ممبئی: ممبئی کے ڈنڈوشی کے پوجا کی تقریب میں جئے شری رام کاگانا بجانے پر اعتراض کو لے کر تنازع کے بعد اب حالات پرامن ضرور ہے لیکن کشیدگی برقرار ہے یہ تنازع گزشتہ شب اس وقت پیدا ہوا جب یہاں گانے پر اعتراض کیا گیا اس کے بعد وشو ہندوپریشد اور بجرنگ دل کے کارکنان نے اس کے خلاف احتجاج کیا نصف شب پولیس نے کارروائی کر تے ہوئے اس معاملہ میں ملوث 5 افراد کو گرفتار کر نے کا دعوی کیا ہے ان پر فساد برپا کرنے کا الزام ہے۔ گزشتہ شب دو فرقوں کے مابین تصادم کے بعد پولیس نے حالات کنٹرول کر نے کیلئے ہلکا لا ٹھی چارج کیا تھا کے جس پر وشو ہندوپریشد اور بجرنگ دل نے ان پولیس والوں کے خلاف کارروائی کا بھی مطالبہ کیا ہے جو اس کارروائی میں شریک تھے اور 12 گھنٹے کا الٹی میٹم بھی دیا ہے۔ ڈنڈوشی سنتوش نگر میں گز شتہ شب فرقہ وارانہ تشدد کے بعد اب حالات پرامن ضرور ہے لیکن کشیدگی ہنوز برقرار ہے اس واقعہ کے بعد بی ایم سی بھی حرکت میں آگئی اور بی ایم سی نے یہاں ملزمین کے غیرقانونی تعمیرات دکان پر بلڈوز چلایا ہے جس سے اب یہ سوال پیدا ہو رہاہے کہ کیا اب فیصلہ بلڈوزر سے ہوگا یو پی کے بعد اب مہاراشٹر میں بھی بلڈروز ایکشن کو فوقیت دی جارہی ہے جبکہ سوشل میڈیا پر اس متعلق بحث بھی جاری ہے۔ ڈی سی پی مہیش چمٹے نے کہا کہ ڈنڈوشی میں حالات پرامن ہے اور اس معاملہ میں پولیس نے خاطیوں کے خلاف کارروائی بھی شروع کردی ہے انہوں نے یہ بھی واضح کیا ہے کہ خاطیوں کو بخشا نہیں جائے گا جبکہ اب تک اس معاملہ میں 5 افراد کی گرفتاری بھی میں لائی گئی ہے پولیس نے علاقہ میں سخت حفاظتی انتظامات کئے ہیں اس واقعہ کے بعد ایک مرتبہ پھر ڈنڈوشی میں حالات کشیدہ ہوگئے ہیں کیونکہ آج بی ایم سی نے بھی کارروائی کی ہے اور اس پر بھی پولیس کا بھاری بندوبست تعینات تھا۔ اس واقعہ کے بعد اب اس پر سیاست بھی شروع ہوگئی ہے۔

ممبئی: دلی کو دہلانے کی سازش کے الزام میں گرفتار حماد کے والد جلال الدین صدیقی نے تمام الزامات کو بے بیناد قرار دیتے ہوئے اسے بے قصور قرار دیا اور کہا کہ حماد موبائل فون پر فعال ضرور تھا لیکن وہ اس قسم کی غیرقانونی سرگرمی میں ملوث نہیں ہوسکتا وہ فون پر گیمگ ایپ پر فعال تھا۔ ۱۸ سالہ حماد کرلا اسٹیشن کے قریب ایک قدیم عمارت میں اپنے والدین اور بھائیوں کے ہمراہ مقیم تھا ۔ جلال الدین صدیقی نے اس سے لاعلمی ظاہر کی ہے کہ ان کا بیٹا کس کے رابطے میں تھا اور وہ سوشل میڈیا پر کس گروپ کے رابطے میں تھے وہ اس سے واقف نہیں ہے فون پر رابطہ رکھتا تھا لیکن وہ بے قصور ہے دبلے پتلا کمزور لاغر بچہ میرا ہر برائی سے دور رہتا تھا موبائل سے ہی وہ برائی کی جانب مائل ہوسکتا ہے اگر اس سے کوئی غلطی ہے تو اس کا معاف کیا جائے۔ انہوں نے کہا کہ حماد نے کبھی بھی پولس اسٹیشن تک نہیں دیکھا والد نے زار و قطار روتے ہوئے کہا کہ میرے بچے کو تحفظ فراہم کیا جائے اور پولس و ایجنسیاں میرے بچے پر رحم کرے انہوں نے کہا کہ مجھے عدالت پر بھروسہ ہے ۔ انہوں نے کہا کہ میرے بیٹے کو پھنسایا جارہا ہے میرے بیٹا ممبئی تک تنہا سفر نہیں کرسکتا ہے تو پھر وہ دلی یا دیگر صوبہ کیسے جاسکتا ہے اس کی گرفتاری کی خبر نے ہمیں ہلا کر رکھ دیا ہے میرے پیروں تلے زمین کھسک گئی ہے میں یومیہ کام کر تا ہوں اور اتنا پیسہ بھی میسر نہیں تھا کہ اپنے فرزند کی کالج کی فیس اداکرتا اس لئے وہ پرائیوٹ امتحان دینے کی کوشش کررہا تھا میرے بچہ پڑھائی میں اچھا تھا اور وہ پڑھ لکھ کر ملک کی خدمت کرنے کیلئے وکیل جج بننے کے متمنی تھا لیکن بدقسمتی سے اسے گرفتار کر لیا گیا ہے۔ کرلا سے حماد کی گرفتاری سے سنسنی پھیل گئی ہے سوشل میڈیا پر رابطہ میں رہ کر حماد جہادی چیٹ اور گروپ میں شریک تھا یہ الزام اے ٹی ایس اور دلی اسپیشل سیل نے عائد کیا ہے جبکہ ان تمام الزامات سے والد نے انکار کیا ہے فی الوقت این آئی اے کے کھلونا بم دھماکہ کیس میں حماد ریمانڈ پر ہے اور اس معاملہ میں کلیان سے مشید احمد کو بھی گرفتار کیا گیا ہے۔

نئی دہلی: نیشنلسٹ کانگریس پارٹی کی ورکنگ صدر اور ممبر پارلیمنٹ سپریا سولے نے سوشل میڈیا پلیٹ فارم ‘ایکس’ پر سعودی عرب میں پھنسے ہوئے 41 ہندوستانی شہریوں کو ہندوستان واپس لانے کی اپیل کی ہے۔ سپریا سولے نے سوشل میڈیا پلیٹ فارم ایکس پر بتایا کہ یہ تمام لوگ مہاراشٹر کے ضلع بھوکردن سے ہیں اور اس وقت سعودی عرب کے دارالحکومت ریاض میں پھنسے ہوئے ہیں۔ ان کا کہنا ہے کہ ریاض سے ممبئی جانے والی ان کی اکاسا ایئر کی پرواز اچانک منسوخ کر دی گئی تھی، جس سے وہ سفر کرنے سے روک رہے تھے۔ سولے نے متاثرہ مسافروں کی فہرست بھی شیئر کی، جس میں آفرین بیگم شیخ نثار شیخ، شیخ طالب شیخ رؤف، سکندر خان عثمان خان، حسینہ بیگم سکندر خان، شیخ انور شیخ غفار، امجد سکندر خان، اسماء انور شیخ، سریہ بی سکندر خان پٹھان، سیما بیگم سکندر خان، منور خان، شیخ انور شیخ، منور خان، شیخ انور شیخ، حسینہ بیگم سکندر خان شامل ہیں۔ میمونبی حکیم شیخ، جمیلہ بیگم وسیم احمد قاسمی، رفیق سعید قادری، سمیہ رفیق قادری، قادر غازی بیگ، وحیدہبی قادر بیگ، رفیق مجید شیخ، شکیل بائی رفیق شیخ۔ اس فہرست میں گوریبی مختار شیخ، شیخ بشیر شیخ ناصر، شیخ انیسہ شیخ بشیر، ایم آر ظفر شیخ بشیر، سلطانہ شیخ بھی شامل ہیں۔ ظفر، شیخ انصر شیخ نثار، یونس شیخ یوسف، شیخ عبدالرؤف محمد یوسف، کُرشیدبی یوسف شیخ، شکیلبی یونس شیخ، رضیابی شیخ عبدالرؤف، نعیمہ سعید احمد قادری، منیرہ بیگم غلامنبی شیخ، شیخ سلطان شیخ عثمان، سہیل قاسمی، آفرین مصطفٰی قاسمی، سہیل قاسمی، مستعفی، عبدالرؤف، شیخ انصار شیخ نثار اور دیگر شامل ہیں۔ سہیل قاسمی، اور مس عائشہ سہیل قاسمی۔ اپنی پوسٹ میں، انہوں نے کہا کہ اس وقت مسافروں کی حفاظت اور آسانی سے واپسی کو یقینی بنانا بہت ضروری ہے۔ اس مقصد کے لیے سپریہ سولے نے وزیر خارجہ ڈاکٹر ایس جے شنکر، سعودی عرب میں ہندوستانی سفارت خانہ اور وزارت خارجہ کے ترجمان رندھیر جیسوال سے فوری مداخلت کی درخواست کی ہے۔ انہوں نے زور دیا کہ متاثرہ شہریوں کو جلد از جلد ہندوستان واپس لانے کا عمل شروع کیا جائے اور انہیں ضروری مدد فراہم کی جائے۔ سولے نے یہ بھی واضح کیا کہ یہ صرف ایک ہی سفر کے منسوخ ہونے کا معاملہ نہیں ہے، بلکہ بہت سے لوگوں کی محفوظ واپسی ہے۔ انہوں نے متعلقہ حکام سے تمام قانونی اور انتظامی رکاوٹوں کو دور کرنے اور ان شہریوں کی ہندوستان واپسی کا فوری بندوبست کرنے کی اپیل کی۔ مقامی رہائشیوں اور اہل خانہ نے بھی تشویش کا اظہار کیا ہے اور حکام سے جلد از جلد امداد فراہم کرنے کی اپیل کی ہے۔