بھوپال : راجدھانی کے بنگنگا چوراہے پر پیر کو بس حادثہ پیش آیا۔ اس واقعے کے بعد انٹرنیشنل پبلک اسکول سوسائٹی نے تحقیقات سے بچنے کے لیے فراڈ کیا۔ اسے پچھلی تاریخ پر بنی بس بیچنے کے کاغذات مل گئے۔ پولیس کی تفتیش کے دوران یہ فراڈ سامنے آیا۔ پولیس نے اس معاملے میں دو لوگوں کے خلاف ایف آئی آر درج کی ہے۔ اس اسکول بس نے سگنل پر 8 گاڑیوں کو ٹکر ماری تھی۔ اس حادثے میں سکوٹر پر گھر واپس آنے والی ڈاکٹر عائشہ جان کی بازی ہار گئیں۔ ٹی ٹی نگر پولیس کے مطابق، انٹرنیشنل پبلک اسکول کی بس کو پیش آنے والے حادثے کے بعد تحقیقات شروع کی گئی۔

تحقیقات سے معلوم ہوا کہ حادثے کے فوراً بعد دستاویزات بیک ڈیٹڈ تیار کی گئیں۔ پولیس کا خیال ہے کہ دستاویزات میں درج تاریخ حادثے کے بعد کی گئی تھی۔ حادثے کا مرکزی ملزم بس ڈرائیور وشال بیراگی تاحال فرار ہے۔ واقعہ کے بعد بس ڈرائیور فرار ہو گیا۔ پولیس نے ڈرائیور اور بس مالک کے خلاف ایف آئی آر درج کر لی ہے۔ اس واقعہ کے بعد انتظامیہ نے فوری ایکشن لیا۔ آر ٹی او کو معطل کر کے متاثرین کو مالی امداد دی گئی۔ حادثے کے بعد بھوپال ٹریفک پولیس نے تقریباً 410 اسکول اور کالج بسوں کا معائنہ کیا۔ اس جانچ میں 126 بسیں موٹر وہیکل ایکٹ کی مختلف دفعات کے تحت قصوروار پائی گئیں۔ اس واقعہ کے بعد محکمہ ٹرانسپورٹ کے کام کرنے کے انداز پر کئی سوالات اٹھ رہے ہیں۔ پولیس فی الحال فرار ڈرائیور اور کیس میں ملوث دیگر افراد کو پکڑنے کی کوشش کر رہی ہے۔

ممبئی : ممبئی مہاراشٹر میں مذہبی منافرت پھیلانے کی سازش کو بے نقاب کرتے ہوئے سائبر محکمہ نے ایک چارٹر اکاؤنٹنٹ کو گرفتار کرنے کا دعوی کیا ہے, جس نے ہندی دیوتاؤں کی تضحیک آمیز تصاویر سوشل میڈیا پر وائرل کر کے امن وامان کو مکدر کرنے کی کوشش کی تھی۔ اس کے بعد پولیس نے یہ اس معاملہ کو سنجیدگی سے لیتے ہوئے کیس حل کر لیا۔ مہاراشٹر سائبر نے سوشل میڈیا پر ہندو دیوی دیوتاؤں کی توہین اور فحش تصاویر وائرل کرنے کی پاداش میں ایک شخص کو گرفتار کرنے کا دعوی کیا ہے۔ سوشل میڈیا پر مذہبی منافرت پھیلانے اور بدامنی پیدا کرنے کی کوشش کے معاملہ میں یہ گرفتاری عمل میں لائی گئی ہے۔ مہاراشٹر سائبر بی این ایس کی 1963,294,299 اور آئی ٹی ایکٹ کے تحت مقدمہ درج کیا ہے۔ ملزم نے سوشل میڈیا اور ویب سائٹس پر ہندو دیوی دیوتاؤں کی فحش اور عریاں تصاویر اور ویڈیو وائرل کرنے کے ساتھ شیئر بھی کی ہے۔ اس سے نظم و نسق کا مسئلہ پیدا ہوگیا تھا۔ ملزم کی گرفتاری کے بعد اس کے موبائل فون کو فارنسک جانچ کیلئے بھیجا گیا ہے۔ اس کے ساتھ 6 ایکس ایکاؤنٹ کی بھی نشاندہی کی گئی ہے, جس پر ہندو دیوی دیوتاؤں کی توہین کی گئی تھی اور فحش تصاویر کو وائرل کیا گیا تھا, اس معاملہ میں 7 ٹوئیٹر ایکس اکاؤنٹ کی بھی نشاندہی کی گئی ہے۔ جو فرضی اکاوئنٹ ہے مہاراشٹر میں مذہبی منافرت پھیلانے اور بدامنی پھیلانے کیلئے یہ عمل کیا گیا تھا اس کے ساتھ ہی امن وامان کو مکدر کرنے کیلئے دیوی دیوتاؤں کی تصاویر اور ویڈیو وائرل کئے گئے تھے۔ اس معاملہ میں مہاراشٹر سائبر نے کارروائی کرتے ہوئے گرفتاری عمل میں لائی ہے۔ ملزم کی شناخت 39 سالہ چارٹرڈ اکاؤنٹنٹ کے طور پر ہوئی ہے۔ اس سے مزید تفتیش شروع کردی گئی ہے, یہ اطلاع مہاراشٹر سائبر سیل کے ایڈیشنل ڈی جی یشسوی یادو نے دی ہے۔

‎ممبئی : ممبئی کے ولے پارلے اسٹیشن کی سیڑھیوں پر پاکستان کا قومی پرچم ہٹانے والی ایک برقعہ پوش مسلم خاتون سمیت پانچ افراد کے خلاف ممبئی پولیس نے مقدمہ درج کر لیا ہے۔ پاکستانی پرچم ہٹانے کی پاداش میں پولیس نے ازخود ایف آئی آر درج کی ہے۔ یہ ایف آئی آر اس وقت درج کی گئی جب برقعہ پوش خاتون اور اس کی حمایت کرنے والے نوجوانوں کا ویڈیو سوشل میڈیا پر وائرل ہوگیا۔ پہلگام حملہ کے خلاف بطور احتجاج سیڑھیوں پر پاکستان کا پرچم چسپاں کیا گیا تھا, لیکن خاتون نے اسے یہاں سے ہٹایا تو یہاں تنازع پیدا ہوگیا اور حالات کشیدہ ہوگئے۔ پولیس نے اس معاملہ میں پاکستانی پرچم کی حمایت کرنے والی خاتون اور 4 سے 5 نوجوانوں کے خلاف بی این ایس کی دفعات 189(9),190,352 کے تحت کیس درج کر لیا ہے۔ خاتون نے جب پرچم ہٹانا شروع کر دیا تو یہاں اس کی مخالفت شروع ہوگئی اسوقت خاتون اور اس کے ساتھیوں نے مجمع کے ساتھ بدسلوکی کرتے ہوئے گالی گلوج شروع کردی اس دوران حالات کشیدہ ہوگئے ولے پارلے مغرب میں اس واقعہ کے بعد پولیس نے نوٹس لیتے ہوئے مقدمہ درج کرلیا ہے۔ اس معاملہ میں بی جے پی لیڈر کریٹ سومیا نے بھی ایف آئی آر درج کرنے کا مطالبہ کیا تھا, بالآخر خاتون اور اس کے حامیوں کو پاکستان کی حمایت کرنے کے ساتھ پاکستانی پرچم کی حفاظت کرنا مہنگا پڑا ہے۔ دشمن ملک کی ہندوستان میں حمایت قانون شکنی ہے, یہ جرم کے مترادف ہے اس لئے ایسی حرکت کرنے سے گریز کرنا چاہئے۔