ممبئی مہاراشٹر سائبر محکمہ نے اے آئی سے تیار شدہ فرضی آدھار پین کارڈ سمیت سرکاری دستاویزات کی تیاری سے شہریوں کو باخبر کیا ہے۔ سائبر سیکورٹی اور سائبر سے متعلق خطرات و نقصانات سے مہاراشٹر سائبر سیل عوام میں بیداری پیدا کرتا ہے۔ اے آئی کے معرفت فرضی دستاویزات کی تیاری بھی اب عام ہوگئی ہے۔ مصنوعی ذہانت اے آئی ٹولز کا غلط استعمال آدھار اور پین کارڈ جیسے جعلی سرکاری شناختی کارڈ بنانے کیلئے بھی کیا جا رہا ہے۔ اے آئی اختراعات کے مواقع فراہم کرتا ہے, لیکن ساتھ ہی اس میں خطرہ بھی زیادہ ہے یہ سنگین تشویشناک ہے۔ اے آئی جعلی آئی ڈی اور شناختی کارڈ بنانے کی صلاحیت رکھتے ہیں۔ یہ کارڈ بینک، ذاتی لین دین اور معاشی جرائم میں بھی استعمال کئے جاسکتے ہیں۔ دوسری طرف جعلی دستاویزات اور کارڈ کا استعمال بینکوں ٹیلی کام کمپنیوں اور سرکاری کمپنیوں کو دھوکہ دہی کیلئے بھی کیا جاسکتا ہے۔ فرضی طور پر قرض کی حصولیابی اور بینکوں سے لین دین اور غبط کے لئے بھی اس کا استعمال ہوسکتا ہے۔ قومی سلامتی کیلئے بھی یہ خدشات ہے۔ مہاراشٹر سائبر نے جعلی دستاویزات اور کارڈ کی شناخت کیلئے کچھ اہم اشارے اور تدبیر بتائی ہے۔ مماثل فونٹس، خاص طور سے ہندی اور انگریزی متن میں ٹائپو گرافیکل فرق ہے, انگریزی متن میں ٹائپوگرافیکل فرق ہے تصویر میں تضادات غیر فطری روشنی یا رنگ کی تضادات اے آئی سے ایڈجسٹ شدہ تصویر کو دانیدار بنایا جاسکتا ہے, جبکہ اصل آدھار کارڈ میں ایک کیو آر کوڈ ہوتا ہے, جس کی تصدیق سسٹم میں کی جاسکتی ہے, جعلی آدھار میں ایسا کرنے میں وہ ناکام ہے, غلط طریقہ کار کے سبب جعلی آدھار کارڈ کی شناخت آسانی سے کی جاسکتی ہے۔ مہاراشٹر سائبر نے شہریوں سے اپیل کی ہے کہ وہ محتاط رہے, اور ایسے جعلی شناختی کارڈوں سے متعلق کسی بھی مشتبہ واقعات کی اطلاق نیشنل سائبر کرائم میں شکایت پورٹل کے ساتھ 1945 پر اطلاع دے۔ یہ سروس 24 گھنٹے تک جاری رہتی ہے

ممبئی : مہاراشٹر سماجوادی پارٹی لیڈر ور کن اسمبلی ابوعاصم اعظمی نے کشمیر پہلگام دہشت گردانہ حملہ کو مذہبی رنگ دینے کی مذمت کی ہے۔ انہوں نے کہا کہ اسلام کے ماننے والے کبھی بھی اس قسم کی حرکت نہیں کر سکتے ہیں۔ پہلگام حملہ انٹلیجنس اور سیکورٹی ایجنسیوں کی ناکامی کا نتیجہ ہے, اس لئے وزیر داخلہ امیت شاہ کو اخلاقی ذمہ داری قبول کرتے ہوئے اپنے عہدہ سے استعفی دینا چاہئے۔ ممبئی میں بھی جب حملہ ہوا تھا تو اس میں بھی پاکستانی کنکشن واضح تھا, ایک ہی مرتبہ سرکار کو پاکستان کے خلاف کارروائی کرنی چاہئے اور کوئی فیصلہ لینا چاہئے۔ اس کے ساتھ ہی اعظمی نے پاکستان سے تعلقات منقطع کرنے کا بھی مطالبہ کیا ہے۔ انہوں نے کہا کہ پلوامہ میں جو حملہ ہوا تھا, اس کی حقائق بھی عوام کے سامنے نہیں لائے گئے ہیں۔ جس طرح سے سیاحوں کو گولی مار کر قتل کیا گیا ہے۔ وہ کشمیر عوام کیلئے بھی نقصاندہ ہے اور ایسے میں جو دہشت گرد یہ واردات انجام دیتے ہیں, ان کا اسلام اور مسلمانوں سے کوئی تعلق نہیں ہے۔

امرناتھ یاترا شروع ہونے والی ہے ایک ماہ کی یہ یاترا ہوتی ہے, اس میں سیکورٹی کے پختہ انتظامات کو بھی سرکار کو یقینی بنانا چاہئے تاکہ زائرین کو کسی بھی قسم کی کوئی تکلیف یا پریشانی نہ ہوانہوں نے کہا کہ سرکار کو حملہ کے بعد پاکستان پر کارروائی کرنی چاہئے۔

ممبئی : مہاراشٹر ممبئی کی مسجدوں سے لاؤڈاسپیکر اتارے جائیں گے۔ مذہب کے نام پر دہشت پیدا کر کے مافیا اور ڈان بلا اجازت لاؤڈاسپیکر کا استعمال کرتے, لیکن اب یہ تمام لاؤڈاسپیکر اب اتارے جائیں گے۔ یہ دعوی ممبئی گھاٹکوپر میں پولیس اسٹیشن کے دورہ کے بعد بی جے پی لیڈر کریٹ سومیا نے شرانگیزی کا مظاہرہ کیا ہے۔ کریٹ سومیا نے کہا ہے کہ اب پولیس لاؤڈاسپیکر کو اجازت نامہ فراہم نہیں کر رہی ہے, بلکہ صرف باکس ساخت کے اسپیکر کو ہی اجازت دی جارہی ہے, اس لئے اب میناروں سے لاؤڈاسپیکر کا استعمال پر پابندی ہوگی۔ گھاٹکوپر پولیس نے لاؤڈاسپیکر کو لے کر اصول وضوابط طے کئے ہیں اور ایسے میں مہاراشٹر اور ممبئی کی مسجدوں سے لاؤڈاسپیکر ہٹائے جائیں گے۔

کریٹ سومیا نے ممبئی میں لاؤڈاسپیکر کو لے کر تنازع پیدا کر دیا ہے, جس کے بعد اب ممبئی شہر کے حالات کشیدہ ہوگئے ہیں۔ اس سوال پر کہ سپریم کورٹ نے لاؤڈاسپیکر اور دیگر آلات کے استعمال کی اجازت دی ہے اور صبح 6 بجے سے رات 10 بجے تک لاؤڈاسپیکر کی اجازت دی گئی ہے, اس پر کریٹ سومیا نے کہا ہے کہ ہائیکورٹ نے جو لاؤڈاسپیکر کے تناظر میں حکم دیا ہے, ریاستی سرکار اس پر عمل کرے گی۔ کریٹ سومیا کے مسلسل ممبئی شہر میں لاؤڈاسپیکر کے تنازع پر دورہ سے ممبئی کا ماحول خراب ہونے کا اندیشہ ہے۔ اس لئے بھانڈوپ پولیس نے کریٹ سومیا کو 168 کے تحت نوٹس بھی ارسال کیا تھا, اس کے باوجود کریٹ نے دورہ کر کے لاؤڈاسپیکر پر کارروائی کا مطالبہ کیا ہے۔ کریٹ سومیا نے کہا ہے کہ جلد ہی ممبئی اور مہاراشٹر کی تمام مسجدوں سے لاؤڈاسپیکر اتارے جائیں گے, کیونکہ لاؤڈاسپیکر کا اجازت پولیس فراہم نہیں کرتی ہے۔