حقیقی کنٹرول لائن (ایل اے سی) پرہند چین کشیدگی اور وادی گلوان میں پیش آنیوالے تازہ واقعات کے پیش نظرمرکزی حکومت نے جو اقدامات کئے ہیں انہیں لیفٹیننٹ جنرل (آر) سید عطا حسنین نے انتہائی بروقت قرار دیا ہے۔
اپنے ایک تجزیہ میں انہوں نے چینی حکمت عملی کا مقابلہ کرنے کیلئے معلومات میں مکمل شفافیت کو ہندستان کی جانب سے ابلاغ کی ایک اچھی حکمت عملی گردانتے ہوئے کہ اس پس منظر میں مرکزی حکومت کا 20 سیاسی جماعتوں کے نمائندوں کے 19 جون 2020 کو مٹنگ طلب کرنا ایک اہم فیصلہ تھا۔ اس کل جماعتی اجلاس میں وادی گلوان سے متعلق متعدد معاملات کی وضاحت کی گئی جہاں ہندستان اور چین دونوں جانب بڑے پیمانے پر ہلاکتیں ہوئیں۔

انہوں نے کہا کہ سیاسی اتفاق رائے کے پیچھے ایک تاریخ ہے اور سیاسی قیادت کی اعلی سطح کے فیصلے پ اس کا خاطر خواہ اثر پڑتا ہے۔ 1971 کے ہند- پاک تنازعہ سے قبل بھی سابق وزیر اعظم اندرا گاندھی کو اپوزیشن کی طرف سے کھلی حمایت ملی تھی۔ 1999 کے کرگل تنازعہ کے دوران سابق وزیر اعظم اٹل بہاری واجپئی کو بھی یہ تائید حاصل تھی۔
اس استدلال کیساتھ کہ مختلف وجوہ کی بناء پر چین کے ساتھ موجودہ تنازع کا تعلق نہ جنگ سے ہے نہ امن سے، انہوں نے کہا کہ یہ ایک پیچیدہ صورتحال ہے جس سے نمٹنے کیلئے سیاسی اتفاق رائے کی ضرورت ہے۔
جنرل سید عطا حسنین کے مطابق مغربی سرحد پر لائن آف کنٹرول کے برعکس چین کے ساتھ شمالی بارڈر پر حقیقی کنٹرول لائن (ایل اے سی) کے تعلق سے ہندستان اور چین کی سوچ مختلف ہے۔ ان سرحدوں پر ایل اے سی کی تبدیلی کا فیصلہ ان پہلے مسائل میں شامل ہونا تھا جس کو۱۹۹۳ء کے امن معاہدے کے سرحدی پروٹوکول کے مطابق طے کیا جاتا۔ اس بات کو یقینی بنانا تھا کہ سرحد کی حتمی شکل کے حصول میں استحکام ہوگا اور تناؤ کے بغیر اس کے حل کو آسان بنایا جائے گا۔ تاہم ماضی میں مختلف دعوؤں پر مبنی نقشوں کے تبادلے کے باوجود چین اس طرح کے خاکے سے اتفاق کرنے سے مسلسل انکار کرتا رہا ہے۔ ایک مبہم لائن اور مختلف دعوؤں کی لکیریں ہیں اور چین اپنی حکمت عملی کے مطابق اپنے دعویٰ کی لائنوں کو وقتا فوقتا بدلتا رہتا ہے۔
انہوں نے بتایا کہ مئی ۲۰۲۰ء کے اوائل سے موجودہ تناؤکی وجہ بنیادی طور پر لداخ میں دعوی کی لکیروں کے عام علاقوں میں غیر معمولی طور پر بڑی تعداد میں چینی فوجی دستوں کی تعیناتی ہے۔ جب ایل اے سی خود مختلف دعوے کی لکیروں کے ساتھ اس طرح کی ایک دھندلی لائن کے ساتھ موجود ہے تو فوجی گشت کی حدیں بھی غیر واضح ہو جاتی ہیں اوراس پرگزشتہ ڈیڑھ دہائی کے دوران تنازعات کا سامنا کرنا پڑتا رہا ہے۔
اس سال مختلف عوامل کی وجہ سے چین نے زیادہ جارحانہ رویے کا مظاہرہ کیا۔ ان میں سے ایک واضح کوشش دوکلام میں ۲۰۱۷ء میں کی گئی۔ اس کے علاوہ ہندوستانی انفراسٹرکچر اور جنگی صلاحیتوں میں اضافے سے ہندوستان کو جہاں اسٹریٹجک خود اعتمادی حاصل ہوتی ہے، وہیں یہ چین کے لئے پریشان کن ہے۔ چین ہندوستان کو ایک سے زیادہ خطرات سے لاحق کرنے کے لئے جوں کی توں صورتحال کو تبدیل کرنے کی کوشش کرتا رہتا ہے۔ چین نے اس کے لئے ایک خاص فورس کو گہرائی کے ساتھ تربیت فراہم کر رکھی ہے اور اسے ایل اے سی کے مختلف علاقوں میں بھیجا جاتا ہے تاکہ وہ وہاں زور زبردستی اور دھمکی دے کر جہاں تک ممکن ہو سکے ایل اے سی کی لکیر کو اپنے فائدے کے مطابق تبدیل کرسکے۔
ہند و چین کے کور کمانڈروں کے مابین ۶ ؍جون ۲۰۲۰ ء کی میٹنگ کا مقصد چین کی سرگرمیوں سے پیدا ہونے والے عدم استحکام پر قابو پانا تھا۔ اس میں بڑے پیمانے پر اتفاق کیا گیا تھا کہ متنازعہ پینگونگ تسوکے علاوہ فوجیوں کی تعداد میں کمی کرکے صورتحال کو معمول پر لانے کی کوشش کی جائیگی۔ پنگونگ تسو پر مزید بات چیت کے ذریعہ پہلے کی جیسی صورتحال بحال کی جائے گی۔
انہوں نے کہا کہ اس معاہدے پر عمل درآمد اور توثیق ہی کا نتیجہ تھا کہ وادی گلوان میں ہنگامہ خیز صورتحال پیدا ہوگئی۔ اس کی وجہ یہ ہے کہ ہندستان معاہدوں پر بروقت عمل درآمد کے اخلاقی طرز عمل پر یقین رکھتا ہے۔ چینیوں کی خصلت برعکس ہے جوضابطہ پر مبنی حکم کو اپنے طرز عمل میں جگہ نہیں دیتے۔ چین کی طرف سے گلوان میں واقع ایل اے سی کے مقام کو تبدیل کرنے کی کوشش کی گئی تاکہ داروبک – ڈی بی او کی نئی رہگزر پر نگاہ رکھ کر کچھ فائدہ حاصل کیا جا سکے۔ ہماری جانب سے اس کی مخالفت ہوئی۔ چین کی مسلسل ضد کی وجہ سے ایل اے سی کیقریب اس طرح کی صورتحال پیدا ہوئی ۔
اس طرح چین اور ہندوستانی فوجیوں کے مابین ۱۵؍اور ۱۶؍جون ۲۰۲۰ء کو ہونے والے تنازعہ میں دونوں جانب بڑے پیمانے پر جانی نقصان ہوا لیکن دونوں طرف کی قیادتیں ابتدائی کوششوں کے ذریعہ صورتحال کو پرسکون بنانے میں کامیاب رہیں۔ جھڑپ اور ہلاکتوں کی وجہ سے ہندوستان کے عوام شدید تشویش میں مبتلا ہوگئے اورعالمی سطح پر گلوان پر توجہ مرکوز ہوگئی۔ کل جماعتی اجلاس بلایا گیا تاکہ اس واقعے اور اس کے عمومی نتائج پر بنیادی تبادلہ خیال کیا جاسکے۔ چینیوں نے دھمکی کے اقدام کے طور پر وادی گلوان میں اپنی فوج کی موجودگی میں اضافہ کیا ہے لیکن ہمارے پاس کافی تعداد میں ہندوستانی فوجی موجود ہیں جو کسی بھی صورتحال کا مقابلہ کرسکتے ہیں۔
ایک ایسی جھڑپ جس میں فریقوں نے آتشیں اسلحے کے استعمال نہیں کیا۔ اس سے بجا طور پر توقع کی جاسکتی ہے کہ اس سے ایل اے سی کی حیثیت میں تبدیلی آئی ہوگی اور ممکنہ طور پر دونوں جانب سی چوکیوں پر قبضہ ہوا ہوگا۔ وزیر اعظم کی جانب سے سیاسی جماعتوں کو یقین دہانی کہ کسی بھی ہندوستانی چوکی کا کوئی نقصان نہیں ہوا ہے اور ایل اے سی کی حیثیت کسی دراندازی کے بغیر مکمل طور پر برقرار ہے ،در اصل اس واقعہ پر مرکوز تھا۔ زمینی حقیقت اس کی مکمل حمایت کرتی ہے۔
مزید یقین دہانی کرائی گئی ہے کہ ایل اے سی کے ساتھ ہمارے قومی سلامتی کے مفادات کو مکمل طور پر محفوظ کرنے کے لئے کافی حد تک ہندوستانی تعیناتی عمل میں لائی گئی ہے اور یہ کہ ہمارے بنیادی ڈھانچے میں بہتری اور صلاحیت سازی بلا روک ٹوک جاری رہے گی۔ بعض دفعہ دھمکی آمیز اور معلومات کی جنگ کے اصول کے مطابق چین سے چند جرات مندانہ اور کئی بار غیر معقول بیانات کی توقع کی جاسکتی ہے۔
انہوں نے کہا کہ آزمائش کے اس مرحلے میں قومی سلامتی کے امور کے بارے میں سیاسی حلقے میں قومی سلامتی کے تعلق سے تصوراتی اختلافات کو صلاح مشورے، اعتماد سازی اور اتفاق رائے سے حل کیا جانا چاہئے جو کہ قومی ابلاغ کی حکمت عملی کے اعتبار سے ایک اہم حصہ ہے۔ اس جذبے کے تحت ہمیں آگے بڑھنا چاہئے۔