Connect with us
Monday,23-June-2025
تازہ خبریں

(جنرل (عام

زرعی اراضی و غیر زرعی مقاصد کے لئے تبدیل کرنے کی پالیسی ڈیمو گرافی تبدیل کرنے کی عکاس : محبوبہ مفتی

Published

on

Mehbooba Mufti

پی ڈی پی صدر اور سابق وزیر اعلیٰ محبوبہ مفتی کا کہنا ہے کہ جموں و کشمیر انتظامیہ کی زرعی اراضی کو غیر زرعی مقاصد کے لئے تبدیل کرنے کی نئی پالیسی ان کے یہاں کی ڈیمو گرامی کو تبدیل کرنے کے مذموم ارادوں کی عکاس ہے انہوں نے کہا کہ مقامی لوگوں کو سرکاری نوکریوں کے جائز حصے سے محروم رکھنے کے بعد ایسے ہنگامی فیصلے باہر کے لوگوں کو جموں و کشمیر میں زمین خریدنے کے لئے راستہ ہموار کر رہے ہیں۔

موصوفہ نے ان باتوں کا اظہار جمعے کے روز اپنے سلسلہ وار ٹویٹس میں کیا۔ بتادیں کہ لیفٹیننٹ گورنر منوج سنہا کی صدارت میں جموں میں منعقدہ انتظامی کونسل کی ایک میٹنگ میں بورڈ آف ریونیو کے ذریعے زرعی اراضی کو غیر زرعی مقاصد کے لئے تبدیل کرنے کے وضع کردہ ضوابط کو منظوری دی گئی ہے۔

ان نئے ضوابط کے تحت ضلع مجسٹریٹ کو اختیار دیا گیا ہے کہ وہ زمین کے استعمال میں زرعی سے غیر زرعی مقاصد میں تبدیلی کی اجازت اس طریقہ کار کے مطابق دے جس کو بورڈ آف ریونیو کے ذریعہ مطلع کیا جائے۔

محبوبہ مفتی نے اس فیصلے کے رد عمل میں اپنے ایک ٹویٹ میں کہا: ’جموں وکشمیر انتظامیہ کی زرعی اراضی کو غیر زرعی مقاصد کے لئے تبدیل کرنے کی نئی پالیسی سے ان کی یہاں کی ڈیموگرافی کو تبدیل کرنے کے مذموم ارادے صاف ظاہر ہوتے ہیں۔‘

ان کا ٹویٹ میں مزید کہنا تھا: ’ترقی کا ایجنڈا ایک فریب ہے جو تازہ ترین ضابطہ ہے اس کے لئے پندرہ سالہ ڈومیسائل سرٹیفکیٹ کی بھی ضرورت نہیں ہے۔‘

موصوفہ نے اپنے دوسرے ٹویٹ میں کہا: ’مقامی لوگوں کو سرکاری نوکریوں کے اپنے جائز حصے سے محروم کرنے کے بعد ایسے اچانک لیے جانے والے فیصلے باہر کے لوگوں کو جموں وکشمیر میں زمین خریدنے کے لئے راستہ ہموار کریں گے۔‘ ان کا مزید کہنا تھا کہ ایسے فیصلے مقامی لوگوں کو مزید بے اختیار کرنے کے لئے لئے جا رہے ہیں۔

سیاست

کسانوں کی قرض معافی پر مانسون اجلاس ہنگامہ خیز ہونے کا امکان

Published

on

Lok-Sabha

ممبئی : ریاست میں کاشتکاروں کے قرضی معافی کو لے کر مہایوتی اور اپوزیشن میں رسہ کشی جاری ہے۔ اکتوبر۔ نومبر میں مقامی بلدیاتی انتخابات کا امکان ہے, انتخاب کے پس منظر میں سرکار قرضی معافی کو یقینی بنانے کیلئے کوشاں ہے, جبکہ شندے سینا، اجیت پوار اور بی جے پی اس پر سبقت لیجانے کی کوشش میں مشغول ہے۔ اسمبلی میں قرض معافی کے سوال پر 288 میں سے 200 اراکین نے قرض معافی پر سوالات پوچھے ہیں۔ ریاستی مانسون اجلاس ضمنی مالیاتی بجٹ بھی پیش کیا جائے گا, قرض معافی کے معاملہ میں اسمبلی اجلاس ہنگامہ خیز ہونے کا امکان ہے۔ کاشتکاروں کی قرض معافی پر سابق وزیر بچو کڑو نے بھوک ہڑتال بھی شروع کر رکھی ۔ہے سرکار کی یقین دہانی کے بعد انہوں نے بھوک ہڑتال ملتوی کر دی, بچو کڑو نے کہا ہے کہ ریاستی سرکار کی تجوری خالی ہے, ایک طرف لاڈلی بہن کو فنڈ میسر ہے تو دیگر محکمہ کے پاس فنڈ نہیں ہے, جس کے سبب متعدد ترقیاتی کام التواء کا شکار ہے۔ ریاستی مانسون اجلاس کا 30 سے آغاز ہوگا۔ ریاستی سرکار کو اسمبلی میں گھیرنے کیلئے اپوزیشن نے تیار کر رکھی ہے, کسانوں کی قرض معافی کا مسئلہ اس میں سب سے اہم ہے۔ قرض معافی کے معاملہ میں 288 اراکین میں سے 36 کابینی درجہ کے وز یر اور 6 ریاستی مملکت سمیت 66 اراکین کو چھوڑ کر بقیہ 244 اراکین میں سے 200 اراکین کسانوں کے مسئلہ پر سوال پوچھے ہیں اور اس پر توجہ طلب نوٹس بھی پیش کی ہے, اس پر ایوان میں بحث و مباحثہ ہوگا۔ ریاستی وزیر اعلی دیویندر فڑنویس نے کاشتکاروں کے قرض معافی پر مناسب فیصلہ لینے کا اعلان کیا

Continue Reading

جرم

10 سالہ لڑکی کے ساتھ غیر اخلاقی فعل، سکرو ڈرائیور سے زیادتی؛ ویڈیو ریکارڈنگ کے ساتھ ملزم لڑکی کی ماں کا عاشق اور اس کی گرل فرینڈ گرفتار

Published

on

Rape-&-Beating

ممبئی، 23 جون 2025 — ممبئی میں ایک دردناک واقعہ میں، ایک 10 سالہ لڑکی کے ساتھ سکرو ڈرائیور کے ذریعے جسمانی استحصال کیا گیا اور اس فعل کی ویڈیو بھی ریکارڈ کی گئی۔ اس سنگین جرم کا علم ہونے کے بعد، پولیس نے بتایا کہ واقعہ کے ملزم لڑکی کی ماں کے عاشق اور اس کی گرل فرینڈ کو گرفتار کر لیا گیا ہے۔ دونوں کے خلاف پوکسو قانون کے تحت مقدمہ درج کیا گیا ہے۔

پولیس کے مطابق، یہ معاملہ اس وقت سامنے آیا جب متاثرہ خاندان نے واقعہ کی نشاندہی کی۔ پولیس نے فوری کارروائی کرتے ہوئے رہائشی علاقے میں چھاپہ مارا اور دونوں ملزمان کو گرفتار کیا۔ ویڈیوز کی تصدیق ہو چکی ہے اور انہیں فورنزک جانچ کے لیے بھیج دیا گیا ہے۔ اس معاملہ کے تحت پولیس نے آئی پی سی اور پوکسو قانون کی متعلقہ دفعات کے تحت مقدمہ درج کیا ہے۔ تحقیقات جاری ہیں، اور پولیس کے اہلکاروں کا کہنا ہے کہ ملزم کے خلاف سخت کارروائی کی جائے گی۔

یہ ہولناک واقعہ مہاراشٹرا اور پورے بھارت میں بچوں کے تحفظ کے لیے بیداری اور حفاظت کی ضرورت کو ظاہر کرتا ہے۔ بچوں کے حقوق کے تنظیموں نے کہا ہے کہ انہیں زیادہ چوکنا رہنا چاہیے اور فوری رپورٹنگ کی اہمیت کو سمجھنا چاہیے۔ پولیس نے عوام سے اپیل کی ہے کہ وہ مشتبہ سرگرمیوں کی اطلاع فوراً دیں, تاکہ اس طرح کے واقعات کو روکا جا سکے۔ ممبئی پریس اس حوالے سے مستقل اپ ڈیٹ فراہم کرتا رہے گا اور بچوں کے تحفظ کے لیے مہم جاری رکھے گا۔

Continue Reading

سیاست

واری پالکھی پر ابوعاصم اعظمی کا متنازع بیان… ‎اچاریہ تشار بھونسلے کی پاکستان بھیجنے کی دھمکی

Published

on

Tushar-&-Azmi

‎ممبئی : ممبئی, مہاراشٹر سماجوادی پارٹی لیڈر ور کن اسمبلی ابوعاصم اعظمی نے واری پالکھی سے متعلق متنازع بیان جاری کیا تھا, جس پر اب بی جے پی لیڈر اچاریہ تشار بھونسلے نے ابوعاصم اعظمی کو پاکستان بھیجنے کی دھمکی دی ہے اور کہا ہے کہ واری پالکھی سے مہاراشٹر کے عوام کو عقیدت ہے, لیکن ابوعاصم اعظمی نے اس متعلق بیان بازی کی ہے, اس لئے ابوعاصم اعظمی کی یہاں جگہ نہیں ہے انہیں پاکستان بھیج دینا چاہئے۔

‎رکن اسمبلی اور مہاراشٹر سماجوادی پارٹی لیڈر ابوعاصم اعظمی نے ایک پریس کانفرنس میں کہا تھا کہ صرف نماز سے ہی اعتراض ہے یوپی میں اگر نماز سڑک پر کوئی ادا کرتا ہے تو اس کا پاسپورٹ تک منسوخ کرنے کی دھمکی دی جاتی ہے, لیکن دیگر مذہب کے تہوار راستہ پر منائے جاتے ہیں۔ مسلمان کو اس سے کوئی اعتراض نہیں ہے اور نہ ہی مسلمانوں نے کبھی اس کی مخالفت کی ہے, لیکن المیہ یہ ہے کہ مسلمانوں کی پر زور مخالفت کی جارہی ہے, اور نفرت پیدا کرنے کی کوشش عام ہے۔ اعظمی نے کہا کہ ابھی مجھے کسی نہ بتایا کہ یہاں واری کی پالکھی گزرنے والی ہے, جس سے ٹریفک جام ہوگا اس لئے مجھے جلدی جانا ہوگا کیا نماز کے علاوہ دیگر مذہب کے پروگرام سڑکوں پر نہیں منائے جاتے۔ یہ سوال ابوعاصم اعظمی نے کیا تھا جس پر اب تنازع کھڑا ہوگیا ہے اور ہندو تنظیمیں چراغ پا ہے۔

‎اس بیان پر مہاراشٹر کے وزیر اعلی دیویندر فڑنویس نے تبصرہ کرنے سے انکار کرتے ہوئے کہا تھا کہ ابوعاصم اعظمی کو متنازع بیان جاری کرنے کی عادت ہے, وہ اس سے سستی شہرت حاصل کرنا چاہتے ہیں, اس لئے میں اس فضول بیان پر کوئی تبصرہ نہیں کرنا چاہتا۔ ابوعاصم اعظمی کے بیان پر تشار بھونسلے نے سخت ردعمل کا اظہار کرتے ہوئے اعظمی کو کمر پشت پر لات مار کر پاکستان بھیجنے کی دھمکی دی ہے۔

Continue Reading
Advertisement

رجحان

WP2Social Auto Publish Powered By : XYZScripts.com