ممبئی : ممبئی میرابھائیندر میں ڈرگس منشیات کے خلاف آپریشن میں پولس نے ریاست تلنگانہ سے ایک ڈرگس فیکٹری بے نقاب کر کے ١٢ ہزار کروڑ کی منشیات بھی ضبط کی ہے اور یہاں سے منشیات سازی کے اسباب بھی برآمد کیے ہیں۔ ممبئی میرا بھائندر پولس کمشنر نکیت کوشک نے پریس کانفرنس سے خطاب کرتے ہوئے کہا کہ ایک ماہ سے منشیات کے خلاف کریک ڈاؤن جاری تھا. پہلے یہاں ایک بنگلہ دیشی خاتون ڈرگس ڈیلر کو گرفتار کیا گیا اس کی شناخت فاطمہ مراد شیخ ۲۳ سالہ کے طور پرہوئی ہے. اس کے قبضے سے ۱۰۵ گرام ایم ڈی ضبط کی گئی, اسکے خلاف این ڈی پی ایس ایکٹ اور فارین ایکٹ کے تحت مقدمہ داخل کر کے گرفتار کیا گیا. اس سے تفتیش کی گئی تو معلوم ہو گیا کہ اس کے ہمراہ ڈرگس کے ریکیٹ میں مزید ۱۰ افراد ملوث ہے اور فیکٹری سے متعلق انکشاف ہوا اور فیکٹری پر چھاپہ مار کر منشیات ضبط کی گئی. خاتون سے متعلق تفتیش کی گئی تو اس کے بنگلہ دیشی ہونے کی تصدیق ہوئی ہے۔ اس معاملہ میں کل ١٢ ملزمان، تین کاریں، ایک موٹر سائیکل، ۵ کلو گرام ۹۳۶ گرام ایم ڈی ضبط کی گئی۔ اس کے علاوہ چار الیکٹرانک وزن کانٹا بھی ملا ہے, یہ کارروائی میرابھائیندر کمشنر نکیت کوشک کی ایما پر کی گئی اور پولس اس معاملہ میں تفتیش شروع کر دی ہے, ملزمین کے قبضے سے ٢٧ موبائل بھی ضبط کئے گئے ہیں۔

دہلی : قومی تحقیقاتی ایجنسی (این آئی اے) نے ایک بڑی کامیابی حاصل کی ہے۔ تحقیقاتی ایجنسی نے امرتسر مندر گرنیڈ حملے میں مطلوب اہم دہشت گرد شرنجیت کمار عرف سنی کو گرفتار کر لیا ہے۔ پنجاب کے گورداسپور ضلع کے بٹالہ کے گاؤں قادیان کے رہنے والے شرنجیت کو جمعہ کو بہار کے گیا سے گرفتار کیا گیا تھا۔ یہ گرفتاری 15 مارچ 2025 کو ہونے والے دہشت گردانہ حملے کے سلسلے میں کی گئی تھی، جس میں وہ منصوبہ بندی اور اس پر عمل درآمد میں سرگرم تھا۔

این آئی اے کی تحقیقات میں یہ بات سامنے آئی ہے کہ یہ حملہ دو موٹر سائیکل سوار دہشت گردوں گرسیدک سنگھ اور وشال گل نے غیر ملکی ہینڈلرز کی ہدایت پر کیا تھا۔ تحقیقاتی ایجنسی نے پایا کہ یورپ، امریکہ اور کینیڈا میں مقیم ان ہینڈلرز نے ہندوستان میں اپنے کارندوں کو اسلحہ، فنڈز، لاجسٹک سپورٹ اور ہدف کی تفصیلات فراہم کیں۔ شرنجیت کو 1 مارچ 2025 کو بٹالہ میں ایک اور ملزم سے چار دستی بموں کی کھیپ ملی تھی اور اس نے حملے سے دو دن قبل ایک ایک دستی بم گرسیدک اور وشال کو دیا تھا۔

این آئی اے نے کہا کہ شرنجیت گزشتہ ایک ماہ سے مفرور تھا جب بٹالہ میں تلاشی مہم چلائی گئی تھی۔ اسے گیا میں انسانی اور تکنیکی انٹیلی جنس کی بنیاد پر گہری تفتیش کے بعد گرفتار کیا گیا۔ تحقیقات میں یہ بھی انکشاف ہوا کہ گرسیدک اور وشال ہینڈ گرنیڈ، ہتھیاروں اور گولہ بارود کی خریداری اور سپلائی میں ملوث تھے۔ یہ حملہ ایک سوچی سمجھی بین الاقوامی سازش کا حصہ تھا، جسے ہندوستان میں غیر ملکی ہینڈلرز نے انجام دیا تھا۔ این آئی اے نے سازش کے دیگر پہلوؤں اور اس میں ملوث افراد کا پتہ لگانے کے لیے کیس (آر سی-08/2025/این آئی اے/ڈی ایل آئی) کی تحقیقات کو مزید گہرا کرنے کا فیصلہ کیا ہے۔ ایجنسی نے عوام سے اپیل کی ہے کہ وہ اس طرح کی سرگرمیوں پر نظر رکھیں اور مشکوک معلومات شیئر کریں۔

ممبئی کرائم برانچ نے ممبئی شہہر میں گنپتی وسرجن پر بم دھماکہ کرنے کی دھماکہ دینے والا اشوینی کمار کو اترپردیش یوپی گوتم بدھ نگر پولس اسٹیشن کی حدود سے گرفتار کرنے کا دعوی کیا ہے. ملزم اشوینی کمار نے اس سے قبل بھی سمتا نگر پولس اسٹیشن سمیت دیگر پولس اسٹیشن کی حدود میں بم دھماکہ کی دھمکی دی تھی. گنپتی وسرجن پر بم دھماکہ کی دھمکی کے بعد پولس نے ہائی الرٹ جاری کردیا اس دھمکی سے ممبئی میں دہشت تھی. اس کے بعد پولس نے ۲۴ گھنٹے میں ہی ملزم کو گرفتار کیا ہے. اشوینی کمار نے دھمکی کیوں دی اور اس کے پس پشت کیا سازش کار فرما تھی, اس کی بھی تفتیش جاری ہے. اشوینی کمار کو گرفتار کر کے ممبئی لایا گیا ہے۔

ممبئی میں گنپتی وسرجن پر بم دھماکوں کی دھمکی کے بعد ممبئی پولیس الرٹ ہو گئی ہے, لیکن یہ دھمکی کسی شرارتی عناصر نے ایس ایم ایس کے معرفت دی ہے, جس کے بعد پولس نے اس پر تفتیش بھی شروع کر دی ہے. جبکہ پولس کی تفتیش میں یہ واضح ہوا ہے کہ پولس کو گمراہ کرنے کے لیے یہ دھمکی دی گئی ہے, یہ اطلاع پولس ذرائع نے دی ہے۔ ملزم نے یہاں ممبئی پولس کے ٹریفک پولیس کو اس کے آفیشل واٹس ایپ نمبر پر دھمکیاں دی تھیں اور دعویٰ کیا تھا کہ شہر بھر میں 34 گاڑیوں میں 34 خودکش بمبار تیار ہیں اور یہ دھماکہ پورے ممبئی کو ہلا کر رکھ دے گا۔ لشکر جہادی نامی تنظیم نے ممبئی میں دھماکہ کی دھمکی دی تھی. ملزم نے دھمکی میں کہا تھا کہ 14 پاکستانی دہشت گرد ہندوستان میں داخل ہوئے ہیں۔ دھمکی کے پیغام میں مزید کہا گیا ہے کہ دھماکے میں 400 کلو گرام آر ڈی ایکس استعمال کیا جائے گا۔ ممبئی پولیس ہائی الرٹ پر ہے، اور ریاست بھر میں سیکورٹی بڑھا دی گئی ہے۔ گنپتی وسرجن پر بڑے پیمانے پر گنپبتی جلوس میں گنیش بھکت راستہ پر ہوتے ہیں اور بھیڑ بھاڑ بھی زیادہ ہوتی ہے. دادر پریل اور لال باغ میں سب سے زیادہ بھیڑ ہوتی ہے. اس دوران پولس نے ان علاقوں میں ڈرون سے نگرانی بھی شروع کر دی ہے. اس کے علاوہ وسرجن کے دوران پولس نے الرٹ بھی جاری کیا ہے, جبکہ دھمکی سے متعلق پولیس نے تحقیقات کر کے ملزم کو اترپردیش سے گرفتار کر لیا ہے, اور اس سے باز پرس جاری ہے۔