ممبئی مہاراشٹر میں ماؤنوازوں کا خاتمہ عنقریب ہے گڈ چرولی میں کئی دلم میں فعال اہم ماؤنواز وینو گوپال مالوجو عرف بھوپتی عرف سونو نے اپنے ساتھیوں کے ہمراہ خودسپردگی کی ہے گڈ چرولی پولیس کے سامنے 60 ماؤنوازوں میں خودسپردگی کی ہے جو مہاراشٹر پولیس کیلئے ایک بڑی کامیابی ہے۔ مہاراشٹر کے وزیر اعلی دیویندر فڑنویس نے کہا ہے کہ ریاست کے گڈ چرولی علاقہ میں نکسلیوں کا صفایا ہوچکا ہے اور کئی ماؤنوازوں نے خودسپردگی کی ہے اور وہ راہ راست پر آکر معمولات زندگی پر لوٹ آئے ہیں ان کا اعتماد دستور ہند اور انتظامیہ پر بحال ہوا ہے یہ انتہائی خوش بختی ہے کہ ریاست سے نکسلیوں کا خاتمہ ہوچکا ہے عنقریب جو ایسے 10 سے 15 ماؤنوازوں جنگلوں میں روپوش ہے وہ بھی خودسپردگی کریں گے انہوں نے کہا کہ بھوپتی نے خودسپردگی کرنے کی خواہش ظاہر کی تھی اس کے پولیس رابطے میں تھے اور پھر اس نے یہ تمنا ظاہر کی تھی کہ وہ میرے ہاتھوں خودسپردگی کرنا چاہتا ہے تو میں نے کہا کہ میں جنگل میں بھی جانے کو تیار ہو لیکن بھوپتی کو یہاں لایا گیا اور آج بھوپتی نے خودسپردگی کی ہے, یہ ایک بڑی کامیابی ہے, مرکزی اور ریاستی سرکاروں کی کوششوں سے نکسلی اب غیر مستحکم اور کمزور ہوچکے ہیں. اس لئے کئی نکسلیوں نے اس سے قبل بھی خودسپردگی کی ہے۔

فڑنویس نے کہا ہے کہ سرخ دہشت کا خاتمہ ہوچکا ہے. گڈ چرولی کے اطراف کی سرحدوں سے بھی نکسلیوں کی خودسپردگی یقینی ہے جھارکھنڈ، چھتس گڑھ، کرناٹک، دیگر سرحدوں سے بھی ماؤ نوازوں پر جو کریک ڈاؤن کیا گیا ہے اس سے ماؤ نواز بہت حد تک یا تو خودسپردگی کر چکے ہیں یا پھر نکسل واد سے توبہ کر چکے ہیں۔ انہوں نے کہا کہ وزیر اعظم نریندر مودی کی قیادت میں وزیر داخلہ امیت شاہ کا نکسلیوں سے پاک بھارت کا خواب شرمندہ تعبیر ہو رہا ہے۔ بھوپتی ایک ایسا ماؤ نواز تھا جو ماؤنوازوں کا تخیل ریڑھ کی ہڈی اور آئیڈلوجی نظریہ تھا اب کی خودسپردگی سے پولیس کی کارروائی کو مزید تقویت ملے گی انہوں نے کہا کہ مہاراشٹر پولیس کی ڈی جی پی رشمی شکلا سمیت تمام اعلی افسران اور نکسل آپریشن میں شامل افسران کی محنت کا نتیجہ ہے کہ آج ماؤ نوازوں کی کمر ٹو ٹ گئی ہے۔ فڑنویس نے بتایا کہ نکسلیوں پر 6 کروڑ روپے کا انعام بھی تھا اور اب یہ ماؤ نواز کو راہ راست پر لایا گیا ہے۔

ممبئی : ممبئی گھاٹکوپر میں فائرنگ کی واردات سے سنسنی پھیل گئی یہاں ڈکیتی کیلئے فائرنگ کی واردات انجام دی گئی تھی جس کے بعد پولیس نے جائے وقوع پر پہنچ کر پنچنامہ بھی کیا گھاٹکوپر درشن جیولرس میں لوٹ مار کی واردات انجام دینے کیلئے ایک مسلح دکان میں داخل ہوا وہاں اس نے شکایت کنندہ کے گلے پر چاقورکھ دی اور فرار ہوگیا پولیس نے اس معاملہ میں تفتیش شروع کردی ہے اور نامعلوم لٹیروں کی تلاش شروع کر دی ہے۔ڈی سی پی راکیش اولا نے بتایا کہ دکان میں ایک مسلح داخل ہوا تھا جس نے شکایت کنندہ کے گلے پر چاقو رکھ کر دھمکی دی تھی درشن جیولرس میں مسلح نامعلوم افراد کے داخلہ کے بعد علاقہ میں سنسنی پھیل گئی اور نظم و نسق پر سوال اٹھ گیا ہے صبح 10بجکر 30 منٹ پر فائرنگ کے سبب علاقہ میں سراسیمگی پھیل گئی ہے پولیس نے اس معاملہ میں ٹیمیں تشکیل دی ہے اور نامعلوم لٹیروں کی تلاش شروع کردی گئی ہے اب تک اس معاملہ میں کسی کو گرفتار نہیں کیا گیا ہے فی الوقت پولیس نے اس متعلق مزید کچھ بھی بتانے سے انکار کیا ہے۔ ڈی سی پی راکیش اولا نے فائرنگ کی واردات سے ہی انکار کیا اور کہا ہے کہ درشن جیولرس میں مسلح شخص نے شکایت کنندہ کو نشانہ بناتے ہوئے اس کے گلے پر چاقو رکھ دیا تھا۔ پولیس اس معاملہ میں مزید تفتیش کر رہی ہے

ممبئی : مالیگاؤں میں اندھراپولس اے ٹی ایس اور مقامی پولس اسٹیشن کی چھاپہ مار کارروائی کے بعد نعمانی نگر علاقہ سے ایک مشتبہ نوجوان کو گرفتار کرنے کا دعوی پولس نے کیا ہے مذکورہ بالا نوجوان سوشل میڈیا پر فعال تھا اور اس کی سوشل میڈیا پر سرگرمیاں مشکوک ہونے کے ساتھ وہ دشمن ملک پاکستانی دہشت گردتنظیم کے روابط میں تھا اس الزام کی پاداش میں ملزم کو گرفتار کیا ہے اس کے ساتھ ہی ملزم پر یہاں آندھرا کے دھرماپور ٹاؤن پولس اسٹیشن میں کیس بھی درج ہے مہاراشٹر اے ٹی ایس اور انٹلی جنس ایجنسیوں نے بھی اس سے تفتیش کی ہے ملزم کی شناخت حافظ توصیف اسلم انصاری کے طور پر ہوئی ہے وہ پیشہ سے درزی ہے اور سوشل میڈیا پر بھی فعال تھا جانے انجانے یا قصدا یہ پاکستان کی دہشت گرد تنظیم کے رابطہ میں آیا تھا یا پھر اسے اس کا علم تھا اس کی تفتیش پولس کررہی ہے حافظ توصیف کی گرفتاری سے مالیگاؤں میں سنسنی پھیل گئی ہے مالیگاؤں میں توصیف کی گرفتاری کے بعد پولس نے اس کے موبائل فون سمیت دیگر دستاویزات بھی اپنے قبضے میں لے لیا ہے اور تفتیش کا دائرہ کار بھی وسیع کر دیا ہے بادی النظر میں اس پر کوئی مجرمانہ کیس درج ہے یا نہیں اس کی بھی تفتیش جاری ہے اس کے ساتھ ہی اس کی مشکوک سرگرمیوں اور اس نے اب تک کتنی مرتبہ ہندوستان سے متعلق معلومات دہشت گرد تنظیموں کو فراہم کی ہے اس کے سوشل میڈیا اکاؤنٹ کا معائنہ اور مشاہدہ بھی جاری ہے ۔ اس سے قبل بھی اے ٹی ایس مہاراشٹر نے کئی ایسے نوجوانوں کو گرفتار کیا تھا جس میں نوجوان پی آئی او پاکستانی انٹلیجس آپریٹیو سے روابط کے الزام میں گرفتار کیا تھا پی آئی او کے ہنی ٹریپ میں بھی کئی نوجوان پھنس چکے ہیں پی آئی او کے طریقہ کار کچھ اس طرح کا ہے کہ پہلے پی آئی او باقاعدہ طور پر ہندوستانی شہری سے گفتگو کرتا ہے اور دوشیزہ اس کےبعد اپنی تصاویر اور فحش ویڈیو بھی عام کرتی ہے اور فحش چیٹ عام کرنےکی دھمکی دے کر پیسوں کی لالچ اور اکاؤنٹ میں پیسوں کی منتقلی کےبعد یہ تحریر کرتے ہیں کہ آپ نے جو انفارمیشن دی تھی اس کے عوض میں یہ رقم منتقل کی گئی ہے ایسے میں انٹلیجنس ایجنسیوں کو ایسے نوجوانوں کے خلاف کارروائی کرنا لازمی ہوتی ہے کئی نوجوان ایسے ہوتے ہیں جو انجانے میں اس گمراہ کن پروپیگنڈوں کے دام میں آتے ہیں اور وہ بری طرح پھنس جاتے ہیں اس لئے ایسے میں الرٹ رہنے اور سوشل میڈیا کے بے جا استعمال سے گریز کرنا چاہیے ۔;