‎ممبئی مراٹھا مورچہ اور منوج جرانگے کی بھوک ہڑتال کے سبب دوسرے روز بھی عام شہری نظام درہم برہم رہا۔ جنوبی ممبئی کی جانب سفر مشکل تھا کیونکہ یہاں مراٹھا مورچہ کے مظاہرین کے سبب ٹریفک نظام متاثر ہے, اس کے ساتھ ہی فورٹ اور دیگر سڑکیں بھی متاثر ہے۔ سی ایس ٹی ریلوے اسٹیشنوں پر بھی مراٹھا برادری کے مظاہرین کی بھیڑ ہے۔ ایسی صورتحال میں یہ خبر عام ہے کہ مراٹھا مظاہرین کے لیے ممبئی میں کھانا پانی پوری طرح سے بند کر دیا گیا ہے اور یہاں کھانے کے اسٹال اور ہوٹلیں بند کردی گئی ہیں, لیکن یہ خبر جھوٹی اور بے بنیاد ہے, کیونکہ ممبئی ایس ٹی ایس پر تمام اسٹال اور ہوٹلیں جاری ہیں اور مظاہرین کو کھانا میسر ہے. دوسری طرف مظاہرین کے لئے بی ایم سی نے صاف صفائی اور دیگر سہولیات اور پینے کے صاف پانی کا بھی انتظام کرنے کا دعویٰ کیا ہے بارش کے دوران کیچڑ صاف کردیا گیا ہے, اتنا ہی نہیں عارضی بیت الخلا وین کی بھی تعیناتی کی گئی ہے. ممبئی پولس اور اضافی دستے بھی آزاد میدان میں تعینات ہے۔

بی جے پی نے اپنے سوشل میڈیا اکاؤنٹ سے ایسے خبروں کو بے بنیاد قرار دیا ہے. جس میں یہ الزام عائد کیا گیا ہے کہ مراٹھا مورچہ کے سبب دکانیں اور ہوٹلوں کو بند کر دیا گیا ہے. اس دوران بی جے پی کے آفیشنل ہینڈل سے تصاویر اور ویڈیو بھی جاری کیے گئے ہیں اس کے ساتھ بی ایم سی نے بھی صاف صفائی مہم کے ویڈیو اور تصاویر جاری کر کے یہ بتایا ہے کہ مراٹھا مظاہرین کیلئے اس کے سہولیات بہم پہنچائی ہے۔

‎ممبئی سی ایس ٹی کے اطراف تمام کھانے کے اسٹال کھلے ہیں۔ اسٹال بند کی خبر جھوٹی اور بے بیناد ہے, مراٹھا برادری کے افراد ان کھانے کے اسٹالوں پر چائے اور ناشتہ لے کر احتجاج کر رہے ہیں۔ یہ ثابت کرنے کے لیے کہ حکومت کس طرح مراٹھا مخالف ہے، جو لوگ ریزرویشن کے لیے زور دے رہے ہیں اور جنہوں نے 50 سال سے ریزرویشن نہیں دیا، وہ اپنے اپنے خفیہ ایجنڈے چلا رہے ہیں۔ممبئی میں احتجاجی مظاہرہ کے دوسرے روز بھی عوام کو پریشانیوں کا سامنا ہے. ممبئی کے متعدد علاقوں میں مراٹھا برادری سے سڑکیں فل ہے, ایسے میں ممبئی میں ٹریفک جام ہے اور مورچہ کا اثر ممبئی شہر کی لائف لائن کہی جانے والی لوکل ٹرینوں پر بھی ہوا ہے اور ٹرین سروسیز متاثر ہے اور ۱۰ سے ۱۵ منٹ سینٹرل لائنوں پر ٹرینیں تاخیر سے چلائی جارہی ہے. مراٹھا مورچہ کے مظاہرین نے سی ایس ٹی ریلوے اسٹیشن پر بھی قیام کیا ہے. ایسے میں سی ایس ٹی پر بھیڑ بھاڑ زیادہ ہے اور اسے قابو کرنے کے لئے پولس کے دستے بھی تعینات کیے گئے ہیں. اس کے ساتھ ہی آج بھی مظاہرین نے کچھ سڑکوں پر بیٹھنے کی کوشش کی تھی جسے بعد ازاں ہٹایا گیا تاکہ سڑک اور ٹریفک نظام متاثر نہ ہو۔ آج وزیر داخلہ امیت شاہ نے بھی لال باغ کے راجہ کے دربار میں حاضری دی ہے. اس کے ساتھ گنپتی وسرجن گنیش اتسو اور مراٹھا مورچہ پولس کے لئے چلینج ہے. پولس بہتر طریقے سے حالات سنبھال رہی ہے اور ایسے میں پولس نے ممبئی میں سیکورٹی سخت کردی ہے۔ ممبئی پولس کی سخت سیکورٹی کے دوران امیت شاہ نے لال باغ کا راجہ کا درشن لیا ہے۔ اس دوران بی جے پی لیڈر اور وزیر ایڈوکیٹ آشیش شیلار بھی موجود تھے. امیت شاہ نے اپنی اہلیہ کے ساتھ لال باغ کے راجہ پر حاضری دے کر منت مانگی۔

ممبئی مراٹھا مورچہ کے سبب مہاراشٹر بھر سے احتجاج مظاہرین کی ممبئی آزاد میدان آمد کے تناظر میں ممبئی میونسپل کارپوریشن ہیڈکوارٹر کے سامنے واقع آزاد میدان میں میونسپل کارپوریشن نے مختلف ضروری شہری خدمات اور سہولیات فراہم کی ہیں۔ آزاد میدان اور آس پاس کے علاقے میں ‘پے اینڈ یوز’ کے اصول پر تمام عوامی بیت الخلا مظاہرین کے استعمال کے لیے مفت دستیاب کرائے گئے ہیں۔ مظاہرین کے استعمال کے لیے آزاد میدان کے اندر کل 29 بیت الخلاء مفت دستیاب کرائے گئے ہیں۔ آزاد میدان سے متصل مہاتما گاندھی مارگ پر کل تین موبائل بیت الخلاء، جن میں سے ہر ایک میں 10 بیت الخلاء دستیاب ہیں۔ آزاد میدان میں میٹرو سائٹ کے قریب ایگزیکٹو انجینئر (ٹرانسپورٹ) (مغربی مضافات) کے دفتر کی طرف سے کل 12 پورٹیبل بیت الخلا فراہم کیے گئے ہیں۔ مزید بیت الخلاء فراہم کیے جا رہے ہیں. احتجاج کے مقام پر مظاہرین کو پینے کے پانی کے لیے کل 6 ٹینکرز فراہم کیے گئے ہیں۔ اضافی ٹینکرز منگوائے گئے ہیں۔ بارش کی وجہ سے احتجاج کی جگہ کیچڑ تھی۔ شہریوں کو نقصان سے بچانے کے لیے احتجاجی مقام تک جانے والی سڑک پر موجود کیچڑ کو ہٹا کر اس سڑک پر 2 ٹرک بجری ڈال کر سڑک کو ہموار کر دیا گیا ہے۔ میڈیکل ہیلتھ ڈیپارٹمنٹ کی جانب سے شہریوں کے علاج اور طبی معائنے کے لیے ایک طبی امدادی کمرہ قائم کیا گیا ہے۔ 108 ایمبولینس خدمات بھی دستیاب کرائی گئی ہیں۔ برسات کے موسم کو مدنظر رکھتے ہوئے آزاد میدان اور آس پاس کے علاقوں میں کیڑے مار دوا کا اسپرے ادویات کا چھڑکاؤ کیا گیا ہے۔ احتجاجی مقام اور آس پاس کے پورے علاقے کی صفائی کے لیے مناسب تعداد میں عملہ تعینات کیا جا رہا ہے۔

آمد رسول سے قبل لڑکیاں زمین میں زندہ دفن کردی جاتی تھیں، جس دن نبی پاک صلی اللہ علیہ وسلم کی ولادت ہوئی اس دن جتنی بھی ولادت ہوئی ان میں کوئی لڑکی پیدا نہیں ہوئی، اس لئے کہ اللہ کو یہ گوارہ ہی نہیں ہوا کہ جس دن میرے محبوب کی دنیا میں آمد ہو اس دن پیدا ہونے والی لڑکی زندہ دفن ہو، یہ بات بارہا علماء کرام سے سنا گیا ہے، پھر یہ آمد رسول کا جشن اور خوشی نہیں تو اور کیا ہے؟ وہ آتش کدہ بجھ گیا جو ایک مدت سے جل رہا تھا جسے دیکھ کر لوگوں کے اندر گھمنڈ پیدا ہوتا تھا اور لوگ ظالم بن جایا کرتے تھے، آمد رسول کے موقع پر آتش کدہ کا بجھنا یہ جشن آمد رسول و خوشی نہیں تو اور کیا ہے؟

آمد رسول سے قبل جہالت کی انتہا تھی، عرب کے لوگ ایک ایک روٹی اور ایک ایک بوٹی کے لئے قتل وغارت گری کیا کرتے تھے، جوا اور شراب عام تھی دسترخوان پر کھانے کے ساتھ پانی نہیں شراب رکھا کرتے تھے، جوا کھیلنے میں اپنی بیویاں تک ہار جایا کرتے تھے، باپ کے مرنے کے بعد بیٹا اپنی ماں کو بیوی بنا لیا کرتا تھا، بیوہ عورت کو منحوس مانا جاتا تھا، بچی پیدا ہوتی تو زمین میں زندہ دفن کردیا جاتا تھا، محمد سے پہلے تھا عالم نرالا، لگایا تھا شیطاں نے ظلمت کا تالا، کہیں تیر و نشتر کہیں تیغ و بھالا، دوشنبہ کا دن تھا سحر کا اجالا، کہ مکے میں پیدا ہوا کملی والا( صلی اللہ علیہ وسلم) سعودی عرب میں سعود خاندان کی حکومت قائم ہوئی تو 23 ستمبر کو نیشنل ڈے منایا جانے لگا، یوم سعودیہ منایا جانے لگا جبکہ نبی پاک کی ولادت کا دن انسان کی آزادی کا دن ہے، سسکتی بلکتی اور دم توڑتی ہوئی انسانیت کی آزادی کا دن ہے، نبی پاک صلی اللہ علیہ وسلم کی ولادت عالم انسانیت کے لئے رب کائنات کا عظیم تحفہ ہے اور تحفہ حاصل ہونے پر خوشی ہوتی ہے اور تحفہ حاصل ہونے پر یقیناً خوشی کا اظہار کیا جاتا ہے اور کیا بھی جانا چاہئے۔

ہاں جشن عید میلادالنبی و جلوس محمدی کے تقدس کو برقرار رکھنا ضروری ہے نماز چھوٹنی نہیں چاہئے، کوئی بھی خلاف شرع کام نہیں ہونا چاہئے، باجا نہیں بجنا چاہئے، کیک نہیں کاٹا جانا چاہئے، کسی کی دل آزاری نہیں ہونا چاہئے اور نعرہ بھی ایسا ہی لگایا جانا چاہئے کہ اسلام کی صداقت و حقانیت کا اعلان ہو، اسلامی تعلیمات کا اعلان ہو، سیرت النبی کا اعلان ہو، اس لئے کہ ہم اس مقدس ہستی کا جشن منا رہے ہیں جو رحمۃ للعالمین ہیں اور محبوب رب العالمین ہیں۔

راقم الحروف کے اس مضمون کو مسلکی نظر سے نہ دیکھا جائے جو جس مسلک کا ماننے والا ہے وہ اس پر قائم رہے یا نہ رہے یہ اس کی مرضی لیکن خدا کے واسطے اختلافات کی زنجیروں کو توڑئیے کم از کم ولادت رسول اکرم صلی اللہ علیہ وسلم کے موقع پر جشن و خوشی کو اختلافات کا رنگ نہ دیجیے، جس کا کلمہ پڑھتے ہیں اس کی آمد پر خوشی کا اظہار کیجئیے، ہاں اسے سیر وتفریح کا ذریعہ ہرگز ہرگز نہیں بنائیے، غریبوں، مسکینوں، یتیموں کے لئے سہارا بنئیے، نزدیکی اسپتالوں میں پہنچ کر ذات برادری اور مسلک و مذہب پوچھے بغیر مریضوں کی عیادت کیجئیے، انہیں پھل فروٹ دیجئے، غریب مریضوں کا مالی تعاؤن کیجیئے، لوگوں کو پانی پلائیے یہ سب کچھ کر کے اچھا انسان بننے کا ثبوت پیش کیجئے انسانیت کو فروغ دیجئیے اور مسلمان ہونے کا حق ادا کیجئیے۔