ممبئی: ناسک ٹی سی ایس کے بعد اب ممبئی میں جنسی زیادتی کے کیس کو کاپوریٹ اور مذہبی رنگ دینے کی کوشش شروع ہو گئی ہے یہاں ممبئی کے آگریپاڑہ پولس اسٹیشن پولس نے ایک ١٩ سالہ ٹیلی خاتون کو ہراساں کر نے معاملہ میں اشرف صدیقی نامی ۲۵ سالہ نوجوان کو گرفتار کرنے کا دعویٰ کیا ہے اس معاملہ میں اب پولس تفتیش کر رہی ہے لیکن متاثرین کے اہل خانہ اسے بھی کارپوریٹ جہاد اور لوجہاد قرار دینے کی کوشش کر رہے ہیں البتہ پولس نے بھی اس سے انکار کیا ہے۔ آگری پارہ پولس میں سیکشن بی این ایس 75، 78(2) اور 70 اور آئی ٹی ایکٹ 2000 کے تحت ایک اشرف کے خلاف ایک بڑی کارپوریٹ کمپنی میں تھرڈ پارٹی ٹیلی کالر کے طور پر کام کرنے والی خاتون ساتھی کارکن کو فحش پیغامات بھیجنے کے الزام میں مقدمہ درج کیا گیا ہے۔ متاثرہ کے بیان اور پولیس کے مطابق، ملزم نے نہ صرف اسے متعدد بار جنسی تعلقات کے لیے میسج پیغام کیا بلکہ اپنی خواتین ساتھیوں کے بارے میں توہین آمیز زبان استعمال کرتے ہوئے فحش تصاویر بھی ارسال کیں ۔
پولیس کو دیئے گئے اپنے بیان میں متاثرہ لڑکی نے بتایا کہ جب اس نے اشرف کو بتایا کہ وہ ہندو ہے تو اس نے جواب دیا، ’’آج کل ہندو لڑکیاں مسلمانوں کو ترجیح دیتی ہیں۔ اس کے بعد متاثرہ کے اہل خانہ نے اس کے خلاف شکایت درج کروائی ہے پولس نے اس معاملہ میں تفتیش شروع کردی ہے ساتھ ہی اس کے رشتہ دار وں نے مطالبہ کیا ہے کہ یہ معاملہ لوجہاد کا ہے اس لئے اس میں ایس آئی ٹی تفتیش کی جانی چاہیے اور ساتھ ہی ملزم کے گھر پر بلڈوزر کارروائی کی جانی چاہیے۔

ممبئی : ایڈیشنل میونسپل کمشنر (مغربی مضافات) ڈاکٹر وپن شرما نے اسپتال انتظامیہ کو خصوصی ماہر ڈاکٹروں کو تعینات کرنے کی ہدایت دی تاکہ ایکورتھ میونسپل لیپروسی اسپتال میں طویل عرصے سے زیر علاج بزرگ مریضوں کے جذام کا علاج کیا جائے۔ ایڈیشنل میونسپل کمشنر ڈاکٹر وپن شرما نے آج (24 اپریل 2026) ایکورتھ میونسپل لیپروسی ہسپتال کا اچانک دورہ کیا۔ انہوں نے آج اسپتال کی قدیم عمارت کے اندرونی کاموں اور شعبہ داخل مریضوں کے مرمتی کاموں کا بھی معائنہ کیا۔ انہوں نے آج کے دورے کے دوران اسپتال کے احاطے میں کنگ ایڈورڈ میموریل (کے ای ایم) اسپتال کے اسٹوڈنٹ ہاسٹل کی عمارت کے کام کا بھی جائزہ لیا۔
ایکورتھ میونسپل کارپوریشن لیپروسی اسپتال کی عمارت 13 ایکڑ کے احاطے میں بنائی گئی ہے۔ یہاں ایک انتظامی عمارت، آؤٹ پیشنٹ ڈپارٹمنٹ، ان پیشنٹ ڈپارٹمنٹ، شمشان گھاٹ، ممبئی ڈسٹرکٹ ایڈز کنٹرول آرگنائزیشن، مہاراشٹر اسٹیٹ ایڈز کنٹرول آرگنائزیشن وغیرہ کے دفاتر موجود ہیں۔آج کے دورے کے دوران ڈاکٹر وپن شرما نے عملے کی رہائش گاہ، میوزیم کا بھی دورہ کیا۔ اس کے علاوہ انہوں نے سیٹھ گو کے 800 طلباء کی گنجائش والے ہاسٹل کی عمارت کے کام کا بھی معائنہ کیا۔ سورج اسپتال کے احاطے میں میڈیکل کالج اور کنگ ایڈورڈ میموریل (کے ای ایم) اسپتال انہوں نے اسپتال انتظامیہ کو طلباء کی سہولیات کے مطابق بجلی کے کنکشن سے متعلق کام تیز کرنے کی بھی ہدایت کی۔فی الحال، 55 مریض ایکورتھ میونسپل کارپوریشن لیپروسی اسپتال میں زیر علاج ہیں۔ ان مریضوں میں سے 30 مرد اور 25 خواتین ہیں۔ ڈاکٹر وپن شرما نے مریضوں کے وارڈ کا دورہ کیا اور مریضوں سے بات چیت کی اور ان کے مسائل کو سمجھا۔ انہوں نے ہسپتال انتظامیہ کو یہ بھی ہدایت کی کہ بزرگی کی وجہ سے مریضوں کو درپیش جذام کے علاج کے لیے ماہر ڈاکٹروں کو تعینات کیا جائے۔
ڈاکٹر وپن شرما نے ہیلتھ انفراسٹرکچر فیسیلٹی روم کے ذریعے ہسپتال کے احاطے میں قدیم فن تعمیر سے متعلق کاموں کا جائزہ لیا۔ انہوں نے شعبہ بیرونی مریضوں میں فراہم کی جانے والی سہولیات کا بھی معائنہ کیا۔ اس وقت بیرونی مریضوں کے شعبہ میں روزانہ 60 مریض داخل ہوتے ہیں۔ گزشتہ تین سالوں میں 1800 سے زائد مریضوں نے شعبہ آؤٹ پیشنٹ میں سہولیات کا فائدہ اٹھایا۔ ان مریضوں میں سے جذام میں مبتلا مریضوں کا علاج جاری ہے۔ ڈاکٹر وپن شرما نے اس موقع پر ہسپتال انتظامیہ کی طرف سے مریضوں کو فراہم کی جانے والی خدمات کے بارے میں جانکاری لی۔ اس دورے کے دوران میونسپل کارپوریشن کے چیف میڈیکل سپرنٹنڈنٹ ڈاکٹر چندرکانت پوار، ایکورتھ میونسپل کارپوریشن لیپروسی اسپتال کے ڈائریکٹر ڈاکٹر امیتا پیڈنیکر، اسپتال کے ڈپٹی ڈائریکٹر ڈاکٹر اویناش کھڈے وغیرہ موجود تھے۔

ممبئی : ناسک ٹی سی ایس کیس میں تبدیلی مذہب کا کوئی تعلق نہیں ہے اس کیس میں ندا خان کو نشانہ بنایا گیا ہے, جبکہ وہ ایچ آر ہیڈ نہیں تھی اس کے باوجود اس کا میڈیا ٹرائل کیا جارہا ہے۔ ناسک کا معاملہ میں مذہبی جذبات بھڑکانے اور مذہبی منافرت لوجہاد یا پھر کارپوریٹ جہاد کا معاملہ بھی نہیں ہے, صرف یہ جنسی استحصال کا معاملہ ہے لیکن اس میں ندا خان کو نشانہ بنایا گیا ہے۔ اس قسم کا سنگین الزام آج یہاں مراٹھی پترکار سنگھ میں اے پی سی آر کی منعقدہ پریس کانفرنس میں سماجی خادم تیستا سیتلواڈ نے عائد کیا ہے۔ انہوں نے کہا کہ میڈیا نے ایک خاتون کی شناخت کو عام کیا اور اگر پولس نے یہ افشا کیا ہے تو پولس کے حوالے سے خبر نشر کی جانی چاہئے تھی متاثرہ اور شکایت کنندہ سے بات کرنے کی کوشش کی جانی چاہئے, ایسے کئی کیسز ہے جس میں کسی پر بھی کچھ بھی الزام عائد کئے جاسکتے ہیں, لیکن ناسک کے کیس میں ماحول تیار کیا گیا جو سراسر غلط ہے۔ ناسک کے سماجی خادم نرنجن ٹکلے نے کہا کہ اس کیس میں کسی کا سیاسی ایجنڈہ سیٹ کرنے کی کوشش پولس نے کی ہے, جبکہ پولس کو ایسا نہیں کرنا چاہیے کیونکہ اس سے پولس کی شبیہ خراب ہوتی ہے۔ بدلاپور میں کیا ہوا تھا اکشے شندے کو انکاؤنٹر کیا گیا اس کے بعد اس کے مناسبت سے بنیر لگا کر بدلاپور کا ایجنڈہ چلایا گیا اس کے بعد عدالت نے اسے قتل قرار دیا۔ انہوں نے کہا کہ اسی طرح سے سومناتھ سوریہ ونشی کے کیس میں کس قدر اسے تشدد کا نشانہ بنایا گیا جس کے سبب اس کی حراستی موت ہو گئی۔ اس بھی عدالت نے کیس درج کرنے کا حکم دیا ہے اس کے ساتھ ہی ناسک کے کیس میں بھی ایجنڈہ چلایا گیا ہے اور کسی مخصوص ایجنڈے کے تحت اس کمپنی ٹی سی ایس کی ملازمہ ندا خان کو نشانہ بنایا گیا ندا خان ایک معمولی ملازمہ ہے, لیکن اسے ایچ آر ہیڈ بنا کر پیش کیا گیا۔ میڈیا نے اس کا ٹرائل چلایا ہے, والمک کراڈ خودسپردگی تک پولس کے ہاتھ نہیں لگا۔ ایک سال قبل ہی اشوک کھرات کے خلاف کیس درج کیا تھا لیکن اسے اجیت پوار کی موت کے بعد گرفتار کیا گیا کسی کا پولیٹیکل ایجنڈہ سیٹ کرنے کے لیے پولس خود کو بدنام کر رہی ہے۔ انہوں نے مزید کہا کہ جس طرح سے ناسک کے کیس میں ہو رہا ہے اس سے یہ واضح ہوتا ہے کہ پولس نے جو تفتیش کی ہے اس کو میڈیا ٹرائل کے معرفت عام کیا جارہا ہے, جبکہ اس میں تبدیلی مذہب کا کوئی تذکرہ تک نہیں ہے۔ اس پریس کانفرنس میں اے پی سی آر نے ناسک کیس میں فیکٹ فائنڈنگ رپورٹ بھی پیش کی ہے۔ اس کانفرنس میں ڈولفی ڈیسوزا، شاکر شیخ سمیت دیگر موجود تھے۔