(جنرل (عام
اجودھیا میں مسجد کی تعمیر کے لئے ٹرسٹ کی تشکیل
اجودھیا میں رام مندر کی تعمیر کا آغاز ہونے کی مجوزہ تاریخ سے بالکل ایک ہفتے پہلے اترپردیش سنی وقف بورڈ نے سپریم کورٹ کی ہدایت پر اجودھیا میں فراہم کی گئی زمین پر6دسمبر 1992 کو مسمار کی گئی بابری مسجد کےعوض میں نئی مسجد کی تعمیر کرنےکےلئے ٹرسٹ کا اعلان کردیا ہے۔
سپریم کورٹ کی ہدایت پر سنی وقف بورڈ کو فراہم کی گئی 5ایکڑ زمین پر مسجد سمیت دیگر تمام تعمیرات کی کاروائی اور اس کی دیکھ بھال کے لئے قائم کئے جانے والے ٹرسٹ کا نام بورڈ نے’انڈو۔اسلامک کلچر فانڈیشن’ رکھا ہے۔
بورڈ کے چیئر مین زفر احمد فاروقی نے ایک بیان میں بتایا کہ بورڈ نے اجودھیا کے دھنی پور گاؤں میں فراہم کی گئی پانچ ایکڑ زمین پر مسجد،انڈواسلامک ریسرچ سنٹر، لائبریری اور اسپتال کی تعمیر کے لئے’انڈو۔اسلامک کلچر فاونڈیشن’نام سے ٹرسٹ بنایاہے۔
انہوں نے بتایا کہ اس ٹرسٹ میں حتمی طور پر 15ممبران ہوں گے لیکن ابھی کل نو اراکین کے ناموں کا علان کیا گیا ہے۔ باقی چھ اراکین پر غوروخوض کیا جارہا ہے۔مسٹر فاروقی نے بتایا کہ ٹرسٹ کے اراکین کے نام بورڈ کے موجودہ ممبران کے رضا مندی سے طے کئے گئے ہیں۔بورڈ خود اس ٹرسٹ کا فانڈر ٹرسٹی ہوگا اور بورڈ کے چیف ایگزیکٹیو افسر اس کے فاونڈر ٹرسٹی ہوں گے۔
بورڈ کی جانب سے اعلان کے گئے ٹرسٹ کے موجود ہ ممبران اور ان کے عہدوں میں مسٹر فاروقی خود اس ٹرسٹ کے صدر ہوں گے جبکہ عدنا فاروق شاہ (گورکھپور)نائب صدر، اطہر حسین (لکھنؤ)سکریٹری اور فیض آفتاب(میرٹھ)خازن ہوں گے جبکہ جنید صدیقی(لکھنؤ)،شیخ سعودالزماں(باندہ)،محمد راشد(لکھنؤ)اور عمران احمد(لکھنؤ)ٹرسٹ کے ممبرہوں گے۔ٹرسٹ کے سکریٹری کو ٹرسٹ کا آفیشیل ترجمان بنایا گیا ہے۔
ملحوظ رہے کہ گذشتہ سال 9نومبر2019کو سپریم کورٹ نے بابری مسجد۔رام مندر متنازع اراضی ملکیت معاملے میں اپنا فیصلہ سناتے ہوئے متنازع زمین کو رام مندر کو دینے اور بابری مسجد کے لئے اجودھیا میں ہی پانچ ایکڑ ازمین فراہم کرنے کا فیصلہ سنایا تھا۔
عدالت عظمی کے فیصلے پر عمل درآمد کرتے ہوئے اترپردیش حکومت نے ضلع اجودھیا کے روہنی تحصیل کے دھنی پورگاؤں میں پانچ ایکڑ زمین فراہم کی تھی جسے سنی وقف بورڈ نے فروری 2020میں قبول کرلیا تھا۔ مسجد کے بدلے زمین لینے کے معاملے میں وقف بورڈ کے ممبران مختلف فیہ تھے۔
قابل ذکر ہے کہ رام مندر کی تعمیر کے لئے جس تیزی سے اقدام کئے جارہے تھے اور بابری مسجد کے نام پر زمین لینے کے بعد بھی وقف بورڈ کی جانب سے سست روی پر مسلم سماج میں بے چین بڑھنی شروع ہوگئی تھی۔
(جنرل (عام
راجستھان میں گیس سلنڈر میں آگ لگنے سے 21 افراد جھلس گئے، 15 زخمیوں کو جے پور ریفر کر دیا گیا

جے پور : راجستھان کے کوٹ پتلی-بہروڑ ضلع میں بانسور کے گاؤں بڈھ ملک پور (رسنالی) میں ہفتے کی صبح تعزیتی تقریب کے دوران گیس سلنڈر سے لیکیج کے باعث آگ لگ گئی، جس کے نتیجے میں کم از کم 21 افراد جھلس گئے۔ زخمیوں میں سے 15 افراد کو تشویشناک حالت میں جے پور منتقل کر دیا گیا ہے، جبکہ 6 افراد کوٹ پتلی ڈسٹرکٹ ہسپتال میں زیرِ علاج ہیں۔ یہ واقعہ صبح تقریباً 11 بجے پیش آیا جب اس گھر میں، جہاں تعزیتی تقریب جاری تھی، ایک خاتون نے چائے بنانے کے لیے گیس چولہا جلایا۔ بتایا گیا ہے کہ صحن میں رکھا ہوا گیس سلنڈر لیک ہو رہا تھا۔ جیسے ہی چولہا جلایا گیا، آگ تیزی سے پھیل گئی اور اس نے سلنڈر، خیمے اور صحن میں بچھائی گئی دریوں کو اپنی لپیٹ میں لے لیا۔
اس گھر میں تقریباً 50 مرد و خواتین جمع تھے جو بڈھ ملک پور کے رہائشی 80 سالہ جے رام کسانا کی تعزیتی تقریب میں شرکت کے لیے آئے تھے؛ جے رام کسانا کا جمعہ کے روز انتقال ہو گیا تھا۔ بھارتی کسان سنگھ کے کوٹ پتلی-بہروڑ ضلعی صدر اشوک کمار گھنگھل کے مطابق، اہل خانہ کو گیس لیک ہونے کا علم نہیں تھا۔ اچانک آگ بھڑک اٹھی جس کی زد میں آ کر تقریب میں شریک کئی افراد جھلس گئے۔ آس پاس کے دیہاتی فوری طور پر موقع پر پہنچے اور پانی ڈال کر آگ پر قابو پایا۔ زخمیوں کو ایمبولینسوں اور نجی گاڑیوں کے ذریعے ہسپتال پہنچایا گیا۔ واقعے کے بعد، بانسور کے ایس ڈی ایم (ایس ڈی ایم) نونیت کمار اور تحصیلدار صورتحال کا جائزہ لینے اور حادثے کی تفصیلات جاننے کے لیے سب ڈسٹرکٹ ہسپتال پہنچے۔
گھنگھل نے بتایا کہ زخمیوں کو ابتدائی طور پر کوٹ پتلی اور بانسور کے ہسپتالوں میں لے جایا گیا تھا۔ کوٹ پتلی لے جائے جانے والوں میں سے 12 افراد کو جے پور ریفر کر دیا گیا، جبکہ بانسور لے جائے جانے والوں میں سے 3 افراد کو بھی جے پور منتقل کیا گیا۔ بانسور سے 2 دیگر زخمیوں کو کوٹ پتلی منتقل کیا گیا۔ فی الحال، 6 زخمی افراد کوٹ پتلی ڈسٹرکٹ ہسپتال میں زیرِ علاج ہیں۔ کل 15 مریضوں کو خصوصی علاج کے لیے جے پور بھیجا گیا ہے۔ ایس ایم ایس (ایس ایم ایس) ہسپتال کے قائم مقام سپرنٹنڈنٹ ڈاکٹر راشم کٹاریا نے بتایا کہ زیادہ تر زخمیوں کے جسم کا 20 فیصد سے 40 فیصد حصہ جھلس گیا ہے، جبکہ کچھ مریضوں کے جسم کا 50 فیصد تک حصہ جل گیا ہے۔ ڈاکٹر تمام مریضوں کی حالت کا جائزہ لے رہے ہیں۔ زخمیوں کو برن آئی سی یو (برن آئی سی یو) میں داخل کر دیا گیا ہے اور ان کا علاج شروع ہو چکا ہے۔
ممبئی پریس خصوصی خبر
پوائی پولیس نے 10 سالہ لڑکا کو والدین کے سپرد کر دیا, پولیس کی انسانیت نوازی اور کاوشوں کی ستائش ڈی سی پی دتہ نلاوڑے

ممبئی : ممبئی پولیس نے 10 سالہ گمشدہ لڑکے کو ان کے والدین کے سپرد کر کے انسانیت کی مثال قائم کی ہے 2 ماہ سے غائب گمشدہ بچہ کو دلی سے تلاش کر نے کے بعد پولیس نے اس کی صحیح سلامت بازیابی کی اور پھر بچوں کو والدین کے سپرد کر دیا۔ ممبئی پولیس نے ایک بچے کو اپنی والدین سے دو ماہ بعد ملوایا پوائی پولیس اسٹیشن کی حدود میں 14 ستمبر 2026 ء کو تنگا گاؤں ساکی وہار روڈ دارالعلوم غریب نواز مدرسہ سنی رحمانیہ جامع مسجد سے 10 سالہ رہائشی تھانہ مدرسہ میں زیر تعلیم تھا وہ اچانک غائب ہوگیا ہے اس متعلق 15 ستمبر کو اس کے والد مختار شاہ نے شکایت درج رکوائی پولیس نے اس معاملہ میں شکایت درج کر کے تفتیش شروع کردی ہے معاملہ کی حساسیت کو سمجھتے ہوئے پولیس نے تنگا گاؤں سمیت اطراف کے علاقہ میں جوگیشوری وکرولی لنک روڈ اور مرکزی راستوں پر بیسٹ بس ڈپو اور سی سی ٹی وی فوٹیج کا معائنہ کیا پولیس نے گمشدہ بچے کی تلاش کیلئے اس کی رنگین تصاویر جاری کی اور پولیس اسٹیشنوں کے سپرد کر دی گئی اور وائرلیس پیغام بھی عام کیا گیا پولیس نے بچے کا اصل رہائشی مقام تھانہ آنند بھاسکر نگر کلوا میں اس کی تلاش ریلوے اسٹیشن بس اسٹینڈ مذہبی مقامات اور عوامی مقامات پر کی اور بچوں کی گمشدگی کا پمفلٹ بھی چسپاں کردیا ڈومبیولی علاقہ میں بچے کی خبر ملی اس کے بعد پولیس کو تفتیش کے دوران معلوم ہوا کہ بچہ محمد پور دلی میں ہے جس پر پولیس ٹیم نے مذکورہ مقام پر اس کے رشتہ داروں کے ہمراہ جاکر بچہ کو برآمد کر لیا 10 سالہ لڑکا صحیح سلامت ان کے والدین کے سپرد کر دیا اس معاملہ میں پولیس نے ممبئی اور تھانے کے 100 سے 150 سی سی ٹی وی فوٹیج کی جانچ کی ممبئی پولیس نے تمام پولیس اسٹیشنوں کو آگاہ کیا اور بالآخر دو ماہ بعد لڑکے کو صحیح سلامت بازیافت کر لیا گیا ہے اور پولیس نے اس کے والدین کو اس سپرد کر دیا ہے۔ یہ کارروائی ممبئی پولیس کمشنر دیوین بھارتی, جوائنٹ پولیس کمشنر نظم ونسق منوج کمار شرما,ڈی سی پی دتہ نلاوڑے کی ایما پر کی گئی۔
ممبئی پریس خصوصی خبر
کریٹ سومیا کی مسلمانوں کے خلاف زہر افشانی مراٹھی ممبئی کو مسلم ممبئی بنانے کی سازش کا الزام, حالات کشیدہ لیکن امن برقرار

ممبئی : ممبئی کے کرلا علاقہ میں فونکس مال کے قریب نوجوان جوڑے کی تصویر کشی کے دوران علاقہ کے کچھ بچوں نے ان کے ساتھ غنڈہ گردی کی جس کے بعد پولیس نے اس معاملہ میں 8 نابالغوں کے خلاف کیس درج کر لیا ہے اور انہیں زیر حراست لے کر چلڈرن ہوم بھی بھیج دیا گیا ہے اس واقعہ کے بعد علاقہ میں کشیدگی پھیل گئی جبکہ امن برقرار ہے لیکن اس معاملہ میں اب سیاست بھی شروع ہوگئی ہے اور بی جے پی لیڈر کریٹ سومیا نے بچوں کے اس عمل کو مسلم غنڈہ گردی قرار دے کر مراٹھی ممبئی کو مسلم ممبئی قرار دیا ہے انہوں نے کہا کہ مختلف علاقوں میں مسلمانوں کی غنڈہ گردی بڑھ گئی ہے کریٹ سومیا نے زہر افشانی کر تے ہوئے کہا کہ مانخورد گوونڈی کرلا ناگپاڑہ بہرام پاڑہ میں مسلمانوں کی دادگیری بڑھ گئی ہے سوربھ اپنی معشوقہ کے ساتھ یہاں مال میں شاپنگ کے غرض سے آیا تھا وہاں گارڈن میں مسلم بچوں نے اس کے ساتھ مارپیٹ کی ہے۔ کریٹ سومیا نے ہرزا سرائی کرتے ہوئے کہا کہ ممبئی میں اسلامی دہشت گردی کو فروغ دیا جارہا ہے جو ناقابل برداشت ہے اب ممبئی کو مراٹھی ممبئی کو مسلم ممبئی بنانے کی سازش جاری ہے۔ کریٹ سومیا نے اس معاملہ میں مذکورہ بالا گارڈن کا بھی معائنہ اور دورہ کیا ہے۔
-
سیاست2 years agoاجیت پوار کو بڑا جھٹکا دے سکتے ہیں شرد پوار، انتخابی نشان گھڑی کے استعمال پر پابندی کا مطالبہ، سپریم کورٹ میں 24 اکتوبر کو سماعت
-
جرم7 years agoشرجیل امام کی حمایت میں نعرے بازی، اُروشی چوڑاوالا پر بغاوت کا مقدمہ درج
-
سیاست1 year agoمہاراشٹر سماجوادی پارٹی میں رئیــس شیخ کا پتا کٹا، یوسف ابراہنی نے لی جگہ
-
ممبئی پریس خصوصی خبر7 years agoمحمدیہ ینگ بوائزہائی اسکول وجونیئرکالج آف سائنس دھولیہ کے پرنسپل پر5000 روپئے کا جرمانہ عائد
-
جرم6 years agoمالیگاؤں میں زہریلے سدرشن نیوز چینل کے خلاف ایف آئی آر درج
-
(جنرل (عام1 year agoمالیگاؤں دھماکہ کیس میں سادھوی پرگیہ ٹھاکر اور کرنل پروہت سمیت تمام 7 ملزمین بری، فیصلے کے بعد بی جے پی نے کانگریس کے خلاف کھول دیا محاذ
-
بین الاقوامی خبریں1 year agoچینی وزیر خارجہ وانگ یی 18-19 اگست 2025 کو آ رہے ہندوستان، ایس جے شنکر اور اجیت ڈوبھال سے ان مسائل پر ہوگی بات چیت
-
سیاست1 year agoملک میں سیاسی ماحول گرم ہو گیا ہے… الیکشن کمیشن کل کی پریس کانفرنس میں راہول گاندھی کے ووٹ چوری کے الزامات کا جواب دے سکتا ہے۔
