ممبئی اندھیری میں ایک خاتون کے گلے کے سونے کے زیورات دیکھنے کی غرض سے نکال کر زیورات لے کر فرار ہونے والے ایک ایسے شاطر چور کو ممبئی پولس نے گرفتار کرنے کا دعویٰ کیا ہے جو مغربی بنگال جانے کے لیے ٹرین میں سوار تھا اسے ناسک اگت پوری سے پولس نے گرفتار کر لیا۔

اندھیری تیلی گلی سے شکایت کنندہ گزر رہی تھی اسی دوران ملزم نے ان سے زیورات دیکھنے کی غرض سے ۲۸ گرام سونے کی چن نکالی اور وہ اس چین کا معائنہ کررہا تھا, اسی دوران اس نے چین لے کر اس کے ساتھ دھوکہ دہی کی اور فرار ہو گیا۔ پولس نے اس معاملہ میں کیس درج کر لیا اور سی سی ٹی وی فوٹیج کا معائنہ شروع کیا۔ پولس نے ملزم کا سراغ موبائل لوکیشن سے نکال لیا اور اسے اگت پوری اسٹیشن سے زیر حراست لیا۔ ملزم کی شناخت منور انور عبدالحمید ۵۰ سال کے طور پر ہوئی ہے۔ ۲۰۲۴ دسمبر میں وہ جیل سے رہا ہوا تھا اس کے خلاف ممبئی و اطراف میں چوری کے ۶ معاملات درج ہیں, یہ ملزم جرائم پیشہ ہے اور اس سے تفتیش جاری ہے یہ کارروائی ممبئی پولس کمشنر اور ڈی سی پی کی سربراہی میں حل کر لیا گیا ہے۔

بیجنگ : چین بھارت کے خلاف مسلسل جنگ کی تیاری کر رہا ہے۔ ایک طرف چین تعلقات کو معمول پر لانے کی بات کر رہا ہے تو دوسری طرف بھارت کے خلاف اپنی عسکری تیاریوں میں تیزی سے اضافہ کر رہا ہے۔ چین کی تیاریوں سے ظاہر ہوتا ہے کہ وہ اگلے چند سالوں میں ایک بڑی جنگ کی منصوبہ بندی کر رہا ہے اور یہ جنگ یقینی نظر آتی ہے۔ ایک طرف چین لداخ کے حساس علاقے پینگونگ جھیل کے مشرقی کنارے پر اپنے فوجی انفراسٹرکچر کو تیزی سے بڑھا رہا ہے تو دوسری طرف اس نے بھارت کے شمال میں بہنے والے دریائے برہم پترا (جسے چین یارلنگ ژانگبو کہتا ہے) پر دنیا کے سب سے بڑے ہائیڈرو پاور پراجیکٹ کی بنیاد رکھ دی ہے۔ اس کا مطلب ہے کہ چین اس وقت ہندوستان کے خلاف دو حکمت عملیوں پر بہت تیزی سے کام کر رہا ہے۔ اس کا مقصد ایشیا میں جغرافیائی غلبہ حاصل کرنے کے ساتھ ساتھ ہندوستان کو گھیرنا ہے۔

اوپن سورس انٹیلی جنس او ایس آئی این ٹی نے سیٹلائٹ تصاویر کی بنیاد پر دعویٰ کیا ہے کہ “چین پینگونگ جھیل کے مشرقی کنارے پر ایک فوجی مقصد کے کمپلیکس کی تعمیر مکمل کرنے کے قریب ہے، جس میں گیراج، ایک ہائی وے اور اسٹوریج کی سہولیات شامل ہیں۔” او ایس آئی این ٹی کا دعویٰ ہے، سیٹلائٹ امیجز کی بنیاد پر، کہ “یہ سائٹ ایک چینی ریڈار کمپلیکس کے قریب واقع ہے اور اسے ایس اے ایم (زمین سے ہوائی میزائل) لانچ پیڈ یا ہتھیاروں سے متعلق دیگر سہولت کے طور پر تیار کیا جا سکتا ہے۔

سیٹلائٹ امیجز اور انٹیلی جنس ان پٹ کا حوالہ دیتے ہوئے، او ایس آئی این ٹی نے دعویٰ کیا ہے کہ چین پینگونگ جھیل کے مشرقی کنارے پر ملٹری سے متعلق کمپلیکس کو حتمی شکل دینے کے بہت قریب ہے۔ یہاں چین نے گہرے گیراج بنائے ہیں، جہاں بکتر بند گاڑیاں اور میزائل ٹرک رکھے جا سکتے ہیں۔ ہائی وے کا ڈھانچہ بنایا گیا ہے جسے ریڈار یا لانچنگ پلیٹ فارم کے طور پر استعمال کیا جا سکتا ہے اور ایک محفوظ اسٹوریج ایریا بھی بنایا گیا ہے جہاں اسٹریٹجک ہتھیاروں کو چھپایا جا سکتا ہے۔ ماہرین کا خیال ہے کہ چین جلد ہی اس جگہ کو ایس اے ایم (زمین سے ہوائی میزائل) یا دیگر ہتھیاروں کی تعیناتی کے لیے تیار کر رہا ہے۔ چین کی بنیادی ڈھانچے کی ترقی بھارت کے لیے ایک بڑا اسٹریٹجک خطرہ بن سکتی ہے۔ اگر چین یہاں سے فضائی حدود کی نگرانی اور حملہ کرنے کی صلاحیت تیار کرتا ہے تو اس سے ہندوستان کی فضائیہ کی تزویراتی آزادی متاثر ہو سکتی ہے۔

دوسری جانب 19 جولائی کو چینی وزیر اعظم لی کی چیانگ نے سرکاری طور پر میڈوگ ہائیڈرو پاور اسٹیشن کا سنگ بنیاد رکھا جو تھری گورجز ڈیم سے تین گنا زیادہ بجلی پیدا کرنے کی صلاحیت رکھتا ہے۔ اس کی تخمینہ لاگت 167 بلین ڈالر ہے اور یہ ڈیم اگلے دس سالوں میں مکمل ہو جائے گا۔ اگرچہ چین اسے توانائی کے تحفظ اور علاقائی ترقی کے حوالے سے ایک اہم منصوبے کے طور پر پیش کرنے کی کوشش کر رہا ہے لیکن ماہرین اسے واضح طور پر بھارت کے خلاف چین کی حکمت عملی تصور کر رہے ہیں۔ چینی سوشل میڈیا پلیٹ فارم پر ایک چینی صارف نے لکھا، “امن میں، یہ پاور پراجیکٹ ہے، لیکن جنگ میں؟… میں کچھ نہیں کہوں گا، براہ کرم سمجھیں۔” آپ کو بتاتے چلیں کہ یہ ڈیم اروناچل پردیش سے متصل علاقے میں بنایا جا رہا ہے اور وہاں سے ایک سرنگ نما سڑک ہندوستانی سرحد کے بالکل قریب آتی ہے۔ اس سے ہندوستان کی شمال مشرقی سرحدوں پر خطرہ بہت بڑھ جاتا ہے۔ بھارت کی تشویش کی ایک بڑی وجہ یہ ہے کہ چین نے ابھی تک برہم پترا پر ہائیڈرولوجیکل ڈیٹا شیئرنگ کے کسی معاہدے پر دستخط نہیں کیے ہیں جس کی وجہ سے پانی کے بہاؤ کی معلومات دستیاب نہیں ہیں اور سیلاب کا خطرہ بڑھ جاتا ہے۔

ممبئی مہاراشٹر قانون ساز اسمبلی میں بی جے پی لیڈر رکن اسمبلی گوپی چندر پڈالکر اور جتیندر آہواڑ کے کارکنان کے مابین شدید تصادم کے بعد پولس نے معاملہ درج کر کے دو افراد کو گرفتار کرنے کا دعویٰ کیا ہے۔ ممبئی کی مرین ڈرائیو پولس نے اس معاملہ میں تفتیش بھی شروع کر دی ہے اس سلسلے میں ودھان بھون کے سیکورٹی اہلکار نے شکایت درج کروائی ہے پولس نے یہ معاملہ
دفعات 189(a),189(1),189(2), 190,191(2),194(2),195(1),195(2),352,189(1)(b)(I.C.S)20
‎کے میرین ڈرائیو پولیس اسٹیشن درج کیا ہے۔ ودھان بھون کے احاطہ میں غیر قانونی طریقے سے مجمع کر کے ملزمین نے ایک دوسرے کو پہلے رکیل گالیاں دی اور اس کے بعد دست و گریباں ہو گئے۔ پولس نے ملزمین کے خلاف کیس درج کیا ہے, جس میں ‎ سرجیراؤ ببن ٹکلے ‎(گوپی چند پڈالکر کے کارکن) نتن ہندو راؤ دیشمکھ جتیندر اوہاد کے کارکنان ملوث پائے گئے پولس نے ۷ نامعلوم افراد کے خلاف کیس درج کر لیا ہے, جس میں دو کو گرفتار کیا گیا ہے۔ جتیندرآہواڑ نے اس واقعہ کے بعد نصف شب تک ودھان بھون میں اپنے کارکن کی رہائی کے لیے احتجاج بھی کیا, لیکن پولس نے کارکن کو گرفتار کر کے پولیس وین بھی بھر دیا اور جتیندر آہواڑ نے پولس کی گاڑی روکنے کی کوشش کی, جس کے بعد جتیندر آہواڑ اور ان کے کارکنان کو ودھان بھون کے گیٹ سے ہٹایا گیا جتیندر آہواڑ نے کہا کہ پولس بی جے پی کارکنان کو بچا رہی ہے, ہمارے کارکنان کی کوئی غلطی نہیں تھی۔ اس کے باوجود یکطرفہ کارروائی کی جارہی ہے۔ انہوں نے کہا کہ ہم جمہوری طریقے سے لڑائی جاری رکھیں گے۔ جتیندر آہواڑ کی حمایت میں این سی پی لیڈر روہیت پوار بھی پہنچ گئے اور روہیت پوار و جتیندرآہواڑ بعدازاں پولس اسٹیشن بھی گئے جہاں رکن اسمبلی سے بدتمیزی کا الزام پولس افسر پر عائد کیا گیا۔ جتیندر آہواڑ نے بتایا کہ اسپیکر نے کہا تھا کہ اسمبلی کا کام کاج ختم ہونے پر کارکنان کو چھوڑ دیا جائے گا, لیکن انہیں زیر حراست لے کر پولس لے گئی ہے۔ یہ غلط ہے اسپیکر کی زبان کی کوئی اہمیت نہیں ہے۔ یہ جمہوریت کی مندر ہے اور اس لئے اس کی قدر ہونی چاہیے۔ اس کے بعد کارکنان نے نعرہ بازی بھی شروع کر دی, سرکار ہم سے ڈرتی ہے پولس کو آگے کرتی ہے پولس اس معاملہ کی تفتیش کر رہی ہے۔