ممبئی شہر میں تاریخی جلوس کی تیاریاں بھی مکمل ہوچکی ہے ممبئی کے خلافت ہاؤس سے جلوس محمدی صلی اللہ علیہ وسلم کی قیادت مفتی حضرت علامہ سید خلیق اشرف مہتمم و استاد اشرفیہ مظہر العلوم گونڈہ کریں گے جبکہ جلوس میں مہمان خصوصی کے طو رپر شاعر اور کانگریس لیڈر راجیہ سبھا عمران پرتاپ گڑھی کی بھی شرکت متوقع ہے یہ اطلاع یہاں خلافت کمیٹی کے چیئر مین سر فراز آرزو نے دی ہے انہوں نے عاشقان رسول جلوس عید میلا دالنبی میں نظم و نسق کا خاص خیال رکھیں اس کے ساتھ ہی دل آزار نعرہ، خرافات اور غیر شرعی امور سے اجتناب کریں۔

جلوس عید میلاد النبی کے روٹ پر ممبئی پولیس نے بھی جائزہ اور معائنہ کیا ہے تاکہ جلوس کے دوران کسی بھی قسم کا کوئی ناخوشگوار واقعہ پیش نہ آئے۔ مجگاؤں میں گنپتی جلوس پر انڈے پھینکنے کے واقعہ کے بعد یہاں حالات کشیدہ ضرور ہے لیکن امن قائم ہے اس دوران جلوس میں کسی بھی قسم کی کوئی گڑ بڑی نہ ہو اس بات پر بھی پولیس توجہ دے رہی ہے۔
ممبئی میں عید میلاد النبی صلی اللہ علیہ وسلم کے جلوس کے پیش نظر ممبئی شہر کو دلہن کی طرح برقی قیقموں سے سجایا گیا ہے ہر جگہ گنبد خضرہ کے جھنڈے اور سبزہلائی پرچم سے علاقہ کو مزین کیا گیا ہے برقی قمقموں اور استقبالیہ گیٹ بھی تیار کرلئے گئے ہیں۔ جلوس عید میلاد النبی پر نیاز اور لنگر کی تقسیم پر بھی ممبئی پولیس نظر رکھے گی اس کے ساتھ ہی تنظیموں کے اندراج اور اسٹیج کے اندراج بھی پولیس اسٹیشنوں میں کئے جارہے ہیں۔

ممبئی میں عید میلاد النبی کے پیش نظر علاقے دلہن کی طرح سج گئے ہیں عاشقان رسول نے اپنی محلوں گلیوں اور علاقوں کو جشن عید میلاد النبی کیلئے منور کر لیا ہے شہر و مضافاتی علاقوں میں بڑے پیمانے پر عید میلاد النبی صلی اللہ علیہ وسلم پر جلوس محمدی کا اہتمام کیا جاتا ہے ایسے میں تمام پولیس اسٹیشنوں کی حدود میں خصوصی انتظامات کا دعوی بھی پولیس نے کیا ہے ممبئی پولیس کمشنر دیوین بھارتی کی ہدایت پر اعلی پولیس افسران نے عیدمیلاد النبی پر خصوصی انتظامات کئے ہیں۔ عید میلاد النبی کمیٹیاں جلوس محمدی کے پس منظر میں مقام مقدسہ مدینہ منورہ اور مکہ معظمہ کی بھی پر کشش اور روحانی جھانکیاں تیار کرتی ہیں یہ جھانکیاں جلوس عید میلاد النبی کا خاصہ ہوتی ہیں ممبئی پولیس نے یہ واضح کیا ہے کہ عید میلاد النبی کے جلوس میں ڈی جے پر مکمل پابندی عائد کی گئی ہے اگر کوئی بھی اس کی خلاف ورزی کرتا ہے تو اس پر کارروائی ہوگی۔ مسلم اکثریتی علاقے سرکار کی آمد پر سج گئے ہیں اور ان علاقوں میں جلوس کے استقبال کی تیاریاں بھی مکمل کر لی گئی ہیں۔

جموں و کشمیر پولیس کی کرائم برانچ کے اقتصادی جرائم ونگ نے منگل کو کہا کہ اس نے کینسر کے مریض کے خاندان کو دھوکہ دینے کے الزام میں ملزم کے خلاف عدالت میں چارج شیٹ داخل کی ہے۔ کرائم برانچ کے ایک بیان میں کہا گیا ہے کہ ای او ڈبلیو کشمیر نے ایک شخص کو سستی داموں ادویات فراہم کرنے کے بہانے کینسر کے مریض کے خاندان کو دھوکہ دینے کے الزام میں چارج شیٹ کیا ہے۔

بیان میں کہا گیا ہے کہ ای او ڈبلیو نے سب جج سری نگر کی عدالت میں آفاق احمد ٹھگ ولد غلام قادر کے خلاف چارج شیٹ داخل کی ہے، جو کہ شیوالا مندر کے قریب نیو کالونی، اننت ناگ کے رہائشی ہیں، موجودہ 10-گرین انکلیو، بارمونی روڈ، سنجوان، جموں، کے خلاف مقدمہ ایف آئی آر نمبر 25/25/403 سی سیکشن 25/40 کے تحت مقدمہ درج کیا گیا ہے۔ ای او ڈبلیو کو، کیس کی ابتدا ایک تحریری شکایت سے ہوئی جس میں الزام لگایا گیا تھا کہ ملزم نے شکایت کنندہ کو کینسر میں مبتلا اس کی بیمار بیوی کے لیے رعایتی قیمت پر ادویات فراہم کرنے کا وعدہ کر کے دھوکہ دیا۔

ملزم نے بے ایمانی سے شکایت کنندہ کو لاکھوں روپے ادا کرنے پر اکسایا لیکن ادویات فراہم کرنے میں ناکام رہا۔ تحقیقات کا حکم دیا گیا، اور تحقیقات کے دوران الزامات ثابت ہو گئے۔ یہ بات بھی سامنے آئی کہ ملزم اور شکایت کنندہ ایک بورڈنگ اسکول میں ساتھی تھے۔ تفتیش مکمل ہونے کے بعد چارج شیٹ عدالتی فیصلہ کے لیے عدالت میں پیش کی گئی۔

دریں اثنا، کرائم برانچ نے عام لوگوں سے اپیل کی ہے کہ وہ اس طرح کے معاشی دھوکہ دہی کے خلاف چوکس رہیں اور کسی بھی مشکوک سرگرمی کی اطلاع ایس ایس پی ای او ڈبلیو کشمیر کو دیں۔ ای میل کے ذریعے بھی شکایات درج کی جا سکتی ہیں۔ جموں و کشمیر کرائم برانچ کا اقتصادی جرائم ونگ مالی فراڈ اور گھوٹالوں کے اعلیٰ سطحی معاملات کی تحقیقات کرتا ہے۔ اس طرح کے معاملات میں تکنیکی اور سائنسی بیک اپ کے ساتھ تفتیش کاروں کی سرشار ٹیموں کی ضرورت ہوتی ہے۔ اس طرح کے جرائم کے پیچھے مجرم اکثر دور دراز مقامات تک پھیلے ہوئے روابط اور ساتھیوں کے ساتھ جرائم کو روکنے کے لیے ٹیکنالوجی کا استعمال کرتے ہیں بصورت دیگر قانون کی گرفت سے باہر سمجھا جاتا ہے۔

بھیونڈی : بھیونڈی کے ڈِنگاڈ علاقے میں نوجوانوں کے دو گروپوں کے درمیان مبینہ طور پر غیر سبزی خور کھانا لانے کے معاملے پر تنازع شدت اختیار کر گیا، جس کے نتیجے میں دونوں گروپوں کے درمیان ہاتھا پائی اور مارپیٹ ہوئی۔ واقعے میں چھ افراد کے زخمی ہونے کی اطلاع ہے۔ معلومات کے مطابق ڈِنگاڈ پہاڑی کے علاقے میں کسی بات کو لے کر نوجوانوں کے دو گروپوں کے درمیان بحث شروع ہوئی۔ بتایا جاتا ہے کہ تنازع غیر سبزی خور کھانا کھانے یا وہاں لانے پر اعتراض کے بعد بڑھا اور دیکھتے ہی دیکھتے دونوں جانب سے مارپیٹ شروع ہوگئی۔

واقعے میں زخمی ہونے والے افراد کو علاج کے لیے بھیونڈی کے سرکاری اسپتال منتقل کیا گیا۔ تاہم اسپتال میں بھی دونوں گروپوں کے افراد ایک دوسرے کے آمنے سامنے آگئے، جس کے بعد صورتحال کو قابو میں رکھنے کے لیے پولیس کی تعیناتی کی گئی۔ پولیس نے معاملے کی تحقیقات شروع کر دی ہیں اور واقعے کے اصل اسباب، ملوث افراد اور مارپیٹ کی وجوہات کا جائزہ لیا جا رہا ہے۔ پولیس کی جانب سے متعلقہ افراد کے بیانات ریکارڈ کیے جانے کے بعد مزید قانونی کارروائی کیے جانے کا امکان ہے۔ پولیس نے شہریوں سے اپیل کی ہے کہ وہ کسی بھی تنازع کو تشدد کی شکل دینے کے بجائے قانون کا راستہ اختیار کریں اور علاقے میں امن و امان برقرار رکھنے میں تعاون کریں۔