ممبر اسمبلی حلقہ کی سیٹ کے متعلق اعجاز خان کا سنسنی خیز الزام، مجلس اتحادالمسلمین کے سربراہ اسدالدین اویسی نے جتندر اوہاڑ سے سودابازی کی
ممبئی:مجلس اتحادالمسلمین کے اسمبلی انتخابات کے ٹکٹ کی تقسیم میں امیدواروں کو اسدالدین اویسی سے منسوب کرکے دیگر نمائندوں کو ٹھنڈا کرنے کی کوشش مہاراشٹر مجلس کی جانب سے کی جارہی ہے۔مہاراشٹر میں مجلس دوسری مرتبہ اسمبلی انتخابات میں حصہ لے رہی ہے گزشتہ مرتبہ ۲؍ ایم ایل ایزنے جیت درج کرائی تھی ،مجلس نے مہاراشٹر کی عوام کی دلچسپی کو دیکھتے ہوئے ریاست کے دیگر حصوں میں جہاں مسلمانوں کی تعداد کا تناسب زیادہ ہے ہر اس جگہ سےمجلس کے نمائندوںکو اسمبلی انتخابات کے میدان میں اتارنے کی تیاری کررہے ہیں۔ بالی ووڈ کے بےباک اداکار اور سوشل میڈیا پر فعال شخصیت اعجاز خان اسمبلی انتخابات کے میدان میں اترنےکا فیصلہ کیا تھا۔ اسدالدین اویسی اور اعجاز خان دونوں مسلم حمایت میں بیان بازی کرنے کی وجہ سے ملک بھر میں مقبول ہوئے ہیں۔ اعجاز خان کے مطابق مسلمانوں کی ہمدردی اور حمایت میں بیان بازی کرنے پر انہیں چار مرتبہ جیل کی سلاخوں کے پیچھے رہنا پڑا۔اسدالدین اویسی اور کوئی مسلمان لیڈر میری حمایت میں اترنے کے لیے تیار نہیں تھا۔ کون کہتا ہے مسلمانوں کی حمایت میں کوئی بالی ووڈ کا اداکار یا کرکٹر کبھی آواز بلند کرتے ہیں؟اعجاز خان چاہتے تھے کہ سیاسی پلیٹ فارم پر کام کرکے مسلمانوں کے لیے کچھ کردکھائے لیکن ا نہیں اس وقت بڑا جھٹکا لگا جب ان کا ٹکٹ کاٹ کر دوسرے امیدوار کو دے دیا گیا۔ اعجازخان نےکہا کہ مجلس اتحادالمسلمین کے ممبرا اسمبلی حلقہ کے کارکنوں نے درخواست کی تھی کہ جتندر اوہاڑ این سی پی کے مضبوط امیدوار ہیں اعجاز خان اگر ان کے سامنے قسمت آزمائی کریں گے تو ہی جتیندر اوہاڑ کو شکست دی جاسکتی ہے۔ممبرا مجلس کے ناصر خان، مہندر جی رؤف لالہ،صحافی ،خواتین و دیگر لوگوں نے درخواست کی تھی کہ ممبرا سے آپ ہی ہمارے نمائندے کے طورپر ہونا چاہیے ۔ ممبرا کا دورہ کیااعجاز خان نے جتندر اوہاڑکو ڈاکوکہا ہے ،
انہوں نے کہا ہے کہ ممبرا میں اعجاز خان مسلمانوں کا استحصال کررہے ہیں ۔سڑکیں خستہ حال ہیں ،نوجوان ڈرگس میں مبتلا ہیں،گٹر نہیں ہے ، بجلی نہیں ہے،اذان اور نماز کے وقت بجلی چلی جاتی ہے۔ ممبرا کی ترقی تو نہیں ہوئی لیکن جتندر اوہاڑ کی ترقی ضرور ہوگئی ہے۔ رینج روور اور ہزاروں کروڑ کے مالک نےمسلم قبرستان بھی صحیح نہیں دے سکا۔امیدوار سے بغیر ملے آپ ٹکٹ کیسے دے رہے ہیں۔ روزانہ ٹکٹ کے متعلق ٹال دیا جاتا حتیٰ کے دوسرے فرد کو ٹکٹ دے دیا جاتا جو جتندر اوہاڑ کے مقابلہ میں بہت ہی کمزور ہے۔خان نے کہا ہے کہ اعجاز خان ،اسدالدین اویسی ، اکبرالدین اویسی کے علاوہ کوئی بھی فرد جتندر اوہاڑ کو شکست دینے کی طاقت نہیں رکھتا۔ اسدالدین اویسی نے ممبرا ٹکٹ کے معاملہ میں غلطی کی ہے، انہوں  نے مزید الزام عائد کرتے ہوئے ممبرا کی سیٹ پر سودا بازی کرنےکی بات تک کہہ دی۔ٹکٹ دینے کی وجہ پارٹی کا پرانا رکن ہونے کا بہانہ بتایاگیا جبکہ ممبئی صدر کے عہدہ پر پارٹی کے محنت کش لیڈر شاکر پٹنی کو ہٹاکر فیاض احمد خان کو عہدہ سے سرفراز کردیا گیا ۔ فیاض احمد خان مجلس کا رکن تھا ؟ اس کو عہدہ دیا گیا تو اعجاز خان کو ٹکٹ کیوں نہیں دیا گیا؟اعجاز خان نے کہا کہ لوگوں کو بھی شک ہوگیا ہے کہ جس طرح دوسرے لوگ فروخت ہوجاتے ہیں ایسی طرح اور لوگ بھی فروخت ہوگئے ہیں چونکہ یہ باتیں مجلس کے متعلق جاری تھی اس لیے جتندر اوہاڑ سے مجلس کی سیٹ فروخت ہونے کا اشارہ خان نے دیا ہے۔ اسدالدین اویسی کو گھمنڈی اور متکبرکہتے ہوئے تکبر کی وجہ جاننے کی کوشش کرنا چاہ رہے تھے۔ اسدالدین اویسی پر ونچت سے اتحاد ٹوٹنے پر بی جے پی کو فائدہ پہنچانے اورراستہ صاف کرنےکا الزام سنگین الزام عائد کیا ہے۔ جتندر اوہاڑ کو مسلمانوں کو مخبر بنانے اور ٹیپو سلطانؒ سے میر جعفر و میر صادق بنانے والا فر دقرار دیا ہے۔ اگر مجلس بھی عوام کے بھروسے کو توڑنے کی کوشش کریں گی تو کون سی پارٹی سے مسلمان امیدیں وابستہ کریں گے؟۔