Connect with us
Saturday,23-August-2025
تازہ خبریں

(جنرل (عام

فجی نے کورونا وائرس کی روک تھام کے لئے ملک گیر کرفیو نافذ کیا

Published

on

curfew

فجی نے جمعہ کو عالمی وبا كووڈ -19 کی روک تھام کے لئے ملک گیر کرفیو نافذ کر دیا ۔ فجی کے وزیر اعظم فرینک بانیماراما نے اس کا اعلان آج پارلیمنٹ میں کیا ۔ انہوں نے کہا کہ كووڈ -19 کی روک تھام کے لئے احتیاطی طور پر اٹھائے گئے قدم کے تحت ملک میں مقامی وقت کے مطابق رات 10 بجے سے صبح پانچ بجے تک ہر روز کرفیو نافذ رہے گا ۔ انہوں نے کہا کہ حکومت نے اس کی وجہ سے کرفیو نافذ کرنے کا فیصلہ لیا ہے کیونکہ حکومت کی طرف سے نقل و حرکت پر روک لگانے پر بھی لوگ سرکاری اہدایات پر سنجیدگی سے عمل نہیں کر رہے ہیں ۔ انہوں نے کہا’’ اگر لوگ اس مسئلہ پر سنجیدگی کا مظاہرہ کرتے ، تو ہم یہ قدم اٹھانے کے لئے مجبور نہیں ہوئے ہوتے ۔ جب ہم غیر ضروری سفر، قریبی رابطے اور بڑے اجتماعات میں شامل ہوں گے، تو کورونا وائرس کے پھیلاؤ کو نہیں روک پائیں گے ۔ اسی وجہ سے ہم آج رات 10 بجے سے صبح پانچ بجے تک ملک بھر میں کرفیو لگانے کا اعلان کر رهاے ہیں ‘‘۔
انہوں نے کہا کہ رات 10 بجے سے صبح پانچ بجے تک سماجی فاصلے اور لازمی سفر سے دوری بنانے کی ضرورت ہے ۔ اگر لوگ اس مدت کے دوران بلا کسی ضروری کام کے گھروں سے باہر رہیں گے، تو پولیس انہیں زبردستی گھروں میں لے جائے گی۔ فجی ابھی تک كووڈ -19 کے پانچ معاملے کی تصدیق ہوئی ہے، لیکن فجی حکومت نےلا وتوكا میں لاک ڈاؤن کا اعلان کرنے کے ساتھ ہی 20 سے زائد بخار کے کلینک قائم کر دیے ہیں ۔ ساتھ ہی فیجی نے جمعرات کو ناڈی بین الاقوامی ہوائی اڈے کو بند کر دیا اور اتوار کو غیر ملکی شہریوں کے ملک میں آنے پر پابندی عائد کر دی ہے۔ اس کے علاوہ حکومت نے اس انفیکشن سے لڑنے کے لئے جمعرات کو اضافی بجٹ کا اعلان کیا تھا۔

جرم

ممبئی سمیر شبیر شیخ کو منشیات کے کیس میں ۱۵ سال کی قید ایک لاکھ کا جرمانہ کی سزا

Published

on

Arrest

ممبئی : ممبئی شہر میں ڈرگس اور منشیات اسمگلر کے خلاف انٹی نارکوٹکس سیل اے این سی کو بڑی کامیابی ملی ہے ممبئی میں منشیات اسمگلر سمیر شبیر شیخ ۳۲ سالہ کو ممبئی باندرہ یونٹ نے ۱۱۰ گرام ایم ڈی میفیڈون کے ساتھ ۱۲ مئی ۲۰۲۲ کو گرفتار کیا تھا اس معاملہ میں پولیس نے این ڈی پی ایس ایکٹ کے تحت کارروائی کی گئی اور اب عدالت نے اس معاملہ میں ملزم کو قصوروار قرار دیتے ہوئے ۱۵ سال کی قید اور ایک لاکھ روپے جرمانہ کی سزا سنائی ہے۔ ملزم کے خلاف این ڈی پی ایس ایکٹ سمیت مارپیٹ تشدد اور دیگر جرائم درج ہیں کل ۹ معاملات درج ہیں۔

Continue Reading

ممبئی پریس خصوصی خبر

ممبئی سائبر فرا ڈ ۳۰۰ کروڑ روپے متاثرین کے محفوظ، آن لائن فراڈ سے محتاط رہنے کی اپیل، ڈیجیٹل اریسٹ نام کی کوئی چیز نہیں

Published

on

cyber-crime

ممبئی : ممبئی کرائم برانچ ممبئی سائبر سیل نے آن لائن دھوکہ دہی کا شکار متاثرین کے ۳۰۰ کروڑ روپے محفوظ کئے ہیں۔ ان متاثرین نے دھوکہ دہی کی شکایات ۱۹۳۰ پر کی تھی جس پر پولس نے این سی آر پورٹل پر شکایت کر کے رقومات کی منتقلی کو منجمد کر کے بینک اکاؤنٹ سے رقومات کی منتقلی پر روک لگائی ہے۔ سائبر سیل کی ہیلپ لائن پر 13,19,403 کال موصول ہوئے تھے جس میں شئیر ٹریڈنگ، جاب فراڈ سمیت دیگر اسکیمات کی لالچ دے کر دھوکہ دہی کی شکایت موصول ہوئی تھی۔ سائبر سیل نے جنوری ۲۰۲۴ سے جولائی ۲۰۲۵ میں سائبر جرائم میں ملوث 11,063 موبائل فون نمبر بند اور بلاک کئے ہیں۔ یہ کارروائی ممبئی پولس کمشنر دیوین بھارتی کی ایما پر جوائنٹ پولس کمشنر لکمی گوتم، ڈی سی پی پرشوتم کراڈ نے انجام دی ہے سائبر سیل نے شہریوں سے اپیل کی ہے کہ سائبر فراڈ کے معاملات میں اضافہ ہوا ہے اس لئے شہریوں کو محتاط رہنے کی ضرورت ہے۔ اس کے ساتھ ہی ڈیجیٹل اریسٹ نام کی کوئی چیز نہیں ہے اور نہ ہی اس کی قانونی کوئی حیثیت ہے, اگر کوئی سی بی آئی پولس اور سرکاری افسر بن کر ڈیجیٹل اور سائبر اریسٹ کی دھمکی دیتا ہے تو اس کی اطلاع مقامی پولس کو دے, فرضی ویب سائٹ کے معرفت بھی شئیر ٹریڈنگ کر کے کروڑوں روپے کا لالچ دیا جاتا ہے۔ سوشل میڈیا پر اس قسم کی پر کشش اشتہارات دے کر دھوکہ دہی کی جاتی ہے, اس لیے شہریوں کو اس سے الرٹ رہنے کی ضرورت ہے۔

Continue Reading

ممبئی پریس خصوصی خبر

ممبئی ہند ۔ پاک کرکٹ میچ وزیر اعظم مودی کی باتوں میں تضاد : ابوعاصم اعظمی

Published

on

Abu-Asim-Azmi-

ممبئی مہاراشٹر سماجوادی پارٹی لیڈر اور رکن اسمبلی ابوعاصم اعظمی نے ہند ۔ پاک کرکٹ میچ پر تبصرہ کرتے ہوئے کہا کہ ہندوستان کے وزیر اعظم نریندر مودی کی گزشتہ ۱۱ برس میں ایک بھی بات سچ نہیں ہوئی ہے۔ ان کی باتوں میں تضاد ہے وہ بولتے کچھ ہیں اور کرتے کچھ ہیں۔ ہر خون اور پانی ایک ساتھ نہیں بہے کا بیان وزیر اعظم نے دیا تھا, اب پاکستان کے ساتھ دبئی میں کرکٹ کھیلا جا رہا ہے انہوں نے کہا کہ پاکستان سے ٹھوس بات ہونی چاہئے۔ پہلگام حملہ میں ہماری بہنوں کا سندور اجڑ گیا۔ جب تک پاکستان اپنی حرکتوں سے باز نہیں آتا, اس سے کوئی بات نہیں ہونی چاہیے اور تعلقات سے متعلق بھی غور کرنا چاہئے, کیونکہ پاکستان مسلسل ہندوستان پر حملہ کرتا ہے اور ہم ان کے ساتھ میچ کھیلتے ہیں, یہ سلسلہ کہیں نہ کہیں بند ہونا چاہئے۔

Continue Reading
Advertisement

رجحان

WP2Social Auto Publish Powered By : XYZScripts.com