نئی دہلی : ’آئی لو محمد‘ معاملے میں درج مقدمات اور کی گئی گرفتاریوں کے خلاف رضا اکیڈمی نے دہلی ہائی کورٹ میں ایک عوامی مفاد کی عرضی (پی آئی ایل) دائر کی ہے۔ یہ عرضی رضا اکیڈمی کے چیئرمین الحاج سعید نوری صاحب کی ہدایت پر مسلم اسٹوڈنٹس آرگنائزیشن (ایم ایس او) کے چیئرمین ڈاکٹر شجاعت علی قادری کی جانب سے داخل کی گئی۔ عرضی میں مطالبہ کیا گیا ہے کہ پولیس کی جانب سے درج تمام ایف آئی آرز کو منسوخ کیا جائے اور گرفتار افراد کو فوری طور پر رہا کیا جائے۔

اس موقع پر الحاج سعید نوری صاحب نے کہا کہ رضا اکیڈمی پرامن قانونی جدوجہد پر یقین رکھتی ہے، اس لیے عوام سے اپیل ہے کہ وہ ہر حال میں امن و سکون اور بھائی چارہ قائم رکھیں۔ انہوں نے واضح کیا کہ آئندہ کی لڑائی قانونی دائرے میں رہ کر لڑی جائے گی۔

ایم ایس او کے چیئرمین ڈاکٹر شجاعت علی قادری نے بھی نوجوانوں سے اپیل کی کہ وہ اپنے مطالبات کے حصول کے لیے صرف پرامن اور عدم تشدد کے راستے کو اختیار کریں اور کسی بھی اشتعال انگیزی سے دور رہیں۔

ممبئی : ممبئی کے مضافاتی علاقہ گوونڈی میں دیوی کی مورتی کی بے حرمتی کے بعد ماحول خراب کرنے کی کوشش شروع ہوگئی ہے گزشتہ شب بی جے پی لیڈر اور وزیر نتیش رانے نے جائے وقوع کا دورہ کرتے ہوئے پوجا پاٹ کی اور اسکے بعد مسلمانوں کے خلاف زہر افشانی کرتے ہوئے کہا کہ یہ دیش ہندوؤں کا ہے, اس لئے یہاں سب سے پہلے ہندوؤں کی سنی جائے گی. انہوں نے کہا کہ دیوی ماتا کی مورتی کی بے حرمتی کے معاملہ میں اب تک 10 ملزمین کو گرفتار کیا گیا ہے, مزید 14 باقی ہے. کسی کو بھی بخشا نہیں جائے گا یہ دیوا بھاؤ کی سرکار ہے, یہاں ماحول خراب کرنے کی اجازت نہیں ہے. اگر کوئی ایسا کرتا ہے تو اس کے خلاف کارروائی ہوگی کسی کو بھی چھوڑا نہیں جائے گا۔

نتیش رانے نے اشتعال انگیزی کا مظاہرہ کرتے ہوئے کہا کہ یہ بات واضح کرنا چاہتا ہوں کہ ہمیں مسلمانوں گول ٹوپی اور کرتا پائیجامہ والوں نے ووٹ نہیں دیا ہے. ہم ہندوؤں کے ووٹ پر فاتح ہوئے ہیں اس لئے ہندوؤں کے حقوق کی حفاظت کریں گے. انہوں نے کہا کہ نوراتری دھوم دھام اور جوش و خروش کے ساتھ منائی جائے, اگر کوئی گڑ بڑی کرتا ہے تو اس سے نمٹنے کیلئے ہم بیٹھے ہیں. نوراتری کا اجازت نامہ بھی آپ کو میسر ہوگا, کوئی دشواری ہوتی ہے تو مجھ سے رابطہ کرے۔

نتیش رانے کے دورہ کے سبب یہاں حالات ایک مرتبہ پھر کشیدہ ہوگئے تھے, لیکن پولیس نے سخت حفاظتی انتظامات کئے تھے. اتنا ہی نہیں پولیس نے تمام پارٹی کے لیڈران کو تنبیہ کی تھی کہ وہ ریلی کے دوران مذکورہ بالا علاقہ کا دورہ نہیں کریں گے, جبکہ نتیش رانے کی آمد کے بعد کچھ لوگوں نے مظاہرہ کرتے ہوئے گو بیک نتیش رانے کا نعرہ بھی بلند کیا۔

‎ممبئی فلم اداکار شاہ رخ خان ان کی کمپنی ریڈچلیز گوری خان اور فلم دی بیڈس آف بالی ووڈ کے خلاف آئی آر ایس آفیسر سمیر وانکھیڑنے دہلی ہائی کورٹ میں ہتک عزت کا مقدمہ دائر کیا ہے جس میں ریڈ چلیز انٹرٹینمنٹ پرائیویٹ کے خلاف مستقل اور لازمی حکم امتناعی، اعلامیہ اور ہرجانے کا مطالبہ کیا ہے۔ اداکار شاہ رخ خان اور گوری خان کی ملکیت لمیٹڈ، او ٹی ٹی پلیٹ فارم نیٹ فلکس اور دیگر، ریڈ چلیز کے ذریعہ تیار کردہ اور نیٹ فلکس کی طرف سے نشر کی گئی ایک جھوٹی، بدنیتی پر مبنی اور ہتک آمیز ویڈیو کی وجہ سے ان کی ٹیلی ویژن سیریز جس کا عنوان ہے ‘بیڈ آف بالی ووڈ’۔ یہ سیریز این سی بی جیسے اداروں کی گمراہ کن اور منفی تصویر کشی کرتا ہے، جس سے قانون نافذ کرنے والے اداروں پر عوام کا اعتماد ختم ہوتا ہے۔

‎اس سیریز کو جان بوجھ کر تصور کیا گیا ہے اور اسے رنگین اور متعصبانہ انداز میں سمیر وانکھیڑے کی ساکھ کو خراب کرنے کے ارادے سے انجام دیا گیا ہے۔ خاص طور پر جب سمیر وانکھیڑے اور آریان خان کا معاملہ زیر التوا ہے اور بمبئی ہائی کورٹ اور این ڈی پی ایس خصوصی عدالت، ممبئی کے سامنے زیر سماعت ہے۔

‎مزید برآں، سیریز میں، دوسری باتوں کے ساتھ، ایک کردار کو فحش اشارہ کرتے ہوئے دکھایا گیا ہے۔ خاص طور پر، اس کردار کے بعد درمیانی انگلی دکھاتے ہوئے نعرہ “ستیامیو جیتے” پڑھتا ہے جو کہ قومی نشان کا حصہ ہے۔ یہ ایکٹ قومی نشان کی توہین کی روک تھام ایکٹ، 1971 کی دفعات کی سنگین اور حساس خلاف ورزی ہے، جو قانون کے تحت تعزیری نتائج کو اپنی طرف متوجہ کرتا ہے۔

اس کے علاوہ، سیریز کا مواد انفارمیشن ٹیکنالوجی ایکٹ اور بھارتیہ نیا سنہتا (بی این ایس) کی مختلف دفعات کے خلاف ہے، کیونکہ یہ فحش اور جارحانہ مواد کے استعمال کے ذریعے قومی جذبات کو مشتعل کرنے کی کوشش کرتا ہے۔ ‎ٹاٹا میموریل کینسر اسپتال کو کینسر کے مریضوں کے علاج کے لیے 2 کروڑ روپے ہرجانہ کی رقم سے ادا کیا جائے درخواست گزار نے شاہ رخ خان اور ان کے کنبہ سمیت بالی ووڈ کی جانب سے مسلسل انہیں ہدف بنانے سے متعلق بھی تفصیل بتائی ہے اس سے قبل بھی سمیر وانکھیڈے کو بالی ووڈ اور ان مداحوں کی جانب سے ہدف بنایا گیا تھا اور سوشل میڈیا پر ان کی تضیحیک کی کوشش کی گئی تھی۔