ممبئی: ناسک ٹی سی ایس کیس کی تفتیش میں اب این آئی اے اور اے ٹی ایس سمیت دیگر تفتیشی ایجنسیاں بھی شامل ہوچکی ہیں اس معاملہ میں کئی اہم خلاصے بھی ہوئے ہیں اس لئے ناسک پولیس نے تفتیشی ایجنسیوں کو اس تفتیش میں شامل ہونے کیلئے مدعو کیا ہے۔ ممبئی ناسک ٹی سی ایس تبدیلی مذہب جنسی استحصال کے معاملہ میں پولیس نے 9 ایف آئی آر درج کی ہے جس میں 9 ملزمین کو نامزد کیا گیا ہے ان ملزمین پر الزام ہے کہ انہوں نے اپنے عہدے اور اختیارات کا غلط استعمال کر کے کام کی جگہ پر خواتین کو ہراساں کیا ہے ساتھ ہی ملازمین کی مذہبی جذبات کو بھی مشتعل کیا اس معاملہ میں جنسی استحصال، مذہبی جذبات مجروح کرنا، کام کی جگہ پر ہراسائی سمیت دیگر دفعات کے تحت ناسک پولیس اسٹیشنوں میں کیس درج کئے گئے ہیں تمام ملزمین کے ایک دوسرے کے روابط پائے گئے ہیں اس میں 2 خواتین اور بقیہ مرد شامل ہے۔
ناسک پولیس کمشنر سندیپ کارنک نے دعوی ہے کہ اس معاملہ میں پولیس نے کیس درج کر کے تفتیش شروع کردی ہے اس کے ساتھ ہی کئی ملزمین کو گرفتار بھی کیا گیا ہے اس کے ساتھ ہی اس معاملہ میں ندا خان پر بھی ایک اہم ملزمہ ہے اس معاملہ میں پولیس نے اب تک کی کارروائی میں پایا ہے کہ ٹی سی ایس کے ملازمین نے و الزامات عائد کئے تھے اس میں تبدیلی مذہب، جنسی استحصال، خواتین کو ان کے کام کی جگہ پر ہراسائی کرنا، مذہبی جذبات مجروح کرنا، گروپ سازی کر کے سازش کو انجام دینا شامل ہے۔
اس معاملہ میں پولیس اب یہ معلوم کر رہی ہے کہ ان ملزمین نے تبدیلی مذہب اور دیگر معاملات کو انجام دینے کیلئے گروپ سازی کیوں کی تھی اس کے پس پشت کون لوگ شامل ہے شبہات ہے کہ ان کی کمپنی کو غیر ملکی فنڈنگ بھی ہوئی ہے ایسے میں اب اس تفتیش میں قومی سلامتی ایجنسی این آئی اے اور اے ٹی ایس کی بھی انٹری ہوچکی ہے تفتیشی ایجنسیوں کو ناسک پولیس کمشنر سندیپ کارنک نے از خود مکتوبات ارسال کئے ہیں اور انہیں تفتیش میں شامل ہونے کی گزارش کی ہے اس کے ساتھ ہی بیرون ملک فنڈنگ سے لے کر ٹیررفنڈنگ سے متعلق بھی یہ ایجنسیاں تفتیش کر سکتی ہے ناسک کے اس معاملہ کے بعد اب اس پر سیاست بھی شروع ہوگئی ہے اور اسے سیاسی لیڈران نے اسے ایک نیا لفظ کارپوریٹ جہاد کا رنگ بھی دینا شروع کردیا ہے اس لئے اب یہ معاملہ انتہائی حساس ہوچکاہے۔ اس معاملہ میں ملزمین کے اہل خانہ نے سنگین الزامات سے انکار کر دیا ہے اور کہا ہے کہ تبدیلی مذہب اور کارپوریٹ جہاد کا معاملہ صرف میڈیا تک ہی محدود ہے جبکہ اس کوئی معاملہ اس کیس میں نہیں ہے۔

ممبئی : بائیکلہ کے ویرماتا جیجا بائی بھوسلے بوٹینیکل گارڈن اور چڑیا گھر کے پینگوئن روم آڈیٹوریم میں آج (15 اپریل 2026) ایک روزہ تربیتی کیمپ کا انعقاد کیا گیا جس میں مانسون سے قبل خطرناک درختوں کی سائنسی طریقے سے کٹائی کیسے کی جائے اور درختوں کی گنتی کے دوران جدید مشینری کا استعمال کیسے کیا جائے۔ باغات کے سپرنٹنڈنٹ جتیندر پردیشی نے بتایا کہ درختوں کی گنتی اگلے ہفتے سے شروع ہوگی۔

اس کیمپ میں باغات کے ڈپٹی سپرنٹنڈنٹ صاحب راؤ گاویت، اسسٹنٹ سپرنٹنڈنٹ باغات اویناش یادو، آربرسٹ وویک رانے، یوگیش کوٹے، پارکس ڈپارٹمنٹ کے افسران، ٹرینی ملازمین، ٹھیکیداروں کے ذریعہ مقرر کردہ باغ کے ماہرین موجود تھے۔ ہر سال مانسون شروع ہونے سے پہلے ممبئی میں خطرناک درختوں کی شاخوں کو ممبئی میونسپل کارپوریشن کے ذریعے کاٹ دیا جاتا ہے۔ ماحول کے توازن کو برقرار رکھتے ہوئے ان کاموں میں جدید ٹیکنالوجی کا استعمال کیا جاتا ہے۔ اس سال بھی یہ مہم مزید وسیع پیمانے پر چلائی گئی ہے۔ اس کے علاوہ ماہرین کی مدد سے ممبئی میں درختوں کی گنتی کی جائے گی۔ جتیندر پردیشی نے کیمپ میں موجود ٹرینی ملازمین کو درختوں کی کٹائی، درختوں کی مردم شماری کے بارے میں جانکاری دی۔ اسسٹنٹ پارکس سپرنٹنڈنٹ اویناش یادو نے درختوں کے سائز، مٹی کی نمی، ہوا کی رفتار اور تعمیر کے دوران درختوں کی حفاظت کے موضوعات پر رہنمائی کی۔

آربورسٹ وویک رانے نے ان کی رہنمائی کی کہ درختوں کی کٹائی کے ذریعے درختوں کا انتظام کیسے کیا جائے اور سائنسی انداز میں درختوں کی کٹائی کرتے وقت حالات کا اندازہ لگایا جائے۔ درختوں کی وجہ سے سرکاری اور نجی املاک کو پہنچنے والے نقصان کو کیسے روکا جائے، بدلتی ہوئی آب و ہوا کے دوران درختوں کی حفاظت کیسے کی جائے اور درختوں کی جسامت اور صحت کو مسلسل بہتر بنانے کے لیے کیا اقدامات کیے جانے چاہئیں، کے بارے میں جدید تصورات پیش کیے گئے۔ جناب یوگیش کوٹے نے ایک مظاہرے کے ساتھ رہنمائی کی کہ درختوں کی مردم شماری کیسے کی جائے، اس کے لیے کس طرح جدید ٹیکنالوجی کا استعمال کیا جائے گا اور اس مردم شماری کے لیے کس طرح ڈرون کا استعمال کیا جائے گا۔

ممبئی : ممبئی مانسون سے قبل کاموں کے جائزہ کے ایک حصے کے طور پر، ممبئی میٹروپولیٹن ریجن میں بڑے اور چھوٹے نالوں سے کیچڑ ہٹانے کا کام شروع کر دیا گیا ہے۔ ایڈیشنل میونسپل کمشنر (مغربی مضافات) ڈاکٹر وپن شرما نے آج ( مورخہ 15 اپریل 2026) ایچ ایسٹ ڈویژن، ایچ ویسٹ ڈویژن، کے شمالی اور کے جنوبی ڈویژنوں میں ڈرین کی صفائی کے کاموں کا معائنہ کیا۔

شرما نے بذات خود بڑے نالوں جیسے موگرا نالہ، وکولا نالہ، کرشنا نگر نالہ، اندھیری بھواری مارگ، ایس این ڈی ٹی نالہ کے ساتھ ساتھ باندرہ میں بازار نالہ، گروارے نالہ، اپیکس نالہ کا دورہ کیا اور نالوں سے گاد ہٹانے کے کام کا جائزہ لیا۔ انہوں نے ضروری ہدایات بھی دیں۔ نالے میں تیرتے کچرے اور فضلا کو فوری طور پر ہٹایا جائے۔ ڈرین کی صفائی کا کام کسی بھی صورت میں 31 مئی 2026 تک 100 فیصد مکمل ہونے کو یقینی بنایا جائے۔ شرما نے میونسپل کارپوریشن کے افسران کو ہدایت دی کہ وہ مقامی عوامی نمائندوں کے ساتھ تال میل پیدا کریں اور انہیں وقتاً فوقتاً ڈرین کی صفائی کے بارے میں جانکاری دیں۔ مقامی کارپوریٹر اور مارکیٹ اینڈ گارڈن کمیٹی کی چیئرپرسن ہیتل گالا، کارپوریٹر چنتامنی نواتی، کارپوریٹر راجہ رہبر خان، کارپوریٹر ۔ رتیش رائے، کارپوریٹر روہنی کامبلے، کارپوریٹر ۔ انجلی ساونت، اسسٹنٹ کمشنر دنیش پلاواد، اسسٹنٹ کمشنرمہیش پاٹل، اسسٹنٹ کمشنر نتن شکلا، اسسٹنٹ کمشنر مردولا آندے کے ساتھ متعلقہ افسران موجود تھے۔