Connect with us
Sunday,31-August-2025
تازہ خبریں

(جنرل (عام

بھیونڈی کے اساتذہ کو ساتویں پے کمیشن کے نفاذ کے لئے سارہ فاؤنڈیشن نے کیا میونسپل انتظامیہ سے مطالبہ

Published

on

bhiwandi-teacher

بھیونڈی: (نامہ نگار )
بھیونڈی شہر میونسپل کارپوریشن کے اساتذہ کو اصلاح شدہ تنخواہ کے زمرے کے مطابق ساتویں پے کمیشن کا نفاذ کیا جائے اس طرح کے مطالبے کو لیکر ، منگل کے روز دوپہر کے وقت تھانہ کی سارہ فاؤنڈیشن اور اساتذہ نے میونسپل کمشنر ڈاکٹر پنکج آشیہ اور میئر محترمہ پرتیبھا ولاس پاٹل سے ملاقات کرکے انہیں میمورنڈم پیش کیا ہے۔ اس موقع پر کثیر تعداد میں بھیونڈی میونسپل کے پرائمری ٹیچر اور اساتذہ نے میونسپل کارپوریشن میں آکر نعرے بازی کی۔ ساتواں پے کمیشن فوری طور سے نافذ کئے جانے کے لئے میونسپل کمشنر اور میئر کے نام ایک میمورنڈم ڈپٹی کمشنر آف ایجوکیشن نوتن کھاڈ ے کو پیش کیا ہے۔ ریاست کی بیشتر میونسپل کارپوریشن میں اصلاحاتی تنخواہ کے زمرے کے مطابق ساتواں پے کمیشن نافذ کیا گیا ہے ، لیکن بھیونڈی میونسپل اساتذہ کو ساتویں پے کمیشن پر ہنوز عمل درآمد نہیں کیا گیا ہے۔ جبکہ ریاستی حکومت کی طرف سے ساتویں پے کمیشن کے نفاذ کے لئے 50 فیصد رقم بھیونڈی ایجوکیشن محکمہ کے اکاؤنٹ میں جمع کرادی گئی ہے جو تقریباً ساڑھے سات کروڑ روپے ہے۔ میونسپل کارپوریشن کو 50 فیصد رقم دے کر سنہ 2019 سے ساتواں پے کمیشن نافذ کرنا لازمی تھا لیکن اس پر بھی ہنوز عمل درآمد نہیں ہوا ہے۔ میونسپل کارپوریشن کے اساتذہ کی تنخواہوں کے زمرے کے سلسلے میں کوئی بھی تجویز لینا پابند نہیں ہے ، لہذا میونسپل انتظامیہ کو بغیر کسی تاخیر کے ساتویں پے کمیشن پر عمل درآمد کرنا چاہئے۔ جنرل بورڈ کے اجلاس میں ساتویں پے کمیشن کے نفاذ کے سلسلے میں فوری طور سے تجویز منظور کرکے گزشتہ 18 ماہ کے واجبات کے ساتھ ساتواں پے کمیشن نافذ کیا جائے اس طرح کا مطالبہ سارہ فاؤنڈیشن کی صدر سارنگی مہاجن نے کیا ہے۔ مذکورہ موقع پر شکشک سنگٹھنا کے اسلم خان چھوٹے خان ، گنیش دھمال ، یوگیش پاٹل ، ضیاؤ شیخ ، سواتی بھوئیر ، روپالی پاٹل وغیرہ عہدیداران و اساتذہ موجود تھے۔

جرم

مالونی میں ۷۲ لاکھ کا گانجہ اور پستول سمیت پانچ گرفتار

Published

on

Crime

ممبئی میں مالونی پولس نے ۷۲ لاکھ کا گانجہ اور ایک دیسی پستول و کارآمد کارتوس سمیت پانچ ملزمین کو گرفتار کرنے کا دعویٰ کیا ہے مالونی میں پولس نے عاشق حسین خان کو ۱ کلو ۶۰ گرام گانجہ منشیات کے ساتھ گرفتار کیا تھا. اس نے بتایا کہ وہ یہ منشیات ناسک سے خریدا کرتا ہے اس کے بعد ناسک کے سنتوش مورے کو گرفتار کیا گیا. اس کے بعد اس معاملہ میں کل چار ملزمین کو گرفتار کیا گیا اور ان کے خلاف این ڈی پی ایس ایکٹ کے تحت کیس درج کیا گیا. مالونی مڈھ میں ایک کار کی تلاشی لی گی جس میں ایک دیسی پستول اور گانجہ برآمد کیا گیا. یہ کارروائی ممبئی پولس کمشنر دیوین بھارتی کی ایما پر ڈی سی پی سندیپ جادھو نے انجام دی ہے۔ پولس اس معاملہ میں مزید تفتیش کر رہی ہے۔

Continue Reading

جرم

ممبئی شہری ٹریڈنگ میں سرمایہ کاری کی آڑ میں دھوکہ دہی گروہ بے نقاب

Published

on

Cyber-...3

ممبئی شئیر ٹریڈنگ میں سرمایہ کاری کے نام پر دھوکہ دہی کرنے والے گروہ کے خلاف سائبر سیل نے کریک ڈاؤن کر کے اس گروہ کو بے نقاب کرنے کا دعویٰ کیا ہے. شکایت کنندہ نے ۸ جون سے ۲۴ جولائی تک ادھاری شرما کے فون کال پر وہاٹس اپ پر سرمایہ کاری کے لئے رضا مندی ظاہر کی اور پھر گولڈن بریج انویسمنٹ کمپنی میں ٹریڈنگ کی اور اس میں شکایت کنندہ کو بتایا گیا کہ اسے اس میں نفع ہوا ہے اور اس نے متعدد اکاؤنٹ میں ١٣، ٤٠، ٠٠٠ سرمایہ کاری کی تھی. اس معاملہ میں پولس نے کیس درج کرلیا اس کی تفتیش شروع کی گئی اور سائبر سیل نے مسجد بندر میں ایک دفتر پر چھاپہ مار کر بینک اکاؤنٹس کی ۱۳ کٹ، دو لیپ ٹاپ، ۶ موبائل فون ۸ سم کارڈ، کریڈیٹ کارڈ، ڈیبٹ کارڈ اور فرضی اکاؤنٹ کھولنے کے لیے استعمال ہونے والے دستاویزات بھی برآمد ہوئے اس کے ساتھ پین کارڈ آدھار کارڈ اور دیگر دستاویزات بھی برآمد ہوا۔ گلوبل ایکسپیریس، پرائم ٹریڈنگ، پرائم کلئیر کارگو سلوشن، کیڈی ٹریڈ رس کے نام سے ملزمین نے لوگوں سے ٹریڈنگ کے نام پر دھوکہ دہی کی ہے. اس معاملہ میں پولس نے ملزمین محمد جاوید انصاری ۲۷سالہ ایجنٹ کھڑک ممبئی، ریحان محفوظ عالم ۱۹ سالہ جے جے، محمد عرفات بابو شیخ ۲۰ سالہ اور آصف خان گوونڈی کو گرفتار کر لیا ہے. یہ کارروائی ممبئی پولس کمشنر دیوین بھارتی کی ایما پر ڈی سی پی پرشوتم کراڈ نے انجام دی ہے. پولس اس معاملہ میں مزید تفتیش کررہی ہے۔

Continue Reading

ممبئی پریس خصوصی خبر

ممبئی طلبا کے تعلیمی وظیفہ کی درخواست کی تاریخ میں یکم ستمبر تک توسیع ہو : ابوعاصم اعظمی

Published

on

Abu-Asim-&-Fadnavis

مہاراشٹر سماج وادی پارٹی لیڈر اور رکن اسمبلی ابوعاصم اعظمی نے ریاستی وزیر اعلی دیویندر فڑنویس اور وزیر اقلیتی امور کو مکتوب ارسال کر کے اقلیتی محکمہ اور وزارت اقلیت کے معرفت بیرون ملک اعلیٰ تعلیم کی حصولیابی کے لیے طلبا کو تعلیمی وظیفہ ۲۰۲۵۔۲۶ کے لئے عرضی کی تاریخ میں توسیع کا مطالبہ کیا ہے اس کی آخری تاریخ ۲۸ اگست ۲۰۲۵ تک ہے اس کی توسیع یکم ستمبر تک کرنے کا مطالبہ اعظمی نے کیا ہے انہوں نے بتایا کہ مہاراشٹر میں گنپتی اتسو اور دیگر تہوار کے پیش نظر سہ روزہ چھٹی ہے اس لئے طلبا کو درخواست کی ارسال میں دشواری ہو گی اس لیے طلبا کی سہولت کے پیش نظر عرضی داخل کرنے کی تاریخ میں یکم ستمبر تک توسیع کی جائے اس پر سرکار کوئی مثبت فیصلہ کرے ۔

Continue Reading
Advertisement

رجحان

WP2Social Auto Publish Powered By : XYZScripts.com