ممبئی : ریاست کے مختلف اضلاع سے اور دوسری ریاستوں سے چوری کیے گئے ایپل موبائل خرید کر ان کا ایپل آئی ڈی ریموو کرکے موبائل بیرون ریاست و بیرون ملک فروخت کرنے والی اور چوری کے موبائل کے پارٹس الگ الگ کرکے فروخت کرنے والے گروہ کو ماتا رمابائی امبیڈکر مارگ پولیس اسٹیشن نے بے نقاب کرنے کا دعوی کیا ہے۔ ماتا رمابائی امبیڈکر مارگ پولیس اسٹیشن، ممبئی میں ایپل موبائل چوری کا مقدمہ سال 2026 میں درج کیا گیا تھا۔ موبائل چوری کے مقدمے میں کی گئی تکنیکی جانچ سے چوری کے موبائل میں ایک سم کارڈ کا استعمال ہوا تھا۔ اس پر کی گئی گہری تکنیکی جانچ میں چوری کے موبائل میں سم کارڈ استعمال کرنے والے ملزم کی تلاش کر اس سے چوری کے 21 ایپل موبائل اور 12 سم کارڈز برآمد کیے گئے۔ اس پر مقدمے میں کی گئی مزید جانچ میں ریاست کے مختلف اضلاع سے اور دوسری ریاستوں سے چوری کیے گئے ایپل موبائل خرید کر ان کا ایپل آئی ڈی ریموو کرکے انہیں دوسری ریاستوں اور بیرون ملک میں فروخت کرنے والی اور ایپل آئی ڈی ریموو نہ ہونے پر چوری کے موبائل کے تمام پارٹس الگ الگ کر کے انہیں مارکیٹ میں کم قیمت پر فروخت کرنے والے گینگ کے 04 ملزمان کو گرفتار کیا۔ ان سے چوری کے کل 64 ایپل کے موبائل اور 20 چوری کے موبائل کے الگ الگ کیے ہوئے مڈل باڈی، ڈسپلے، بیٹری، مدر بورڈ، لاجک بورڈ ایسے کل 44,78,400/- روپے قیمت کا مقدمے کا مال برآمد کیا اور چوری کے موبائل برآمد کر کے ان میں سے تلنگانہ – 11، دہلی – 3، مہاراشٹر/ممبئی – 19، کرناٹک – 2، راجستھان – 1، تمل ناڈو – 1، اتراکھنڈ – 1 یہاں کے مقدمات کا انکشاف ہوا۔ مذکورہ کارروائی شیلیش بلکوڈے، ایڈیشنل پولیس کمشنر، جنوبی علاقائی ڈیپارٹمنٹ، ممبئی، منیش کلوا نیا، پولیس ڈپٹی کمشنر، جنوبی ممبئی، نیلیش باگلے، اسسٹنٹ پولیس کمشنر، آزاد میدان ڈیپارٹمنٹ، ممبئی کی رہنمائی میں انل مولے، سینئر پولیس انسپکٹر، فرید خان، پولیس انسپکٹر (کرائم)، ماتا رمابائی امبیڈکر مارگ پولیس اسٹیشن کے قیادت میں سب انسپکٹر سشیل کمار ونجاری، سب انسپکٹر جالندر لیمبھے، پولیس سب انسپکٹر راجو سالونکھے، پولیس سب انسپکٹر امول چورے کی ٹیم نے انجام دی ہے۔

ممبئی ؛ وشو ہندو پریشد نے 11 اکتوبر سے شروع ہونے والی نوراتری کے دوران مسلم نوجوانوں پر گربا ڈانڈیا گیمز پر پابندی لگانے کے لیے غیر قانونی ضابطے جاری کیے ہیں۔ ریاستی حکومت کو اس سلسلے میں اپنا موقف واضح کرنا چاہیے اور یہ ظاہر کرنا چاہیے کہ کوئی بھی قانون سے بالاتر نہیں ہے، سماج وادی پارٹی کے بھیونڈی ایسٹ کے ایم ایل اے رئیس شیخ نے اتوار کو مطالبہ کیا۔اس حوالے سے ایم ایل اے رئیس شیخ نے کہا کہ تہوار معاشرے میں ہم آہنگی پیدا کرتے ہیں ہندوستان میں دوسرے مذاہب کے تہواروں میں شرکت کی روایت ہے۔ دوسرے مذاہب کے لوگ عید اور رمضان میں خوشی سے شریک ہوتے ہیں۔ تاہم وشو ہندو پریشد اور بجرنگ دل کی طرف سے جان بوجھ کر مسلمانوں کو نشانہ بنایا جا رہا ہے۔حال ہی میں نیویارک میں آر ایس ایس کے سربراہ موہن بھاگوت نے ایک بیان دیا تھا کہ ‘جو مسلمانوں کو نہیں کہتا وہ ہندو نہیں ہے’۔ وشو ہندو پریشد نے مسلمانوں پر گربا ڈنڈیا پر پابندی لگانے کا فتویٰ جاری کرتے ہوئے بھاگوت کے بیان کا ضرور نوٹس نہیں لیا ہوگا۔ یہ آر ایس ایس اور بی جے پی کی پالیسی ہے کہ ایک خیال پیش کریں اور حقیقت میں اس کے برعکس کریں،یہ وشو ہندو پریشد اور بجرنگ دل کی ثقافتی پولیسنگ ہے۔ مسلمانوں پر پابندی لگانے کا وشو ہندو پریشد کا فتویٰ ہندوستانی آئین کے خلاف ہے۔ ریاستی حکومت کو اس فرمان کا سنجیدگی سے نوٹس لینا چاہیے۔ کیونکہ اس طرح کے انتہا پسندانہ موقف کی وجہ سے امن و امان کا مسئلہ پیدا ہونے کے امکان کو رد نہیں کیا جا سکتاتہوار ہندوستانیوں کی ثقافت ہیں اور فرقہ وارانہ جذبات کو بانٹنے کا جشن ہیں۔ تاہم حال ہی میں بجرنگ دل اور وشو ہندو پریشد جیسی انتہا پسند تنظیمیں تہواروں کے دوران مذہبی جذبات کو بھڑکانے اور فسادات بھڑکانے کی کوشش کر رہی ہیں۔ ایم ایل اے رئیس شیخ نے مطالبہ کیا ہے کہ ریاستی حکومت اس کا نوٹس لے اور اس طرح کی حرکتوں پر قدغن لگائے ۔

ممبئی ویزا ڈ ٹریڈرس وی کے نام سے جعلی فیس بک پیج بنا کر اس کے ذریعے زیادہ منافع دلانے کے بہانے آن لائن دھوکہ دہی کرنے والے 02 اہم ملزمان کو جے پور راجستھان سے گرفتار کرنے کا دعوی ممبئی پولس نے کیا ہے اوشیورہ پولیس اسٹیشن کی حدود میں رہنے والی شکایت کنندہ خاتون نے تاریخ ۱۲جولائی ۲۰۲۶کو اپنے موبائل کے ذریعے فیس بک پر سرفنگ کرتے ہوئے انہیں ایک فیس بک پیج ملا۔ مذکورہ پیج وزرڈ ٹریڈرز 7 کے نام سے بنایا گیا تھا اس کا یو آر ایل https://facebook-com/1221162594405776 ایسا تھا، انہوں نے مذکورہ پیج پر ایک پوسٹ کی ہوئی تھی۔ اس میں ملزمان نے کہا تھا کہ 99 روپے بھرنے پر 9999 روپے ملیں گے ایسا لکھا ہوا تھا۔ شکایت کنندہ نے مذکورہ فیس بک پیج کلک کیا تو 8426965923 اس واٹس ایپ نمبر سے ان کو ہائے ایسا میسج پیغام موصول ہوا ۔مذکورہ نمبر سے ایک نامعلوم شخص نے شکایت کنندہ سے اس اسکیم کی معلومات دی۔شکایت کنندہ نے اس میں سے 99 روپے والی اسکیم لینے کے بارے میں بتانے پر انہوں نے ان کے بھیجے ہوئے کیو آر کوڈ پر 99 روپے گوگل پے کے ذریعے بھیجے اور اس کا اسکرین شاٹ ان کو بھیجا۔

اس کے بعد ملزم نے تاریخ ۱۳ جولائی کو رات 03:30 بجے تک شکایت کنندہ سے مختلف موبائل نمبروں سے رابطہ کرکے مختلف بہانے بتا کر شکایت کنندہ کو ان کے اکاؤنٹ سے مختلف اکاؤنٹس پر کل 22 ٹرانزیکشن منتقلی پر مجبور کرکے ان کی کل 73,521روپے کی مالی دھوکہ دہی کی اس لیے شکایت کنندہ نے اوشیورہ پولیس اسٹیشن میں دی گئی شکایت پر دفعہ 318(4), 319(2) بی این ایس اور دفعہ 66(c), 66(d) آئی ٹی ایکٹ 2000 کے تحت مقدمہ درج کیا گیا۔مذکورہ مقدمے میں شکایت کنندہ نے دیے گئے بیان کے مطابق پہلے ملزمان نے مقدمے میں استعمال کیا ہوا فیس بک پیج وزرڈ ٹریڈرز 7 اس فیس بک اکاؤنٹ کی معلومات لی تو مذکورہ جرم کرنے والے دو اہم ملزمان کا پتہ چلا اور مندرجہ ذیل ملزمان کو اوشیورہ پولیس اسٹیشن، ممبئی کی سائبر ٹیم نے پچھلے 04 دنوں سے راجستھان ریاست کے ضلع جے پور، ضلع دوسہ سے ان کا تعاقب کیا تو وہ وقتاً فوقتاً اپناٹھکانہ بدل رہے تھے۔ ملزمان کو نہایت ہوشیاری سے جال بچھا کر مقامی پولیس اسٹیشن، شیو داس پورہ، جنوبی جے پور، ریاست راجستھان سے مقامی پولیس کی مدد سے گرفتار کیا گیا۔ ملزمان کواندھیری کورٹ کے سامنے حاضر کیا تو ان کو تاریخ ۷ ستمبر تک پولیس کسٹڈی پر بھیج دیا گیا ہے۔ ملزمان کے قبضے سے جرم میں استعمال سامان بھی برآمد کیا گیا ۔ جن میں 02 آئی فون کمپنی کا موبائل قیمت 70,000روپے01 اوپو کمپنی کا موبائل قیمت 10,000مختلف موبائل کمپنیوں کے کل 11 پرانے استعمال شدہ سم کارڈز01 این ایس ڈی ایل بینک کا ڈیبٹ کارڈ نمبر01 پی ٹی ایم کمپنی کا کیو آر اسکینر اس کا یوپی آئی آئی ڈی paytm.s2gotdq@ptyشامل ہے ۔ ملزمین کی شناخت دیپک سیتارام مینا، عمر 21 سال، بے روزگار،تالاب گاؤں، تعلقہ لالسوٹ، ضلع دوسہ، ریاست راجستھان ، ہرکیش گوپال مینا، عمر 30 سال بے روزگار راجستھان جانکپ کالونی، تعلقہ کوٹپوٹلی، ضلع جے پور، ریاست راجستھان ہےدونوں کو گرفتار کرنے کے بعد پولس نے مزید کارروائی شروع کر دی ہے اور اس معاملہ میں پولس نے ملزمین کے بینک اکاؤنٹ کی بھی جانچ شروع کی ہے ۔ مذکورہ کارروائی ممبئی اوشیوارہ پولس اسٹیشن کے عملہ اور ڈی سی پی پرشوتم کرا ڈ کی رہنمائی میں انجام دی گئی ۔