مہاراشٹر
ایم ایچ اے ڈی اے کی لاٹری بند، آدھی سے بھی کم درخواستیں آئیں، جانیں اصل وجہ کیا ہے؟
ممبئی: MHADA کی کونکن بورڈ لاٹری کے لیے درخواست کا عمل 10 مئی کو ختم ہو گیا ہے۔ کونکن بورڈ کی اس لاٹری کو اب تک سب سے کم رسپانس ملا ہے۔ اس سال صرف 48,919 درخواستیں موصول ہوئی ہیں۔ سال 2021 میں، MHADA کو لاٹری کے لیے ریکارڈ 2,46,650 درخواستیں موصول ہوئی تھیں۔ اس کے مقابلے اس بار بہت کم درخواستیں موصول ہوئی ہیں۔ اس کے پیچھے ایم ایچ اے ڈی اے کا نیا نظام بنیادی وجہ سمجھا جاتا ہے۔ MHADA کے مطابق، انتظامیہ کو اس سال MHADA کے 4,640 مکانات کے لیے صرف 59,058 درخواستیں موصول ہوئی ہیں، جن میں سے تقریباً 48,919 درخواست دہندگان نے رقم جمع کرائی ہے۔ یہ لوگ تمام طریقہ کار مکمل کر چکے ہیں۔ ان مکانات کی قرعہ اندازی 10 مئی کو ہوگی۔ سال 2021 میں کونکن بورڈ کو 8,984 مکانات کے لیے کل 2,46,650 درخواستیں موصول ہوئی تھیں۔ پھر ایک مکان کے لیے اوسطاً 27 درخواستیں آئیں۔ اس سال 2023 میں مکان کے لیے صرف 10 درخواستیں آئی ہیں۔
پچھلی لاٹری کو لے کر لوگوں کے جوش و خروش کا اندازہ اس بات سے لگایا جا سکتا ہے کہ پچھلی قرعہ اندازی کے دوران MHADA کو کچھ مقامات پر 40 مکانات کے لیے 5 ہزار سے زیادہ درخواستیں موصول ہوئی تھیں۔ سال 2023 میں کونکن بورڈ کی لاٹری میں تھانے، پالگھر، رائے گڑھ اور سندھ درگ کے مکانات کو بھی شامل کیا گیا ہے۔ سال 2021 کی لاٹری میں تھانے، کلیان، میرا روڈ، نوی ممبئی اور سندھورگ کے مکانات شامل تھے۔
MHADA کے ایک سینئر افسر کے مطابق سال 2023 میں MHADA انتظامیہ نے لاٹری کے عمل میں ایک بڑی تبدیلی کی ہے۔ لاٹری میں انسانی مداخلت کو مکمل طور پر روکنے پر زور دیا گیا ہے۔ قرعہ اندازی کے عمل کو مکمل طور پر آن لائن کرنے کے انتظامات کیے گئے ہیں۔ لاٹری سافٹ ویئر میں بھی بڑی تبدیلیاں آئی ہیں۔ تاہم، نئی ٹیکنالوجی درخواست دہندگان کے لیے ایک پریشانی بن گئی ہے۔
درخواست دہندگان سے انکم سرٹیفکیٹ، ڈومیسائل سرٹیفکیٹ، کاسٹ سرٹیفکیٹ اور دیگر دستاویزات آن لائن طلب کیے جا رہے ہیں۔ متعلقہ محکمہ درخواست دہندگان کے کاغذات کو بھی آن لائن چیک کر رہا ہے۔ تاہم آن لائن لاٹری کے بارے میں آگاہی نہ ہونے اور قرعہ اندازی سے قبل دستاویزات کی عدم تیاری کے باعث اس بار درخواستیں کم آئی ہیں۔
تھانے کے رہائشی رمیش کمار کے مطابق انہیں لاٹری کے قوانین میں تبدیلی کا علم نہیں تھا۔ وہ قرعہ اندازی کے عمل میں حصہ نہیں لے سکتا تھا کیونکہ درخواست کے وقت تمام دستاویزات تیار نہیں تھے۔
ایم ایچ اے ڈی اے کے نئے قوانین کے مطابق، ایک بار لاٹری کے لیے درخواست دہندہ کے ذریعے پروفائل بن جانے کے بعد، انہیں کسی اور لاٹری کے عمل میں حصہ لینے کے لیے دوبارہ پروفائل بنانے کی ضرورت نہیں ہوگی۔ درخواست دہندگان کو صرف جمع شدہ رقم جمع کر کے لاٹری کے عمل میں حصہ لینا ہوگا۔
ممبئی پریس خصوصی خبر
پوائی پولیس نے 10 سالہ لڑکا کو والدین کے سپرد کر دیا, پولیس کی انسانیت نوازی اور کاوشوں کی ستائش ڈی سی پی دتہ نلاوڑے

ممبئی : ممبئی پولیس نے 10 سالہ گمشدہ لڑکے کو ان کے والدین کے سپرد کر کے انسانیت کی مثال قائم کی ہے 2 ماہ سے غائب گمشدہ بچہ کو دلی سے تلاش کر نے کے بعد پولیس نے اس کی صحیح سلامت بازیابی کی اور پھر بچوں کو والدین کے سپرد کر دیا۔ ممبئی پولیس نے ایک بچے کو اپنی والدین سے دو ماہ بعد ملوایا پوائی پولیس اسٹیشن کی حدود میں 14 ستمبر 2026 ء کو تنگا گاؤں ساکی وہار روڈ دارالعلوم غریب نواز مدرسہ سنی رحمانیہ جامع مسجد سے 10 سالہ رہائشی تھانہ مدرسہ میں زیر تعلیم تھا وہ اچانک غائب ہوگیا ہے اس متعلق 15 ستمبر کو اس کے والد مختار شاہ نے شکایت درج رکوائی پولیس نے اس معاملہ میں شکایت درج کر کے تفتیش شروع کردی ہے معاملہ کی حساسیت کو سمجھتے ہوئے پولیس نے تنگا گاؤں سمیت اطراف کے علاقہ میں جوگیشوری وکرولی لنک روڈ اور مرکزی راستوں پر بیسٹ بس ڈپو اور سی سی ٹی وی فوٹیج کا معائنہ کیا پولیس نے گمشدہ بچے کی تلاش کیلئے اس کی رنگین تصاویر جاری کی اور پولیس اسٹیشنوں کے سپرد کر دی گئی اور وائرلیس پیغام بھی عام کیا گیا پولیس نے بچے کا اصل رہائشی مقام تھانہ آنند بھاسکر نگر کلوا میں اس کی تلاش ریلوے اسٹیشن بس اسٹینڈ مذہبی مقامات اور عوامی مقامات پر کی اور بچوں کی گمشدگی کا پمفلٹ بھی چسپاں کردیا ڈومبیولی علاقہ میں بچے کی خبر ملی اس کے بعد پولیس کو تفتیش کے دوران معلوم ہوا کہ بچہ محمد پور دلی میں ہے جس پر پولیس ٹیم نے مذکورہ مقام پر اس کے رشتہ داروں کے ہمراہ جاکر بچہ کو برآمد کر لیا 10 سالہ لڑکا صحیح سلامت ان کے والدین کے سپرد کر دیا اس معاملہ میں پولیس نے ممبئی اور تھانے کے 100 سے 150 سی سی ٹی وی فوٹیج کی جانچ کی ممبئی پولیس نے تمام پولیس اسٹیشنوں کو آگاہ کیا اور بالآخر دو ماہ بعد لڑکے کو صحیح سلامت بازیافت کر لیا گیا ہے اور پولیس نے اس کے والدین کو اس سپرد کر دیا ہے۔ یہ کارروائی ممبئی پولیس کمشنر دیوین بھارتی, جوائنٹ پولیس کمشنر نظم ونسق منوج کمار شرما,ڈی سی پی دتہ نلاوڑے کی ایما پر کی گئی۔
ممبئی پریس خصوصی خبر
کریٹ سومیا کی مسلمانوں کے خلاف زہر افشانی مراٹھی ممبئی کو مسلم ممبئی بنانے کی سازش کا الزام, حالات کشیدہ لیکن امن برقرار

ممبئی : ممبئی کے کرلا علاقہ میں فونکس مال کے قریب نوجوان جوڑے کی تصویر کشی کے دوران علاقہ کے کچھ بچوں نے ان کے ساتھ غنڈہ گردی کی جس کے بعد پولیس نے اس معاملہ میں 8 نابالغوں کے خلاف کیس درج کر لیا ہے اور انہیں زیر حراست لے کر چلڈرن ہوم بھی بھیج دیا گیا ہے اس واقعہ کے بعد علاقہ میں کشیدگی پھیل گئی جبکہ امن برقرار ہے لیکن اس معاملہ میں اب سیاست بھی شروع ہوگئی ہے اور بی جے پی لیڈر کریٹ سومیا نے بچوں کے اس عمل کو مسلم غنڈہ گردی قرار دے کر مراٹھی ممبئی کو مسلم ممبئی قرار دیا ہے انہوں نے کہا کہ مختلف علاقوں میں مسلمانوں کی غنڈہ گردی بڑھ گئی ہے کریٹ سومیا نے زہر افشانی کر تے ہوئے کہا کہ مانخورد گوونڈی کرلا ناگپاڑہ بہرام پاڑہ میں مسلمانوں کی دادگیری بڑھ گئی ہے سوربھ اپنی معشوقہ کے ساتھ یہاں مال میں شاپنگ کے غرض سے آیا تھا وہاں گارڈن میں مسلم بچوں نے اس کے ساتھ مارپیٹ کی ہے۔ کریٹ سومیا نے ہرزا سرائی کرتے ہوئے کہا کہ ممبئی میں اسلامی دہشت گردی کو فروغ دیا جارہا ہے جو ناقابل برداشت ہے اب ممبئی کو مراٹھی ممبئی کو مسلم ممبئی بنانے کی سازش جاری ہے۔ کریٹ سومیا نے اس معاملہ میں مذکورہ بالا گارڈن کا بھی معائنہ اور دورہ کیا ہے۔
ممبئی پریس خصوصی خبر
ممبئی ہائیکورٹ کا بڑا فیصلہ حاجی اسماعیل مسافر خانہ مسجد کے انہدامی کارروائی پر روک

ممبئی : ممبئی ہائیکورٹ نے ایک بڑا فیصلہ صادر کیا ہے مسافر خانہ حاجی اسماعیل حاجی حبیب مسجد کی انہدامی کارروائی پر عارضی پابندی اور روک لگائی ہے بی ایم سی اور متعلقہ سے جواب طلب کیا ہے مسافر خانہ مسجد پر انہدامی کارروائی کا تنازع شدت اختیار کرگیا تھا اس معاملہ میں آج بی ایم سی انتظامیہ نے کارروائی بھی شروع کی تھی بی ایم سی مسجد انہدام کی نوٹس جاری کی تھی مدعی عبدالرزاق کی عرضی پر فوری سماعت کرتے ہوئے ہائیکورٹ نے دریافت کیا کہ اس معاملہ میں اتنی عجلت کیوں ہے تو ان کے وکلا نے بتایا کہ چونکہ یہ معاملہ مسجد سے وابستہ ہے اور ہائیکورٹ نے اس معاملہ میں اسٹے اور کسی بھی کاروائی پر روک لگایا تھا لیکن کے باوجود بی ایم سی نے نوٹس جاری کی ہے یہ ملکیت فی الوقت وقف کی ملکیت نہیں اس معاملہ میں وقف ٹرینونل میں معاملہ زیر سماعت ہے سپریم کورٹ نے مسجد سے متعلق جو بھی احکامات دئیے ہیں اسے برقرار رکھنےکا حکم ممبئی ہائیکورٹ نے دیا ہے اس کے ساتھ ہی فریقین و متعلقین و بی ایم سی انتظامیہ ۲۵ نومبر تک جواب داخل کرنے کا حکم دیا ہے فی الوقت مسجد پر کاروائی موخر کردی گئی ہے اس کےاطرا ف داؤد ابراہیم کا یادگار پشتینی گھر کو منہدم کر کے ملبہ میں تبدیل کردیا گیا ہے اس سے قبل مسجد پر کارروائی کی مخالفت میں احتجاج بھی کیا گیا تھا نظم و نسق کے مسئلہ کے سبب ایک ہزار پولس فورس کو تعینات کیا گیا تھا۔
-
سیاست2 years agoاجیت پوار کو بڑا جھٹکا دے سکتے ہیں شرد پوار، انتخابی نشان گھڑی کے استعمال پر پابندی کا مطالبہ، سپریم کورٹ میں 24 اکتوبر کو سماعت
-
جرم7 years agoشرجیل امام کی حمایت میں نعرے بازی، اُروشی چوڑاوالا پر بغاوت کا مقدمہ درج
-
سیاست1 year agoمہاراشٹر سماجوادی پارٹی میں رئیــس شیخ کا پتا کٹا، یوسف ابراہنی نے لی جگہ
-
ممبئی پریس خصوصی خبر7 years agoمحمدیہ ینگ بوائزہائی اسکول وجونیئرکالج آف سائنس دھولیہ کے پرنسپل پر5000 روپئے کا جرمانہ عائد
-
جرم6 years agoمالیگاؤں میں زہریلے سدرشن نیوز چینل کے خلاف ایف آئی آر درج
-
(جنرل (عام1 year agoمالیگاؤں دھماکہ کیس میں سادھوی پرگیہ ٹھاکر اور کرنل پروہت سمیت تمام 7 ملزمین بری، فیصلے کے بعد بی جے پی نے کانگریس کے خلاف کھول دیا محاذ
-
بین الاقوامی خبریں1 year agoچینی وزیر خارجہ وانگ یی 18-19 اگست 2025 کو آ رہے ہندوستان، ایس جے شنکر اور اجیت ڈوبھال سے ان مسائل پر ہوگی بات چیت
-
سیاست1 year agoملک میں سیاسی ماحول گرم ہو گیا ہے… الیکشن کمیشن کل کی پریس کانفرنس میں راہول گاندھی کے ووٹ چوری کے الزامات کا جواب دے سکتا ہے۔
