(جنرل (عام
سردی کی وجہ سے ٹھٹھررہا تھا بھکاری، ڈی ایس پی نے قریب جاکر دیکھا تو پایا اپنے بیچ کا آفیسر
گوالیار : بعض اوقات وہ سچائی جو سامنے سے نظر آتی ہے، اس کے پیچھے حقیقت کچھ اور ہوتی ہے- بھکاری بھکاری نہ ہو کر آفیسر ہوتا ہے۔ اور جب یہ معاملہ 10 سال بعد ساتھی ڈی ایس پی کے پاس آتا ہے تو، ان کے پاس بولنے کے لئے الفاظ نہیں ہوتے ہیں۔ فلموں جیسی یہ کہانی گوالیار، مدھیہ پردیش میں منظرعام پر آئی ہے۔ اپنی گاڑی سے جا رہے ڈی ایس پی نے سخت سردی کے موسم میں ٹھنڈ سے ٹھٹھرتے ہوئے ایک بھکاری کو دیکھا، تو گاڑی روک کر اس بھکاری کے پاس جاپہنچے، ڈی ایس پی کو اس وقت جھٹکا لگا جب انہیں پتہ چلا کہ ان کے سامنے موجود بھکاری، بھکاری نہیں، بلکہ ان کے ہی بیچ کا آفیسر ہے۔
معلومات کے مطابق گوالیار کے ضمنی انتخاب کی گنتی کے بعد ڈی ایس پی رتنیش سنگھ تومر اور وجئے سنگھ بھڈوریا جھانسی روڑ سے روانہ ہو رہے تھے۔ جب دونوں بندھن واٹیکا کے فٹ پاٹھ سے گزرے تو انہوں نے دیکھا کہ ایک درمیانی عمر کا بھکاری سڑک پر ٹھنڈ سے ٹھٹھر رہا ہے۔ کار روکنے کے بعد، دونوں افسر بھکاری کے پاس گئے اور مدد کرنے کی کوشش کی۔ رتنیش نے اپنے جوتے دئیے اور ڈی ایس پی وجئے سنگھ بھڈوریا نے اسے اپنی جیکٹ دی۔ اس کے بعد، جب وہ اس بھکاری سے باتیں کرنے لگے تو وہ دونوں حیران رہ گئے۔ کیونکہ وہ بھکاری ڈی ایس پی کے بیچ کا آفیسر نکلا۔
دراصل، بھکاری کے روپ میں گذشتہ 10 سالوں سے لاوارث حالت میں گھوم رہے منیش مشرا، کبھی پولیس آفیسر تھے، صرف اتنا ہی نہیں، وہ ایک بہترین شوٹر بھی تھے۔ منیش نے 1999 میں پولیس کی ملازمت میں شمولیت اختیار کی۔ جس کے بعد وہ مدھیہ پردیش کے مختلف تھانوں میں تھانیدار کی حیثیت سے تعینات تھے۔ انہوں نے 2005 تک بطور پولیس افسرکے کام کیا۔ آخر میں داتیہ میں اسٹیشن انچارج کے عہدے پر فائز تھے۔ لیکن آہستہ آہستہ ان کی ذہنی حالت خراب ہونا شروع ہوگئی۔ گھر والے ان سے پریشان ہونے لگے۔ انہیں علاج کے لئے یہاں وہاں لے جایا گیا، لیکن ایک دن وہ اپنے اہل خانہ کی نظروں سے بچ کر بھاگ گئے۔ کافی تلاش بسیار کے باوجود، اہل خانہ کو ان کے بارے میں کچھ پتہ نہ چل سکا کہ منیش کہاں چلے گئے۔ منیش کے لاپتہ کے بعد ان کی اہلیہ بھی گھر چھوڑ کر چلی گئی۔ آہستہ آہستہ منیش نے بھیک مانگنے لگے۔ اس طرح بھیک مانگتے مانگتے قریب دس سال کا طویل عرصہ بیت گیا۔
دونوں ڈی ایس پی ساتھیوں نے بتایا کہ منیش ان کے ساتھ سال 1999 میں پولیس سب انسپکٹر کے عہدے پر فائز تھے۔ انہوں نے کبھی سوچا بھی نہیں تھا کہ منیش ایک دن اس حال میں انہیں ملیں گے۔
ان دونوں نے منیش سے کافی دیر تک بات کرنے کی کوشش کی اور انہیں ساتھ لے جانے پر اصرار بھی کیا۔ لیکن منیش ساتھ جانے پر راضی نہیں ہوئے۔ اس کے بعد دونوں افسروں نے منیش کو ایک سماجی تنظیم میں بھیج دیا۔ جہاں منیش کی دیکھ بھال شروع ہوگئی ہے۔
چونکہ ڈی ایس پی منیش کا بھائی بھی تھانیدار ہے اور والد اور چچا ایس ایس پی کے عہدے سے ریٹائر ہو چکے ہیں۔ ان کی ایک بہن سفارت خانے میں اچھی پوزیشن پر ہے۔ منیش کی اہلیہ، جو ان سے طلاق لے چکی ہیں، وہ بھی عدالتی محکمہ میں تعینات ہیں۔ اس وقت، منیش کے دونوں دوستوں نے ان کا دوبارہ علاج شروع کرادیا ہے۔
ممبئی پریس خصوصی خبر
کاندیولی اے این سی یونٹ کی بڑی کارروائی 4 کروڑ مالیت کی ہیروئن ضبط، 2 ملزمان گرفتار
ممبئی : اینٹی نارکوٹکس سیل (اے این سی) کی کاندیوالی یونٹ نے اندھیری ویسٹ کے ورسوا علاقے میں یاری روڈ کے قریب منشیات کےخلاف ایک بڑی کارروائی کرتے ہوئے دو ملزمان کو گرفتار کر لیا۔ چھاپے کے دوران ملزم سے 765 گرام ہیروئن برآمد ہوئی جس کی بین الاقوامی مارکیٹ میں مالیت تقریباً 4 کروڑ روپے بتائی جاتی ہے۔
گرفتار ملزمان ارمان ایوب ملک (32)، دہرادون، اتراکھنڈ کا رہائشی، دانش بھورا علی (23)، ہریدوار، اتراکھنڈ کا ساکن ہے دونوں ملزمان کو 10 مئی 2026 کو صبح 3 بجے کے قریب گرفتار کیا گیا تھا۔اس معاملے میں، ایف آئی آر نمبر 50/2026 کے تحت این ڈی پی ایس ایکٹ، 1985 کی دفعہ 8(a)، 21(a) اور 29 کے تحت مقدمہ درج کیا گیا ہے۔
پولیس حکام کے مطابق منشیات کے اس ریکیٹ میں ملوث دیگر افراد کے خلاف بھی تحقیقات جاری ہیں۔یہ کارروائی ممبئی پولیس کمشنر مسٹر دیون بھارتی، جوائنٹ کمشنر آف پولیس (کرائم) مسٹر لکمی گوتم، ایڈیشنل کمشنر آف پولیس شیلیش اے این سی کاندیوالی یونٹ کے سینئر پولیس انسپکٹر ششی کانت جگدالے کی قیادت میں کاندیوالی اے این سی یونٹ کی ایک پولیس ٹیم نے کی تھی۔
ممبئی پریس خصوصی خبر
اسدالدین اویسی کا اسامہ بن لادن سے موازانہ وارث پٹھان برہم, نتیش رانے کیخلاف دیویندر فڑنویس سے کارروائی کا مطالبہ
ممبئی: مہاراشٹر بی جے پی لیڈر و وزیر نتیش رانے نے یہاں آل انڈیا مجلس اتحاد المسلمین کے قومی سر براہ اسدالدین اویسی کا موازانہ دہشت گرد اسامہ بن لادن سے کیا ہے اور ایم آئی ایم کو دہشت گرد تنظیم قرار دیا ہے اس کے ساتھ ہی اس پرپاپولر فرنٹ آف انڈیا پی ایف آئی کے طرز پر پابندی کا بھی مطالبہ کیا ہے نتیش رانے نے ایک سیاسی پارٹی کو دہشت گرد قرار دے کر شر انگیزی کا مظاہرہ کیا ہے جس کے بعد ایم آئی ایم نے بھی اس پر ناراضگی کا اظہار کرتے ہوئے نتیش رانے پر کارروائی کا مطالبہ کیا ہے۔
اس پرناراضگی کا اظہار کرتے ہوئے ایم آئی ایم لیڈر و سابق رکن اسمبلی نے کہا کہ نتیش رانے کا دماغ خراب ہوچکا ہے وہ کچھ بھی کہتے ہیں اس لئے ان کے خلاف سخت کارروائی کی جانی چاہئے اسدالدین اویسی کا دہشت گرد اسامہ بن لادن سے موازانہ کر نے پر وارث پٹھان نے کہا کہ اویسی پانچ مرتبہ اراکین پارلیمان منتخب ہوچکے ہیں وہ ہندوستان کیلئے ہمہ وقت سینہ سپر ہوتے ہیں جب آپریشن سندور سے متعلق عالمی پیمانے پر پاکستان کو بے نقاب کرنا تھا تو وزیر اعظم نریندر مودی نے اویسی کو سفیر بنایا تھا اور انہوں نے پاکستان کی کارستانی کو بے نقاب کیا وزیر اعظم نریندر مودی کو اس جانب توجہ دینے کی ضرورت ہے ساتھ ہی مہاراشٹر کے وزیر اعلی دیویندر فڑنویس کو نتیش رانے کو وزارت سے بے دخل کر کے ان کے خلاف سخت کارروائی کر نی چاہئے کیونکہ یہ بیان ناقابل برداشت ہے اور اس طرح کے اناپ شناپ بے سر پیر کے بیانات نتیش رانے جاری کر تے رہتے ہیں ایسے میں نتیش رانے پر کارروائی ضروری ہے۔ اویسی کے خلاف بیان بازی پر ایم آئی ایم میں ناراضگی پائی جارہی ہے اس معاملہ میں وارث پٹھان نے بھی نتیش رانے کو کرار جواب دیتے ہوئے اس کی دماغی حالت پر بھی تنقید کی ہے۔ انہوں نے کہا کہ ایک سیاسی پارٹی پر دہشت گردی کا لیبل لگا کر اس پر پابندی کا مطالبہ کرناسراسر غیر مناسب اور غیر دستوری ہے۔
ممبئی پریس خصوصی خبر
میونسپل کارپوریشن کے اجلاس میں سال 2026-27 کا بجٹ منظور ہوتے ہی ایس اے پی سسٹم کے ذریعے فوری طور پر فنڈز دستیاب ہوں گے
ممبئی : ممبئی میونسپل کارپوریشن انتظامیہ کے ذریعہ پیش کردہ مالی سال 2026-27 کے بجٹ تخمینوں کو کل (8 مئی 2026) میونسپل کارپوریشن ہاؤس میں تجویز کردہ ترامیم کے ساتھ منظور کیا گیا۔ اس منظور شدہ بجٹ (موڈیفائیڈ بجٹ تخمینہ 2026-27) کے مطابق میونسپل کارپوریشن انتظامیہ نے فوری طور پر میونسپل کارپوریشن اراکین کو ترقیاتی کاموں کے لیے دیے جانے والے فنڈز کو ایس اے پی سسٹم پر دستیاب کر دیا ہے۔ اس کی وجہ سے سٹینڈنگ کمیٹی اور میونسپل کارپوریشن کے اجلاس میں معزز کارپوریٹروں کی طرف سے تجویز کردہ شہری خدمات‘ سہولیات اور مقامی ترقیاتی کاموں کو رفتار ملے گی اس فوری کارروائی پر ممبئی کی میئر ریتو تاوڑے، ڈپٹی میئر سنجے گاڈی، قائد ایوان گنیش کھنکر، اسٹینڈنگ کمیٹی کے چیئرمین پربھاکر شندے، شیوسینا کے گروپ لیڈر امے گھولے نے اطمینان کا اظہار کیا ہے۔
اس سال میونسپل کارپوریشن کے عام انتخابات جنوری 2026 میں ہوئے جس کے بعد میئر، ڈپٹی میئر اور اس کے بعد مختلف قانونی، خصوصی اور کمیٹیوں کے عہدوں کے لیے انتخاب کا عمل مکمل ہوا۔ اس دوران میونسپل کارپوریشن انتظامیہ نے مالی سال 2026-2027 کا بجٹ تخمینہ 25 فروری 2026 کو پیش کیا، مقررہ طریقہ کار کے مطابق بجٹ پر اسٹینڈنگ کمیٹی میں بحث ہوئی اور ضروری ترامیم کے بعد اسٹیڈنگ کمیٹی نے نظرثانی شدہ بجٹ میونسپل کارپوریشن کے اجلاس کے سامنے رکھا۔میونسپل کارپوریشن کے اجلاس میں 12 دن کی بحث کے بعد 30 اپریل 2026 کو بجٹ کے انکم سائیڈ کو منظور کیا گیا تھا۔ اس طرح میونسپل کارپوریشن کے اجلاس میں ترامیم کے ساتھ پورا بجٹ منظور کر لیا گیا ہے۔
اب تک کے باقاعدہ طریقہ کار کے مطابق مالی سال کے آغاز سے قبل بجٹ کی منظوری متوقع ہے۔ تاہم اس سال بجٹ کی منظوری میں انتخابات اور اس کے بعد کے عمل کی وجہ سے تاخیر ہوئی۔ اس کو مدنظر رکھتے ہوئے اور میونسپل کارپوریشن کے ممبران کے تجویز کردہ مقامی ترقیاتی کاموں میں تیزی لانے کی ضرورت کو مدنظر رکھتے ہوئے نظرثانی شدہ بجٹ کو فوری طور پر نافذ کرنا انتہائی اہمیت کا حامل تھا۔ اس سلسلے میں میونسپل کمشنر اشونی بھیڈے نے ہدایت دی تھی کہ ترامیم کے لیے بجٹ کو فوری طور پر ایس اے پی سسٹم پر دستیاب کرایا جائے، تاکہ متعلقہ محکمے فوری طور پر انتظامی منظوری، ٹینڈر کا عمل مکمل کر سکیں اور مقامی ترقیاتی کاموں پر عمل درآمد شروع کر سکیں۔
اس کے مطابق، ایڈیشنل میونسپل کمشنر (سٹی) ڈاکٹر اشونی جوشی کی رہنمائی میں، ایڈیشنل میونسپل کمشنر (پروجیکٹس) ابھیجیت بنگر، جوائنٹ کمشنر (فنانس) دیوی داس کشیرساگر، ڈپٹی کمشنر (میونسپل کمشنر کا دفتر) پرشانت گائیکواڑ، اور چیف اکاؤنٹنٹ (فائنانس ڈیپارٹمنٹ) پرشانت گائکواڑ کی نگرانی میں کام کرنے والے میونسپل کارپوریشن کے محکمہ خزانہ تک۔ کل رات دیر گئے، 8 مئی 2026، نے ایس اے پی سسٹم میں ترامیم کے لیے بجٹ اپ لوڈ کیا۔ میونسپل کارپوریشن انتظامیہ کی اس فوری کارروائی سے ممبئی میں مختلف مقامی ترقیاتی کاموں کو تقویت ملے گی۔
ممبئی میں مشتبہ غذائی زہرخورانی سے ایک ہی خاندان کے چار افراد جاں بحق
ممبئی ڈونگری میں مولانا خالد اشرف اور ان کے بیٹوں پر حملہ، 4 ملزمین گرفتار، کشیدگی امن قائم
آئی ایم ڈی : 24 گھنٹوں کے اندر 11 ریاستوں میں تیز بارش اور گرج چمک کے ساتھ طوفان کا الرٹ، ہوا کی رفتار 70 کلومیٹر فی گھنٹہ تک
ٹرمپ انتظامیہ نے چین کے خلاف بڑا قدم اٹھاتے ہوئے چین کی ایک بڑی آئل ریفائنری پر پابندیاں عائد کر دی ہیں۔
عالمی منڈیوں میں قیمتی دھاتوں میں نمایاں اتار چڑھاؤ دیکھا گیا، چاندی میں اضافہ اور سونے کی قیمت میں کمی۔
ممبئی میں مشتبہ غذائی زہرخورانی سے ایک ہی خاندان کے چار افراد جاں بحق
ممبئی ڈونگری میں مولانا خالد اشرف اور ان کے بیٹوں پر حملہ، 4 ملزمین گرفتار، کشیدگی امن قائم
آئی ایم ڈی : 24 گھنٹوں کے اندر 11 ریاستوں میں تیز بارش اور گرج چمک کے ساتھ طوفان کا الرٹ، ہوا کی رفتار 70 کلومیٹر فی گھنٹہ تک
ٹرمپ انتظامیہ نے چین کے خلاف بڑا قدم اٹھاتے ہوئے چین کی ایک بڑی آئل ریفائنری پر پابندیاں عائد کر دی ہیں۔
عالمی منڈیوں میں قیمتی دھاتوں میں نمایاں اتار چڑھاؤ دیکھا گیا، چاندی میں اضافہ اور سونے کی قیمت میں کمی۔
-
سیاست2 years agoاجیت پوار کو بڑا جھٹکا دے سکتے ہیں شرد پوار، انتخابی نشان گھڑی کے استعمال پر پابندی کا مطالبہ، سپریم کورٹ میں 24 اکتوبر کو سماعت
-
سیاست6 years agoابوعاصم اعظمی کے بیٹے فرحان بھی ادھو ٹھاکرے کے ساتھ جائیں گے ایودھیا، کہا وہ بنائیں گے مندر اور ہم بابری مسجد
-
ممبئی پریس خصوصی خبر6 years agoمحمدیہ ینگ بوائزہائی اسکول وجونیئرکالج آف سائنس دھولیہ کے پرنسپل پر5000 روپئے کا جرمانہ عائد
-
جرم6 years agoمالیگاؤں میں زہریلے سدرشن نیوز چینل کے خلاف ایف آئی آر درج
-
جرم6 years agoشرجیل امام کی حمایت میں نعرے بازی، اُروشی چوڑاوالا پر بغاوت کا مقدمہ درج
-
سیاست9 months agoمہاراشٹر سماجوادی پارٹی میں رئیــس شیخ کا پتا کٹا، یوسف ابراہنی نے لی جگہ
-
خصوصی6 years agoریاست میں اسکولیں دیوالی کے بعد شروع ہوں گے:وزیر تعلیم ورشا گائیکواڑ
-
جرم5 years agoبھیونڈی کے مسلم نوجوان کے ناجائز تعلقات کی بھینٹ چڑھنے سے بچ گئی کلمب گاؤں کی بیٹی