ممبئی پریس خصوصی خبر
ٹرین حادثہ : سی ایس ٹی جانے والی ٹرین سے گرنے کے سبب 5 مسافروں کی موت، وزیراعلی فڑنویس کی تعزیت، ریلوے محکمہ انکوائری کریگا

ممبئی : کسارہ ممبرا سے سی ایس ٹی کی جانب رواں دواں ایک فاسٹ لوکل ٹرین میں 10 مسافر اس وقت ایکسپریس ٹرین کی زد میں آگئے, جب دونوں ٹرینیں آس پاس سے گزر رہی تھیں۔ یہ حادثہ ممبرا میں 9 بجکر 25 منٹ کو پیش آیا, اس حادثہ میں تقریبا 5 مسافروں کی موت واقع ہوگئی۔ یہ مسافر ٹرین سے نیچے گر گئے تھے, اس میں ایک کی جائے وقوع پر ہی موت واقع ہوگئی, کل 13 مسافر زخمی ہوئے تھے۔ اس حادثہ میں 2017 بیچ کے جی آر پی کے اہلکار وکی مکھلدار کی ممبرا میں حادثہ میں موت واقع ہوگئی۔ ذرائع سے ملی اطلاع کے مطابق پسپک ایکسپریس ایک مسافر بیک لے کر گیٹ پر لٹک کر سفر کر رہا تھا, جو ہوا میں اچھلنے کی وجہ سے لوکل ٹرین کے گیٹ پر کھڑے مسافروں سے ٹکرا گیا اور لوکل ٹرین کے مسافروں کا توازن بگڑ گیا, جس کے سبب اس حادثہ میں 9 افراد شدید طور سے زخمی ہوگئے, اور پانچ مسافروں کی موت ہوئی ہے۔
مہاراشٹر کے وزیر اعلی ممبرا دیوا لوکل اسٹیشن کے دوران حادثہ پر تعزیت ظاہر کی ہے۔ انہوں نے کہا کہ یہ حادثہ انتہائی افسوسناک ہے, اس حادثہ میں ہلاک مہلوکین کے ورثا سے ہماری ہمدردری ہے۔ انہوں نے کہا کہ زخمیوں کو تھانہ کے شیواجی اسپتال لیجایا گیا اور یہاں ان کا علاج جاری ہے۔ دیویندر فڑنویس نے کہا کہ حادثہ کیسے پیش آیا اس کی تفتیش محکمہ ریلوے کریگا۔
ممبئی پریس خصوصی خبر
ممبئی سڑکوں کے لئے گڑھے بھرنے کیلئے بی ایم سی کی پہل، پتھول کوئیک فکس ایپ تیار، گڑھوں کی شکایت اب سوشل میڈیا پر ممکن

ممبئی میں شدید اور موسلا دھار بارش کی وجہ سے سڑکوں گڑھوں کی مرمت کو تیز رفتاری سے پر کرنے کے لیے ممبئی میونسپل کارپوریشن نے ’پتھول کوئیک فکس‘ (گڑھے فورا سے پیشتر) موبائل ایپ اور واٹس ایپ چیٹ بوٹ (8999228999) سروس شروع کی ہے۔ ’پتھول کوئیک فکس‘ موبائل ایپ شہریوں کے لیے 9 جون 2025 سے کام کر رہی ہے۔ گڑھوں کی مرمت کے عمل میں شہریوں کی شرکت بڑھانے اور گڑھوں کی شکایات درج کرانے کے عمل کو آسان بنانے کے لیے خصوصی توجہ دی گئی ہے۔ درخواست کو کھولنے کے بعد، کامیابی سے شکایت درج کرانے کا عمل 5 کلکس سے بھی کم وقت میں دستیاب کرایا گیا ہے۔
یہ ایپ اینڈرائیڈ اور آئی او ایس دونوں پلیٹ فارمز پر دستیاب ہے۔ ‘Pothole QuickFix’ ایک صارف دوست موبائل ایپ ہے۔ اس ایپ کے ذریعے شہریوں کو گڑھوں کی تصویر، مقام اور معلومات اپ لوڈ کر کے شکایت درج کرانے کی آسان اور تیز سہولت میسر آئی ہے۔ موبائل ایپ کے ذریعے کی گئی شکایت براہ راست متعلقہ محکمے تک پہنچتی ہے اور گڑھوں کی مرمت کا عمل فوراً شروع ہوجاتا ہے۔ اس ایپ کو میونسپل کمشنر اور منتظم بھوشن گگرانی نے 9 جون 2025 سے شروع کیا ہے۔
ممبئی میونسپل کارپوریشن کمشنر اور منتظم بھوشن گگرانی، روڈز اینڈ ٹرانسپورٹ ڈپارٹمنٹ نے بڑے پیمانے پر سڑکوں کے ترقیاتی کام شروع کیے ہیں۔ اسی طرح مانسون کے دوران سڑکوں پر پائے جانے والے گڑھوں کو بھرنے/سڑکوں کی مرمت کا بھی منصوبہ بنایا گیا ہے۔ سڑکوں کے ساتھ ساتھ مرمت کے قابل سڑکوں پر پائے جانے والے گڑھوں کے لیے میونسپل کارپوریشن کے انفارمیشن ٹیکنالوجی (آئی ٹی) ڈپارٹمنٹ نے ’پتھول کوئیک فکس‘ نامی ایپ تیار کی ہے۔ یہ ایپ شہریوں کو ایک آسان اور آسان ڈیجیٹل آپشن فراہم کرتی ہے، جس میں گڑھے کی تصویر، مقام اور تفصیل اپ لوڈ کر کے فوری طور پر شکایت درج کرائی جا سکتی ہے۔ رجسٹرڈ شکایت متعلقہ محکمے کے دفتر میں خود بخود پہنچ جاتی ہے, جس کی وجہ سے میونسپل کارپوریشن کے انجینئر فوری کارروائی کرسکتے ہیں۔ یہ ایپ مقام کے لحاظ سے شکایت کے اندراج، تصویر اور مقام کی ٹیگنگ، شکایت کی حیثیت کا پتہ لگانے، مرمت کے متوقع وقت اور کام مکمل ہونے کے بعد رائے دینے کی سہولیات فراہم کرتی ہے۔
یہ ایپ اینڈرائیڈ اور آئی او ایس دونوں پلیٹ فارمز پر دستیاب ہے۔ یہ اقدام سڑک کی حفاظت کے لیے شہریوں اور میونسپل مشینری کے درمیان رابطے کو آسان بنانے میں اہم کردار ادا کرے گا۔
ممبئی پریس خصوصی خبر
این سی پی لیڈر بابا صدیقی قتل ماسٹر مائنڈ ذیشان اختر کینڈا میں گرفتار، ممبئی کرائم برانچ کی تفتیش میں مزید پیش رفت کی امید، اب تک 26 ملزمین گرفتار

ممبئی : این سی پی کے سنیئر لیڈر بابا صدیقی قتل کیس میں اہم اور ماسٹر مائنڈ ذیشان اختر کی کینڈا میں گرفتاری کی ممبئی کرائم برانچ ذرائع نے تصدیق کی ہے اور اس کی حوالگی کی بھی تیاری شروع کر دی ہے۔ ذیشان اختر وہی ملزم ہے جس نے قتل کی سازش کو انجام دیا تھا اور شوٹروں کے رابطے میں تھا, اس معاملہ میں ممبئی کرائم برانچ نے کل 26 ملزمین کو گرفتار کیا ہے, ان کے خلاف مکوکا کے تحت چارج شیٹ بھی داخل کر دی گئی ہے۔ ذیشان اختر شوبھم لونکر کے رابطے میں تھا اور اس نے ہی انمول بشنوئی سے بھی رابطہ رکھا تھا۔
ذیشان پر شوٹروں کو معاونت دینے کا بھی الزام ہے ذیشان نے اس سے قبل پاکستان میں گینگسٹر شہزاد بھٹی کے ساتھ پناہ لینے کا دعوی کیا تھا, لیکن تفتیشی ایجنسی کا دعوی ہے کہ اس نے یہ دعوی کرائم برانچ اور تفتیشی انجنسیوں کو گمراہ کر نے کیلئے کیا تھا, جبکہ وہ نیپال کے راستہ سے فرضی پاسپورٹ کے معرفت کینڈا گیا تھا اور کینڈا میں فرضی پاسپورٹ کے معاملہ میں اس کی گرفتاری عمل میں لائی گی ہے, ذیشان کیلئے انٹرپول نے ریڈ کارنر نوٹس بھی جاری کیا تھا, اس کے ساتھ ہی اس کی تلاش بھی جاری تھی اس معاملہ میں ایک اہم ملزم شوبھم لونکر ہنوز فرار ہے۔
بابا صدیقی کے قتل کی ذمہ داری لارنش بشنوئی گینگ نے قبول کی تھی اور انمول بشنوئی نے ہی اس کی منصوبہ بندی تیار کی تھی اور ذیشان اس کے رابطے میں تھا۔ ممبئی کرائم برانچ نے اس معاملہ میں جن 26 ملزمین کو گرفتار کیا ہے, ان میں سے کئی نے اس معاملہ میں اہم انکشافات کئے ہیں جبکہ کرائم برانچ کو اس معاملہ میں ذیشان کی گرفتاری کے بعد ایک بڑی کامیابی ملی ہے, اور اب بابا صدیقی قتل کیس میں مزید پیش رفت یقینی ہے۔
بابا صدیقی قتل کے بعد یہ سنسنی خیز انکشاف ہوا تھا کہ بابا صدیقی فلم اداکار سلمان خان کے قریبی اور معتمد خاص ہے اس لئے انہیں لارنس بشنوئی نے نشانہ بنایا تھا اس کے ساتھ ہی بابا صدیقی کے فرزند ذیشان صدیقی کو متعدد مرتبہ دھمکیاں موصول ہوچکی ہے اس کے ساتھ ہی پولیس نے ذیشان صدیقی کی سیکورٹی میں بھی اضافہ کر دیا ہے۔ ذیشان اختر کی گرفتاری کے بعد اب ممبئی کرائم برانچ کو مزید اہم تفصیلات ملنے کی امید ہے۔ ذیشان اختر کا اصل نام یسین اختر عرف جسی بھی ہے۔ قتل کی واردات کو انجام دینے کے بعد ذیشان نے نیپال میں کتنے دنوں تک قیام کیا اور وہ کس کس کے رابطے میں تھا یہ بھی تفتیش کا اہم پہلو ہے۔ کرائم برانچ نے ذیشان کی حوالگی کیلئے دستاویزات تیار کر نے شروع کردئیے ہیں اور جلد ہی ممبئی کرائم برانچ ذیشان کو ممبئی لائیگی۔
جرم
ماٹونگا طلائی زنجیر اچکنے والے دو گرفتار

ممبئی : ممبئی ماٹونگا پولیس اسٹیشن کی حدود میں 18 مئی کو شکایت کنندہ خاتون تلک بریج فٹ پاتھ دادر ٹی ٹی سے پیدل گزر رہی تھی کہ اچانک ایک نامعلوم اچکے نے پیچھے سے آکر اس کے گلے میں موجود منگل سوتر اچک لیا۔ اس معاملہ میں پولیس نے کیس درج کر لیا۔ اس معاملہ میں تفتیش کی گئی تو سلیم متین عید عرف موجیش 44 سالہ رنگ ریز ماہم کپڑا بازار کا ساکن، اکبر احمد سید 45 سالہ آر سی ماہم جھوپڑپٹی ماہم نے یہ چوری کی ہے, اس پر پولیس نے ان دونوں کو گرفتار کر لیا ہے۔ اس معاملہ میں چوری کا مسروقہ مال بھی برآمد کرنے کا دعوی پولیس نے کیا ہے۔ یہ کارروائی ممبئی پولیس کمشنر دیوین بھارتی، جوائنٹ پولیس کمشنر نظم ونسق ستیہ نارائن چودھری، ڈی سی پی راگسودھا ماٹونگا کے سنیئر انسپکٹرراجندر پوار نے انجام دی ہے۔
-
سیاست8 months ago
اجیت پوار کو بڑا جھٹکا دے سکتے ہیں شرد پوار، انتخابی نشان گھڑی کے استعمال پر پابندی کا مطالبہ، سپریم کورٹ میں 24 اکتوبر کو سماعت
-
ممبئی پریس خصوصی خبر6 years ago
محمدیہ ینگ بوائزہائی اسکول وجونیئرکالج آف سائنس دھولیہ کے پرنسپل پر5000 روپئے کا جرمانہ عائد
-
سیاست5 years ago
ابوعاصم اعظمی کے بیٹے فرحان بھی ادھو ٹھاکرے کے ساتھ جائیں گے ایودھیا، کہا وہ بنائیں گے مندر اور ہم بابری مسجد
-
جرم5 years ago
مالیگاؤں میں زہریلے سدرشن نیوز چینل کے خلاف ایف آئی آر درج
-
جرم5 years ago
شرجیل امام کی حمایت میں نعرے بازی، اُروشی چوڑاوالا پر بغاوت کا مقدمہ درج
-
خصوصی5 years ago
ریاست میں اسکولیں دیوالی کے بعد شروع ہوں گے:وزیر تعلیم ورشا گائیکواڑ
-
جرم5 years ago
بھیونڈی کے مسلم نوجوان کے ناجائز تعلقات کی بھینٹ چڑھنے سے بچ گئی کلمب گاؤں کی بیٹی
-
قومی خبریں6 years ago
عبدالسمیع کوان کی اعلی قومی وبین الاقوامی صحافتی خدمات کے پیش نظر پی ایچ ڈی کی ڈگری سے نوازا