ممبئی آل انڈیا سنی جمعیت العلماء کے زیر اہتمام دو ٹانکی واقع جامعہ قادریہ اشرفیہ سنی مسجد بلال میں منشیات کے بڑھتے رجحان، مساجد و مدارس کے تحفظ اور مسلمانوں پر ہونے والے مظالم کے خلاف ایک پر ہونے والے مظالم کے۔ اجلاس کی صدارت پیر طریقت رہبر شریعت حضرت علامہ مولانا الشاہ سید معین الدین اشرف اشرفی جیلانی، صدر آل انڈیا سنی جمعیت العلماء نے فرمائی جبکہ سرپرستی بانی رضا اکیڈمی و نائب صدر آل انڈیا سنی جمعیت العلماء، اسیرِ مفتی اعظم محافظِ ناموسِ رسالت الحاج محمد سعید نوری نے کی۔ اپنے صدارتی خطاب میں حضرت علامہ سید معین الدین اشرف اشرفی جیلانی نے نوجوانوں میں منشیات کی بڑھتی لعنت پر شدید تشویش کا اظہار کرتے ہوئے کہا کہ آج اچھے اور معزز خاندانوں کے نوجوان بھی اس بری لت کا شکار ہو رہے ہیں۔ انہوں نے کہا کہ ایک فرد کی نشہ کی عادت پورے خاندان کو متاثر کرتی ہے، اس لیے معاشرے کو اس ناسور کے خاتمے کے لیے متحد ہو کر کام کرنا ہوگا۔ انہوں نے مساجد و مدارس کے ذمہ داران کو ہدایت دی کہ اپنے تمام قانونی دستاویزات اور کاغذات مکمل اور درست رکھیں تاکہ ضرورت پڑنے پر قانونی سطح پر مؤثر جدوجہد کی جا سکے۔

الحاج محمد سعید نوری نے اپنے خطاب میں کہا کہ ملک کے موجودہ حالات انتہائی تشویشناک ہیں۔ مساجد، مدارس اور دینی اداروں کو مختلف چیلنجز کا سامنا ہے اور ناموسِ رسالت ﷺ پر حملوں کے واقعات میں اضافہ ہو رہا ہے۔ انہوں نے کہا کہ ناموسِ رسالت ﷺ کے تحفظ کے لیے قانون کے دائرے میں رہتے ہوئے ہر ممکن اقدام کیا جائے گا اور جلد ہی مساجد و مدارس کے تحفظ کے لیے ایک جامع لائحۂ عمل ترتیب دیا جائے گا۔ ہالینڈ سے تشریف لائے ہوئے ممتاز عالم دین مفتی شفیق الرحمن نے میدانِ کربلا کے پیغام پر روشنی ڈالتے ہوئے کہا کہ حضرت امام حسینؓ نے انسانیت کو ظلم کے خلاف ڈٹ جانے، برائیوں کے خاتمے اور مظلوموں کو انصاف دلانے کا درس دیا ہے۔ انہوں نے کہا کہ اگر دنیا امام حسینؓ کی تعلیمات کو اپنالے تو عالمی امن و اخوت کا قیام ممکن ہو سکتا ہے۔

ہانڈی والی مسجد کے خطیب و امام علامہ اعجاز احمد کشمیری نے کہا کہ ناموسِ رسالت ﷺ پر حملے ایک منظم سازش کا حصہ ہیں جنہیں کسی صورت برداشت نہیں کیا جا سکتا۔ انہوں نے بتایا کہ حالیہ دنوں ایک مرتدہ کی جانب سے گستاخانہ حرکت پر قانونی کارروائی کرتے ہوئے ایف آئی آر درج کرائی گئی اور آئندہ بھی ایسے عناصر کے خلاف قانونی جدوجہد جاری رکھی جائے گی۔اجلاس میں قاری مشتاق احمد تیغی، قاری قطب الدین، مولانا عرفان علیمی، مولانا شاہ نواز، مولانا عبدالرحیم، قاری محفوظ احمد، مولانا ثناء اللہ، قاری نقیب، قاری احمد رضا، قاری الیاس، قاری اشفاق اور دیگر علماء و ائمہ مساجد نے شرکت کی۔ اجلاس کے اختتام پر منشیات کے خاتمے، مساجد و مدارس کے تحفظ اور مسلمانوں کے مسائل کے حل کے لیے مشترکہ جدوجہد کو مزید مؤثر بنانے کے عزم کا اظہار کیا گیا۔

ممبئی شہر و مضافات میں صبح سے ہی موسلادھاربارش کا سلسلہ دراز ہوگیا ہے یہاں بارش کے سبب شہریوں نے گرمی سے راحت کی سانس لی ہے ممبئی محکمہ موسمیات نے ممبئی رائے گڑھ پالگھر اور رتنا گیری میں تین گھنٹوں تک شدید سے شدید تر بارش کی پیشگوئی بھی کی ہے ممبئی شہر میں 20 ایم ایم, شمالی مضافات میں 4 ملی میٹر اور مغربی مضافات میں 13 ملی میٹر بارش درج کی گئی ہے جبکہ بارش کے دوران ریلوے اور بسوں کی خدمات جاری ہے اور معمولات کے مطابق ہی ممبئی شہر رواں دواں ہے البتہ سینٹرل ریلوے کی ٹریں 10 سے 15 منٹ کی تاخیر سے چلائی جارہی ہے بارش کے سبب ممبئی میں عوام نے چین کی سانس لی ہے جبکہ معمولی بارش سے ہی سڑکوں کی قلعی کھول گئی ہے یہاں کئی مقامات پر پانی جمع ہونے کی شکایت بھی موصول ہوئی ہے جبکہ بی ایم سی نے دعوی کیا ہے کہ بارش کے دوران حالات معمولات پر ہے اور بی ایم سی نے ضروری اقدامات بھی کئے ہیں۔

ممبئی : محرم الحرام کے پیش نظر جنوبی ممبئی میں سخت حفاظتی انتظامات کئے گئے ہیں یہاں کھڈے کی باڑی، پٹھان واڑی، مغل مسجد سے جلوس عزاداری نکالا جاتا ہے جس کے سبب شیعہ سنی تصادم کا خطرہ بھی لاحق ہے ایسے میں پولیس نے الر ٹ جاری کیا ہے پٹھان واڑی پیرولین میں 10 روزہ مجالس کا بھی اہتمام کیا جاتا ہے جبکہ اسی علاقہ سے علمداری بھی منعقد ہوتی ہے ایسے میں علمداری عزاداری کے جلوس میں کسی بھی قسم کا کوئی ناخوشگوار واقعہ پیش نہ آئے اس لئے پولیس نے ان حساس علاقوں میں روٹ مارچ بھی نکالا ہے۔ اے سی پی تنویر شیخ کی سر براہی میں تمام جلوس کے روٹ پر پولیس نے مارچ کیا اس کے ساتھ ہی مسلکی تصادم نہ ہو اس پر خاص نظر رکھی جارہی ہے سوشل میڈیا سمیت مجالس کی بھی نگرانی کی جارہی ہے پیرولین اور کھڈے کی باڑی میں اس سے قبل بھی شیعہ سنی تصادم کا واقعہ رونما ہوا تھا اس لئے پولیس نے یہاں خصوصی حفاظتی انتظامات کا دعوی کیا ہے ڈونگری,جے جے پولیس نے گزشتہ شب اسی تناظر میں حساس علاقوں میں روٹ مارچ کا انعقاد کیا تھا اس کے ساتھ ہی عزاداروں سے اپیل کی ہے کہ وہ اصول وضوابط کا خاص خیال رکھیں اس کے علاوہ پولیس نے یہ واضح کیا ہے کہ اگر کوئی بھی مسلکی اختلاف اور مسلکی تصادم پیدا کرنے کی کوشش کرتا ہے تو اس پر بھی کارروائی ہوگی شرپسندوں پر نظرر کھنے کا عمل بھی شروع کردیا ہے پولیس نے محرم کے دوران شرپسندوں اور سماج دشمن عناصر پر کاروائی بھی تیز کردی ہے۔ اے سی پی تنویر شیخ نے ڈویژن میں ہنگامی دورہ بھی شروع کر دیا ہے اس کے علاوہ براہ راست عوام سے بھی ملاقات کر کے حالات پر نگرانی رکھ رہے ہیں۔