روہت شرما کی کپتانی میں ممبئی انڈینز نے ایک دو نہیں بلکہ پانچ بار انڈین پریمیئر لیگ کی ٹرافی پر قبضہ کیا ہے۔ ایسے اشارے مل رہے ہیں کہ ٹیم کے اس کپتان کو اپنی جگہ خالی کرنی پڑے گی۔ ممبئی انڈینز کا یہ بہت بڑا کلچر ہے کہ وہ ہر کھلاڑی کا خیال رکھتی ہے۔ سینئر کھلاڑیوں کو مختلف ذمہ داریاں دی جاتی ہیں اور جونیئرز کو ان کی جگہ دوبارہ ذمہ داریاں سونپ دی جاتی ہیں۔
انڈین پریمیئر لیگ کے نئے سیزن میں ممبئی کی ٹیم نے اپنے چوتھے میچ میں کپتانی میں تبدیلی کی ہے۔ سوریہ کمار یادیو کو ٹیم کی کپتانی کی ذمہ داری سونپی گئی جب کہ روہت شرما کو متبادل کھلاڑی کے طور پر جگہ دی گئی ۔ یہ ٹیم میں مزید تبدیلیوں کی طرف اشارہ تھا۔
روہت شرما کے بعد اب ٹیم کی کمان سوریہ کمار یادو کے ہاتھ میں ہونے والی ہے، اتوار کو کیے گئے فیصلے نے اس کی تصدیق کردی۔ ابتدائی میچوں میں خراب کارکردگی دکھانے کے بعد بھی سوریہ کمار پر ٹیم انتظامیہ کا اعتماد برقرار ہے اس بات سے یہ سے ہوگئی ہے ۔ سوریہ نے میچ میں نہ صرف اچھی کپتانی کی بلکہ خراب فارم سے باہر آتے ہوئے 43 رنز بھی بنائے۔
روہت شرما نے میچ کھیلا اور کپتانی نہیں کی، اس کا صاف مطلب ہے کہ آنے والے میچوں کے لیے ٹیم انتظامیہ سوریہ کمار یادو کو بطور کپتان تیار کرنا چاہتی ہے۔ اچھی بات یہ ہے کہ بطور کپتان میدان میں آنے کے ساتھ ساتھ انہوں نے ذمہ دارانہ اننگز کھیلی۔ خراب فارم سے نکلتے ہوئے ٹیم میں حصہ لیا۔
گزشتہ سیزن میں ممبئی انڈینز کی کارکردگی انتہائی خراب رہی۔ ٹیم کو شروعاتی 8 مسلسل میچوں میں شکست کا سامنا کرنا پڑا تھا۔ ممبئی کی ٹیم کے ساتھ ایسا پہلے کبھی نہیں ہوا تھا۔ ٹیم 14 میں سے 4 میچ جیت کر نچلی 10ویں پوزیشن پر رہی تھی۔ ممبئی کی ٹیم اب تک 2013، 2015، 2017، 2019 اور 2020 میں خطاب جیت چکی ہے۔
