ممبئی : جموں و کشمیر کے پہلگام دہشت گردانہ حملے میں مذہب کی بنیاد پر سیاحوں کو نشانہ بنائے جانے کے بعد ملک بھر میں غصہ ہے۔ شیوسینا کے رہنما سنجے نروپم نے مرکزی حکومت سے مطالبہ کیا ہے کہ پہلگام میں نہتے لوگوں پر گولیاں چلانے والے دہشت گردوں کو پاکستان میں ان کے گھروں میں ہی مار دیا جائے۔ ایکناتھ شندے کی قیادت والی شیو سینا کے رہنما سنجے نروپم نے پہلگام واقعے کے خلاف احتجاج کے لیے ممبئی میں پاکستانی پرچم جلایا۔

سنجے نروپم نے شیو سینا کے کارکنوں کے ساتھ مل کر ممبئی کے ملاڈ میں پہلگام دہشت گردانہ حملے کے خلاف احتجاج کے لیے پاکستانی پرچم جلایا۔ شیو سینا کے رہنما نے کہا کہ ہندوستان کے بے گناہ لوگوں کو ان کا مذہب پوچھنے پر مارا گیا۔ نروپم نے کہا کہ یہ دہشت گردی کا بدصورت چہرہ ہے۔ انہوں نے کہا کہ پاکستان سے آنے والے دہشت گردوں کو گھروں میں گھس کر مارا جائے۔ نروپم نے کہا کہ یہ ہمارا مطالبہ ہے۔ پہلگام حملے پر نروپم نے بحریہ کے افسر ونے نروال کی اہلیہ ہمانشی کی تصویر سوشل میڈیا پر شیئر کی اور لکھا کہ یہ تصویر دل دہلا دینے والی ہے۔ نوبیاہتا جوڑا سہاگ رات کے لیے کشمیر گیا تھا۔ دہشت گردوں نے شوہر کا نام پوچھا اور جب انہیں پتہ چلا کہ وہ ہندو ہے تو اسے قتل کر دیا۔

نروپم نے ایکس پر پہلگام حملے کی بھی مذمت کی۔انھوں نے لکھا کہ دہشت گردوں نے معصوم سیاحوں کے نام پوچھ کر جس طرح تباہی مچا رکھی ہے اس سے پورا ملک ناراض ہے۔ انہیں چن چن کر مار دیا جائے۔ اسے پاکستان میں داخل ہو کر مار دیا جائے۔ آرٹیکل 370 ہٹائے جانے کے بعد کشمیر میں جس طرح سے حالات معمول پر آرہے ہیں، پڑوسی ممالک اور آئی ایس آئی اور پاکستانی فوج کے زیر پرورش دہشت گرد گروپ اسے طویل عرصے سے پریشان کررہے تھے۔ ہمارا عزم دہشت گردی کا مکمل خاتمہ ہے۔ آج کے حملے نے ہمارے عزم کو مزید مضبوط کیا ہے۔

ممبئی : پہلگام دہشت گردانہ حملوں کے بعد ممبئی بھی ہائی الرٹ پر ہے۔ ممبئی شہر میں خصوصی حفاظتی انتظامات کے ساتھ اہم مقامات و تنصیبات اور مذہبی مقامات پر سیکورٹی سخت کر دی گئی ہے۔ تمام زونل ڈی سی پی اور سنیئر پولیس انسپکٹروں کو الرٹ رہنے کے احکامات بھی جاری کئے گئے ہیں۔ ساتھ ہی گشتی دستوں کے گشت کو بھی بڑھا دیا گیا ہے, ممبئی شہر میں نظم ونسق کی برقراری کیلئے ممبئی پولیس پوری طرح سے مستعد اور الرٹ ہے۔ شرپسندوں پر بھی نظر رکھی جارہی ہے, اس کے علاوہ تمام اعلی افسران کو بھی الرٹ رہنے اور اپنے حلقوں پر نگرانی رکھنے کا حکم ممبئی پولیس کمشنر نے دیا ہے۔

پہلگام دہشت گردانہ حملوں کی مسلمانوں نے بھی مذمت کی ہے, اس کے ساتھ ہی اس بزدلانہ حملہ کو انٹلیجنس کی ناکامی بھی قرار دی جارہی ہے۔ کیونکہ جس وقت یہ حملہ دہشت گردوں نے انجام دیا وہاں کوئی سیکورٹی فورس یا اہلکار موجود نہیں تھا۔ 370 حذف کے بعد یہ پہلگام میں سب سے بڑا دہشت گردانہ حملہ ہے, اس لئے ممبئی پولیس بھی پہلگام حملہ کے بعد الرٹ پر ہے۔ اس کے علاوہ مہاراشٹر بھر میں بھی الرٹ جاری کیا گیا ہے, ضلع سطح پر پولیس حالات کا جائزہ لے رہی ہے۔

ممبئی پولیس کے ساتھ مہاراشٹر پولیس نے بھی اس حملہ کے بعد سوشل میڈیا پر نگرانی رکھنی شروع کردی ہے۔ حملہ کو لے کر متنازع پوسٹ بھی عام کئے جارہے ہیں, اور اس حملہ پر سوشل میڈیا میں ایک طبقہ کو نشانہ بنانے کی کوشش بھی شروع ہوگئی ہے, اور نفرتی ماحول تیار کرنے کا سلسلہ دراز ہوگیا ہے۔ ممبئی شہر میں بھی سوشل میڈیا پر نگرانی رکھی جارہی ہے, اس کے ساتھ ہی سوشل میڈیا ایسے متنازع پوسٹ پر کارروائی بھی کر رہی ہے۔ پہلگام میں جس طرح سے دہشت گردوں نے ایک مخصوص طبقہ کو نشانہ بنایا, بلکہ ان کا دھرم پوچھ کر انہیں قتل کیا, اسی تناظر میں سوشل میڈیا پر نفرتی ماحول تیار کرنے کی کوشش عام ہوگئی ہے۔ فرقہ پرست عناصر اس حملہ کو مخصوص طبقہ اور مذہب اسلام سے جوڑنے کی کوشش کر رہے ہیں, اس متعلق فرقہ پرستوں پر ممبئی پولیس اور ایجنسیاں بھی نظر رکھ رہی ہے۔

ممبئی : مہاراشٹر ممبئی کی مسجدوں سے لاؤڈاسپیکر اتارے جائیں گے۔ مذہب کے نام پر دہشت پیدا کر کے مافیا اور ڈان بلا اجازت لاؤڈاسپیکر کا استعمال کرتے, لیکن اب یہ تمام لاؤڈاسپیکر اب اتارے جائیں گے۔ یہ دعوی ممبئی گھاٹکوپر میں پولیس اسٹیشن کے دورہ کے بعد بی جے پی لیڈر کریٹ سومیا نے شرانگیزی کا مظاہرہ کیا ہے۔ کریٹ سومیا نے کہا ہے کہ اب پولیس لاؤڈاسپیکر کو اجازت نامہ فراہم نہیں کر رہی ہے, بلکہ صرف باکس ساخت کے اسپیکر کو ہی اجازت دی جارہی ہے, اس لئے اب میناروں سے لاؤڈاسپیکر کا استعمال پر پابندی ہوگی۔ گھاٹکوپر پولیس نے لاؤڈاسپیکر کو لے کر اصول وضوابط طے کئے ہیں اور ایسے میں مہاراشٹر اور ممبئی کی مسجدوں سے لاؤڈاسپیکر ہٹائے جائیں گے۔

کریٹ سومیا نے ممبئی میں لاؤڈاسپیکر کو لے کر تنازع پیدا کر دیا ہے, جس کے بعد اب ممبئی شہر کے حالات کشیدہ ہوگئے ہیں۔ اس سوال پر کہ سپریم کورٹ نے لاؤڈاسپیکر اور دیگر آلات کے استعمال کی اجازت دی ہے اور صبح 6 بجے سے رات 10 بجے تک لاؤڈاسپیکر کی اجازت دی گئی ہے, اس پر کریٹ سومیا نے کہا ہے کہ ہائیکورٹ نے جو لاؤڈاسپیکر کے تناظر میں حکم دیا ہے, ریاستی سرکار اس پر عمل کرے گی۔ کریٹ سومیا کے مسلسل ممبئی شہر میں لاؤڈاسپیکر کے تنازع پر دورہ سے ممبئی کا ماحول خراب ہونے کا اندیشہ ہے۔ اس لئے بھانڈوپ پولیس نے کریٹ سومیا کو 168 کے تحت نوٹس بھی ارسال کیا تھا, اس کے باوجود کریٹ نے دورہ کر کے لاؤڈاسپیکر پر کارروائی کا مطالبہ کیا ہے۔ کریٹ سومیا نے کہا ہے کہ جلد ہی ممبئی اور مہاراشٹر کی تمام مسجدوں سے لاؤڈاسپیکر اتارے جائیں گے, کیونکہ لاؤڈاسپیکر کا اجازت پولیس فراہم نہیں کرتی ہے۔