(خیال اثر)
کورونا کو جو تباہی پھیلانی تھی وہ تو پھیلا رہا ہے مگر اس کی وجہ سے حکومت نے جو لاک ڈاؤن کیا ہے اس کے اثرات ظاہر ہونے شروع ہوگئے ہیں. اب عالم یہ ہے کہ کورونا سے جو اموات ہونی ہے وہ تو طے ہیں لیکن بھکمری کے بعد اب شہر میں ایک ایسا واقعہ رونما ہوا جسے سن کر پتھر دل سے ہتھر دل بھی دہل گئے . مورخہ 15اپریل 2020 بروز بدھ شام ساڑھے پانچ بجے ملت مدرسے کے پاس رہنے والی 30 سالہ خاتون خانہ کو زچگی کیلئے اس کا شوہر نے اس ہسپتال سے اُس ہسپتال لیکر بھٹکتا رہا بالآخر ایک مسلم لیڈیز گائناکلوجسٹ ڈاکٹر نے 30000 ہزار روپئے کی شرط پر سیزر زچگی کردی مگر نومولود پیدا شدہ لڑکی کی کیفیت بہت ہی زیادہ سریس ہونے کی وجہ سے پہلے یشفین ہاسپٹل میں ایڈمیٹ کیا گیا جہاں ڈاکٹروں نے بہت کوشش کی مگر نومولود بچی کی طبیعت بگڑتی گئی سانس رک رک کر چلنے کی وجہ سے ڈاکٹروں کے مشورے پر اس بچی کو لیکر ندی اس پار دُوارکامنی ہاسپٹل لے جایا گیا تو پتہ چلا ہاسپٹل بند ہے پھر سمرتھ ہسپتال لے جایا گیا تو سمرتھ ہاسپٹل بھی بند تھا. اس کے بعد ایک اور ہاسپٹل لے جایا گیا تو وہ ہاسپٹل بھی بند ملا. تقریباً 3 سے 4 گھنٹوں کی مسلسل جدوجہد اور محنت کے بعد بھی جب کوئی ہاسپٹل کھلا نہیں ملا تب آیت ہاسپٹل کے ڈاکٹر آفاق سے رابطہ کیا گیا تو انہوں نے بچی کو فوراً ہاسپٹل میں لاکر ایڈمیٹ کرنے کو کہا تب گھر والے ہر پولیس چیک پوسٹ کو جلدی جلدی پار کرتے ہوئے آیت ہاسپٹل پہنچے مگر بہت دیر ہوچکی تھی وجہ صرف ایک ہی ہے پورے مالیگاؤں کو ریڈ زون ڈیکلئر کردیا گیا ہے. ہر چوک چوراہوں پر پولیس تعینات ہے. کسی کو بھی گھر سے نکلنے کی اجازت نہیں ہے. بچوں کی تلاش گروپ کے ذمہ دار انصاری ضیا الرحمان مسکان نے تفصیل فراہم کرتے ہوئے بتایا کہ ایسی کنڈیشن میں کچھ گھٹیا قسم کے افراد کسی بھی ڈاکٹر کا فائل ساتھ میں لے کر روڑ پر اپنی موٹر سائیکل پر نکل پڑتے ہیں اور جھوٹ کا سہارا لیکر پولیس والوں کو بے وقوف بناتے ہیں. چور تو آخر چور ہوتا ہے ایک نا ایک دن پکڑا ہی جاتا ہے ایسا ہی واقعہ نیا بس اسٹینڈ , سردار مارکیٹ کے پاس اور چندن پوری گیٹ پر ہوا جب پولیس والوں نے ایسے لوگوں کو پکڑا اور ہاسپٹل کی فائل لیکر جب ہاسپٹل میں کنفرم کیا تو پتہ چلا کہ وہ ہاسپٹل چند روز سے بند ہے. ان لوگوں کو کسی نے بھی اپائنٹمنٹ نہیں دیا ہے . جب پولیس نے ان لوگوں سے سختی سے پوچھا تو پتہ چلا کہ بس ایسے ہی گھر میں بور ہو رہے تھےگھومنے نکلے تھے.
اب آپ ہی فیصلہ کیجئے ایسے ہی نام نہاد لوگوں کی بنیاد پر پولیس نے سختی اختیار کرنا شروع کی اور ہر چیک پوسٹ پر ہاسپٹل جانے والوں سے کڑی پوچھ تاچھ شروع کی جس کی وجہ سے ایمرجنسی پیشنٹ کو ہاسپٹل لے جانے تک بہت وقت لگنا شروع ہو گیا یہی وجہ ہے کہ اس ننھی پری جو کہ محض صرف 6 گھنٹوں کی تھی اگر وہ بھی وقت پر پہنچ جاتی تو اسباب کے درجے میں اس کی جان بچ جاتی تھی مگر افسوس صد افسوس قوم کے کچھ نام نہاد لوگوں کی وجہ سے پوری قوم کو بدنامی اور تکلیف اٹھانی پڑرہی ہے. اللہ تعالٰی اس معصوم بچی کے والدین کو صبر جمیل عطا فرمائے آمین ثم آمین یا رب العالمین. یہ ویڈیو بحالت مجبوری سینڈ کی جا رہی ہے ضرور دیکھیں جو 16اپریل 2020رات ساڑھے بارہ بجے کی ہے.