ممبئی : ممبئی کے کرلا ساکی ناکہ 90 فٹ تلک نگر میں نالہ کے قریب بی ایم سی کی 1200 ملی میٹر قطر کے پانی کے پائپ لائن کی مرمت کا کام صبح کامیابی کے ساتھ مکمل ہوگیا جس کے بعد اب کرلا کے متاثرہ علاقوں میں پانی سپلائی بھی بحال کر دی گئی ہے۔ پانی کی پائپ جو سڑک کی سطح سے تقریبا 5 میٹر گہرا ہے, مکمل طور پر کھول کر اس کے تباہ شدہ حصے کو تبدیل کر دیا گیا۔ کھدائی کے دوران یہ پائپ لائن متاثر ہوگئی تھی اور پائپ لائن پھٹنے کے بعد دو دنوں سے اہلیان کرلا پانی کیلئے پریشان ہے اور یہاں پانی سپلائی مکمل طور پر بند تھی, لیکن اب دوبارہ اسے بحال کر دیجا گیا ہے۔ اس کام کے دوران کھدائی میں تکنیکی دشواریاں بھی پیش آئی۔ کیونکہ ایک طرف مہا نگر گیس لمٹیڈ ایم جی ایل کا 300 ملی میٹر قطر کا گیس پائپ لائن بھی تھا اور دوسری طرف پل کی بنیاد رکھی گئی تھی۔ پھر بھی انجینئرز اور عملے نے انتہائی احتیاط اور منصوبہ بندی کے ساتھ کام کو انجام دیا وارڈ نمبر 156,158,161,162,163,171,168,167,166,165,164 کے متاثرہ علاقوں میں پانی کی سپلائی بحال کر دی گئی ہے۔ آج رات میں پانی معمول کے مطابق جاری ہوجائیگا۔ یہ اطلاع آج ممبئی میونسپل کارپوریشن نے دی ہے۔ بی ایم سی کے مطابق پانی سپلائی میں شب میں تاخیر اور کم پریشر ہونے کا بھی امکان ہے۔ اس لئے شہریوں کو پانی فراہمی کے دوران احتیاط لازمی ہے۔

ممبئی : دادر ویرکوتاوال گارڈن کے پلازہ سنیما پر ایک اندوہناک سڑک حادثہ میں چار افراد شدید طور سے زخمی ہوگئے, جس میں ایک کی موت واقع ہوگئی ہے. ایک بے قابو بس نے ایک کار اور ایک موٹر سائیکل کو ٹکر ماردی, جس کے سبب چار افراد شدید طور سے زخمی ہوگئے اور انہیں اسپتال میں داخل کیا گیا ہے, جہاں ان کی حالت تشویشناک ہے. اس حادثہ میں 22 سے 25 سالہ نوجوان کی موت واقع ہوگئی ہے, جبکہ رشب گپتا 25 سالہ, ستیش واگھمارے 48 سالہ, مہیش دھوئیپھوڑے 50 سالہ کو زخمی حالت میں اسپتال میں داخل کیا گیا ہے. تفصیلات کے مطابق آج تقریبا 9 بجکر 30 منٹ پر الیکٹرک بس ڈرائیور نے بے قابو بس کوتوال گارڈن کے قریب 5 گاڑیوں سے ٹکر ماری, جس میں ایکٹیو ٹووہیلر, الیکٹرک بائیک, ٹیکسی, کار اور الیکٹرک کار شامل ہے, اس واقعہ میں بس کنڈیکٹر اور الیکٹرک بائیک سوار کو چوٹیں آئی. زخمیوں کو فوری طور پر طبی امداد کیلئے سائن اسپتال داخل کیا گیا. بس ڈرائیور کو پولیس نے حراست میں لے لیا ہے. حادثے میں تباہ ہونے والی گاڑیوں کو سڑک کے کنارے منتقل کر دیا گیا ہے اور ٹریفک کی نقل وحرکت کو دوبارہ بحال کر دیا گیا اس حادثہ کے بعد دادر علاقہ میں ٹریفک جام ہوگئی تھی, لیکن اب سڑکوں پر حالات معمولات پر آگئے ہیں۔ پولیس نے بتایا کہ بس ڈرائیور کو لاپروائی سے ڈرائیورنگ کرنے کے معاملہ میں حراست میں لے کر باز پرس جاری ہے. اس کی گرفتاری بھی عمل میں لائی گئی ہے۔ اس کی تصدیق ڈی سی پی مہندر پنڈت نے کی ہے۔

بھوپال : مدھیہ پردیش میں راجیہ سبھا انتخابات کو لے کر سیاسی سرگرمی عروج پر پہنچ گئی ہے۔ بھارتیہ جنتا پارٹی کے اعلان کردہ امیدوار ترون چُگ اور رجنیش اگروال ہفتہ کی دوپہر اسمبلی پہنچے اور ریٹرننگ آفیسر کے سامنے اپنے کاغذات نامزدگی داخل کئے۔ اس دوران وزیر اعلیٰ ڈاکٹر موہن یادو، بی جے پی کے ریاستی صدر ہیمنت کھنڈیلوال اور تنظیم کے جنرل سکریٹری اجے جموال کے ساتھ پارٹی کے کئی سینئر لیڈران موجود تھے۔ پرچہ نامزدگی داخل کرنے سے ٹھیک پہلے ریاستی بی جے پی کے دفتر میں پارٹی ایم ایل ایز کی ایک اہم میٹنگ بلائی گئی تھی۔ اس میٹنگ میں دو امیدواروں کے علاوہ سی ایم موہن یادو اور بی جے پی کے ریاستی صدر ہیمنت کھنڈیلوال خصوصی طور پر موجود تھے، جہاں انتخابی حکمت عملی اور اتحاد کے بارے میں گہرائی سے بات چیت ہوئی۔

میٹنگ کے بعد، وزیر اعلی، ریاستی صدر، اور دونوں امیدواروں نے بی جے پی دفتر کے احاطے میں شیو اور ہنومان مندروں میں پوجا کی اور جیت کے لئے دعا مانگی۔ 15 سے زائد گاڑیوں پر مشتمل قائدین کا قافلہ اسمبلی کے لیے روانہ ہوا۔ بی جے پی کے کئی سینئر ایم ایل ایز کو ریٹرننگ آفیسر کے دفتر کے باہر جمع دیکھا گیا جب امیدوار اپنے کاغذات نامزدگی داخل کرنے کے لیے داخل ہوئے۔ راجیہ سبھا کے امیدوار رجنیش اگروال نے نامزدگی داخل کرنے سے پہلے اپنے گھر پر دیوتا کی پوجا کی۔ ان کی بیوی نے تلک لگا کر اور آرتی کر کے اپنی نیک تمنائیں پیش کیں۔ ان کی اہلیہ اپنے اہل خانہ سے آشیرواد لیتے ہوئے جذباتی نظر آئیں۔ تنظیم کے جنرل سکریٹری اجے جموال، کابینہ کے وزراء کیلاش وجے ورگیہ، گووند سنگھ راجپوت، پرہلاد پٹیل، راکیش سنگھ، اور وی ڈی شرما سمیت کئی سینئر بی جے پی لیڈر اور ایم ایل اے اس پورے پروگرام کے دوران موجود تھے، جس نے بی جے پی کی طاقت کا مظاہرہ کیا۔

نامزدگی کے دوران کھرائی سے بی جے پی کے ایم ایل اے اور سابق وزیر بھوپیندر سنگھ نے پارٹی کی مضبوط پوزیشن کے بارے میں بڑا بیان دیا۔ انہوں نے کہا، “بی جے پی پوری طرح سے تیار ہے۔ ہمارے پاس مکمل اکثریت اور حمایت ہے۔ اگر پارٹی تیسرا امیدوار کھڑا کرتی ہے تو بھی ہماری جیت 100 فیصد یقینی ہے۔”