نئی دہلی : الیکشن کمیشن نے بہار کی 2003 کی ووٹر لسٹ اپنی ویب سائٹ پر ڈال دی ہے۔ اس میں 4.96 کروڑ ووٹروں کی معلومات شامل ہیں۔ الیکشن کمیشن نے پیر (30 جون) کو یہ اطلاع دی۔ الیکشن کمیشن کے مطابق ان 4.96 کروڑ ووٹرز کو کوئی دستاویزات جمع کرانے کی ضرورت نہیں ہے۔ ان کے بچوں کو بھی اپنے والدین سے متعلق کوئی اور دستاویزات جمع کرانے کی ضرورت نہیں ہوگی۔ کمیشن کی طرف سے یہ وضاحت اپوزیشن جماعتوں کے احتجاج کے بعد سامنے آئی ہے۔ کانگریس، ٹی ایم سی، آر جے ڈی اور بائیں بازو کی جماعتوں نے الیکشن کمیشن کے ‘خصوصی گہری نظرثانی’ پر سوالات اٹھائے تھے۔ انہوں نے کہا کہ انتخابات سے قبل ایسا کرنا درست نہیں۔

الیکشن کمیشن نے کہا کہ 2003 کی ووٹر لسٹ کی آسانی سے دستیابی سے بہار میں جاری ‘اسپیشل انٹینسیو ریویژن’ (ایس آئی آر) میں بہت مدد ملے گی۔ الیکشن کمیشن کی جانب سے وضاحت کے بعد تقریباً 60 فیصد ووٹرز کو اب کوئی کاغذات جمع کرانے کی ضرورت نہیں رہے گی۔ کمیشن نے کہا، “انہیں (4.96 کروڑ ووٹروں) کو 2003 کی ووٹر لسٹ کے ساتھ ووٹر لسٹ میں اپنی تفصیلات چیک کرنی ہوں گی اور بھرا ہوا گنتی فارم جمع کرنا ہوگا۔” کمیشن نے مزید کہا کہ جن کا نام 2003 بہار کی ووٹر لسٹ میں نہیں ہے وہ بھی اپنے والدین کے لیے کوئی اور دستاویزات جمع کرانے کے بجائے 2003 کی ووٹر لسٹ سے اقتباس کا استعمال کر سکتے ہیں۔ ‘ایسے معاملات میں ان کی والدہ یا والد کے لیے کسی اور دستاویزات کی ضرورت نہیں ہوگی۔ 2003 کے انتخابی فہرست سے صرف متعلقہ اقتباس/تفصیلات ہی کافی ہوں گی۔ ایسے ووٹرز کو بھرے ہوئے گنتی فارم کے ساتھ صرف اپنے کاغذات جمع کرانا ہوں گے۔’

الیکشن کمیشن بہار میں 25 جون سے ‘اسپیشل انٹینسیو ریویژن’ (ایس آئی آر) کر رہا ہے۔ اس کا مطلب ہے کہ بہار کے لیے ووٹر لسٹ دوبارہ تیار کی جائے گی۔ اس اقدام کی کئی اپوزیشن جماعتوں نے مخالفت کی ہے۔ کانگریس کا الزام ہے کہ اس سے رائے دہندوں کو جان بوجھ کر ریاستی مشینری کا استعمال کرتے ہوئے خارج کیے جانے کا خطرہ ہے۔ مغربی بنگال کی وزیر اعلیٰ ممتا بنرجی نے اس اقدام کو “این آر سی (نیشنل رجسٹر آف سٹیزنز) سے زیادہ خطرناک” قرار دیا اور الزام لگایا کہ ان کی ریاست، جو اگلے سال انتخابات ہونے والی ہے، اصل “ٹارگٹ” تھی۔ الیکشن کمیشن کی اس مہم میں، بوتھ لیول آفیسرز (بی ایل او) اس گہرے نظرثانی کے عمل کے دوران تصدیق کے لیے گھر گھر جا کر سروے کر رہے ہیں۔ پچھلی بار بی ایل او گھر گھر جا کر گھر کے سربراہ سے ‘کاؤنٹنگ پیڈ’ بھرتے تھے۔ لیکن اس بار گھر کے ہر ووٹر کو الگ سے گنتی کا فارم جمع کرنا ہوگا۔ یکم جنوری 2003 کے بعد ووٹر لسٹ میں شامل ہونے والے ووٹرز کو اپنی شہریت کا ثبوت دینا ہوگا۔

الیکشن کمیشن آف انڈیا (ای سی آئی) کا فارم 6 نئے ووٹروں کے اندراج کے لیے ہے۔ اس میں درخواست گزاروں کو یہ اعلان کرنے کے لیے دستخط کرنا ہوں گے کہ وہ شہری ہیں اور اس حقیقت کو ثابت کرنے کے لیے دستاویزات جمع نہیں کراتے ہیں۔ لیکن، الیکشن نے اب بہار میں خصوصی رول پر نظر ثانی کی مشق کے لیے شہریت کا ثبوت فراہم کرنے کے لیے ایک نیا منشور شامل کیا ہے۔ شہریت ثابت کرنے کے لیے پاسپورٹ، برتھ سرٹیفکیٹ، ایس سی/ایس ٹی سرٹیفکیٹ اور بہار کی ووٹر لسٹ میں والدین کے ناموں کا ذکر جیسے یکم جنوری 2003 کو کافی سمجھا جائے گا۔ دیگر دستاویزات میں پنشن کی ادائیگی کا آرڈر، مستقل رہائش کا سرٹیفکیٹ، نیشنل رجسٹر آف سٹیزنز، مقامی حکام کا خاندانی رجسٹر اور زمین کی الاٹمنٹ سرٹیفکیٹ شامل ہیں۔

‎ممبئی : بھیونڈی پڑگھا میں داعش کا امیر اور سابق سیمی رکن ثاقب ناچن کو سپرد خاک کر دیا گیا۔ گزشتہ شب ثاقب ناچن کے جسد خاکی کو ان کے گھر لایا گیا اور موٹر سائیکل ریلی کے ساتھ جسد خاکی کو صبح ساڑھے آٹھ بجے جلوس جنازہ نکالا گیا اور قبرستان میں نماز جنازہ ادا کی گئی اور ثاقب ناچن کو اشکبار آنکھوں سے سوگواروں نے الوداع کہا۔ گرام پنچایت کے قبرستان میں ثاقب ناچن کی آخری رسومات کی ادائیگی سے قبل تھانہ اور بھیونڈی میں ہائی الرٹ کیا گیا تھا۔ اس کے ساتھ ہی وشو ہندو پریشد اور ہندو تنظیموں کے احتجاج کا خدشہ تھا اس لئے جلوس جنازہ کے دوران پولیس نے سخت حفاظتی انتظامات کئے تھے۔ ایس پی ضلع ڈاکٹر ایس سوامی جلوس جنازہ کی نگرانی کر رہے تھے۔ ممبرا، بھیونڈی، کرلا، کلیان سمیت دیگر مضافاتی علاقوں سے بھی سوگواروں نے شرکت کی ثاقب ناچن کے جلوس جنازہ میں سوگواروں کا اژدہام تھا۔ پولس کے مطابق دو ہزار سے ڈیڑھ ہزار سوگواروں نے جنازہ میں شرکت کی۔ پولس نے بتایا کہ جلوس جنازہ کے لئے تھانہ پڑگھا اور بھیونڈی میں ہائی الرٹ تھا۔ پولس نے جلوس جنازہ کی ویڈیو ریکارڈنگ بھی کی ہے۔ ثاقب ناچن کو دلی میں برین ہیمرج کی شکایت پر اسپتال میں داخل کیا گیا, چار دنوں تک ناچن بسترمرگ پر تھا۔ پڑگھا میں ثاقب ناچن کو دہشت گرد نہیں بلکہ ایک مسیحا مانتے تھے, جبکہ ناچن پر دہشت گردانہ سرگرمیوں میں ملوث ہونے کا الزام ہے داعش سے تعلقات رکھنے کے الزام میں ۲۰۲۳ میں این آئی اے نے گرفتار کیا تھا۔ اس کے ساتھ ہی این آئی اے نے دعویٰ کیا تھا کہ ناچن نے خود کو داعش کا امیر بنایا تھا اور وہ ملک مخالف سرگرمیوں میں ملوث تھا۔ اس لئے اسے گرفتار کیا گیا, اے ٹی ایس نے بھی پڑگھا سمیت تھانہ ممبئی میں ۲۲ مقامات پر چھاپہ مار کارروائی کی تھی اور داعش کے کئی متنازع دستاویزات اور لٹریچر بھی ضبط کئے گئے تھے۔ اس کے ساتھ ہی الیکٹرانک گیجزٹ اور آلات بھی ضبط کئے تھے۔

‎ممبئی : وقف ایکٹ کے نفاذ کے بعد مفتی منظور ضیائی کی تصنیف وقف شریعت، سیاست اور اصلاحات۔ ہندوستانی تناظر میں کا رسم اجرا ممبئی کے پریس کلب میں منعقد کیا گیا, جس میں مفتی منظور ضیائی نے تصنیف سے متعلق برملا اعتراف کرتے ہوئے کہا کہ یہ تصنیف وقف ایکٹ کے تناظر میں وقف کی شرعی حیثیت اور دیگر امور پر توجہ مرکوز کرتی ہے, انتہائی عرق ریزی سے اس تصنیف میں اسلامی تعلیمات کے حوالہ سے وقف سے متعلق مدلل بحث کی گئی ہے، مفتی منظور نے کہا کہ وقف ایکٹ پر احتجاجات کا سلسلہ دراز ہے, لیکن اب تک وقف کی املاک کی بندر بانٹ اور خرد برد بھی جاری تھی۔ اس ایکٹ پر احتجاج جمہوری حق ہے, لیکن اس سے قطع نظر نہیں کیا جاسکتا کہ اب تک وقف کی ملکیت کا کیا حشر ہوا ہے اور کون لوگ اس کی ملکیت پر قابض ہے۔ وقف کی ملکیت سے قبضہ جات کا خاتمہ بھی وقت کا تقاضہ ہے۔ یہ وقف راہ خدا میں ہوتی ہے, لیکن اس وقف کی ملکیت کا عام مسلمانوں کو کوئی فائدہ نہیں پہنچا ہے۔ بڑے بڑے احتجاجات جلسے جلوس تو منعقد کئے جارہے ہیں, لیکن آج تک وقف کی ملکیت پر کوئی اسپتال، تعلیمی ادارے اور طبی ادارے تعمیر کیوں نہیں کئے گئے ہیں۔ انہوں نے کہا کہ تعلیمی وظائف تک قوم کے ہونہاروں کو میسر نہیں ہے۔ اماموں کی حالت زار ہے, ایک امام کا ۱۲ سالہ بچہ موت و زیست کے درمیان سرکاری اسپتال میں تڑپ رہا ہے, انہیں وہ امام طبی امداد میسر نہیں کرواسکتا کیونکہ اس کے پاس کوئی وسائل نہیں ہے۔

‎انہوں نے کہا کہ وقف ایکٹ کے تناظر میں جو تصنیف منظر عام پر لائی گئی ہے, اس میں حتی المقدور وقف کی حیثیت کو اجاگر کرنے کی سعی کی گئی ہے۔ مفتی منظور ضیائی سے جب یہ دریافت کیا گیا کہ وقف ایکٹ کے نفاذ کے بعد ہی یہ تنصیف منظر عام پر لانے کا کیا مقصد ہے تو انہوں نے کہا کہ وقف کی ملکیت اور اس کے شرعی تقاضوں سے متعلق تصنیف کی تیاری کا سلسلہ پہلے سے ہی جاری تھا, یہ اتفاق ہے کہ وقف ایکٹ کے بعد اس کا اجرا ہوا ہے۔ انہوں نے کہا کہ وقف کی املاک مسلمانوں کے لئے مختص ہے, لیکن وہ اس سے بے آج بے فیض ہے, کیونکہ اس میں خرد برد سے لے کر بدعنوانی عام ہے۔ ان سے یہ دریافت کیا گیا کہ اب وقف ایکٹ کے نفاذ سے مسلمانوں کو اب فائدہ ہوگا, تو انہوں نے کہا کہ وقف ایکٹ سے متعلق معاملہ سپریم کورٹ میں زیر سماعت ہے۔ اس لئے اس پر مزید کچھ کہنا قبل از وقت ہوگا, اس رسم اجرا کی تقریب میں کانگریس لیڈر نظام الدین راعین، انجمن باشندگان بہار محمود الحسن حکیمی سمیت علما کرام، عمائدین شہر و معززین موجود تھے۔