ممبئی : ممبئی مہاراشٹر آئی پی ایس افسران کے بڑے پیمانے پر تبادلے کئے گئے وزارت داخلہ نے امراؤتی کے پولس کمشنر نوین چند ریڈی کا تبادلہ ناگپور کے جوائنٹ پولس کمشنر کے طور پر کیا ہے, جبکہ جوائنٹ پولس کمشنر ناگپور نثار تنبولی کو یہاں پر ناگپور ریزرو پولیس فورس میں منتقل کیا گیا ہے۔ ریلوے کمشنر رویندر ششوے کو تبادلہ جوائنٹ پولس کمشنر محکمہ خفیہ میں کیا گیا ہے۔ سپریا پاٹل کو ڈیپوٹیشن سے مہاراشٹر میں اسپیشل آئی جی انتظامیہ کے طور پر مقرر کیا گیا۔ راجیو جین کو ریزرو فورس سے اسپیشل آئی جی سمندری تحفظ مقرر کیا گیا۔ ابھیشیک تریمکھے کو ممبئی نارتھ زون سے اسپیشل آئی جی انتطامیہ مقرر کیا گیا ہے۔ یہ حکمنامہ وزارت داخلہ نے جاری کیا ہے اور اس حکمنامہ کے مطابق اب تمام افسران کا تبادلہ کیا گیا ہے۔

ممبئی : ممبئی ہندپاک سرحدی تنازع کے بعد اب ممبئی شہر میں ڈروان پیراگلائڈرس، پیرامورٹرس ریموٹ کنٹرول مائیکرولائٹ، ائیرکرافٹ ہائی ائیر بالون غبارے اور دیگر فلائنگ سرگرمی فضائی سرگرمیوں پر پابندی عائد کی گئی ہے۔ یہ حکمنامہ ممبئی پولس نے جاری کیا ہے۔ مذکورہ بالا حکمنامہ ممبئی پولس کے ڈی سی پی آپریشن اکبر پٹھان نے اپنی دستخط و مہر کے ساتھ جاری کیا ہے۔ اس کی تعمیل لازمی ہے, اگر کوئی اس کی خلاف ورزی کرتا ہے اس پر کارروائی ہوگی۔ ڈائریکٹر جنرل سول ایویشن ڈی جی سی اے نے ممبئی شہر میں ڈرون اور اس قسم کی تمام فضائی سرگرمیوں کو ریڈزون قرار دیا ہے, اس لئے ممبئی میں ڈراؤن اڑانے پر مکمل پابندی عائد کی گئی ہے۔ گزشتہ شب پوائی پولس اسٹیشن کی حدود میں غیر قانونی طریقے سے ڈرون اڑایا گیا تھا۔ اس بنیاد پر پولس نے ایک ۲۳ سالہ نوجوان کے خلاف کارروائی کی ہے, اور عوام سے اپیل کی ہیکہ وہ اس حکمنامہ کی تعمیل کرے, اگر کوئی اس کی خلاف ورزی کرتا ہے تو اس پر کارروائی ہوگی۔ اس لئے عوام سے بھی گزارش کی گئی ہے کہ وہ تعاون کرے, اور پولس اسٹیشن کی حدود میں کوئی ڈرون یا فضائی سرگرمی نظر آتی ہے, تو اس کی اطلاع پولس کو دے یا بھی کنٹرول روم سے رابطہ کرے, یہ اطلاع آج یہاں ڈی سی پی اکبر پٹھان نے دی ہے۔

ممبئی : مہاراشٹر بی جے پی کے تنظیمی انتخابات کو رفتار دیتے ہوئے ممبئی سمیت 58 ضلعی صدور کا اعلان کیا گیا ہے۔ بی جے پی نے ناگپور شہر کی ذمہ داری دیاشنکر تیواری کو سونپی ہے۔ اسی طرح پارٹی نے میرا بھیندر میں پارٹی کی کمان دلیپ جین کو دی ہے۔ پارٹی نے نندو پراب کو کلیان میں صدر اور راجیش وڈھریا کو اُلس نگر میں صدر مقرر کیا ہے۔ پونے شہر میں ضلع صدر کا عہدہ دھیرج گھٹے کو دیا گیا ہے۔ مہاراشٹر میں، ریاستی صدر کا عہدہ فی الحال وزیر محصول چندر شیکھر باونکولے کے پاس ہے۔ پارٹی نے سابق وزیر رویندر چوان کو ورکنگ صدر بنایا ہے۔ انہیں باونکولے کے جانشین کے طور پر دیکھا جا رہا ہے۔ مہاراشٹر بی جے پی کے 58 ضلعی صدور کی فہرست دیکھیں۔

ضلع صدور کے اعلان کے بعد اب ممبئی صدر کو لے کر بحث شروع ہو گئی ہے کیونکہ ریاستی صدر باونکولے کی طرح آشیش شیلار بھی اب وزیر ہیں۔ ایسی صورت حال میں ایک شخص ایک عہدے کی بنیاد پر کمان کسی نئے شخص کو سونپ دی جائے گی۔ ایسے میں جب مستقبل میں بی ایم سی کے انتخابات ہونے والے ہیں، ممبئی ریاستی صدر کے انتخاب کو بہت اہم قرار دیا جا رہا ہے۔ آشیش شیلار، جو ایک سیاست دان اور کرکٹ ایڈمنسٹریٹر کے طور پر سرگرم ہیں، اگست 2022 میں ممبئی بی جے پی کے صدر بنے۔ آشیش شیلر نے پھر منگل پربھات لودھا کی جگہ لی۔ منگل پربھات لودھا بھی مہایوتی 2.0 حکومت میں وزیر ہیں۔

کانگریس میں ممبئی ریاستی صدر کی کمان ڈاکٹر ورشا گائیکواڑ کے ہاتھ میں ہے۔ پارٹی نے ابھی تک ورشا گائیکواڈ کو ہٹانے کا کوئی اشارہ نہیں دیا ہے۔ اب دیکھنا یہ ہے کہ بی ایم سی انتخابات سے قبل بی جے پی کیا اقدام کرتی ہے؟ سیاسی حلقوں میں یہ چرچا ہے کہ فڑنویس صدر کی ذمہ داری سنجے اپادھیائے کو بھی دے سکتے ہیں۔ سنجے اپادھیائے ماضی میں ممبئی بی جے پی کے جنرل سکریٹری بھی رہ چکے ہیں۔ اس کے علاوہ امیت ستم، اتل بھاتکھلکر اور پیراگ الوانی کے نام زیر بحث ہیں۔ دیویندر فڑنویس کے وزیر اعلی بننے کے بعد، بی جے پی ممبئی میں اپنا میئر بنانے کی کوشش کر رہی ہے۔ بی جے پی نے اسمبلی انتخابات میں 132 سیٹیں جیتی تھیں۔