ممبئی، 23 جون 2025 — ممبئی میں ایک دردناک واقعہ میں، ایک 10 سالہ لڑکی کے ساتھ سکرو ڈرائیور کے ذریعے جسمانی استحصال کیا گیا اور اس فعل کی ویڈیو بھی ریکارڈ کی گئی۔ اس سنگین جرم کا علم ہونے کے بعد، پولیس نے بتایا کہ واقعہ کے ملزم لڑکی کی ماں کے عاشق اور اس کی گرل فرینڈ کو گرفتار کر لیا گیا ہے۔ دونوں کے خلاف پوکسو قانون کے تحت مقدمہ درج کیا گیا ہے۔

پولیس کے مطابق، یہ معاملہ اس وقت سامنے آیا جب متاثرہ خاندان نے واقعہ کی نشاندہی کی۔ پولیس نے فوری کارروائی کرتے ہوئے رہائشی علاقے میں چھاپہ مارا اور دونوں ملزمان کو گرفتار کیا۔ ویڈیوز کی تصدیق ہو چکی ہے اور انہیں فورنزک جانچ کے لیے بھیج دیا گیا ہے۔ اس معاملہ کے تحت پولیس نے آئی پی سی اور پوکسو قانون کی متعلقہ دفعات کے تحت مقدمہ درج کیا ہے۔ تحقیقات جاری ہیں، اور پولیس کے اہلکاروں کا کہنا ہے کہ ملزم کے خلاف سخت کارروائی کی جائے گی۔

یہ ہولناک واقعہ مہاراشٹرا اور پورے بھارت میں بچوں کے تحفظ کے لیے بیداری اور حفاظت کی ضرورت کو ظاہر کرتا ہے۔ بچوں کے حقوق کے تنظیموں نے کہا ہے کہ انہیں زیادہ چوکنا رہنا چاہیے اور فوری رپورٹنگ کی اہمیت کو سمجھنا چاہیے۔ پولیس نے عوام سے اپیل کی ہے کہ وہ مشتبہ سرگرمیوں کی اطلاع فوراً دیں, تاکہ اس طرح کے واقعات کو روکا جا سکے۔ ممبئی پریس اس حوالے سے مستقل اپ ڈیٹ فراہم کرتا رہے گا اور بچوں کے تحفظ کے لیے مہم جاری رکھے گا۔

‎ممبئی : ممبئی, مہاراشٹر سماجوادی پارٹی لیڈر ور کن اسمبلی ابوعاصم اعظمی نے واری پالکھی سے متعلق متنازع بیان جاری کیا تھا, جس پر اب بی جے پی لیڈر اچاریہ تشار بھونسلے نے ابوعاصم اعظمی کو پاکستان بھیجنے کی دھمکی دی ہے اور کہا ہے کہ واری پالکھی سے مہاراشٹر کے عوام کو عقیدت ہے, لیکن ابوعاصم اعظمی نے اس متعلق بیان بازی کی ہے, اس لئے ابوعاصم اعظمی کی یہاں جگہ نہیں ہے انہیں پاکستان بھیج دینا چاہئے۔

‎رکن اسمبلی اور مہاراشٹر سماجوادی پارٹی لیڈر ابوعاصم اعظمی نے ایک پریس کانفرنس میں کہا تھا کہ صرف نماز سے ہی اعتراض ہے یوپی میں اگر نماز سڑک پر کوئی ادا کرتا ہے تو اس کا پاسپورٹ تک منسوخ کرنے کی دھمکی دی جاتی ہے, لیکن دیگر مذہب کے تہوار راستہ پر منائے جاتے ہیں۔ مسلمان کو اس سے کوئی اعتراض نہیں ہے اور نہ ہی مسلمانوں نے کبھی اس کی مخالفت کی ہے, لیکن المیہ یہ ہے کہ مسلمانوں کی پر زور مخالفت کی جارہی ہے, اور نفرت پیدا کرنے کی کوشش عام ہے۔ اعظمی نے کہا کہ ابھی مجھے کسی نہ بتایا کہ یہاں واری کی پالکھی گزرنے والی ہے, جس سے ٹریفک جام ہوگا اس لئے مجھے جلدی جانا ہوگا کیا نماز کے علاوہ دیگر مذہب کے پروگرام سڑکوں پر نہیں منائے جاتے۔ یہ سوال ابوعاصم اعظمی نے کیا تھا جس پر اب تنازع کھڑا ہوگیا ہے اور ہندو تنظیمیں چراغ پا ہے۔

‎اس بیان پر مہاراشٹر کے وزیر اعلی دیویندر فڑنویس نے تبصرہ کرنے سے انکار کرتے ہوئے کہا تھا کہ ابوعاصم اعظمی کو متنازع بیان جاری کرنے کی عادت ہے, وہ اس سے سستی شہرت حاصل کرنا چاہتے ہیں, اس لئے میں اس فضول بیان پر کوئی تبصرہ نہیں کرنا چاہتا۔ ابوعاصم اعظمی کے بیان پر تشار بھونسلے نے سخت ردعمل کا اظہار کرتے ہوئے اعظمی کو کمر پشت پر لات مار کر پاکستان بھیجنے کی دھمکی دی ہے۔

نئی دہلی : وزارت خارجہ (ایم ای اے) نے ہفتے کے روز کہا کہ آپریشن سندھو کے تحت اب تک 500 سے زیادہ ہندوستانی شہری ایران سے وطن واپس پہنچ چکے ہیں۔ وزارت خارجہ نے ‘ایکس’ پر ایک پوسٹ میں انخلاء آپریشن کی صورتحال کے بارے میں معلومات شیئر کیں۔ ایک اور پوسٹ میں انہوں نے ترکمانستان سے آنے والے انخلاء کے طیارے کے بارے میں معلومات شیئر کیں۔ آپ کو بتاتے چلیں کہ ہندوستانی شہری جن میں طلباء بھی شامل ہیں، جنہیں اسرائیل کے ساتھ فوجی تصادم میں شدت آنے کے بعد ایران سے نکالا گیا تھا، جمعہ کی رات دیر گئے اور ہفتہ کی صبح دہلی پہنچ گئے۔ بھارت نے بدھ کو ایران سے اپنے شہریوں کو نکالنے کے لیے آپریشن سندھو شروع کرنے کا اعلان کیا۔

وزارت خارجہ کے ترجمان رندھیر جیسوال نے ‘ایکس’ پر لکھا کہ ایک طیارہ آپریشن سندھو کے تحت ہندوستانی شہریوں کو واپس لایا ہے۔ ہندوستان نے 290 ہندوستانی شہریوں کو بشمول طلباء اور زائرین کو ایک خصوصی طیارے کے ذریعے ایران سے نکالا۔ یہ طیارہ 20 جون کو رات 11.30 بجے نئی دہلی پہنچا اور واپس آنے والوں کا سکریٹری (سی پی وی اور او آئی اے) ارون چٹرجی نے استقبال کیا۔ ایک اور پوسٹ میں انہوں نے ترکمانستان سے آنے والے انخلاء کے طیارے کے بارے میں معلومات شیئر کیں۔ انہوں نے کہا کہ آپریشن سندھو جاری ہے۔ ایران سے ہندوستانیوں کو لے جانے والی خصوصی پرواز کل رات 3 بجے ترکمانستان کے اشک آباد سے نئی دہلی پہنچی۔ اس کے ساتھ آپریشن سندھو کے تحت اب تک 517 ہندوستانی شہری ایران سے وطن واپس پہنچ چکے ہیں۔