ممبئی، ڈی 2 سی گھر اور فرنشننگ برانڈ ویکفٹ انوویشنز کے حصص نے پیر کو اسٹاک مارکیٹ میں خاموشی سے قدم رکھا، جب اس کی 1,289 کروڑ روپے کی ابتدائی عوامی پیشکش (آئی پی او) کو سرمایہ کاروں کی درمیانی دلچسپی حاصل ہوئی۔ یہ اسٹاک نیشنل اسٹاک ایکسچینج (این ایس ای) پر 195 روپے فی شیئر پر درج کیا گیا تھا، جو کہ اس کی ایشو پرائس کے برابر تھا۔ بمبئی اسٹاک ایکسچینج (بی ایس ای) پر، یہ قدرے کم ہوکر 194.10 روپے پر کھلا۔ لسٹنگ کے بعد، اسٹاک فروخت کے دباؤ میں آگیا اور ابتدائی تجارت کے دوران 9 فیصد تک گر گیا۔ ویکفٹ کے مین بورڈ آئی پی او کو 8 دسمبر سے 10 دسمبر تک تین روزہ بولی کی مدت کے دوران مجموعی طور پر 2.52 بار سبسکرائب کیا گیا۔ کوالیفائیڈ انسٹی ٹیوشنل خریدار (کیو آئی بی) سیگمنٹ کو 3.04 بار سبسکرائب کیا گیا، جب کہ غیر ادارہ جاتی سرمایہ کاروں کے زمرے کو مکمل طور پر سبسکرائب کیا گیا۔ خوردہ سرمایہ کاروں نے زبردست دلچسپی ظاہر کی، ان کا حصہ 3.17 گنا بک ہوا۔ لسٹنگ سے پہلے، اسٹاک تقریباً 5 روپے فی حصص کے گرے مارکیٹ پریمیم پر ٹریڈ کر رہا تھا – جو کہ تقریباً 3 فیصد کے ممکنہ لسٹنگ فائدہ کی نشاندہی کرتا ہے۔

تاہم، اصل فہرست سازی توقعات کو پورا کرنے میں ناکام رہی، اس بات کو نمایاں کرتے ہوئے کہ گرے مارکیٹ کے رجحانات صرف اشارے ہیں اور تیزی سے تبدیل ہو سکتے ہیں۔ مارکیٹ ماہرین نے کہا کہ سرمایہ کار کسی بھی تیزی سے فائدہ کی صورت میں منافع بک کرنے پر غور کر سکتے ہیں۔ آئی پی او کھلنے سے پہلے، ویکفٹ نے اینکر سرمایہ کاروں سے 580 کروڑ روپے اکٹھے کیے تھے۔ کمپنی نے اشوکا وائٹوک، ایچ ڈی ایف سی لائف، پرڈینشل ہانگ کانگ، ایچ ڈی ایف سی میوچل فنڈ اور ایکسس میوچل فنڈ سمیت کئی معروف ادارہ جاتی سرمایہ کاروں کی شرکت دیکھی۔ نومبر میں، کمپنی نے ڈی ایس پی انڈیا فنڈ اور 360 ون ایکویٹی مواقع فنڈ سے پری آئی پی او راؤنڈ میں 56 کروڑ روپے بھی اکٹھے کیے تھے۔ آئی پی او میں 377.18 کروڑ روپے کے حصص کا تازہ شمارہ اور تقریباً 912 کروڑ روپے کی مالیت کے 4.67 کروڑ حصص کا آفر برائے فروخت (او ایف ایس) شامل تھا، جس سے کل ایشو کا حجم 1,289 کروڑ روپے ہو گیا۔ ویکفٹ تازہ شمارے کے ذریعے جمع کیے گئے فنڈز کو اپنے کاروبار کو بڑھانے کے لیے استعمال کرنے کا ارادہ رکھتا ہے۔ کمپنی 117 نئے کمپنی کی ملکیت والے اور کمپنی سے چلنے والے اسٹورز کھولنے، نئے آلات اور مشینری کی خریداری، موجودہ اسٹورز کے لیز سے متعلق اخراجات اور مارکیٹنگ، اشتہارات اور عام کارپوریٹ مقاصد پر خرچ کرنے میں سرمایہ کاری کرے گی۔

ممبئی : مہاراشٹر سماجوادی پارٹی لیڈر اور رکن اسمبلی ابوعاصم اعظمی نے ناگپور سرمائی اجلاس میں بنگلہ دیشیوں اور روہنگیا کے دراندازی کے نام پر مغربی بنگال کے باشندوں کو ممبئی اور مہاراشٹر میں ہراسائی پر پابندی عائد کرنے کا مطالبہ کیا ہے۔ انہوں نے کہا کہ غیر قانونی بنگلہ دیشی کے آڑ میں بنگالی زبان بولنے والوں کو پولس ہراساں کررہی ہے اس سے قبل بھی مغربی بنگال میں باہری اور دیگر ریاستوں کے باشندوں کے خلاف مہم جاری تھی جس کے سبب اس ریاست کو کافی نقصان ہوا ہے ممبئی میں مغربی بنگال کے باشندے گھریلو ملازمہ سمیت دیگر شعبہ میں مزدوری کرتے ہیں لیکن پولس کی کارروائی سے ان میں بھی خوف وہراس ہے انہوں نے کہا کہ کئی افراد کے آدھار کارڈ پین کارڈ اور دیگر دستاویزات بھی ہے اس کے باوجود انہیں ہراساں کیا جاتا ہے۔ ممبئی کے کئی مسلم اکثریتی علاقوں میں بنگلہ دیشی کے نام پر لوگوں کو ہراساں کیا جارہا ہے سر نیم دیکھ کر کارروائی کی جارہی ہے اور ان علاقوں کو نشانہ بنایا جارہا ہے جو مسلم اکثریتی علاقے ہیں ۔ اعظمی نے کہا کہ سلوڑ میں ماہ اکتوبر جانور کے بیوپاری کو تشدد کا نشانہ بنایا گیا ہے جو لوگ گائے بیل فروخت کرتے ہیں ان پر پابندی عائد کی جانی چاہئے جو لوگ اور فرقہ پرست بیل اور گائے کے نام پر گاڑیوں کو لوٹتے ہیں اور تشدد کا نشانہ بناتے ہیں ان پر کارروائی ہونی چاہئے۔ یہ سراسر غلط ہے ممنوعہ جانور سرکلر جاری ہونے کے بعد فروخت کرنے والا جرم کا شریک ہے اس پر بھی کارروائی ہونی چاہئے۔ اعظمی نے ایوان میں بتایا کہ پونہ میں ایک شرابی نے شیواجی مہاراج کی شان میں گستاخی کی تھی جس کے بعد اس کے خلاف اشتعال انگیزی ویڈیو وائرل کرکے بھیڑ کو جمع کیا گیا ایک ہزار سے پندرہ سو کا مجمع جمع ہو گیا اور ۸۰ سے ۸۵ کو گرفتار کیا گیا چار ایف آئی آر درج کیا گیا ایسے میں نفرتی ایجنڈہ پھیلانے والوں پر کارروائی ضروری ہے جبکہ پولس نے بروقت کارروائی کرتے ہوئے شرابی کا جیل بھیج دیا تھا لیکن اس کےباوجود ماحول خراب کیا گیا اعظمی نے ایوان کو بتایا کہ مالیگاؤں میں ایک ۴ سالہ بچی کے ساتھ جنسی استحصال پر سخت کارروائی کرتے ہوئے خاطی کو پھانسی دی جائے اور اس کیس کا فیصلہ فاسٹ ٹریک کورٹ کرے۔

ممبئی پولس نے پیٹرول چوری کرنے والی گینگ کو بے نقاب کرنے کا دعویٰ کیا ہے۔ ممبئی کے آر سی ایف پولیس اسٹیشن کی حدود میں ۱۴ نومبر کو رات ساڑھے تین بجے کے قریب بی پی سی ایل کمپنی کا پیٹرول چوری کرنے کی کوشش میں ملزمین کو گرفتار کیا گیاہے۔ ممبئی گڈکری روڈ سڑک پر زیر زمین ۱۸ انچ کی ممبئی منماڈ ملٹی پروڈیکٹ پائپ لائن سے ایندھن چوری کرنے کی کوشش کی شکایت درج کی گئی ۔ ٹیکنیکل تفتیش اور مخبر کی خبر پر ونود دیوچند پنڈت کو چمبور سے ۱۷ نومبر کو گرفتار کیا گیا تھا اور اس کی تفتیش میں انکشاف ہوا کہ اس ریکیٹ میں سرغنہ ریاض احمد ایوب ۵۹ سالہ ، سلیم محمد علی، ونود دیوچند پنڈت نے ایندھن چوری منصوبہ تیار کیا تھااس میں ملوث گوپال نارائن، محمد عرفان، ونائک ششی کانت ،احمد خان جمن خان، نشان جگدیش ، مصطفیٰ منظور، ناصر شوکت، امتیاز آصف سمیت ۱۳ ملزمین کو گرفتار کیا گیا ہے ان تمام ملزمین کو متعدد علاقوں سے گرفتار کیا گیا ہے۔ ممبئی نئی ممبئی اور اطراف سے ان کی گرفتاری عمل میں لائی گئی ہے۔ یہ کارروائی ممبئی پولس کمشنر دیوین بھارتی کی ایما پر ایڈیشنل کمشنر مہیش پاٹل اور ڈی سی پی سمیر شیخ نے انجام دی ہے۔