر رکھتے ہوئے تمام محکموں کو الرٹ رہنے کی ہدایت دی گئی ہے اور صورتحال پر مسلسل نظر رکھی جا رہی ہے۔ میونسپل کمشنر اشونی بھیڈے نے کہا ہے کہ میونسپل کارپوریشن شہریوں کی حفاظت کے لیے تمام ضروری اقدامات کو بروئے کار لا رہی ہے۔

ممبئی مہاراشٹر قانون ساز اسمبلی میں اس وقت ہنگامہ برپا ہوگیا جب طلاق ثلاثہ اور یکساں سول کوڈ مساوی قانون یو سی سی پر بحث شروع تھی اس دوران این سی پی اجیت پوار گروپ کی لیڈر اور رکن اسمبلی ثنا ملک نے جارحانہ انداز میں کہا کہ تعداد ازدواج صرف مسلمانوں میں ہی عام نہیں ہے دیگر مذاہب میں بھی یہ عام ہے صرف مسلمان کو نشانہ بنایا جارہا ہے اس پر بی جے پی ہنگامہ آرائی کرتے ہوئے کہا کہ ملک آئین دستور سے چلے گا قرآن یا شریعت سے نہیں۔ قانون ساز اسمبلی کے مانسون اجلاس کے دوسرے دن، ‘تین طلاق’، تعدد ازدواج اور ‘یکساں سول کوڈ’ (یو سی سی) جیسے انتہائی حساس مسائل پر حکمراں اور حزب اختلاف کے اراکین اسمبلی کے درمیان نوک جھونک ہوئی ۔بی جے پی ایم ایل اے دیویانی فراندے نےیکساں سول کوڈ پر سوال اٹھایا اس دوران این سی پی (اجیت پوار گروپ) کی ایم ایل اے ثنا ملک نے جارحانہ ر یہ اختیار کیا دیونانی نے یہاں یو سی سی کے نفاذ کا مطالبہ کیا توجہ طلب نوٹس کے،عرفت۔

بی جے پی ایم ایل اے دیویانی نے طلاق ثلاثہ کا مسئلہ پیش کیا”تین طلاق اور تعدد ازدواج کی وجہ سے مسلم خواتین کے ساتھ بڑی ناانصافی ہو رہی ہے۔ صرف پاکستان ہی تعدد ازدواج کا پابند ہے، لیکن ہندوستان میں ایسا نہیں ہے۔ ریاستی حکومت یکساں سول کوڈ کو کب نافذ کرے گی؟” یہ سوال کیا جس پر وزیر مملکت داخلہ یوگیش کدم نے یو سی سی کے لیے کمیٹی تشکیل سے متعلق تفصیل بتائی اور کہا کہ سرکار کا موقف اس میں واضح ہے، ریاستی حکومت یکساں سول کوڈ (یو سی سی) کے نفاذ سے متعلق مثبت طریقے پر کام کر رہی ہے وزیر اعلیٰ نے قانونی مسودہ بھی تیار کر لیا ہے ہائی کورٹ کے ایک ریٹائرڈ جج کی صدارت میں ایک کمیٹی قائم کرنے کا فیصلہ کیا ہے۔ اس کی رپورٹ آنے کے بعد، یو سی سی کے نفاذ کرنے کے لیے اقدامات کیے جائیں گے۔ایک بار جب یو سی سی نافذ ہو جائے گا، تو یہ ملک کے ہر شہری پر یکساں طور پر قانون نافذ ہو گا۔ اس لیے کثرت ازدواج اور تعداد ازدواج پر پابندی ہو گی ، مسلمان قرآن و سنت پر عمل کرتا ہے وہ شریعت کا پابند ہے۔

ایم ایل اے ثنا ملک، نے بحث میں حصہ لیتے ہوئے جارحانہ رخ اختیار کرتے ہوئے کہا کہ مسلمان قرآن سنت اور شریعت پر عمل پیرا ہےاور بی جے پی کو کرارا جواب دیتے ہوئے کہا کہ بی جے پی اور اراکین کہتے ہیں کہ پاکستان میں فلاں قانون نافذ ہے تو پاکستان کوئی منفرد کام نہیں کرتا وہ قرآن و حدیث پر کاربند ہےقرآنی تعلیمات کو ہی وہ نافذ کرتا ہے اس لئے میں مطالبہ کرتی ہوں کہ یہاں بھی قرآنی تعلیمات پر عمل کیا جائے کیا صرف مسلمان مرد ہی ایک سے زیادہ شادی کرتے ہیں؟ تعددادازدواج دوسرے مذاہب میں موجود ہے۔ فرق یہ ہے کہ صرف مسلم مذہب میں ہی تعدد ازدواج کے لیے یکساں اصول و ضوابط ہیں۔ثناء ملک نے کہا، “طلاق حسن اور ‘طلاق احسن’ وہ اقسام ہیں جن کی ہم پیروی کرتے ہیں۔ لیکن ‘طلاق بدعت’ بذات خود ایک الگ ثقافتی عمل ہے، اس کا قرآن میں کہیں بھی ذکر نہیں ہے۔ اسی لیے ہندوستان میں اس کا وجود نہیں تھا، اس لیے حکومت نے اسے منسوخ کر دیا۔جس پر مسلمانوں کو کوئی اعتراض نہیں ہے کیونکہ طلاق بدعت کو مسلمان نہیں مانتے ۔ بی جے پی اراکین قرآن کے نفاذ کے ثنا ملک کے بیان پر آگ بگولہ ہو گئے اور کئی اراکین نے اس پر اعتراض بھی کیاکئی اراکین نے ثنا ملک سے کہا کہ “ہمیں قرآن پر لیکچر مت دو۔ یہ ملک قرآن پر نہیں ڈاکٹر بابا صاحب امبیڈکر کے آئین پر چلے گا۔ اس دوران، جب ثنا ملک کی ایوان میں مخالفت کی گئی اور ان کی لب کشائی پر بی جے پی نے ہنگامہ برپا کیا تو نیشنلسٹ کانگریس (شرد پوار گروپ) کے ریاستی صدر جینت پاٹل نے ثنا کے موقف کی حمایت کی اور کہا کہ ایوان کی روایت ہے کہ اگر کوئی اپنی رائے کا اظہار کرے تو اسے اظہار رائے کی آزادی دی جائے ثنا ملک کا مشورہ پسند آئے یا نہ آئے ان کی زبان بندی قطعی درست نہیں ہےمیں ثنا ملک کے موقف کا حامی ہوں

مانسون اجلاس میں ‘یکساں سول کوڈ’ (یو سی سی) اور ‘تین طلاق’ کے مسئلہ پر حکمراں عظیم اتحاد کے درمیان نظریاتی تنازعہ اور اختلاف سامنے آیا ہے ایک طرف بی جے پی اور شندے گروپ ہندو اور آئین کا مسئلہ اٹھا رہے ہیں تو دوسری طرف مسلم رکن اسمبلی ثنا ملک شریعت اور اسلام سے متعلق ایوان میں بے باکی کا مظاہرہ کر رہی ہے اور انہوں پوری شدت کے ساتھ مسلم مسائل پر بی جے پی کو جواب دیاہےاس پر تنازع مزید شدید ہونے کا امکان اب روشن ہو گیا ہے ۔ دوسری طرف یہاں پریس کانفرنس سے خطاب کرتے ہوئے نتیش رانے بھی مسلمانوں کے خلاف زہر افشانی کرتے ہوئے کہا کہ یہ ملک ڈاکٹر بابا صاحب امبیڈکر کے دستور پر چلے گا انہوں نے کہا کہ ایوان میں جب اس مسئلہ پر بحث ہو رہی تھی تو ایسا محسوس ہورہا تھا کہ ہم کراچی یا پاکستان کے ایوان میں بیٹھے ہیں انہوں نے کہا کہ یہ ہندوتوا کی سرکار ہے یہ دریافت کرنے پر کہ آیا مہایوتی کی رکن اسمبلی ثنا ملک نے ایوان میں یکساں سول کوڈ اور مسلم خواتین سے متعلق سوال پر اعتراض کیا اور کہا کہ مہاراشٹر میں کیا صرف مسلم خواتین پر ہی ظلم ہوتا ہے تو اس پر نتیش رانے نے کہا کہ جو بھی ہندوتوا کامسئلہ اٹھائیں گا ہم اس کی حمایت کریں گے۔

ممبئی مہاراشٹر اسمبلی کے دوسرے روز اپوزیشن نے اسمبلی سے واک آوٹ کر کے کام کاج میں عدم موجودگی درج کروائی دوسری جانب عوامی مسائل پر سوال اور جواب کے دوران وزیر اعلی نے ڈرگس سے پاک ممبئی اور مہاراشٹر کےاپنے عزم مصمم کو دہرایا ۔ آج وزیر اعلی دیویندر فڑنویس نے ڈرگ مافیا کے خلاف پوچھے گئے مختلف سوالات پر تفصیلات پیش کیں ۔ فڈنویس نے واضح کیا کہ حکومت ممبئی اور مہاراشٹر کو منشیات سے پاک بنانے کے لیے پرعزم ہے۔ وزیر اعلیٰ نے آج ایوان میں اعدادوشمار کے ساتھ یہ معلومات پیش کیں۔ اپوزیشن نے اعتراض کیا۔ پولیس پر سنگین الزامات لگائے گئے۔وزیراعلی فڑنویس نے اس کا تفصیلی جواب دیا۔ ریاست میں چار مہینوں میں 254 کروڑ روپے کی منشیات ضبط کی گئی ہیں۔ حکومت نے اسمبلی کو بتایا کہ ریاست میں چار مہینوں میں 254 کروڑ روپے کی منشیات ضبط کی گئی ہیں۔ جنوری سے اپریل 2026 تک ریاست میں منشیات رکھنے کے 1,142 کیس درج کیے گئے۔ حکومت نے اسمبلی کو بتایا کہ اس آپریشن میں 1,626 ملزمان کو گرفتار کیا گیا ہے اور 254.53 کروڑ روپے کی منشیات ضبط کی گئی ہیں۔ وزیراعلیٰ نے بتایا کہ منشیات کے استعمال کے خلاف 3,199 مقدمات درج کیے گئے ہیں۔

اینٹی نارکوٹکس ٹاسک فورس (اے این ٹی ایف) کے تمام سات یونٹ ممبئی سمیت ریاست بھر میں انسداد منشیات کی کارروائیوں کے لیے کام کر رہے ہیں۔ سال 2025 میں، اے این ٹی ایف اور پولیس نے مل کر 523.17 کروڑ روپے کی منشیات کو تباہ کیا۔ فڑنویس نے کہا کہ منشیات کی اسمگلنگ اور فروخت کے سلسلے میں حکومت کی ‘زیرو ٹالرنس’ پالیسی ہے اور قصوروار پائے جانے والے پولیس افسران اور ملازمین کے خلاف سخت کارروائی کی بھی ہدایت دی گئی ہے۔ ‘منشیات سے پاک ممبئی’ مہم، پولیس بڑے پیمانے پر ہفتہ وصولی میں ملوث پائی گئی ہے۔ ایسے پولیس اہلکاروں کے خلاف براہ راست کارروائی کی جائے۔ شرد پوار این سی پی لیڈر جینت پاٹل نے الزام لگایا کہ ہمیں آن لائن منشیات فراہم کی جارہی ہے ۔ اس دوران لیڈر جتیندر اوہاد نے الزام لگایا کہ منشیات کا ریکیٹ پولیس کی ملی بھگت سے چل رہا ہے۔ ہم ہمیشہ ایوان میں منشیات پر بحث کرتے ہیں۔ منشیات فروخت ہونے والی جگہوں کے بارے میں پولیس کو اطلاع دینے پر بھی کوئی کارروائی نہیں کی جاتی۔ سنیل پربھو نے الزام لگایا کہ آج گلیوں میں منشیات فروخت ہو رہی ہیں۔ ریاست میں یہ ایک سنگین جرم ہے۔ محکمہ نارکوٹکد کیا کر رہا ہے؟ جینت پاٹل نے مطالبہ کیا کہ ہماری پولیس کو ان جگہوں پر بھیجا جائے جہاں ریاست سے باہر کی بندرگاہوں پر منشیات پائی جاتی ہیں۔

حکومت نے بتایا کہ مہم اور منشیات سے پاک آگاہی کے لیے ایک اعلیٰ سطحی کمیٹی تشکیل دی گئی ہے۔ ایسے معاملات میں قصوروار پائے جانے والے تمام پولیس والوں کو برطرف کر دیا گیا ہے۔ ہم نے نارکوٹکس ڈیپارٹمنٹ کو توسیع دی ہے۔ ہم ہر تھانے میں ایک محکمہ قائم کر رہے ہیں۔ ہماری کوشش ہے کہ اچھے افسران کو اینٹی نارکوٹکس فورس میں تفویض کیا جائے۔ وزیر اعلی دیویندر فڑنویس نے بتایا کہ میں اب ہر روز نارکوٹکس پرتفصیل طلب کی جائے گی ۔منشیات کے سرغنہ سلیم ڈولا کو گرفتار کر لیا گیا ہے۔ وزیر اعلیٰ نے بتایا کہ ستارہ میں بھی ایک فیکٹری ملی ہے اور وہ ان کی ہے۔وزیر اعلیٰ نے ممبئی پولیس کی کارکردگی کی تعریف کرتے ہوئے کہا کہ ممبئی پولیس نے مختلف ریاستوں میں جا کر منشیات کو تباہ کیا ہے۔ ہم نے ممبئی کے 3000 اسکولوں اور کالجوں میں پروگرام شروع کیے ہیں۔ ہم منشیات سے پاک زندگی گزارنے کی مہم چلا رہے ہیں۔ وزیر اعلیٰ نے یقین دلایا کہ منشیات کے بارے میں معلومات فراہم کرنے والوں کو ہم انعامات دیں گے اور اس بات کو یقینی بنائیں گے کہ اس شخص کی شناخت ظاہر نہ ہو۔