ممبئی : ممبئی پولیس اور کرائم برانچ کے طریقہ تفتیش سے بابا صدیقی کے فرزند اور این سی پی لیڈر ذیشان صدیقی ناراض ہے. آج ممبئی پولیس ہیڈکوارٹر میں ذیشان صدیقی نے ڈی سی پی ڈٹیکشن راج تلک روشن سے ملاقات کی, جس میں انہوں نے بابا صدیقی قتل کیس سے متعلق پیش رفت سے متعلق دریافت کیا اور گینگسٹر لارنس بشنوئی کے بھائی انمول بشنوئی کی حوالگی سے متعلق بھی کرائم برانچ سے تفصیل جاننے کی کوشش کی, لیکن کرائم برانچ نے انہیں بشنوئی کی حوالگی سے متعلق تفصیلات بتانے سے صاف انکار کر دیا اور کہا کہ اس سے کیس متاثر ہوگا. ذیشان صدیقی نے کہا کہ انہیں ملاقات کیلئے 12 بجے کا وقت دیا گیا تھا, لیکن ڈیڑھ گھنٹے بعد ڈی سی پی سے ملاقات ممکن ہوسکی ہے. اس دوران ڈی سی پی اس مسئلہ پر سنجیدہ نظر نہیں آئے۔

ذیشان صدیقی نے سنگین الزام عائد کیا ہے کہ اب تک کرائم برانچ نے اس معاملہ کی تفتیش مکمل کرنے کا دعوی تو کیا ہے, لیکن شبھم لونکر، انمول بشنوئی اور اس معاملہ میں ملوث ماسٹر مائنڈ مفرور ہے اور قتل کا مقصد معلوم نہیں ہوسکا ہے, جبکہ کرائم برانچ نے اب تک اس معاملہ میں شوٹر سمیت دیگر کو گرفتار کر لیا ہے۔ ذیشان صدیقی نے کہا ہے کہ جب ہم نے انمول بشنوئی کی حوالگی پر تفصیل میٹنگ میں طلب کی تو پولیس نے کہا کہ آپ کو انمول بشنوئی سے متعلق تفصیل بتاتے سے انمول بشنوئی الرٹ ہوجائے گا. اگر مجھے تفصیل بتانے سے انمول بشنوئی الرٹ ہو جائے گا یہ کیسے ممکن ہے, کیا انہوں نے مذاق کے طور پر کہا یا پھر اس پیچھے کوئی اور بات ہوسکتی ہے۔ ذیشان صدیقی نے کہا کہ وہ لارنس بشنوئی گینگ سے خوفزدہ نہیں ہے. کیونکہ وہ ہمیشہ اپنے والد کے ساتھ ہی رہتے تھے لیکن پولیس کی تفتیش اور اس کے طریقہ کار پر ذیشان نے ناراضگی کا اظہار کیا ہے۔

ممبئی : ممبئی کے خلافت ہاؤس سے جشن عید میلاد النبی پر سڑکیں اس وقت نعرۂ تکبیر اللہ اکبر کے فلک شگاف نعرہ سے گونج اٹھی جب خلافت ہاؤس سے جلوس محمدی صلی اللہ علیہ وسلم شان و شوکت کے ساتھ نکالا گیا قائد جلوس نبیرہ اعلیحضرت توصیف رضا جلوہ افروز تھے ان کے ہمراہ وزیر رسدو خوراک چھگن بھجبل بھی تھے. اس سے قبل خلافت ہاؤس میں جلسہ سیرت پاک عید میلاد النبی صلی اللہ علیہ وسلم سے خطاب فرماتے ہوئے نبیرہ اعلیحضرت نے بھائی چارگی اور ہندو مسلم اتحاد کا درس دیا اور کہا کہ مسلمانوں نے عید میلاد النبی کا جلوس ۵ ستمبر کے بجائے ۸ ستمبر کو منعقد کیا کیونکہ مسلمان اقلیت میں ہے اور وہ چھوٹے بھائی ہیں اس لئے اکثریت کا بھی فرض ہے کہ وہ اپنے بھائی کا خیال رکھیں جب تک ہندو مسلمان متحد نہیں ہوگا یہ ملک ترقی نہیں کرے گا اور یہی اس ملک کی خوبصورتی ہے کہ یہاں گنگا جمنی تہذیب برقرار ہے. حضرت محمد مصطفی صلی اللہ علیہ وسلم کی تعلیمات بیان کرتے ہوئے مولانا توصیف رضا نے کہا کہ اسلام صرف ساڑھے چار سو سالہ یا ۱۵۰۰ سو سالہ نہیں ہے, بلکہ انتہائی قدیم ہے اور آپ صلی اللہ علیہ وسلم کی جشن ولادت ۱۵۰۰ سو سالہ نہیں ہے ہاں البتہ یہ ضرورت کہہ سکتے ہیں کہ رسول پاک صلی اللہ وسلیہ وسلم کی ہجرت کو ۱۵۰۰ سو سال ہو گئے ہیں انہوں نے مزید فرمایا کہ اعلیحضرت کا عقیدہ ہے, اسی لئے وہ کہتے ہیں کام وہ لے لیجئے تم کو جو راضی کرے ٹھیک ہو نام رضا تم پر کروڑوں درود ۔۔۔ دنیا کے سمجھدار، دانشور اور سیاسی سمجھ رکھنے والے کہتے ہیں کہ اسلام ۱۴۰۰ سو سال سے ہیں ۱۴۰۰ سوسالہ جشن رسول صلی اللہ علیہ وسلم نہیں ہو سکتا, یہ ہجرت رسول صلی اللہ علیہ وسلم ہو سکتا امسال ۱۵۰۰ سو سال کا عرصہ گزر چکا ہے. مسلمان ۱۵۰۰ سو سال سے نہیں اس وقت اسلام کی بنیاد پڑی جب اللہ نے اپنے نور سے نور محمد مصطفی صلی اللہ علیہ وسلم کو پیدا فرمایا, اللہ تعالیٰ نے نور محمدی کو اپنے قرب میں رکھا۔ عید میلاد النبی صلی اللہ علیہ وسلم کا میلاد اعلیٰحضرت نے نہیں کیا بلکہ یہ سنت الٰہی ہے میلاد النبی صلی اللہ علیہ وسلم کی بنیاد کو بریلی شریف سے وابستہ کر دیا جاتا ہے۔ فرقہ باطلہ جب باغیانہ رسول میلاد کو مٹانے کی سازش کر رہے تھے, جب اعلیحضرت نے دلائل پیش کر کے میلاد النبی صلی اللہ علیہ وسلم پیش سے متعلق دلائل پیش کی۔ آج خلافت ہاؤس سے ۱۰۷ واں جلوس عید میلاد النبی نکالا گیا ہے. اس ملک میں مسلمان اقلیت میں ہے اور اس لئے اکثریت کو ان کا خیال رکھنے کے ساتھ ان کے ساتھ ہمدردی اور اخلاص و فراخدلی سے پیش آنا چاہئے. مسلمان برادران وطن کے تہواروں میں شریک ہوتے ہیں انہیں بھی مسلمانوں کے تہوار اور ان کے ساتھ بہتر سلوک رواں رکھنا چاہئے تبھی یہ ملک ترقی کرے گا, اسی سے بھائی چارگی اور فرقہ وارانہ ہم آہنگی قائم ہو گی اور محبت پروان چڑھے گی۔

ریاستی وزیر رسد و خوراک چھگن بھجبل نے جلسہ سے خطاب کرتے ہوئے کہا کہ محمد مصطفی صلی اللہ علیہ وسلم نے انسانیت امن سلامتی اور محبت اتحاد مساوات کا درس دیا ہے. اسلام میں پیغمبر اسلام نے خدمت خلق کو اہمیت دی ہے اور دوسروں کا خیال رکھنے کا بھی درس دیا ہے, یہی وجہ ہے کہ اسلام میں امن پر سب سے زیادہ زور دیا گیا ہے۔ اس کے بعد چھگن بھجبل نے مولانا محمد علی اور شوکت علی کی جنگ آزادی اور خلافت تحریک کا تذکرہ کیا اور کہا کہ مولانا علی برادران نے اسی خلافت ہاؤس سے آزادی کا بگل بجایا تھا اور یہاں سے مہاتما گاندھی، جواہر لعل نہرو بھی ان کے ساتھ تھے۔ اس جلسہ سے خلافت کمیٹی کے چیئرمین سرفراز آرزو نے خلافت کمیٹی اور جلوس عید میلاد النبی صلی اللہ علیہ وسلم کی غرض و غایت پر روشنی ڈالی۔ اس جلسہ سے خطاب کرتے ہوئے سابق وزیر اور این سی پی لیڈر نواب ملک نے سیرت پاک صلی اللہ علیہ وسلم بیان کرتے ہوئے کہا کہ نبی پاک صلی اللہ علیہ وسلم نے تفریق اور عدم مساوات کا خاتمہ کیا اور دنیا کو امن و سلامتی کا درس دیا اس لئے اسلام امن کا مذہب ہے اور اس کے ماننے والے بھی امن پسند ہے۔ اس جلسہ میں سابق رکن اسمبلی وارث پٹھان، رکن اسمبلی امین پٹیل سمیت سیاسی و سماجی لیڈران اور علما کرام شریک تھے جبکہ نظامت کے فرائض مولانا محمود سر نے انجام دیا۔

ممبئی : ممبئی میرابھائیندر میں ڈرگس منشیات کے خلاف آپریشن میں پولس نے ریاست تلنگانہ سے ایک ڈرگس فیکٹری بے نقاب کر کے ١٢ ہزار کروڑ کی منشیات بھی ضبط کی ہے اور یہاں سے منشیات سازی کے اسباب بھی برآمد کیے ہیں۔ ممبئی میرا بھائندر پولس کمشنر نکیت کوشک نے پریس کانفرنس سے خطاب کرتے ہوئے کہا کہ ایک ماہ سے منشیات کے خلاف کریک ڈاؤن جاری تھا. پہلے یہاں ایک بنگلہ دیشی خاتون ڈرگس ڈیلر کو گرفتار کیا گیا اس کی شناخت فاطمہ مراد شیخ ۲۳ سالہ کے طور پرہوئی ہے. اس کے قبضے سے ۱۰۵ گرام ایم ڈی ضبط کی گئی, اسکے خلاف این ڈی پی ایس ایکٹ اور فارین ایکٹ کے تحت مقدمہ داخل کر کے گرفتار کیا گیا. اس سے تفتیش کی گئی تو معلوم ہو گیا کہ اس کے ہمراہ ڈرگس کے ریکیٹ میں مزید ۱۰ افراد ملوث ہے اور فیکٹری سے متعلق انکشاف ہوا اور فیکٹری پر چھاپہ مار کر منشیات ضبط کی گئی. خاتون سے متعلق تفتیش کی گئی تو اس کے بنگلہ دیشی ہونے کی تصدیق ہوئی ہے۔ اس معاملہ میں کل ١٢ ملزمان، تین کاریں، ایک موٹر سائیکل، ۵ کلو گرام ۹۳۶ گرام ایم ڈی ضبط کی گئی۔ اس کے علاوہ چار الیکٹرانک وزن کانٹا بھی ملا ہے, یہ کارروائی میرابھائیندر کمشنر نکیت کوشک کی ایما پر کی گئی اور پولس اس معاملہ میں تفتیش شروع کر دی ہے, ملزمین کے قبضے سے ٢٧ موبائل بھی ضبط کئے گئے ہیں۔