ممبئی ممبئی کالا پانی مومن پورہ میں ری ڈیولپمنٹ پروجیکٹ کو لے کر بلڈر کے خلاف آج آگری پاڑہ پولیس اسٹیشن میں بے گھر مکینوں نے احتجاجی مظاہرہ کرتے ہوئے بلڈر پر غنڈہ گردی اور عورتیں بھیج کر سائٹ کا تالا توڑ کر غیر قانونی طریقے سے غیر قانونی سر گرمی انجام دینے کا سنگین الزام عائد کیا۔ آگری پاڑہ پولیس اسٹیشن میں اس وقت ہنگامہ آرائی شروع ہوگئی جب سماجوادی پارٹی کی کارپوریٹر عنبرین ابراہانی نے پولیس اسٹیشن پہنچ کر اس معاملہ میں مداخلت کر نے کے ساتھ پولیس سے کارروائی کی درخواست کی تو سنیئر پولیس افسر نے ان کی بات سننے کے بجائے انہیں ہی باہر بیٹھنے کی ہدایت دی اور کہا کہ یہ کوئی مہا نگر پالیکا کا دفتر نہیں ہے اس کے بعد عنبرین مکینوں کو ہمراہ پولیس اسٹیشن میں ہی دھرنے پر بیٹھ گئی۔ مکینوں کا کہنا ہے کہ مومن پورہ کالا پانی پروجیکٹ کا ٹھیکہ بلڈر بھپیش کو فراہم کیا گیا تھا لیکن بھپیش نے مقررہ شرائط کی پابندی نہیں کی اور ایک سال سے مکینوں کو کرایہ اور بقایاجات کی ادائیگی نہیں کی جس کے بعد پہلے مکینوں نے اس کا ٹھیکہ معطل کر دیا اس کے بعد بی ایم سی نے بھی اس کا ٹھیکہ معطل کردیا اس کے باوجود آج بلڈر کی جانب سے باؤنسر عورتوں و مردوں نے سائٹ پر گھس کر ہنگامہ آرائی کی۔

اس معاملہ میں مقامی مکینوں اور متاثرین نے پولیس کو طلب کیا اور پولیس نے حالات کو قابو میں کر لیا جبکہ اس مسئلہ پر بلڈر کے خلاف مکینوں کی ناراضگی ہے ایک مکین نسیم بانو نے الزام عائد کیا کہ بلڈر بھپیش اور عبید نے ان خواتین کو بھیجا تھا اور یہاں سائٹ پر غلط کام ہوتے ہیں انہوں نے کہا کہ کوئی بھی اگر سائٹ کا تالا توڑتا ہے تو اس پر کارروائی ہوگی نسیم بانو نے الزام عائد کیا کہ مکینوں کو بھی ان پچاس سے چالیس عورتوں نے نشانہ بنایا اور ہاتھا پائی کے ساتھ مارپیٹ کا واقعہ بھی پیش آیا آگری پاڑہ پولیس میں مقامی کارپوریٹر 212 ء عنبرین نے بلڈر اور پولیس کے رویہ پر ناراضگی کا اظہار کیا ہے انہوں نے کہا کہ تین سال سے بلڈر کو ری ڈیولپمنٹ کا ٹھیکہ دیا گیا تھا لیکن اس نے کسی کو بھی کرایہ نہیں دیا جس کے بعد اس کا ٹھیکہ معطل ہوگیا اور بی ایم سی کمشنر نے بھی چار ماہ قبل ہی ٹھیکہ معطل کر دیا تھا اسی لئے آج بلڈر نے مرد اور خواتین باؤنسر سائٹ پر بھیجے تھے اس لئے مجھے مکینوں نے فون کیا اور میں نے سائٹ کا معائنہ کیا اور پھر پولیس اسٹیشن پہنچی پولیس اسٹیشن میں بلڈر کے خلاف ایف آئی آر درج کر نے کیلئے ہم نے دھرنا دیا پولیس نے یقین دلایا ہے کہ اس مسئلہ پر ضروری کارروائی ہوگی جس کے بعد دھرنا ختم کر لیا گیا ہے۔ انہوں نے مزید بتایا کہ مکین اپنے گھروں سے بے گھر ہوچکے ہیں انہیں کرایہ بھی فراہم نہیں کیا جارہا ہے اس لئے بلڈر کے خلاف ایف آئی آر درج کی جائے۔

بلڈر نے تمام الزامات کو بے بنیاد قرار دیا آگری پاڑہ بی ایم سی پلاٹ پر بازآبادکاری پروجیکٹ کے معرفت بھپیش بلڈر نے پروجیکٹ حاصل کیا اور اس میں تمام مکینوں سے باقاعدہ طور پر معاہدہ مکمل ہوا اور کام بھی جاری ہے ایسے میں کچھ مکین ہی کام میں رخنہ اندازی کر رہے ہیں اس کے ساتھ ہی سیاستداں بھی اس پروجیکٹ میں رکاؤٹ حائل کررہے ہیں۔ بھپیش بلڈر نے بتایا کہ پروجیکٹ سے متعلق ان کے پاس تمام منظوری و اجازت نامے موجود ہے اس کے ساتھ ہی مکین بھی اس کیلئے تیار ہے لیکن کچھ مکین ایک پرائیوٹ بلڈر اور سیاستداں کے بہکاؤے میں آکر اس کی مخالفت کر رہے ہیں انہوں نے اس کی تردید کی ہے کہ ان کا پروجیکٹ منسوخ کر دیا گیا ہے یہ بی ایم سی کمشنر نے اسے معطل کر دیا ہے انہوں نے سارے الزامات کو بے بنیاد قرار دیتے ہوئے کہا کہ ہم نے مارچ تک تمام مکینوں کو کرایہ بھی فراہم کیا ہے اور اس کی رسیدیں بھی ہمارے پاس موجود ہے اس کے باوجود کچھ مکین الزامات عائد کرتے ہیں یہ پوچھنے پر کہ آپ کے لوگوں نے سائٹ پر پہنچ کر غنڈہ گردی کی ہے تو انہوں نے اسے غلط اور گمراہ کن الزام قرار دیا اور کہا کہ ہمارے پاس سی سی ٹی وی فوٹیج ہے ایسا کوئی واقعہ پیش نہیں آیا۔ آگری پاڑہ پولیس کے مطابق اس معاملہ میں اب تک کوئی بھی کیس درج نہیں کیا گیا ہے البتہ پولیس نے دھرنے کے بعد لوگوں کو یقین دلایا ہے کہ اس مسئلہ پر ضروری کارروائی و تفتیش ہوگی۔

اس تعلق سے سنی جمیعت العلماء کے دفتر میں ایک اہم میٹنگ ہوئی جس کی صدارت تحفظ ناموس رسالت و نائب صدر سنی جمعیت علماء الحاج محمد سعید نوری صاحب نے کی رضا اکیڈمی کے سربراہ الحاج محمد سعید نوری نے سعودی عرب کے۲۶۔۲۰۲۵ کے تعلیمی نصاب میں بعض احادیثِ مبارکہ، اسلامی عبارات اور مذہبی اقتباسات کے حذف و ترمیم سے متعلق سامنے آنے والی اطلاعات پر شدید تشویش اور سخت ردِعمل کا اظہار کرتے ہوئے کہا ہے کہ احادیثِ رسولِ اکرم کو سیاسی، سفارتی یا وقتی مصلحتوں کے تحت نصاب سے نکالنا کسی بھی صورت قابلِ قبول نہیں ہوسکتا۔انہوں نے دوٹوک انداز میں کہا کہ احادیثِ نبویہ کسی حکومت، سلطنت یا وزارتِ تعلیم کی جاگیر نہیں بلکہ پوری امتِ مسلمہ کا مقدس علمی و دینی سرمایہ ہیں۔ اگر کسی مستند حدیث کے کسی حصے کی تشریح مشکل یا حساس محسوس ہوتی ہے تو اس کی وضاحت مستند علماء و محدثین کے ذریعے کی جائے، نہ کہ حدیث کو خاموشی سے نصاب سے خارج کردیا جائے۔الحاج محمد سعید نوری نے کہا کہ حالیہ بین الاقوامی رپورٹوں میں سعودی اسکولی نصاب میں متعدد تبدیلیوں کی نشاندہی کی گئی ہے، جن میں شامل بعض احادیث اور مذہبی اقتباسات کا حذف بھی بتایا گیا ہے۔

انہوں نے کہا : اگر یہ اطلاعات درست ہیں تو یہ محض نصاب میں معمولی ترمیم کا معاملہ نہیں بلکہ نئی نسل کے دینی شعور اور اسلامی تاریخ کی تعبیر کا انتہائی حساس مسئلہ ہے۔ احادیثِ رسول کو موجودہ سیاسی یا سفارتی ماحول کے مطابق نصاب سے نکالنا علم و دیانت کے تقاضوں کے منافی ہے۔ دین کو حکومتی پالیسیوں کا تابع نہیں بنایا جاسکتا۔‘‘احادیثِ رسول کو سیاسی مصلحتوں کا تابع بنانا خطرناک رجحان رضا اکیڈمی کے سربراہ نے کہا کہ اسلام نے اہلِ کتاب اور دیگر اقوام کے ساتھ عدل، حسنِ سلوک، معاہدات، انسانی وقار اور بقائے باہمی کے واضح اصول دیے ہیں۔ رسولِ اکرم کی حیاتِ طیبہ اس کی روشن ترین مثال ہے۔انہوں نے سوال کیا کہ اگر مذہبی رواداری مقصود ہے تو سیرتِ مصطفیٰ کا مکمل اور مستند تعارف نئی نسل کو کیوں نہیں دیا جاتا؟ کیا رواداری کے نام پر تاریخ کے بعض حصوں کو حذف کرنا اور احادیث کے نصابی وجود کو ختم کرنا ہی واحد راستہ رہ گیا ہے؟الحاج محمد سعید نوری نے سعودی نصاب سے’’ مسلمان بیت المقدس سے کبھی دستبردار نہیں ہوں گے‘‘جیسے جملے کے حذف اور اسرائیل سے متعلق بعض سابقہ اصطلاحات میں تبدیلی کی اطلاعات پر بھی سخت تشویش ظاہر کی۔اس میٹنگ میں شریک علماء کرام مولانا فرید الزماں صاحب خطیب و امام کھتری مسجد مولانا امان اللہ رضا صاحب خطیب و امام رنگ والا کمپاؤنڈ مولانا عثمان صاحب برکت بھائی فرید محمد فرید و دیگر شامل تھے۔

ممبئی ،اقلیتی برادری کے لیے قائم ‘مائناریٹی ریسرچ اینڈ ٹریننگ انسٹی ٹیوٹ’ (ایم آر ٹی آئی) کے رجسٹریشن کو آخر کار اس کی نمائندگی میسر آئی۔ اس کے لیے چیئرمین، وائس چیئرمین اور بورڈ آف ڈائریکٹرز کا تقرر کیا گیا ہےسماج وادی پارٹی کے بھیونڈی ایسٹ کے ایم ایل اے رئیس شیخ نے مطالبہ کیا ہے کہ ایم اے آر ٹی آئی انسٹی ٹیوٹ کے تئیں ذہنی و نفسیاتی بیماری میں مبتلا طلبا کا بھی خیال رکھا جائے اس سلسلے میں بات کرتے ہوئے ایم ایل اے رئیس شیخ نے کہا کہ ریاستی حکومت نے کمزور طبقات کے طلبہ کو تربیت دینے اور سماج کے مسائل پر تحقیق کرنے کے لیے بارتی، سارتھی، مہاجیوتی، آرتی وغیرہ جیسے ادارے قائم کیے ہیں۔ 2024 میں اقلیتی برادری کے لیے مارتی انسٹی ٹیوٹ کا قیام عمل میں آیا۔ تاہم کمپنیز ایکٹ کے تحت اس ادارے کی رجسٹریشن میں تاخیر ہوئی۔ رئیس شیخ نے اس سلسلے میں مسلسل پیروی جاری رلھی تھی۔

محکمہ اقلیتی ترقی نے فوری اقدامات کرتے ہوئے پیر کو انسٹی ٹیوٹ کے بورڈ آف ڈائرکٹرس کا اعلان کیا۔ انسٹی ٹیوٹ کی چیئرپرسن اقلیتی وزیر سنیترا پوار ہیں اور ریاستی وزیر مادھوری مشال نائب چیئرپرسن ہیں۔ سماجی انصاف، دیگر پسماندہ طبقات اور بہوجن بہبود، اقلیتی ترقی کے محکمہ کے سکریٹری ڈائریکٹر ہیں۔ ایم ایل اے رئیس شیخ نے کہا کہ انسٹی ٹیوٹ کی رجسٹریشن کا عمل آسان ہو گیا ہے۔ہر سال، بارتی، سارتھی، مہاجوتی اداروں کو 300 کروڑ روپے دیے جا رہے ہیں اور ہر ادارے کی طرف سے تقریباً 20 ہزار طلباء کو مسابقتی امتحانات اور دیگر ہنر کی تربیت دی جا رہی ہے۔ مارتی انسٹی ٹیوٹ کو قائم کرتے وقت 6 کروڑ روپے دیے گئے۔ اس کے بعد گزشتہ ڈیڑھ سال میں اس ادارے میں کوئی پیش رفت نہیں ہوئی۔ ایم ایل اے رئیس شیخ نے افسوس کا اظہار کیا کہ ادارے نے ابھی تک تربیتی کلاسز شروع نہیں کیں۔ ریاستی حکومت اقلیتی برادری کے لیے قائم کی گئی مارتی تنظیم کے ساتھ دشمنی کا سلوک کر رہی ہے اور نائب وزیر اعلیٰ اور اقلیتی ترقی کی وزیر سنیترا پوار نے مطالبہ کیا ہے کہ اس تنظیم کے ساتھ روا رکھے جانے والے امتیازی سلوک کو ختم کیا جائے اور دیگر تنظیموں کی طرح مناسب فنڈ فراہم کیا جائے، ایم ایل اے رئیس شیخ نے مطالبہ کیا ہے۔