‎ممبئی : ممبئی تھانہ دیوا ممبرا کے درمیان درناک لوکل ٹرین حادثہ کے بعد اب لوکل ٹرینوں کی نئی ڈائرین تیار کر کے اسے مسافروں کے لئے ریلوے کے بیڑے میں شامل کیا جائے۔ مسافروں کے تحفظات کے لئے بند دروارہ خودکار بند دروازہ ٹرین چلائی جائے گی, جو نان اے سی ہوگی اور اس کا دروازہ بند ہوگا۔ اتنا ہی نہیں اس میں ہوا کا وینٹلیشن کا بھی اہتمام کو یقینی بنایا گیا ہے تاکہ ڈبوں میں مسافروں کا دم نہ گھٹنے پائے۔ ۲۳۸ ٹرینوں بیڑے میں شامل کیا جائے گا۔

ممبئی میں وقوع پذیر المناک واقعہ کے پیش نظر، ریلوے وزیر اور ریلوے بورڈ کے افسران نے انٹیگرل کوچ فیکٹری (آئی سی ایف) کی ٹیم کے ساتھ ایک تفصیلی میٹنگ کی۔ ‎میٹنگ کا مقصد ممبئی میں چلنے والی نان اے سی لوکل ٹرینوں میں خودکار دروازے کے مسئلے کا عملی حل تلاش کرنا تھا۔ ‎نان اے سی ٹرینوں میں خودکار دروازوں سے وابستہ سب سے بڑا مسئلہ ہوا کی کمی اور دم گھٹنے کا امکان ہے کیونکہ ان کوچوں میں وینٹیلیشن نسبتاً کم ہے۔

‎تفصیلی غور و خوض کے بعد یہ فیصلہ کیا گیا کہ نئے نان اے سی کوچز کو اس طرح ڈیزائن اور تیار کیا جائے گا کہ وینٹیلیشن کا مسئلہ حل ہو۔ اس کے لیے ڈیزائن میں تین بڑی تبدیلیاں کی جائیں گی۔. دروازے بند ہونے پر بھی ہوا کے اخراج کو یقینی بنانے کے لیے دروازوں میں لوور لگائے جائیں گے۔ باہر سے تازہ ہوا لینے کے لیے کوچ کی چھت پر وینٹیلیشن یونٹ لگائے جائیں گے۔ کوچوں میں ویسٹیبلز ہوں گے تاکہ مسافر آسانی سے ایک کوچ سے دوسری کوچ میں جاسکیں اور ہجوم کا توازن قدرتی طور پر برقرار رکھا جاسکے۔

اس نئے ڈیزائن کے ساتھ پہلی ٹرین نومبر 2025 تک تیار ہو جائے گی۔ ضروری ٹیسٹ اور تصدیق کے بعد اسے جنوری 2026 تک سروس میں لایا جائے گا۔ ‎یہ کوشش ممبئی کے مضافاتی نیٹ ورک کے لیے بنائی جانے والی 238 اے سی ٹرینوں کے علاوہ ہے۔

چندر پور : مہاراشٹر کے چندر پور ضلع میں ایک چونکا دینے والا واقعہ سامنے آیا ہے۔ جہاں ایک منی ٹرک ڈرائیور نے ٹول ٹیکس سے بچنے کی کوشش میں ٹول پلازہ کے ملازم کو اپنی گاڑی سے کچل دیا۔ یہ سارا واقعہ ٹول پلازہ پر نصب سی سی ٹی وی کیمرے میں قید ہوگیا۔ واقعے کے فوری بعد زخمی ملازم کو تشویشناک حالت میں اسپتال میں داخل کرایا گیا، جہاں اس کا علاج جاری ہے۔ ڈاکٹروں کے مطابق ان کی حالت بدستور تشویشناک ہے۔ پولیس نے نامعلوم ڈرائیور کے خلاف تعزیرات ہند کی دفعہ 307 (قتل کی کوشش) کے تحت مقدمہ درج کیا ہے۔ ملزمان واردات کے بعد موقع سے فرار ہو گئے۔ پولیس ٹیمیں اس کی تلاش کر رہی ہیں۔ مقامی انتظامیہ اور ٹول انتظامیہ نے واقعہ کی مذمت کرتے ہوئے ڈرائیور کے خلاف سخت کارروائی کا مطالبہ کیا ہے۔ پولیس حکام کا کہنا ہے کہ سی سی ٹی وی فوٹیج کی بنیاد پر ملزم کی شناخت کی جا رہی ہے، جلد گرفتار کر لیا جائے گا۔

حملے میں زخمی ہونے والے ملازم کی شناخت 27 سالہ سنجے ارون ونجھارے کے نام سے ہوئی ہے، جو ٹول پلازہ پر کمپیوٹر آپریٹر کے طور پر کام کرتا تھا۔ انہیں آئی سی یو میں داخل کرایا گیا ہے۔ یہ واقعہ ٹول پلازہ کے قریب نصب سی سی ٹی وی کیمرے میں واضح طور پر ریکارڈ کیا گیا ہے۔ فوٹیج میں دیکھا جا سکتا ہے کہ ملازم سنجے نے وین کو رکنے کا اشارہ کیا، لیکن ڈرائیور سیدھا گاڑی اس میں گھس گیا۔ پولیس کا کہنا ہے کہ سی سی ٹی وی فوٹیج سے صاف ظاہر ہوتا ہے کہ گاڑی جان بوجھ کر ٹول ورکر پر چڑھائی گئی۔ ملزم ڈرائیور کے خلاف سنگین دفعات کے تحت مقدمہ درج کر لیا گیا ہے۔

‎ممبئی : مہاراشٹر نونرمان سینا سربراہ راج ٹھاکرے نے ممبرا دیوا ٹرین حادثہ کو افسوسناک قرار دیا اور کہا کہ ریلوے میں سفر کرنا انتہائی مشکل ترین امر ہے۔ شام کے وقت تو پلیٹ فارم پر اس قدر بھیڑ ہوتی ہے کہ ٹرینوں میں چڑھنا مشکل ہے۔ اس کے باوجود مسافر ریلوے سے سفر کرتے ہیں, شہروں میں کوئی منصوبہ بندی نہیں ہے, یہی وجہ ہے کہ ریلوے کی حالت خستہ ہے۔ یومیہ ریلوے سے سفر کرنے والوں کے حادثات ہوتے ہیں۔ شہروں کی ترقیاتی پروجیکٹ کے نام پر صرف فلک شگاف عمارتیں تعمیر کر رہی ہیں, جس میں پارکنگ کا کوئی نظم نہیں ہے۔ ٹریفک کا مسئلہ جوں کا توں ہے, ممبئی تھانہ پونہ میں ٹریفک کا مسئلہ انتہائی تشویشناک ہے۔

‎ریلوے پر مسافروں کا بوجھ بڑھ گیا ہے۔ اہلیان ممبئی کیلئے کوئی علیحدہ انتظام ریلوے میں نہیں ہے, مسافروں کا برا حال ہے, لیکن میڈیا کو ان مسائل سے کوئی سروکار نہیں ہے۔ جتنی مرتبہ راج ٹھاکرے اور ادھو ٹھاکرے کب ایک ساتھ آئیں گے کی خبر چلانے کے بجائے وہ ان مسائل پر سرکار کی توجہ مبذول کراتے تو کوئی مسئلہ کا حل نکلتا۔ شہروں میں صرف میٹرو اور مونو سے ترقی نہیں ہوگی۔ میٹرو اور مونو کے باوجود گاڑیوں کا رجسٹریشن نہیں رکے ہیں, ان میٹرو اور مونو سے کون سفر کرتا ہے اس کا کوئی مطالعہ تک نہیں ہے۔ سڑکوں پر ٹریفک کا مسئلہ اب بھی برقرار ہے, ایسے میں شہری مسائل پر توجہ دینے کی ضرورت ہے, میں وزارت ریلوے سے مطالبہ ہے کہ اس طرف توجہ دے۔