(جنرل (عام
میونسپل کارپوریشن کے فنڈز سے فضول خرچی کی مخالفت، 70 لاکھ کا فنڈ میونسپل کارپوریشن کی اسکولوں میں لگانے کا مطالبہ

(عطاء الرحمٰن، دھولیہ)
دھولیہ میونسپل کارپوریشن کے فنڈ کا استعمال کرکے 70 لاکھ روپئے کی لاگت سے گیٹ تعمیر کرنے کا پروجیکٹ میئر چندرکانت سونار نے پیش کیا ہے. گاندھی جی کے مجسمہ کے قریب بڑے پل کے کنارے خوبصورت گیٹ بنانے کی منصوبہ بندی کی جارہی ہے. اس ضمن میں سیاسی مخالف کے ساتھ عوامی مخالفت بھی کی گئی ہے. لوگوں کا کہنا ہے کہ 70 لاکھ کا خرچ ترقیاتی کاموں میں خرچ کرنا چاہیے. میونسپل کارپوریشن کی اسکول نمبر 20 کی انتظامیہ کمیٹی کے عہدیداروں نے ممبئی پریس سے بات کرتے ہوئے کہا کہ ہم کئی سال سے پریشان ہیں، بار بار تحریری شکایت کرنے کے باوجود میونسپل کارپوریشن کے افسران اسکولوں کے معاملے میں سنجیدگی سے کام نہیں کرتے ہیں. کارپوریشن کی اسکولوں کی حالت تشویشناک ہے. خستہ حال دیواریں، چھت بارش میں ٹپکتی ہے، اسکول کے میدان میں کمر تک پانی جمع ہوجاتا ہے. بچوں کو کلاس روم تک پہنچنے میں دشواری کا سامنا کرنا پڑتا ہے. اسکول میں گیٹ نہیں ہے، رات کے اندھیرے میں نشہ آور افراد نشہ کرتے ہیں. بیت-الخلا کی چھت نہیں ہے. ہم چاہتے ہیں کہ 70 لاکھ کا فنڈ میونسپل کارپوریشن کی اردو اسکولوں میں لگایا جائیں. اساتذہ سمیت بچوں کی پریشانی حل کرکے تعلیمی درسگاہوں کو خوبصورت بنایا جائیں. 70 لاکھ روپئے کے خرچ سے گیٹ بنانے میں صرف ٹھیکیدار کا فائدہ ہوگا، اہلیانِ شہر کا کوئی فائدہ نہیں ہوگا. میئر کا تعلق جونا دھولیہ سے ہے، اپنے گھر سے قریب گیٹ کی تعمیر کی منصوبہ بندی کی جارہی ہے. اس مناسبت سے ماضی پر نظر ڈالی جائے تو پتہ چلتا ہے کہ کچھ مسلم کارپوریٹرس نے وارڈ کے مسائل کو حل نہیں کئے لیکن اپنے گھر سے قریب صرف نام کے لیے گیٹ کی تعمیر کئے ہیں، وارڈ کی عوام آج تک ان سے ناراض ہیں. کام شروع ہونے سے پہلے 70 لاکھ کے گیٹ کی پُر زور مذمت کی جا رہی ہے.
(جنرل (عام
سپریم کورٹ نے کہا کہ بہار میں ووٹر لسٹ پر نظرثانی کا عمل جاری رہے گا۔ عدالت نے ووٹر لسٹ میں آدھار کارڈ، ووٹر کارڈ اور راشن کارڈ کو شامل کرنے کو کہا ہے۔

نئی دہلی : بہار میں ووٹر لسٹ کی نظر ثانی کو لے کر بڑی خبر سامنے آئی ہے۔ سپریم کورٹ نے کہا ہے کہ ریاست میں ووٹر لسٹ پر نظر ثانی کا کام جاری ہے۔ اس کے ساتھ ہی سپریم کورٹ نے کہا کہ ووٹر لسٹ کی نظرثانی میں آدھار کارڈ، ووٹر کارڈ اور راشن کارڈ کو شامل کیا جائے۔ سپریم کورٹ نے کہا کہ آئینی ادارے کا کام نہیں روکا جا سکتا۔ سپریم کورٹ نے جمعرات کو بہار میں ووٹر لسٹ کی خصوصی مکمل نظر ثانی (ایس آئی آر) کرنے کے الیکشن کمیشن کے فیصلے کے خلاف دائر درخواستوں پر سماعت شروع کی۔ جسٹس سدھانشو دھولیا اور جسٹس جویمالیہ باغچی کی بنچ نے کیس کی سماعت کرتے ہوئے الیکشن کمیشن کو راحت دی۔ عدالت نے کہا کہ ووٹر لسٹ چیک کرنا جمہوری کام ہے۔ ہم اسے نہیں روک سکتے۔ سپریم کورٹ نے الیکشن کمیشن سے اس معاملے میں اپنا جواب داخل کرنے کو کہا ہے۔ سپریم کورٹ اب کیس کی اگلی سماعت 28 جولائی کو کرے گی۔
سپریم کورٹ کی سماعت کے اہم نکات
سپریم کورٹ نے الیکشن کمیشن سے کہا کہ وہ بہار میں ووٹر لسٹ کے لیے لوگوں کے آدھار کارڈ، ووٹر شناختی کارڈ اور راشن کارڈ پر غور کرے۔
سپریم کورٹ نے کہا کہ خصوصی گہری نظرثانی ایک اہم مسئلہ ہے جو ’’جمہوریت کی جڑ اور ووٹ کی طاقت‘‘ تک جاتا ہے۔
عدالت عظمیٰ نے الیکشن کمیشن سے تین مسائل پر جواب طلب کیا ہے – ووٹر لسٹ پر نظرثانی کا حق، اس کے لیے اپنایا گیا طریقہ کار اور عمل کا وقت۔
سپریم کورٹ نے ریاست میں شہریت ثابت کرنے کے لیے ضروری 11 درج دستاویزات میں آدھار کو شامل نہ کرنے پر تشویش کا اظہار کیا۔
اس معاملے کو لے کر سپریم کورٹ میں 10 سے زیادہ درخواستیں دائر کی گئی ہیں۔ ان میں اہم درخواست گزار غیر سرکاری تنظیم ‘ایسوسی ایشن فار ڈیموکریٹک ریفارمز’ ہے۔ آر جے ڈی کے رکن پارلیمنٹ منوج جھا اور ترنمول کانگریس کے رکن اسمبلی مہوا موئترا کے علاوہ کانگریس کے کے سی وینوگوپال، شرد پوار کی زیرقیادت این سی پی گروپ کی سپریا سولے، سی پی آئی کے ڈی راجہ، سماج وادی پارٹی کے ہریندر سنگھ ملک، شیو سینا (اُبتھا) کے اروند ساونت، جھارکھنڈ مکتی مورچہ کے سرفراز احمد اور سی پی آئی (سی پی آئی) بھاچاریہ کے مشترکہ طور پر رابطہ کر چکے ہیں۔ سپریم کورٹ سبھی لیڈروں نے بہار میں ووٹر لسٹ پر خصوصی نظر ثانی کے الیکشن کمیشن کے حکم کو چیلنج کیا ہے اور اسے منسوخ کرنے کی ہدایت دینے کی درخواست کی ہے۔
ممبئی پریس خصوصی خبر
ایوان اسمبلی میں رکن اسمبلی ابوعاصم اعظمی کا مانخورد شیواجی نگر میں ماحولیاتی آلودگی ایس ایم ایس کمپنی کو تلوجہ منتقلی کا پرزور مطالبہ

ممبئی مانخورد شیواجی نگر میں عام شہری سہولیات کا فقدان ہے۔ یہاں ایس ایم ایس کمپنی کے سبب ماحولیاتی آلودگی اور دیگر کچرا اور ڈمپنگ سے انسانی صحت متاثر ہونے کے ساتھ انسانی صحت پر اس سے مضر اثرات مرتب ہوتے ہیں, اس لئے ایس ایم ایس کمپنی کو فوری طور پر تلوجہ منتقل کیا جائے, اس کے ساتھ قبرستان جلد شروع کیا جائے, کیونکہ رفیع نگر قبرستان میں اب تدفین کی جگہ نہیں ہے اس کے قریب قبرستان تیار ہوگیا ہے اس لئے اس قبرستان کو شروع کیا جائے۔ یہ مطالبہ آج رکن اسمبلی اور سماجوادی پارٹی لیڈر اور رکن اسمبلی ابوعاصم اعظمی نے ایوان اسمبلی میں کیا ہے۔ انہوں نے مانخود شیواجی نگر گوونڈی کی ترقی کے لیے آج مانسون اجلاس میں خصوصی بجٹ کا مطالبہ بھی کیا ہے۔ انہوں نے کہا کہ ڈمپنگ گراؤنڈ، ایس ایم ایس کمپنی، بائیو ویسٹ انسینریٹر، سیمنٹ آر سی ایم پلانٹ اور جانوروں کی میت کو یہاں نذر آتش کرنے کی وجہ سے ماحولیات اور انسانی صحت متاثر ہے اور یہاں کے مکینوں کی عمر اوسطا ۳۹ سال ہوگئی ہے, یہ انتہائی تشویشناک ہے آلودگی کے سبب حالات بد سے بدتر ہوگئے ہیں اور علاقہ میں آلودگی ایک سنگین مسئلہ ہے اس کا اثر انسانی صحت پر بھی ہوتا ہے, اس لئے سرکار کو اس جانب توجہ دے کر آلودگی اور ماحولیات خراب کرنے والوں پر سخت کارروائی کرنے کی ضرورت ہے۔ انہوں نے کہا کہ حلقہ میں مانسون کے دوران سڑکوں، نالوں، سیوریج اور نکاسی کی صفائی کے حوالے سے ٹھیکیدار کی غفلت عوام کے لئے پریشانی کا باعث ہے, کیونکہ گٹروں اور نالوں میں بارش ہوتے ہی بارش کا پانی سڑکوں پر ابل پڑتا ہے۔ صفائی کے دوران گٹروں سے تر کچرا نکالا گیا اور وہاں اسے چھوڑ دیا گیا جس کے سبب یہ کچرا دوبارہ گٹر میں شامل ہو گیا اور حالت یہ ہے کہ تھوڑی سی بارش میں گوونڈی اور نشیبی علاقے میں پانی جمع ہو جاتا ہے اس لئے ایسے ٹھیکیداروں کے خلاف کارروائی ہو۔
اس کے ساتھ ہی علاقہ کی آبادی کے مناسبت سے قبرستان کی اراضی کی ضرورت کو مدنظر رکھتے ہوئے رفیع نگر قبرستان کے قریب الاٹ شدہ اراضی کی جلد صفائی کر کے کام شروع کرنے کا مطالبہ اعظمی نے کیا ہے انہوں نے کہا کہ نالا سوپارہ ایسٹ، سنتوش بھون علاقہ میں مسلم اور عیسائی قبرستان کے لیے حصار بندی تعمیر کی جائے تاکہ قبرستان کے قریب غیر قانونی پارکنگ اور نشہ خوروں پر قدغن لگے۔ اسی طرح جنوبی ممبئی میں واقع ‘حضرت مخدوم شاہ ماہی’ (جے جے فلائی اوور) کا سٹرکچرل آڈٹ کروا کر ٹریفک کے مسئلے کو حل کرنے کا مطالبہ بھی ایوان میں ابوعاصم اعظمی نے کیا ہے اور سرکار کی توجہ عام شہری مسائل پر مبذول کراتے ہوئے اسے فوری طور پر حل کرنے کا پرزور مطالبہ کیا ہے۔
ممبئی پریس خصوصی خبر
میرا روڈ مراٹھی مورچہ تنازعہ : پولس کمشنر مدھوکر پانڈے کا تبادلہ، اینٹی کرپشن بیورو کے اے ڈی جی نکیت کوشک کو ذمہ داری دی گئی۔

ممبئی میرارو ڈ مراٹھی اور ہندی تنازع کے بعد مراٹھی مورچہ کو اجازت نہ دینے کے بعد مراٹھی مانس میں ناراضگی اور غم و غصہ تھا پابندی کے باوجود مراٹھی مانس اور ایم این ایس نے میرابھائیندر میں مورچہ نکالا تھا, جس کے بعد آج ریاستی محکمہ وزارت داخلہ نے ایک حکمنامہ جاری کیا, جس میں آئی پی ایس افسر ایڈیشنل ڈی جی مدھوکر پانڈے کا تبادلہ بطور اے ڈی جی انتظامیہ میں کر دیا اور ان کا جانشین نکیت کوشک کو مقرر کیا ہے۔ نکیت کوشک پہلے انٹی کرپشن بیورو انسداد رشوت ستانی دستہ میں بطور اے ڈی جی تعینات تھے, اب انہیں میرا بھائیندر کا نیا کمشنر مقرر کیا گیا ہے۔ ذرائع سے ملی اطلاع کے مطابق مورچہ کی اجازت کو لے کر یہ تبادلہ کیا گیا ہے اس سے قبل میراروڈ میں گجراتی بیوپاریوں کا مورچہ نکالا گیا تھا, لیکن مراٹھی مورچہ کو اجازت نہیں دی گئی تھی۔ مراٹھی مورچہ کو اجازت نہ دینے پر اس پر سیاست بھی شروع ہو گئی تھی, یہی وجہ ہے کہ فوری طور پر میرابھائیندر کے کمشنر مدھوکر پانڈے کا تبادلہ کر دیا گیا ہے۔
-
سیاست9 months ago
اجیت پوار کو بڑا جھٹکا دے سکتے ہیں شرد پوار، انتخابی نشان گھڑی کے استعمال پر پابندی کا مطالبہ، سپریم کورٹ میں 24 اکتوبر کو سماعت
-
ممبئی پریس خصوصی خبر6 years ago
محمدیہ ینگ بوائزہائی اسکول وجونیئرکالج آف سائنس دھولیہ کے پرنسپل پر5000 روپئے کا جرمانہ عائد
-
سیاست5 years ago
ابوعاصم اعظمی کے بیٹے فرحان بھی ادھو ٹھاکرے کے ساتھ جائیں گے ایودھیا، کہا وہ بنائیں گے مندر اور ہم بابری مسجد
-
جرم5 years ago
مالیگاؤں میں زہریلے سدرشن نیوز چینل کے خلاف ایف آئی آر درج
-
جرم5 years ago
شرجیل امام کی حمایت میں نعرے بازی، اُروشی چوڑاوالا پر بغاوت کا مقدمہ درج
-
خصوصی5 years ago
ریاست میں اسکولیں دیوالی کے بعد شروع ہوں گے:وزیر تعلیم ورشا گائیکواڑ
-
جرم5 years ago
بھیونڈی کے مسلم نوجوان کے ناجائز تعلقات کی بھینٹ چڑھنے سے بچ گئی کلمب گاؤں کی بیٹی
-
قومی خبریں6 years ago
عبدالسمیع کوان کی اعلی قومی وبین الاقوامی صحافتی خدمات کے پیش نظر پی ایچ ڈی کی ڈگری سے نوازا